Facebook
Twitter
Google+
YouTube
Blog
RSS Feed
වෙසෙස් බූන්දි
ඊජිප්තුව ලෙයින් නැහැවෙයි!
බූන්දි, 04:30:21
ජනතා විරෝධයට ලක්ව, හමුදාව විසින් බලයෙන් පහ කරන ලද ජනපති මොහමඩ් මුර්ශිට සහාය පළ කරමින්, කයිරෝවේ කඳවුරු ලා සිටි ආධාරකරුවන් ඉවත් කිරීමේ හමුදා මෙහෙයුම සිදු කෙරුණේ ඉකුත් අගෝස්තු 14 වන දිනය. ඔවුන් ඒ වන විටත් සති හයක් පුරා එකී විරෝධතාවයේ නියැලී සිටි අතර, නගරයේ ස්ථාන දෙකක් අත් පත් කොට ගෙන Occupy පන්නයේ උද්ඝෝෂණවල නියැලෙමින් සිටියහ. විරෝධතාකරුවන්ට එල්ල කළ හමුදා ප්‍රහාරයෙන්, (නිල සංඛ්‍යා ලේඛන වලට අනුව) මිනිසුන් 638ක් ඝාතනය වී ඇත. ඉන් 595 දෙනෙකු සිවිල් පුරවැසියෝ වන අතර 43ක් පොලිස් නිලධාරීහු වෙති. අවම වශයෙන් 4000කට ආසන්න සංඛ්‍යාවක් තුවාල ලබා තිබේ.

ඉන් දින දෙකකට පසු එළඹුණු සිකුරාදාව (අගෝස්තු 16) "කෝපය පළ කිරීමේ දවස" ලෙස ප්‍රකාශ කරනු ලද අතර, එදින දහවල යාඥා වලින් අනතුරුව, මුස්ලිම් සහෝදරත්වයට පක්ෂ ආධාරකරුවන්ගෙන් සහ බදාදා ජන සංහාරයට එරෙහි ජනතාවගෙන්, කයිරෝවේ වීදි පිරී ඉතිරී යන්නට විය. ඒ වන විට ද ඇඳිරි නීතිය පනවා තිබූ අතර, එය කඩකරන ඕනෑම කෙනෙකුට එරෙහිව තද බල ලෙස ක්‍රියාකරන බවට ආණ්ඩුව අවවාද නිකුත් කර තිබිණ. ඇඳිරි නීතිය කඩ කරමින් වීදි බට උද්ඝෝෂකයින්, කයිරෝවේ රැම්සේස් චතුරශ්‍රසයට රැස් වූහ. බදාදා නාටකය නැවත රඟ දෑක් වුණු අතර, හමුදාව විසින් තවත් 95 දෙනෙකු පමණ ඝාතනය කරන ලදී. මීට සමාන්තරව රට පුරා විවිධ ස්ථානවල උණුසුම් වාතාවරණයන් උද්ගත වූ අතර ජීවිත හානි පිළිබඳව ද වාර්තා විය.

හෙලිකොප්ටර්වලින් පැමිණ ජනතාවට ස්නයිපර් පහර දීම් කළ බව විරෝධතාකරුවෝ අල්ජසීරාවට පැවසූහ. "හෙලිකොප්ටරවලින් පැමිණ අපට පහර දුන්නා. බෝමබ නොවෙයි- උණ්ඩ. මගේ මිතුරෙකුට ගෙලට වෙඩි වැදී මිය ගියා. මේ පළවෙනි වතාවට තමා අපි දැක්කේ හෙලිකොප්ටර්වලින් ඇවිත් වෙඩි තියනවා. ගොඩනැගිලිවල ජනෙල් අතරින් වෙඩි තියනවා අපි දැක්කා." සී.එන්.එන්. මාධ්‍යවේදියෙක් වෙත අදහස් දැක්වමින් එක් උද්ඝෝෂකයෙකු ආවේගශීලීව පවසා සිටියේ අපේ හමුදාව අපට පහර දෙතැයි ඔවුන් කිසිවිටෙක බලාපොරොත්තු නොවූ බවය.

ඊජිප්තු විදේශ අමාත්‍යාංශ ප්‍රකාශකයෙක් අල්ජසීරාවට ප්‍රකාශයක් ලබා දෙමින්, හමුදා ආණ්ඩුවේ පහර දීම සාධාරණීකරණය කෙළේ මෙලෙසින්. "ඔවුන් (උද්ඝෝෂකයින්) සිවිල්වැසියන්ට මැෂින් තුවක්කුවලින් වෙඩි තබනවා. ඔවුන් කයිරෝවේ අල්-ඛයිඩා කොඩි ඔසවනවා. මේවා කිසිසේත්ම සාමකාමී උද්ඝෝෂණ නොවේ."

අන්තර්වාර කැබිනට් මණ්ඩලය ප්‍රකාශයක් නිකුත් කරමින් පවසා සිටින්නේ, රජය, පොලීසිය සහ "ශ්‍රේෂ්ඨ ඊජිප්තු හමුදාව", මුස්ලිම් සහෝදරත්වයේ ම්ලේච්ඡ ත්‍රස්තවාදී කුමන්ත්‍රණයට එරෙහිව එකමුතුව නැගී සිටින බවයි.


රැම්සේස් චතුරශ්‍රසය- උද්ඝෝෂණ (සිකුරාදා)


උද්ඝෝෂකයින් තුවාල ලැබූවෙකු ඔසවා ගෙන යමින්- රැම්සේස් චතුරශ්‍රසය


තුවාල ලැබූ උද්ඝෝෂකයෙක්- රැම්සේස් චතුරශ්‍රසය- Al-Fath පල්ලිය අසල.

බදාදා සහ සිකුරාදා සමූල ඝාතනයේ ගොදුරු බවට පත් වූවන්ගේ සිරුරු මෝචරි සහ පල්ලි තුළ කඳු ගැසී තිබෙනු දක්නට ලැබුණු අතර මිය ගිය අයගේ සමීපතමයන්ගේ කෝපය පොලිසිය සහ හමුදාවට එල්ල වී තිබිණ. සිකුරාදා සිදුවීම්වලින් අනතුරුව චතුරශ්‍රය ආශ්‍රිත පල්ලියක උද්ඝෝෂකයන් සිය ගණනක් සිර වී සිටි අතර, හමුදා විසින් පල්ලිය වටලා තිබිණ. පල්ලිය තුළ වූ අයට හානියකින් තොරව ඉවත්ව යා හැකි මාර්ගයක් විවෘතව ඇති බව රාජ්‍ය මාධ්‍ය මගින් නිවේදනය කළ මුත් හමුදා සමග මැර කණ්ඩායම් සිටින බවට බිය පළ කළ ඔවුන් ඉවත්ව නොගොස් එහිම රැඳී සිටි බව වාර්තා විය. සෙනසුරාදා පහන් වන තුරුම පල්ලිය තුළ සිරව සිටි කණ්ඩායමේ ඇතැම් අය තමන් පත්ව සිටින බියකරු තත්ත්වය මාධ්‍යවලට සජීවී ලෙස වාර්තා කළහ. අල්ජසීරාවට පල්ලිය තුළ සිට දුරකථනයෙන් ඇමතූ එක් අයෙක් කියා සිටියේ හත්සියයක පිරිසක් සිරව සිටින බවත් ආරක්ෂක හමුදා මැරයන් සමග රැකවල්ලා සිටින බවත්ය. කෙසේවුවද මේ සටහන ලියන මොහොත වන විට, බොහොමයක් පිරිස් පල්ලියෙන් ඉවත්ව ගොස් ඇතැයි වාර්තා විය.

එක්සත් ජනපද ජනපති ඔබාමා ප්‍රහාරය හෙළා දැක ඇති අතර, එක්සත් ජනපද සහ ඊජිප්තු හමුදා එක්ව කිරීමට සැලසුම් කළ යුධ අභ්‍යාස වහාම නවතා දමන බව නිවේදනය කළේය. බොහොමයක් බටහිර රටවල් හමුදා සංහාරය හෙළා දැක නිවේදන නිකුත් කොට ඇති අතර, සෞදි අරාබිය, මුස්ලිම් සහෝදරත්වයට රට අස්ථාවර කරන බවට චෝදනා එල්ල කොට තිබේ.

"එක් සිදුවීමකින් සිය ගණනක් ඝාතනය කරනු ලැබ තිබියදීත්, මීළඟ වාරය තමා විය හැකි බව දැන දැනම ඊජිප්තු උද්ඝෝෂකයන් වීදි වලට එන හැටි බලන්න. ඔවුන් හැමකෙකුම ප්‍රචණ්ඩ අන්තගාමීන් ද? නැත." D. Parvaz, අල්ජසීරා වෙබ් අඩවියට ලියයි.

සිකුරාදා වීදි බට උද්ඝෝෂකයන්ගෙන් ඇතමෙක් පවසා ඇත්තේ ඔවුන් උද්ඝෝෂණ සඳහා පැමිණි මුල්ම වතාව එය බවයි. "එදා බදාදා ඔවුන් පළමු සිවිල් වැසියාට වෙඩි තැබූවා කියන්නේ ඔවුන් මුළු මහත් ඊජිප්තු ජනතාවටම වෙඩි තිබ්බා කියන එකයි. මම ආවේ ඒකයි. උන් අපි සේරමල්ලාව මරලා ඉවරයි.. !" Dina Badry එසේ පැවසීය.

"මම කිසිම දේශපාලන කණ්ඩායමකට අයත් නැහැ. ඒත් මම ආවේ යුක්තිය සහ ප්‍රජාතන්ත්‍රවාදය වෙනුවෙන් මිලිටරි පාලනයට එරෙහිව සටන් වැදීමටයි." 33 හැවිරිදි Ahmed Awad පැවසීය. ඔහු මූර්ෂි සහායකයෙකු නොවන උද්ඝෝෂකයෙකි.

ලෝක සමාජවාදී වෙබ් අඩවිය, බදාදා ප්‍රහාරය විවරණය කරමින්, සිය මැදපෙරදිග විදේශ ප්‍රතිපත්තිය මානව හිමිකම් සහ ප්‍රජාතන්ත්‍රවාදය මත පදනම් වූවක් බවට පාරම්බාන එක්සත් ජනපදයේ කුහක මුහුණුවර, එක්සත් ජනපද ආධාර ලබන ඊජිප්තු මිලිටරි ජුන්ටාව විසින් ම කුඩුපට්ටම් කර දමන ලද බව පවසයි. මුස්ලිම් සහෝදරත්වය සහ හමුදාව අතර එකඟතාවක් ඇති වනු දැකීමට වොෂිංටනය කැමත්තෙන් සිටි නමුදු, ජූලි මාසය වන විට පැන නැගුණු ජනතා නැගිටීම් හමුවේ එක්සත් ජනපදය, හමුදා කුමන්ත්‍රණයකට ආශිර්වාද කරන ස්ථාවරයකට මාරු වූ බව ද එමගින් අළුත් වටයකින් පැන නැගුණු ජනතා නැගිටීම් වලක්වාලීම ඔවුන්ගේ ප්‍රාර්ථනය වූ බව ද එම වෙබ් අඩවිය දක්වයි.


තුවාල ලද උද්ඝෝෂකයන්- තදබද වූ රෝහල් භූමියක් තුළ






රැම්සේස් චතුරශ්‍රසය අසල පල්ලියක තබා ඇති මළ සිරුරු

පුවත් ඇසුර- අල්ජසීරා, CNN, WSWS, BBC, Wikipedia
ඡායාරූප- අල්ජසීරා
මේ වියමන ඔබේ මූණු පොතට එක් කරන්න-
Tags- Bloodbath in Egypt, Cairo, Muslim Brotherhood, Mohamed Morsi, Obama, United State of America, Egypt Revolution, Egyptian protesters
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මේනක බණ්ඩාරගෙන් තවත් වියමන්
වෙසෙස්
කඳුළු මැද විජය ලකුණ පෙන්වන බහරේන් සුරඟන
වෙසෙස්
සාපරාධී ඊශ්‍රායලයට ඇලිස් වෝකර්ගෙන් කනේ පහරක්
වෙසෙස්
සමාජ ජාල මගින් මිනී මැරීමේ අලුත්ම ගොදුර- ගාර්ෂියා මාකේස්
තවත් වෙසෙස් බූන්දි
මැදියම් රැයේ වාහනවලට අතවනන සුදු හැඳි ගැහැනිය
වාලම්පුරි- වාසනාව, විහිළුව සහ මිත්‍යාව
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
BoondiLets
හැරී පැච් කියයි.
"යුද්ධය" යනු සංවිධානාත්මක මනුෂ්‍ය ඝාතනයකි; අන් කිසිවක් නොවේ!

[-හැරී පැච් යනු පළමු ලෝක යුද්ධයේදී සටන් වැදුනු අය අතරින් ඉතිරිව සිටි පිරිසෙන් දිගුම කලක් ජීවත් වූ... [More]
What's New | අලුතෙන්ම
කවි| ස්වර්ණ - සංවත්සරය දා

29-Secs

(උද්‍යෝගී පලිහක්කාර) දෙඅත් බැඳ - නවා හිස
විපිළිසර කැමරා - දෙනෙත් අභියස
එදා උන් අයුරින්ම මා අස
ඉඳී මා 'විළිබර මනාලිය'

මේ තරම් තිළිණ, මල් කළඹ, බන්ධූන්... [More]
කවි| පියාපත

12-Secs

(රත්න ශ්‍රී විජේසිංහ) මගේ පුත
මේ පියාපත
නුඹේ ම ය

තක්සලා පාරේ
කුණු මඩ පිරුණු ගොවුදේ... [More]
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook