Facebook
Twitter
Google+
YouTube
Blog
RSS Feed
වෙසෙස් බූන්දි
ඕමාර් ඛය්යාම්ගෙන් බණක්‌
බූන්දි, 08:48:32
අප, ප්‍රංශයේ කර්මලිං නම් කඳුකර භාවනා මධ්‍යස්‌ථානයේ බවුන් වඩමින් සිටින කාලයේ එම අරමේ පොත්ගුලේ තිබුණු ඕමාර් ඛය්යාම් නම් ඉතා වැරදි ආකාරයෙන් සිංහල පාඨකයන් වෙත හඳුන්වා දෙන ලද, දොළොස්‌ වන සියවසේ ජීවත් වූ පර්සියානු කිවිඳුන්ගේ රුබය්යාත් කෘතියෙහි ප්‍රංශ පරිවර්තනයක්‌ අපගේ ඇස ගැටුණි. (Les Quatrains du Sage Omar Khayyam de Nishapour et de ses epigones නම් වූ එය ප්‍රංශ රජයේ මුද්‍රණාලය විසින් පළකරන ලද ඉතා වගකීමකින් යුතුව පර්සියානු බසින් ප්‍රංශ බසට පෙරළන ලද්දකි.)

අප විසින් විටින් විට මීට කලින් ද පෙන්නා දී ඇති පරිදි, මෙම ශ්‍රේෂ්ඨ කවියා බුදුන් වහන්සේගේ ඉගැන්වීම් වල ආභාසය ලබා ඇති බව ඉතා පැහැදිලිය. බෞද්ධ භාවනාව යනු මූලික වශයෙන් ම මෙම මොහොතේ, මේ දැන්, මෙතැන ජීවත් වීමයි.

වරක්‌ බ්‍රාහ්මණයෙක්‌ බුදුන් වහන්සේගෙන් මෙසේ විමසීය. "ඔබ වහන්සේගේ ගෝල පිරිස වළඳන්නේ එක වේලකි, එහෙත් උන්වහන්සේලා සිනාමුසු මුහුණින් සතුටින් ඉතා ප්‍රිය උපදවන ආකාරයෙන් ජීවත් වෙති. එසේ වන්නේ මක්‌නිසාද?"

එවිට උන්වහන්සේ දුන් පිළිතුර මෙසේ විය. "මගේ ගෝල පිරිස අතීතය ගැන නොතැවෙති, අනාගතයේ සැලසුම් නොසදති, මෙම එළැඹී මොහොතේ සතුටින් ජීවත් වෙති."

සැබවින්ම ඉසිවරයකු වන ඛය්යාම්තුමා අපට කියන්නේ ද එම කාරණයමයි. එනම් බුදුන්වහන්සේ අපට ඉගැන්වූ පරිදි, මෙම ක්ෂණය තුළ දිවි ගෙවන ලෙසයි. මධු පානය ගැන මෙම කවි වල නිතර සඳහන් වෙයි. මධුව යනු ඉස්‌ලාම් සුෆි දහමේ සත්‍යාවබෝධයේ සංකේතයයි. එපමණක්‌ නොව මෙහි නිතර අනිත්‍යය ධර්මය අවධාරණය වනු ද දැකිය හැකිය.

ම හද! පිබිදෙන්, අපි වෙණ වයමු
බොමු, හොඳ නම පලුදු කර ගමු
යදින පත්කඩ දෙමින් මීවිත් ගමු
කිත් පළිඟුව ගලක ගසා බිඳ ගමු


ඉහත සිවුපදය කෙරෙහි ඔබගේ අවධානය යොමුකර වන්නට කැමැත්තෙමි. හද අවදි කරන කවියා හොඳනම පලුදු කරමින් බොන්ට ඇරයුම් කරයි. යාච්ඥාවට තිබෙන පත්කඩය පවා හුවමාරු කර ගනිමින් මධු බොන්නැයි කියයි. අවබෝධයෙන් තොර බොරු ඇදහිලි පැත්තකින් දමන්නැයි, ඔහු සමාජයට කියන ගමන් මධු බොන්නට උනන්දු කරවමින් කවියා (සුෆි දහමේ සත්‍යාවබෝධයේ සංකේතය මධුය) සත්‍යාවබෝධය ලබාගන්නට පාඨකයා උනන්දු කරවයි. ඒ සඳහා මමය, මාගේය යන මානය, කීර්තිය බිඳ දමන්නැයි අප අණවයි. ඒ සියල්ල සඳහා හදවත වාදනය කළ යුතු බව ද හෙතෙම පළමු කවි පදයෙන් කියාදෙයි. මානය බිංදුවට අඩු කරන තුරු සත්‍යාවබෝධය ලබන්නට නොහැකි බව බෞද්ධ අපි හොඳින් දනිමු. රුබය්යාත් කාව්‍යය අපට බොන්නට, ඉඳුරන් පිනවන්නට උගන්වන, එපමණ සරල කවි පොතක්‌ නම් මිනිස්‌ ඉතිහාසයේ මෙපමණ සම්භාවනාවට පාත්‍ර වෙමින් මෙපමණ කලක්‌ මෙය පවතින්නට ඉඩක්‌ නැතැයි මහැදුරු සරච්චන්ද්‍රයෝ කියති.


ඛය්යාම්- උඩුකය පිළිමය (ඉරානය)

රුබායි හෙවත් සිවුපද කව් 637 කින් හෙබි මෙම මනහර කාව්‍යය ළඟදී සිංහල බසින් ඔබට පිළිගන්වන්නට අපි බලාපොරොත්තුවෙන් සිටිමු. පහත පළවන්නේ එම මහඟු කෘතියෙන් උපුටාගත් කවි කීපයකි. අප මෙය පරිවර්තනය කරමින්, මෙම මොහොත ආශ්වාදනය කරමින් විඳගන්නා සතුටින් බිඳක්‌ ඔබ සමග බෙදාහදා ගනු පිණිස මෙය ලියා එවමි. මෙය ඔබ වෙත ලියන්නට මට විවේකය ලැබුණේ ඉතාලියේ ජෙනෝවා බෞද්ධ විහාරයේ අධිපති මහඋස්‌වැව ඤාණතිලක හිමියන්ගේ ඇරයුමින් භාවනා වැඩසටහනක්‌ මෙහෙයවීම සඳහා මෙහි පැමිණුන විටදීය.

දිය කඳුරක සිලිල, කතරක සුළඟ සෙයින්
ගෙවුණා තව එක්‌ දවසක්‌ මගෙ වියෙන්
නොතැවෙමි මම දෙ නක්‌ වෙනුවෙන්
තවම නො ආ දිනය, ගෙවිලා ගිය දිනය

හෙට එළිවන බව නියත කරන්නට බැරි බැවින්
දුකම බුදින හද, සැණයකට සතුටෙහි තබන්
ආ මගෙ හද! හඳ පානට එන්, මී බිඳක්‌ බොන්
අප ඇතත් නැතත් සඳ සදා බබළන බැවින්

දනින්, නුඹ වියෙන් නුඹ වෙන් කෙරේ
තරණය කර යයි නුඹ ශුන්‍යයේ තිරේ
තුස්‌ වන්, නොදනී නුඹ කොහි සිට ආවේ
බොන් මෙම මී, නොදනී නුඹ කොහි යාවී

හුදකලා මිනිසකු දිටිමි වලව්වක අසලින්
පිළිකුලින් මැටි මඩිමින් සිටින දෙපයින්
මැටි මෙසේ කියනු පෙනුණි ඔහු අමතමින්
නවතන්! නුඹ ද මැඩෙන්නේය මා සෙයින්

කුඹල්හල ඉදිරිපසින් මම නැවතුනෙමි
කුඹල්කරු කුඹල් සක කරකවනු දිටිමි
සිටියා ඔහු බඳුන්වල අත්, කර සදමින්
නිරිඳුන, හිඟනුන ඔළුගෙඩි, අත් වලින්!

පෙර සැඳෑවක කුඹල්හල තුළට වනිමි
අඬන, නිහඬ බඳුන් දෙදහසක්‌ ම දුටිමි
එක්‌ වරම, බඳුනක්‌ හඬ නගනු ඇසීමි
"කෝ නුඹලා, බක්‌කිය, මිලට ගන්නා?"

ගෙවුණු දිනය ගැන නැවත නො සිතන්
තවම නා හෙට ගැන කලබල නොවන්
අතීතය තුළ අනාව තුළ ය නොවන්
වත්මනේ තිත්වන්, දිවිය නො වනසන්·

බැතිය වංකකමේ සඟවන ඔවුන
නාම-රූප වෙනසක්‌ ගැන දොඩන
මේ දැන් ම ගමි මී බඳුන හිසින
සැවුළුන මෙන ගෙළ සිඳුවද සැතින!

මිහිකත හා සසර මැවුම් කරුවාණ
විඩා හදට කොපමණ දුක්‌ දී ඇද්ද!
රතදර, සිසිවන වුවන කොපමණ
මිහිලිය කුසේ සඟවන්නට ඇද්ද!

මෙම කෙණ්‌ඩිය සොඳුරියක මුහුල ගත්
පෙම්වතෙකි මා සේ ම තැවුල් පත්
අඩුව මෙම කෙණ්‌ඩි ගෙළේ බැඳි
අතක්‌ විය සොඳුරියක ගෙළ වැලඳි

අප හිස්‌කබල් නිමැවූ කුඹල් තෙම
විසාරදය හිස්‌ කබල් කලාවේ තම
ඒවා මුණින් නමා භවපත් ඉරුව මත
පුරවාලයි හේ දොම්නස මුව විටට ම

සොම්නස්‌ මං පෙතේ යන ප්‍රඥ තොමෝ
දිනට සියක්‌ වර සිහිකර දෙන්නීය නුඹට
එළැඹී සැණයෙන් පල නෙලන්! මන්ද?
සම වෙයි නුඹ සිඳී උපදින තණ පතට!

ඊයේ දුර ගියෙන්,නැවත නො කැඳවන්!
නොපැමිණි හෙටක්‌ ගැන නො හඬන්!
අතීතය, අනාගතය තුළ නො නැවතෙන්!
මෙ සැණය විඳින්, නෙලන් පල දිවියෙන්!

මීරිය සමගින් ගත කළ ද නුඹ මුලු වියම
අත නොහැර නුඹ ලොව හැම සුව වින්දද
නුඹෙ දිවිය ඉම දකියි මරණ යෙන
දිවිය එම සිහිනයක්‌ පමණි අවසන

නිහඬවන්! සිටින නිසා සහසික අහසට යටින්!
නපුරු පිරි ලොවක සිටින හෙයින් මී බොන්!
මැටියෙන් මැවී නැවත ඊට ම යන බැවින්!
දැනටම නුඹ මිහිපිට නොව මිහියටැයි සිතන්!

වහළ මතින් නිඳු උදා මන්ද හෙළීය
දවස්‌ නිරිඳු තම මධු බඳුන පිරවීය
දවස්‌ දූත තෙම අරුණෙන් ම ඇමතීය
"මධුව වලඳින්", "මධුව පානය කරන්"

මා සේ ම නුඹ ද නොදනී සනාතනයේ රහස
දෙදෙනාම අසමත් මු හෙළිකර ගන්ට එය
තිරය පසුපසින් ඉඳගෙන සල්ලාපයේ යෙදෙමු
තිරය එසැවුණු කලට නුඹත් නැත, මාත් නැත.

(-ජෙනෝවා විහාරයේ සිට,ඉතාලිය.)
වෙනත් සබැඳි |
ඕමාර් ඛය්යාම් කියයි!
මේ වියමන ඔබේ මූණු පොතට එක් කරන්න-
Tags- Omar Khayyam, Rubáiyát of Omar Khayyám, Sinhala Translation of Rubáiyátm, رباعیات عمر خیام‎
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මණ්ඩාවල පඤ්ඤාවංස හිමිගෙන් තවත් වියමන්
කවි
පැරීසියේ මම
අදහස්
ලිබියාව, ලෝක පුවත් සේවා සහ අපි
තවත් වෙසෙස් බූන්දි
ඇනා කැරනිනා සහ ඇනා ස්ටෙපානොව්නා
පාවුලෝ කොයියෝ හෙවත් පිස්සෙකු ගේ කතාව
සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!
අරාබි සාහිත්‍යයේ ඛලීල් සලකුණ
තෝල්ස්තෝයි අදට වලංගු ද?
BoondiLets
මාර්කේස්ගේ සමුගැනීමේ ලිපියෙන්.
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප... [More]
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook