Facebook
Twitter
Google+
YouTube
Blog
RSS Feed
රංග බූන්දි
කාමන් ඔපෙරාව| Carmen Opera
බූන්දි, 00:29:43
රුසියානු මහා කවි ඇලෙක්සැන්ඩර් පුෂ්කින්ගේ ජිප්සීස් කාව්‍යය ඇසුරෙන් රචිත කාමන් ඔපෙරාව විශ්ව සංගීතයේ දිදුළන සන්ධිස්ථානයක වැජඹෙන කලා නිර්මාණයකි. එය ලොව වඩාත්ම ජනප‍්‍රිය සහ වඩාත්ම ප‍්‍රදර්ශිත ඔපෙරාවයි. එය නොඇසූ සංගීතඥයකු හෝ විදග්ධ රසිකයකු හෝ සිටිය නොහැකිය. එය පරිශීලනය නොකෙරෙන කලා පාසලක්,ඇකඩමියක්, සරසවියක් තිබිය නොහැකිය.

කාමන් ඔපෙරාව සුප‍්‍රකට සංගීතඥ ජෝර්ජ් බිසේගේ නිර්මාණයකි. එය පේ‍්‍රම සාහිත්‍යයේ ඇනා කැරණිනා හෝ එමා බොවාරිටත්, පේ‍්‍රම නාටකයේ රෝමියෝ ජුලියට්ට හෝ ඔතෙලෝටත් පේ‍්‍රම කාව්‍යයේ මේඝ දූතයට හෝ ගීත ගෝවින්දයට සමාන කළ හැකිය. කාමන් ඔපෙරාව ප‍්‍රංශ සංගීතයේ සහ සංගීත වේදිකාවේ මුදුන් මලක් ලෙස සැලකේ.

2008 වසරේදී ලන්ඩනයේ ප‍්‍රධාන ඔපෙරා ශාලා දෙකෙහිම කාමන් රඟ දක්වන ලද අතර රෝයල් ඔපෙරා හවුස් නිෂ්පාදනය බීබීසිය මගින් ඞීවීඞී තැටියක් ලෙස නිකුත් කර ඇත. ඔපෙරා කලාව අන් සියලූ කලාවන් පරයා ඉහළ නැගෙන්නේ කාරණා දෙකක් නිසාය. ඔපෙරා යළි යළිත් මළවුන්ගෙන් නැගිට පුදුමාකාර ජවයකින් ජීවමාන වන්නාවූ මෘත කලාවකි. විශිෂ්ට ඔපෙරා බිහිවීමත්, සිග්මන්ඞ් ෆ්‍රොයිඞ් මනෝ විශ්ලේෂණය සොයා ගැනීමත් එකම කාලයක සිදුවූ සැටිත්, මනෝ විශ්ලේෂණයේ උපත ඔපෙරාවේ විපත තීන්දු කළ සැටිත් ස්ලැවොජ් සිසෙක් සහ ම්ලාඩෙන් ඩෝලර් දෙදෙනා ඔපෙරාවේ දෙවෙනි මරණය නමැති මා හැඟි කෘතියේ සඳහන් කරයි.



ඔපෙරාවේ සුවිශේෂත්වයට හේතුවන අනෙක් කාරණය නම් එය භාව මහෝඝයකට ඉඩදෙන අන්දමේ නිර්බාධිත කලාවක් වීමයි. ඔපෙරා වේදිකාවේ කඩු පහරින් මියයන්න පවා ගැඹුරු හඬින් ගායනා කරයි. ඔබේ සතුරා ඔබ පසුපසින් හඹාගෙන එන විට සුළු වේලාවකට නැවතී ගායනා කළ හැක්කේ ඔපෙරා වේදිකාවකදී පමණි. ඔපෙරාව අන් සියලූම කලාවන් වෙනුවෙන් මනෝභාව ස්පර්ශ කිරීමේ අයිතිය කොන්දේසි විරහිතව ආරක්ෂා කරයි. ඔපෙරාව විටින් විට තම මරණය ජය ගන්නේ එම භාව අයිතිය සුරක්ෂිත කරදී නැවත මියැදෙන්නටය. තමන්ගෙ ඔපෙරාවක් බිහි කරගත් රටවල් තිබෙන්නේ අතළොස්සකි. ශ‍්‍රී ලංකාවද ඉන් එක් රටකි. කිසියම් රටක සාර්ථක ඔපෙරාවක් බිහිවන්නේ නම් එහි තේරුම එක්කෝ ඒ රට කලාවේ කූටප‍්‍රාප්තිය කරා ළඟාවී ඇති බවය. එසේ නැති නම් එහි දිනෙන් දින මියැදෙන කලාව තම මරණ මංචකයේ සිට හඬ නඟන බවයි. ශ‍්‍රී ලංකාවේ සිදුවූයේ මේ දෙකෙන් කවර දෙයක්දැ’යි සිතා බැලිය යුතුය.

ශ‍්‍රී ලංකාවේ ඔපෙරා අත්දැකීමේ පැහැදිලිව පෙනෙන කාරණයක් ඇත. එනම් ඔපෙරා කලාව සමග මියැදීමට තරම් නිර්භීත ගායක ගායිකාවන් තුන්හතර දෙනකුට වඩා නැති බවය. බිහිවූ ඔපෙරාව රැුක ගැනීමේ හැකියාවවත් මේ රටට තිබේද යන්න සැකසහිතය. කාමන් ඔපෙරාවද එවැනි කටුක අත්දැකීම් රැසකට මුහුණ දී තෙම්පරාදු වුණු ඔපෙරාවකි. ජෝර්ජ් බිසේ මියගියේ තම නිර්මාණය සපුරා අසාර්ථක වුණු බව කල්පනා කරමිනි. ඔහුට බොහෝ කරදර ඇතිවිය. වාදකයන් පැවසුවේ ඔහුගේ සංගීතය වාදනය කරන්නට දුෂ්කර බවය. ඔහුට පෙර පුහුණුවීම් සංවිධානය කරගන්නට අපහසු විය. සමහර ගායක ගායිකාවෝ ඔපෙරාව අත්හැර ගියහ. කාමන් චරිතය නිරූපණය කළ මෙසො - සොප්රාණෝ ගායිකාව පවා ඔපෙරාව මගහැර ගියාය. ප‍්‍රංශ ඔපෙරා පේ‍්‍රක්ෂකයන් පැවසුවේ එය පවුලේ ඔපෙරාවක් නොවන බවය.



1824දී බයිරන් කවියාගේ රොමෑන්ටික හා විමුක්තිවාදී ශෛලියෙන් යුතුව පුෂ්කින් කවියා විසින් රචිත කාව්‍යය 1845දී කෙටි ප‍්‍රංශ නවකතාවකට පාදක කරගන්නා ලද අතර 1875දී කාමන් ඔපෙරාවේ ලිබ‍්‍රතෝව රචනා කරන ලද්දේ ඒ සාහිත්‍ය කෘතිය පාදක කරගනිමිනි. මෙලෙස පුෂ්කින්ගේ කාව්‍යය ඔපෙරා 18කට හා බැලේ කිහිපයකට පාදක වී තිබේ. ප‍්‍රංශයේ නිෂ්පාදනය වූ නමුත් කාමන් ඔපෙරාවේ පසුතලය නිදහස් භාවෝද්දීපනය ජීවිතය බවට පත්කර ගත් ස්පාඤ්ඤයයි. කාමන් සිගරැට් කොම්පැණියක වැඩ කරන නිදහස් ජිප්සි ගැහැනියකි. ඇයගේ ආලය පිරිමි හදවත නමැති බෝතලයට දැමිය නොහැකි මධුපානයකි. ඇය මෙසේ ගායනා කරන්නීය. "ආලය හීලෑ කළ නොහැකි කුරුල්ලෙකි. "ඇගේ පේ‍්‍රමයේ තීරකයා ඇයමය. එම නිසා ඇගේ ආලය අවදානම් සහගතය. ඇය මෙසේ ගයයි. "නුඹ මට පෙම් නොකළොත් මම නුඹට පෙම් කරමි. එනමුත් මා නුඹට පෙම් කළහොත් නුඹ ප‍්‍රවේසම් විය යුතුය. "

ඇගේ පේ‍්‍රම ග‍්‍රහණයට මුලින්ම හසුවන්නේ දොන් ජොසේ නමැති පොලිස් කෝප්රල්වරයෙකි. පසුව ඇය එස්කැමිලෝ නමැති ගවපොර වීරයකුට පෙම් කරයි. ඔහු ගව පොරයෙන් ජය ලබන අවස්ථාවේ කාමන් පැරණි පෙම්වතාගේ පිහි පහරින් මියයයි. ලොව සෑම ඔපෙරා ගායිකාවකගේම සිහිනය කාමන් චරිතය වෙනුවෙන් ගායනා කිරීමයි. මෑත ලන්ඩන් ඔපෙරා දෙකම නිෂ්පාදනය කර තිබුණේ ස්ත‍්‍රීන් දෙදෙනකු විසිනි. ඩොමිනික් මැක්හයිම් පැවසුවේ එය අහඹුවක් නොවන බවයි. කාමන් යනු ඔපෙරාත්මක අනෙකාය. කාමන් යනු තම ඉතිහාසය තුළදී ඔපෙරාව පිරිමි බැල්මෙන් හෙවත් පිරිමියාගේ ආඥාදායක දෘෂ්ටියෙන් නිදහස් වීමකි.

[රාවය| චැප්ලින් කොලම| 2010.11]
මේ වියමන ඔබේ මූණු පොතට එක් කරන්න-
Tags- Georges Bizet, Carmen Opera, The Gypsies (1824) by Alexander Pushkin
පැරණි මාදිලියෙන් ලැබුණු ප්‍රතිචාර-
negombo- kumara මෙහෙම කියනවා :
well done!boondi is becoming rich with classics.

කිවුව වෙලාව- 2011-02-19 21:26:13
Silver Smoke මෙහෙම කියනවා :
A mezzo soprano is the middle vocal range for women, comparable to the baritone range among men. The word mezzo means medium or middle in Italian, and usually refers to female singers with characteristics of both alto and soprano singers. The classic mezzo soprano has the ability to reach high notes, usually up to the C two octaves above middle C, while retaining a richer timbre of voice similar to that of a deeper-ranged alto.

කිවුව වෙලාව- 2010-12-24 02:18:07
Anushka Thilakarathne මෙහෙම කියනවා :
honda lipiyak....

කිවුව වෙලාව- 2010-12-13 23:35:05
Wikipedia මෙහෙම කියනවා :
Mezzo-soprano (/ˈmɛtsoʊ/ in English, but [ˈmɛddzo] in Italian) (meaning "medium" or "middle" "soprano" in Italian) is a type of classical female singing voice whose range lies between the soprano and the contralto singing voices, usually extending from the A below middle C to the A two octaves above (i.e. A3-A5 in scientific pitch notation, where middle C = C4). In the lower and upper extremes, some mezzo-sopranos may extend down to the G below middle C (G3) and as high as "high C" (C6).[1]
While mezzo-sopranos generally have a heavier, darker tone than sopranos, the mezzo-soprano voice resonates in a higher range than that of a contralto. The terms Dugazon and Galli-Marié are sometimes used to refer to light mezzo-sopranos, after the names of famous singers. A castrato with a vocal range equivalent to a mezzo-soprano's range is referred to as a mezzo-soprano castrato or mezzista. Today, however, only women should be referred to as mezzo-sopranos; men singing within the female range are called countertenors.[2] In current operatic practice, female singers with very low tessituras are often included among mezzo-sopranos, because singers in both ranges are able to cover the other, and true operatic contraltos are very rare.[1] For information regarding non-classical mezzo-sopranos see Voice classification in non-classical music.


කිවුව වෙලාව- 2010-12-11 01:45:20
samanlee මෙහෙම කියනවා :
ඔවු එහෙම වෙන්ඩ පුලුවන්. එත් මෙකෙ ලියවිලා තියෙන්නෙ මෙහෙමයි. 'කාමන් චරිතය නිරූපණය කළ මෙසො - සොප්රාණෝ ගායිකාව පවා ඔපෙරාව මගහැර ගියාය.'

කිවුව වෙලාව- 2010-12-09 01:47:20
Sudda මෙහෙම කියනවා :
මෙසො - සොප්රාණෝ kramayata geetha gayu gayikawa wage deyak adahas kala wenna barida? anyway wait 4 erics explanation.

කිවුව වෙලාව- 2010-12-09 01:34:46
samanlee මෙහෙම කියනවා :
'මෙසො - සොප්රාණෝ' කියන්නෙ ගායිකාවක් නොවෙයි, ගායන විලාශයක් කියායි මගෙනම් වෑටහීම. එය ටිකක් පෑහෑදිලි කලහෑකිද?

කිවුව වෙලාව- 2010-12-09 01:25:27
මල් තුහින මෙහෙම කියනවා :


කිවුව වෙලාව- 2010-12-09 01:10:19
samanlee මෙහෙම කියනවා :
සියලුම තොරතුරු වලට ස්තුතියි...

කිවුව වෙලාව- 2010-12-09 01:03:21
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
එරික් ඉලයප්ආරච්චිගෙන් තවත් වියමන්
Cine
ස්වරූප නොපෙන්වීමේ සහ නොබැලීමේ විනෝදය
රත්තරං ටික
සොක්‍රටීස්ගේ මරණය
කවි
ෂෙල්ටන් සහ කාන්ති
කවි
මද්‍රි දේවි හෙවත් ගමෙන් උපන් නිළිය
Cine
ජෝ අබේවික්‍රමගේ මුහුණ, වෙස්‌ මුහුණ සහ ප්‍රබන්ධිත මුහුණ
තවත් රංග බූන්දි
'පක්ෂීහු'- ඇරිස්ටොෆනීස්ගේ යුතෝපියානු සිහිනය
ග්‍රීක නාට්‍යයන්හි ගැබ්වන සියුස් බල විරෝධය
දේශපාලන සංස්කෘතියේ අඳුරු ප‍්‍රපාතයක් වෙත එබී බලන, "ප‍්‍රපාතය ළඟ වනස්පතිය"
හිනාව ගිලිහුණු සමාජයට "හිනාවෙලා මිනිත්තුවක්"
දෙවියන් බුදුන් මැරී බොහෝ කල්ය! -"මායා බන්ධන"- විචාරාත්මක විමර්ශනයක්
BoondiLets
මරා කියයි.
වැදගත්ම දේ මෙන්න මේකයි. තමාගේම කෙස් වැටියෙන් අල්ලා ඇද කොට්ට උරයක් මෙන් සිරුර කණපිට පෙරළලා අළුත් ඇහැකින් ලෝකය දිහා බලන එකයි.
-මරා

[මරාසාද්. Peter Weiss]
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook