Facebook
Twitter
Google+
YouTube
Blog
RSS Feed
කතන්දර බූන්දි
සෙන්ටෙනියල් දෝණි
බූන්දි, 20:42:08
දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව. එකිනෙකා ඇලී ගැලී හිටපු සෙයියාවෙන් කරන්ට් වැදිලා වගේ දුරස් වෙනව.

‘හායි දෝණි... අද පන්ති කලින්ම ඉවර වෙලා වගේ....’ -රාජ් අන්කල්.
දෝණිත් ‘හායි’ පාරක් දාගෙනම කාමරයට ගිහිල්ල ඇඳුම් පිටින්ම, එල්ලගෙන ආපු බෑග් එක පිටින්ම ඇඳේ දිගාවෙනවා.
‘දෝණි අද හවසට අපි සීයා බලන්න යනව. ඇඳගන්න.’ -අම්ම.
ඇස්දෙක පියාගෙන ඉන්නකොට සාලේ මුනුමුනුව යාන්තමට වගේ දෝනිගේ කනට යනව. ඒ ලෙවල් පන්තියෙන් අනතුරුව බස්එකේ තෙරපුමේ ගමන් මහන්සිය ඇඳ උඩ දියකර හරින ගමන්.

‘දෝණිට මේවා හැඩල් කරන්න පුළුවන්... එයා සෙන්ටෙනියල් ගර්ල් කෙනෙක්නෙ’- රාජ් අන්කල්.
දෝණි ෆෝන් ඒක අරගෙන සෙන්ටෙනියල් වචනේ තේරුම හොයනව. ෆෝන් එක පපුවට තියන් සිවිලිමට හිනා වෙනව. සාලේ දොර ඇරිලා වැහෙන සද්දේ ඇහෙනව. ඊට පස්සේ කාර් එකේ දොර. කාර් එක ස්ටාර්ට් වෙන සද්දේ.
දෝණිට රාජ් අංකල් ගැන ආදරයක් ඇතිවෙනව.

අම්ම කාමරේට එනව. කේක්ද මොනාද අතේ. ජනේලයෙන් එළියේ බලාගෙන දෝණිගේ ඔළුව අතගානව.
දෝණිට අම්ම ගැන දුක හිතෙනව.
‘රාජ්.....පර දෙමල. ත්‍රස්‌තවාදියා.’
අම්මයි තාත්තයි රාජ් කියන නම මැදි කරගෙන හයි හයියෙන් කථා කරනවා. තාත්ත බනිනවා. අම්ම අඬනව. දෝණි කාමරයට වෙලා අහගෙන ඉන්නව. මේ වගේම. ගහ බැනගැනීම් වල සද්දේ වැඩිවියට පත්වූ එක් අවස්ථාවක තාත්ත ගෙදරින් යනව. අම්මත් ගෙදරින් යනව. අතට අහුවෙන අඩුම කුඩුම ටිකක් එකතු පහදු කරගෙන, දෝණිත් ඉස්සර කරගෙන. දෙන්නම පුංචි තට්ටු ගෙදරක නතර වෙනව. වැඩි කථා බහක් නැතිව. මාස කීපෙකට ඉස්සර.

‘දුව මේ රාජ් අන්කල්..... මගේ ඔෆිස් එකේ වැඩ කරන්නේ...’
පංති ඉවරවෙලා දෝණි පුංචි තට්ටු ගෙදරට එනකොට, රැවුල වවාගෙන නිවිච්ච පාටට සෝපාවේ අද්දර වාඩි වෙලා ඉන්න මනුස්සයව පෙන්නල අම්ම කියනව. කට්ටිය හිනා හුවමාරු කරගන්නව. සමහර දාට රාජ් අංකල් රෑ බෝ වෙනකංම ඉන්නවා. දෝණි උදේ නැගිටල සාලෙට එනකොටත් රාජ් අංකල් පුටුවේ වාඩි වෙලා ඉන්නව. රාජ් අංකල්... රාජ් අංකල්...රාජ් අංකල්....

‘ඉක්මනට යං දුවේ සීය බලාගෙන ඇති’
අම්ම එහෙම කීවට කවුරුවත් අපි එනකං බලාගෙන ඉන්නේ නෑ කියල දෝණි කියනව. තමාටම. දෝණි සහ අම්ම ආයෙත් හුදකලා වෙලාවක කොටුවෙනව. අම්ම කාර් එක එලවගෙන නගරයෙන් නගරය පහුකරගෙන සීයලගේ ගෙදර යනව. දෝණි අනෙක් සීට් එකේ. දෙන්නම නිශ්ශබ්දයි. කාර් එකේ ජනේලෙන් බර බර සද්දෙට එන හුළඟ විතරයි කථා කරන්නේ.

අතරමග තේ එකක් බොන්න වාඩිවෙලා ඉන්නකොට දෝණිගේ ෆෝන් එක කෑ ගහනව. දෝණි ෆෝන් එකට එබෙනව. අම්මත්.
‘ඉලියාස්..... මගේ යාළුවා... ටෙක්ස්ට් එකක්. හෙට හෙට හවස හම්බවෙන්න දාගෙන.’ - දෝණි.
දෝණිගේ දිලිසෙන ඇස් අම්මට ඇහෙනව. අම්ම තේ කෝප්පේ දිහා බලනවා. නෑහුනා වගේ ඉන්නව.
අම්ම ගැන දෝණිට දුක හිතෙනව.

ඉලියාස්ට ලස්සන ඇස් දෙකක් තියනව. ටියුෂන් පංතියේ අහම්බෙන් දෙන්න එකිනෙකා ළඟ වාඩිවෙනව. ලෙන්ගතු හිනාවල් හුවමාරු කරගන්නව. ආපහු දවසක ටවුමේ කලබල වීදි දිගේ...... අහම්බෙන් ලස්සන ඇස් එකට පැටලෙනව. වාර අවසාන ‘බැච් පාටියේදී’ කොල්ලෝ කෙල්ලෝ ගොඩක් මැද ඉලියාස් එක්කම නටන්න දෝණිට ඕනිවෙනවා. ඉලියාස්ගේ හුස්ම දෝණිගෙ මුනට වදිනව. හරි උණුහුම් ආදරණිය හුස්ම පොදි. ‘හැන්සම් බෝයිනම් තමයි... ඒත් මුස්ලිම් නේ....’ යාලුවෝ කියනව. එතකොට දෝණි හයියෙන් හිනා වෙනව.
‘ඔවු අනේ හරි ස්වීට්’- දෝණි
ඉලියාස්ගේ කන්පෙති අග්ගිස්සවල්, සුදුම සුදු, සිනිදු, තම ඇගිලි තුඩින් මිරික මිරිකා කාලේත් එක්ක පාවෙවී ඉන්න තමයි දෝණි ගොඩාක්ම කැමති.

‘ඔයා නිකං එහෙට මෙහෙට පාවෙවී කාලේ නාස්ති කරන්නේ නැතුව ජිවිතේ එල්ලයක් හදාගෙන වැඩ කරන්න’- තාත්තා.
තාත්ත දෝණිව බලන්න ක්ලාස් එකට එනව. ඉදල හිටලා. අවවාද වලින් නාවනව. අම්මට බනිනවා. ආයේ කවදද එන්නේ කියල අහපුවම ‘වැඩ වැඩ...හරි බිසී..’ කියල සල්ලි ටිකක් දෝණිගේ හෑන්ඩ්බෑග් ඒකේ දමා නොපෙනී යනවා.

දෝණියි අම්මයි කතාබහක් නැතිවම සීයාගේ ගෙදරට එනව. කරුවලත් අරගෙනම. ආච්චි අත්දෙක පිහද පිහද ඇවිල්ල දොර අරිනව. ‘සුදු දුවේ’ කියාගෙන ආච්චි දෝණිගේ ඔළුව අතගානව.
‘වඳින්න දුවේ ආච්චිට’ – අම්ම.
දෝණි ‘හායි’ කියාගෙන ආච්චිගේ කම්මුල් සිපගන්නව.

සීයා පේන්න නැත්තේ මොකද කියල අම්ම අහනව. ඉක්මනට එන්නම් කියල පන්සලට ගිය මනුස්සය තාම නෑ කියල ආච්චි කියනව. කුස්සියට යන ගමන්. දත්මිටි කාගෙනම.

සීයා නොහොත් ධර්මසේන නොහොත් ධර්මසේන රාලහාමි පන්සලේ බෝධිපුජාව ඉවරවෙලා නායක හාමුදුරුවන්ගේ ධර්මානුසාසනාවෙන් පස්සේ ගිහි දේශනාවකුත් කරල වෙලාව බලනව. තවම හරිහැටි රෑ වෙලා නෑ. ලොකු හාමුදුරුවොයි තව පන්සල නඩත්තු කරන මුදලාලිලා, ඉස්කෝලේ මහත්තුරු කීප දෙනෙක් එක්ක ඉබේටම වගේ ආවාස ගෙට එකතු වෙනව. දෙමළ මුස්ලිම් මුදලාලිලා හොරෙන් හොරෙන් ටවුමේ කඩ ආක්‍රමණය කරල වෙළදාම අතට ගන්න එක ගැන කථා කරනව. පංසලට දානේ ටිකක් වත් ගේන්න එකෙක් ඉතුරු වෙන්නේ නෑ කියමින් විස්සෝප වෙවී ඉද එලියට බහිනවා.

කරුවල බැහැල තියෙන පාර දිගේ සීය ඇවිදගෙන යනව. මහ දවල් වගේ හුරු පුරුදු පාර දිගේ හුරුපුරුදු ගෙවල් එකින් ඒක පහුකරගෙන ගිහිං එක හුරුපුරුදු ගෙයක් ලග නවතිනවා. ගේ ඉස්සරහ ඉන්න කළුවර ගුලිය හුරුපුරුදු විදිහටම සීයව අඳුනගන්නවා.

‘රාලහාමි අද ටිකක් පරක්කුයි...’ -ගුණා.

ගුණාගේ මනුස්සයා රට රස්සාවකට යන්න ඉල්ලුම්පත්‍ර පුරව ගන්න රාලහාමිව හොයාගෙන එනව. දුක කියනව. දුක අහන්න රාලහාමි ගුනාගේ ගෙදර යනව, මනුස්සය රට ගියාට පස්සෙත්. ගුණාගේ ඉගුරු කෝපි වලට රාලහාමි ආස වෙනව. කළුවර වැටුනට පස්සේ අහංකාර බැරෑරුම්කාර ඇදුම් පැළදුම් ලිහා දමා ගුණා එක්ක ඔද්දල් වෙලා ආයෙත් උදේට අතවරයකින් තොරව අහංකාර බරෑරුම්කාර රාලහාමි වෙන්න සීය පුරුදු වෙනව.

‘ඔය පදු ගෑණි.....ඉනාවක් කවල රාලහාමිව රවට්ටගෙන’ -දෝණිගේ ආච්චි

රෑ කෑමෙන් පස්සේ, අම්මයි ආචිචියි කෑම මේසෙම ඉදගෙන හති අරිනව. දෝණි ෆෝන් එකත් අරන් ටෙක්ස්ට් කිචිබිචියක ඉන්න ගමන්, ඉලියාස් එක්ක, අම්මගේ මුණ බලනව. අම්ම බිම බලාගන්නව. හැමදාම වගේ.

කිසිම දෙයක් දන්නේ නෑ වගේ උදේ වෙනව.

සීයා ඉස්ස්තොප්පුවට එනකොට දවස ගොඩක් තරුණ වෙලා. දෝණි, සීය වෙනුවෙන්ම වෙන්කරපු ඉස්තෝප්පු පුටුවේ දිගෑදිල, කොට කලිසමකුත් ගහගෙන, ෆෝන් එකත් කනේ, සීයට ‘හායි’ පාරක් දානවා. සීයට ඉඳගන්න තැනක් නෑ. අනික් ඉස්තෝප්පු පුටු තිබුනත් ඒවා සීයාගේ නෙමෙයි. අම්ම ගොජදාන තේ කෝප්පයක් අරං සීයාගේ පස්සෙන්.

සීය කථා කරනකම් හැමෝම බුම්මගෙන ඉන්නවා. අන්තිමට සීය කථා කරනවා. දෝණි ගැන අහනව. දැන් හරි ලොකුයි, හොදට බලාගන්ඩ වෙයි ඔය නරකම කාලේ. ඔය කාලේ අවුල් උනොත් ආයේ හදනවා බොරු.

‘දැන් ඔය ළමයටත් හැමදාම ඔහොම ඔහොම ඉන්න පුලුවන්ද. මොකක් හරි කලදසාවක් වෙන විදිහක් ගැන බලන්න එපාද. ලොකු කරුමයක් පටිසන් දුන්න කියල හිතාගෙන අපිට ගැලපෙන හොද තැනකින් ආයෙත් කසාදයක් බලමු’
ඉයෆෝනයක් කනේ ගහගෙන හිටපු දෝණි එකපාරටම අම්ම දිහා බලනවා. අම්ම වහලේ පරාල ගනන්කරන්න ගන්නව.
දෝණිට අම්ම ගැන දුක හිතෙනව.

‘ආපු එකේ දෙන්න අදත් ඉදල යන්න. මං දන්න හොද කපුවෙක් ඉන්නව. දස්සය. මනුස්සයව හම්බ වෙන්න යමු.’
සීයාගේ වචන කරන්ට් එකක් වගේ දෝණිගේ කන්දෙක පසාරු කරනව.

‘හෙට..! බෑ බෑ අදම යන්න ඕනි අම්මේ.... හෙට මං ඉලියාස්ව හම්බවෙන්න දාගෙන ඉන්නේ. මං පොරොන්දු උනා...’
දෝණිගේ අම්ම සීය දිහා බලනව. සීය ඇහුනේ නෑ වගේ ඉන්නව.

වත්තේ කොනේ එල්ලා තියෙන රඹුටන් ටකේ බල් බල් සද්දේ නැවතිල. වත්ත බලාගන්න බාලා පේන්න නෑ. ටකේ ඇදිල්ල පුතාට බාරදීලා කොහේට හරි වෙලා. බාලාගේ පුතා, දෝණිගේම වයස, බාලත් එක්ක වත්තේම එහෙට මෙහෙට වෙවී ඉන්න, ටකේ ඇදිල්ල නවත්තල වෙන වෙන සෙල්ලම් වැඩ. සීය උගුර පාදනව. කොල්ල කලබලේ කෝටු කෑල්ල විසිකරල ටකේ එල්ලෙනව.

පපුවට පුංචි සැහැල්ලුවක් දැනෙනව. කාලෙකට පස්සේ. ඉස්තෝප්පු පුටුවේ දිගාවෙලා කහට කෝප්පයක් බොන්ඩ ඇත්තම් කියල සීයට හිතෙනවා.


-"කැත ගැහැණියකගේ සිහිනය" කෙටිකතා සංග්‍රහයෙන්.
මේ වියමන ඔබේ මූණු පොතට එක් කරන්න-
Tags- Sinhala Keti Katha, Short Stories, Kathandara
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
වෙසෙස්
දත්තවාදී යුගයේ විප්ලවවාදින් හඳුනාගනිමු!
වෙසෙස්
සමාජවාදයේ සහ ධනවාදයේ දත්තවාදී කියවීම
වෙසෙස්
මානව සමාජයේ මීළඟ විප්ලවය 'දත්තවාදය'ද?
වෙසෙස්
හුදකලාව විකුණා විනෝදවෙන්න එන්න!
වෙසෙස්
පශ්චාත් සත්‍ය යුගයේ ජනමාධ්‍යයේ කාර්යභාරය අවසන්ද?
තවත් කතන්දර බූන්දි
සැප්තැම්බරයේ දවසක්
විරාම ලකුණු
වනවාසි සහ ලෝකවාසී
නිල් සුළිය
චිත්‍ර ප්‍රදර්ශනය
බූන්දි නව ඊමේල් ලිපිනය- editorial@boondi.lk
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
කතා-බස්| ඇත්තටම කවුද මේ ප‍්‍රදීප් මැතිව්?

5-Mins

(කසුන් සමරතුංග) ‘මිස්ටර් කරුණාසේනගේ අක්මාව හොඳටම නරක් වෙලා.’

‘ඒ වුණාට මගේ පපුව හොඳයි!’

විහිළුවයි හිනාවයි අන්තිම අසරණ බව මටම දැනුණා. දොස්තරට ගාණක් නෑ. තුණ්ඩුවක්... [More]
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook