Facebook
Twitter
Google+
YouTube
Blog
RSS Feed
පොත් බූන්දි
සීමා රහිත කවියක රුව ගුණ - "තුරක කඳුළු"
බූන්දි, 20:56:23
කතු ප‍්‍රකාශන පිංච අත රඳා
ණය බරින් බරව ගිය හිස බදා
විචාරක ඇසක් වෙත වැර යොදා
තල්ලුවක් දමන්නෙමි හිත හදා

විචාරක ඇසක් වෙත වැර යොදා තල්ලු කරන ලද බෝගන බෝකන්ද කවි සුමිතුරාගේ කවි කඳුළු මිට පිළිබඳව මා මගේ විමසුම් නෙත හෙලන්නේ එසේ වූ පැණසර විචාරක බැල්මකට තව දුරටත් ඉඩ තබමිනි. යම් කෙටි හෝ සංවාදයකින් තොරව මෙ කවි පොත අතීතයට එක් වීම වරදක්ම වන බැවිනි.

වෙනත් මෙවැනි කියවීම් වලින් වෙසෙස්ව තුරක කඳුළු හි අන්තර්ගතය පිළිබඳව සංවාදයකට පෙරාතුව එහි රචකයා පිළිබඳව යම් කිසි වචනයක් කිය යුතුය.

බෝගන කවියා මා පළමුකොට හඳුනා ගන්නේ ඔවුනගේ "කවි සුමිතුරෝ" වෑයමෙනි. කවි තුළින් සහ දුරකතනයෙන් පමණක් හැඳිනගෙන තිබූ අප පළමු කොට හමු වූයේ මකරන්දයක් විකසිත වූ දිනකදී ය.

එතෙක් මා ඔහු තරුණ කවියෙකැයි සිතා සිටියෙමි. නමුත් ඔහු දුටුවිට මාගෙන් පළවූ තුෂ්නිම්භූත බව දුටු ඔහුම සිනාවෙන් ඒ පිළිබඳව පිළිවිසියේය. වයසින් වියපත් වුවද හේ නම් සැබෑම තරුණෙකි. තරුණ කවියෙකි. ඉදින් කවි පිළිබඳව, වෙසෙසින්ම කවි පබැඳුම පිළිබඳව උනන්දු වන්නෝ ඔහු හොඳින් හඳුනති. තුරක කඳුළු හි ඔහු සිහිපත් කර ඇති කවි සුමිතුරන්ගේ නම් පෙළම එයට දෙස් දෙයි. කවියන්, කවි සුහුඹුලන් උනන්දු කිරීම අතින් හේ ඉක්මවන්නෙක් තවත් නොවේ.

ප‍්‍රස්තුත කවියාගේ එසේ වූ මෙහෙයට අප පරපුරේ කෘතවේදිත්වය පළ කිරීමටද මෙය අවස්ථාවක් කර ගනිමි.

නන්දන වීරසිංහ කවියා සටහන් කර ඇති පරිදිම බෝගන කවියාගේ කවි එකතුවේ සුවිශේෂය වන්නේ ආකෘතිය සහ අන්තර්ගතය යන ද්විත්වයේම ඇති සීමා රහිත බවයි. හේ සඳැස් කවියේ ද නිදහස් කවියේද රිසිසේ හැසිරෙයි. ඔහු තමා වටා සීමාවක් සළකුණු කර ගැනීමේ වරදෙන් මිදෙයි.

සිව් පද ආකෘතියේ සුරුකම් පාන අප කවියා වරෙක කොළඹ යුගයේ සුවිශිෂ්ට කව් ලකුණක් වූ විමලරත්න කුමාරගමයන් සිහිපත් කරවයි.

ගේ පැල ඉදිරිපිට කොළ නැති කැකුණ ගහේ
උලමා හඩන හඩ ඉඳහිට සවණ වැහේ
කල ගත කළ නිසා සමගිය නොබිඳ රැහේ
ඔවුනගෙ සෙත් පැතුම නිති ඔබ නමට තියේ

අනෙක් අතට මෙවන් කවියක හැඩ රුව සාගර පලන්සූරිය කවියා සිහිපත් කරවයි.

වැව් තාවුලේ, දැරියක් පැල්පතක විසූ
කැබලිති කොට කපා ඇති බව දිනෙක පසූ
ආරංචියෙන් මූසල කන් යුවළ ඇසූ
මම පිය නැගිමි කෝපය දුක සමග මුසූ
(ඇසින් දුටු සාක්ෂිය)

මෙකවි සංග‍්‍රහයේ දැනෙන කවි බොහෝ ප‍්‍රමාණයකි. එයින් කිහිපයක් පිළිබඳව මෙහි ලා සඳහන් කරමි. ”අහිමි බස්” යනු එවැනි කවියකි. එකවිය තුලින් කවියා නිදහසේ විවිධ අරුත් ජනනය කරයි.

ඇතුගල් පුර සිට
එන කෙනරක් ගැන
සිහින තොරණ බැඳ
නයන පහන වැට
රහසෙම දැල්විණ

බසයක් හෙමිහිට
පාලම පසුකොට
ඇදිණි ඉදිරියට
තිරිංග තද කොට
පාගා මහදට
(අහිමි බස්)

”මත් සුවඳ” වැනි පද්‍යයක ඔහු ජනිත කරන ද්වන්දාර්ථ මන බඳින සුළුය.

සීතලෙන් දෝ අහා
කෙඳිරියක් ඇසෙන්නේ.....
ළඟට ගෙන සිඹ ගනිමි
ළයට තුරුළු කර ඉතින්
කොළ හැලුණු මල් වැරුව
තුරක සිතුවමක් ඇඳි
නිලමෙ දුන් පොරෝණය
රුක් රේණු නොතැවරුණ

”ඔබ නොදනී” වැනි කවකින් මධ්‍යම පාන්තික රැවටිලිකාරී ජීවිතවල හිස් බව දක්වාලයි. ”බත් අම්මා” වැනි තවත් කවි කිහිපයක් විඳිය හැකි මට්ටමේ නිර්මාණයෝය.

මේ කවි එකතුවේ මගේ සිත් වඩාත්ම ඇදගත් නිර්මාණය මෙසේ දක්වාලමි.

මිනී මල් පිපුණු බිම් කඩ
දුමින් පිරි අහස් ගැබ යට
තැනින් තැන වලා කැටි බිඳ
ගලා ආ අඳුර වැතිරුනු
මිනී මල් පිපුණු බිම් කඩ
සොයා පැමිණියෙම්

සීතලේ නිදන මල් මත
ගලා ගිය මිඳුණු ලේ කැටි
ඉතිරිකල මතක අහුලා
ලියන්නට කවක් මතු දින
සිතා පැමිණියෙම්

තනන මතක සිහිවටනයෙ
නම ගම දාතම ලියන්න
තබමි ඔබට අවකාශය

සීතලේ නිදන මල් මත
ගලා ගිය මිදුණු ලේ කැටි
ඔබේ සහ මගේ බව නම්
කියමි සැක හැරා

බොහෝ කවි අතරින් ප‍්‍රබල දේශපාලන අරුතක් ජනනය කරන්නක් ලෙස ”අපි අසරණයි සිහ රද” යන කවිය ස්ථානගත කල හැකිය. මේ ගෙවන දේශපාලන මොහොත පිළිබඳ ජනතා පාපොච්ඡුාරණයක් ලෙස පවා මෙය ගත හැකිය.

අපි අසරණයි සිහ රද
කප්පරක් පැතුම් පොදි
ඉටු කර ගනුව මතුදා
පළඳා කිරුළ හිස

දෙවා සක් හඬ
යවා කොඩි ගහ මුදුනට
නවා හිස බුහුමන් කොට
කිරුළ පැළැඳූ සිහ රද

කගක් ගත් අතකින්
කිසක් ඉටු කරනුව
කපා දා ලණු පොට
නැග කොඩි ගහේ මුදුනට

වැනෙන ඒ මේ අත
හමන හැම සුළඟට
ඔබටත් වඩා අද
අපි අසරණයි සිහ රද
ඔබ’තට කගක් දුන්

”බත් අම්මා” ආදී තවත් කවි කිහිපයක් විඳිය හැකි මට්ටමේ නිර්මාණ ලෙස ගත හැකිය. විඳිය හැකි කවි එසේ වුවද මේ කවි එකතුව තුල සුලබ ප‍්‍රස්තුත පිළිබඳව දුලබ කියවීම් රහිත ඕලාරික පන්නයේ නිර්මාණද හමුවේ. එකවි තුලින් කෙසේවත් බෝකන්ද කවියාගේ නියම ප‍්‍රතිභාව මතුවන්නේ යැයි කිව නොහේ. ”බිඳුණු පාලම” වැනි කවියකින් ජනනය වන අපූර්වත්වයක් නැත. පුනරුක්ති කවි වන මේවා ඇති වන තුරු පට්ටා ගසා ඇති ප‍්‍රස්තුතයන්ය. මෙයට කලින් මේ ප‍්‍රස්තුතයම ලියූ කවියන්ට වෙසෙස්ව යමක් දැනවීමට බෝකන්ද කවියා සමත්ව නැත.

”සරුංගලේ” නිමැවුම කෙටි එකකි. එහි අවසන් පද කිහිපය බලන්න.
නූල් පංදුවේ
ඇසුර බිඳුණ දා
දඩාවතේ ගොස්
පහළට එනවා
මෙවැන්නක් තුලින් සහෘදයා වෙත දැනෙන කම්පනය කුමක්ද? ”අප්පච්චී” වැනි කවියකත් ඇත්තේ එවැනි ඕලාරික බවකි. මෙවැනි රස හීන කවිද කිහිපයක් මෙහි වෙයි.

බෝගන බෝකන්ද කවියා යනු ප‍්‍රතිභාන්විත එසේම සීමා රහිත කවියෙකි. අනෙක් අතට ලාංකීය කාව්‍ය ව්‍යාපාරයට අත්‍යවශ්‍යය ප‍්‍රබල උද්ඝෝෂකයෙකි. ඔහුට තව තවත් කවි ලියන්නටත්, කවීන් උද්යෝගිමත් කරන්නටත් බොහෝ ශක්තිය ධෛර්්‍යය සහ නිරෝගී සුව පතමි.
මේ වියමන ඔබේ මූණු පොතට එක් කරන්න-
Tags- Bogana Sena Bokanda, Thuraka Kandulu 2010
පැරණි මාදිලියෙන් ලැබුණු ප්‍රතිචාර-
විමලදාස මුදාගේ. මෙහෙම කියනවා :
මුදු ලෙස ගලා යන සිය පහරක් සේ සිතට දැනෙන කවි බෝගන කවියාගේ තුරක කදුලු කවි පොතේ බෙහෙමයක් වෙනවා.

කිවුව වෙලාව- 2011-06-03 14:00:44
Bogana මෙහෙම කියනවා :
Thank you very much for all comments.

කිවුව වෙලාව- 2011-02-18 11:25:37
Suresh - Wayamba University මෙහෙම කියනවා :
රසවත් නිර්මාණ බිහි කිරීමට තව තවත් රසවත් අදහස් ගලා ඒවා

කිවුව වෙලාව- 2011-02-13 22:49:18
තිලින - වයඹ වි.වි. මෙහෙම කියනවා :
බෝගන කවියාගෙන් අනාගතයේදී තව තවත් රසවත් නිර්මාණ බිහි වේවායි පතනවා !

කිවුව වෙලාව- 2011-02-13 20:16:58
Harun මෙහෙම කියනවා :
@thimbiri

nice comment thimbiri
comment 1th kawi sithiwillak!!!


කිවුව වෙලාව- 2011-02-09 02:55:47
thimbiri මෙහෙම කියනවා :
bogana kaviyek nowa kaviyak.......

කිවුව වෙලාව- 2011-02-09 02:19:46
Roshan- Wayamba University මෙහෙම කියනවා :
RASAWATH KAVI TIKAK KIYEWWA. THANKS.

කිවුව වෙලාව- 2011-02-06 20:23:07
Kapila Jayavilal Herath මෙහෙම කියනවා :
KAVIYAGE THARUNA ADAHAS RASAWATH KAVI MAWAI

කිවුව වෙලාව- 2011-02-01 04:19:05
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සඳුන් ප්‍රියංකර විතානගේගෙන් තවත් වියමන්
පොත්
පරාගේ "ක්ලැරා" සිරා ද?
පොත්
කලාව සහ කතිකාව- නූතන කලා සංස්කෘතික දෘෂ්ටිවාදී කතිකාව කෙරෙහි අකුටිල මැදිහත්වීමක්
පොත්
'කියන්නට හදන විදිහ' විසින් 'කියන්නට හදන දෙය' යටපත් කළ 'මගේ ආද‍රණීය යක්ෂණී'
පොත්
වීරයන් අවැසි සමයක - මරියා සිලොනිකා වස්තුව
පොත්
කියනු මැන දිවි අරුත- ගුණදාස අමරසේකර
තවත් පොත් බූන්දි
ඉණෙන් හැලෙන කලිසමක් රදවා ගන්න තතනමින්...
උමතු වාට්ටුවට අප්පචිචී ඇවිත්!
සෞන්දර්යය වෙනුවට කටු අතු- අපේ යුගයේ උරුමය!
"මතක වන්නිය" හෙවත් උතුරේ ශේෂ පත්‍රය
මී පුප් සේ රස 'හෑල්ල'
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook