Introduction to Homo Deus: A Brief History of Tomorrow by Yuval Noah Harari- 1 | BOONDI.LK
Facebook
Twitter
Google+
YouTube
Blog
RSS Feed
වෙසෙස් බූන්දි
සමාජවාදයේ සහ ධනවාදයේ දත්තවාදී කියවීම
බූන්දි, 18:37:40
මානව සමාජයේ ඉතා සුවිශේෂ හැරවුම් ලක්ෂ්‍යයන් දෙකක් වන සමාජවාදය සහ ධනවාදය දත්තවාදී දෘෂ්ටිකෝණයෙන් කියවාගත යුතු බව ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) පවසනවා. ඔහු සිය Homo Deus (මීළඟ හතළිස් වසරේ ඉතිහාසය) නම් වූ කෘතියේ එකොළොස්වන පරිච්ඡේදයෙන් දත්තවාදය ගැන මතු කළ අදහස්වල සිංහල අනුවාදය මීට ඉහත පළවූ අතර (මානව සමාජයේ මීළඟ විප්ලවය 'දත්තවාදය'ද?) මේ එහි දෙවන කොටසයි.

දේශපාලනයේ දිශානිතිය වෙනස්කරන දත්තවාදය

සමාජවාදය සහ ධනවාදය යනු එකිනෙකට වෙනස් දත්ත සැකසුම් ක්‍රමවේදයන් දෙකක්. සමාජවාදී සමාජයක් තුළ දත්ත හැසිරීම සලකා බැලුවොත් එය එක් න්‍යෂ්ඨියකට කේන්ද්‍රගත වෙනවා. දත්ත සංසරණය වෙන අවස්ථා අඩුයි. ධනවාදී සමාජයක දත්ත විසුරුණු ස්භාවයක් පෙන්නුම් කරනවා. නිෂ්පාදකයා සහ පාරිභෝගිකයා දත්තවාදය විසින් එකිනෙකට මුණගස්සනවා. මේ නිසා නිෂ්පාදකයාට තීරණ ගැනීමේ හැකියාව වැඩිවෙනවා. ධනවාදී වෙළඳපොළ ආර්ථික ක්‍රමයේ මුල් කාලයේ නිෂ්පාදකයා සහ පාරිභෝගිකයා අතර දත්තවාදී සංවාදයක් ඇතිවී දත්තවාදය විසින් මේ බලවේග දෙකම පාලනය කරන තත්වයක් තිබුනත් අද මේ සංවාදයෙන් නිෂ්පාදකයා ජයගෙන ඇති අතර පාරිභෝගිකයා යනූ නිෂ්පාදකයාට දත්ත නිෂ්පාදනය කරන යන්ත්‍රයක් බවට විතැන් වී ඇත.

වෙළඳපොළේ පාන් මිල පිළිබඳව උදාහරණයක් සලකමු. අපි පාරිභෝජනය කරන පාන් වල මිල තීරණය කරන්නේ කවුද? සමාජවාදී රාජ්‍යයකදී එය නිෂ්පාදකයා සහ පාරිභෝගිකයා පිලිබදව සමාලෝචනයකින් පසුව රාජ්‍යය විසින් තීරණය කරනු ඇත. වෙළඳපොළ ආර්ථික ක්‍රමයක් තුළදී එය තීරණය කරනුයේ දත්තවාදය විසින්. එහෙත් මෙහිදී දත්තවාදය විසින් කිසිම වෙළඳපොළක් හෝ සමාජයක පාන් අවශ්‍යතාවය පිළිබඳව සමාලෝචනයක් නොකරයි. දත්තවාදය සලකන්නේ දත්ත පමණයි.



පාන් පාරිභෝජනය කිරීම තුලින් පාරිභෝගිකයා පාන්වලට අදාළ බොහෝ දත්ත නිෂ්පාදනය කරයි. මේ දත්ත එක එල්ලේම විශ්ලේෂණය කිරීමට පාන් නිෂ්පාදකයාට හැකිවෙයි. එම දත්ත ඇසුරෙන් පාන් මිල, හැඩය හෝ ගුණය නිෂ්පාදකයා විසින් තීරණය කරයි. මීට එදිරිව පාන් නිෂ්පාදකයා සතු දත්ත කිසියම් ප්‍රමාණයක් පාරිභෝගිකයා වෙතට ද සංසරණය වෙයි. නිෂ්පාදකයාගේ ගුණාත්මකභාවය, සමාජ වගකීම ආදී දත්ත. මෙම දත්ත ගොනු එකිනෙකට ගැටීමේ ප්‍රතිඑලයක් ලෙස ප්‍රමුඛ වන දත්ත ගොනුවේ, බොහෝවිට පාන් නිෂ්පාදකයාගේ දත්ත විශ්ලේෂණය මත අවසානයේ පාන් මිල තීරණය වේ.

කිසියම් පාන් නිෂ්පාදකයෙක් අසාමාන්‍ය මිලකට පාන් ගෙඩියක් වෙළඳපොළට නිකුත් කළා යැයි සිතමු. මේ පාන් විශේෂයේ මිල ඩොලර් 100කට (පැහැදිලි කිරීමේ පහසුව සඳහා) නියම වේයෑයි සිතමු. කිසිවෙකු මේවා මිලදී ගනිතැයි සිතිය නොහැකියි. මේ මිල සාධාරණීකරණය කිරීමට බොහෝ දත්ත නිෂ්පාදනය කිරීමට සිදුවෙනවා. උදාහරණයක් ලෙසට එම පාන් වලට යොදා ඇති සුවිශේෂ පිටි වර්ගයක් ගැන, එසේත් නැතිනම්, එම පාන් පාරිභෝජනය කිරීම මගින් ලැබෙන සුවිශේෂ සෞඛ්‍ය වාසියක් ගැන. මේ දත්ත වලට පාරිභෝගික සමාජයේ ‘ඉල්ලීමක්’ නිර්මාණය උනොත් ඔවුන් ඒවා මිලදී ගන්නවා. මෙම ඉල්ලුම ඉතා ඉහළ ගියහොත් වෙළඳපොළේ ‘සුවිශේෂී පාන්’ නම් භාණ්ඩයක් නිර්මාණය වී එහි මිල ඩොලර් 100ක් බවට පත්වෙනවා.

ඇතැම් රටවල්වල, වෙළඳපොළ ආර්ථිකය ක්‍රියාත්මක වෙන රටවල් වල පවා පාන් වැනි සංවේදී පාරිභෝගික භාණ්ඩයක මිල තීරණය කිරීමේ සාධකයට රාජ්‍ය තන්ත්‍රයේ මැදිහත්වීම දක්නට ලැබෙනවා. බැලු බැල්මට මෙය දත්තවාදයේ වෙළඳපොළ ආධිපත්‍යය පිළිබඳ තර්කනයට විරුද්ධව සිදුවෙන ක්‍රියාවලියක්. එහෙත් මේ මැදිහත්වීම් හුදු චාරිත්‍රානුකූල එකක්. (ceremonial interference) දත්තවාදයේ තර්කනයට අනුව රාජ්‍යයට ඇත්තේ ඉතා සුළු මැදිහත්වීමේ අවස්ථාවක් පමණයි.

දත්තවායේ තර්කනයට යටත්ව බිහිවූ ඉතා වැදගත් ආයතනයක් වන්නේ කොටස් වෙළඳපොළයි. කොටස් වෙළඳපොළ යනු ලෝකයේ නවතම අධිරාජ්‍යවාදයයි. කොටස් වෙළඳපොළ තම දත්ත ජාලය මගින් ලෝක ආර්ථිකය පාලනය කරන ආයතනයයි. සෘජුව හෝ වක්‍රව ලෝකයේ සියළු මිනිසුන් කොටස් වෙළඳපොළ සමග සම්බන්ධ වී සිටිනවා. අප්‍රිකාවේ ගෝත්‍රික ග්‍රාමයක සිටින මිනිසෙකුට පවා නිව්යෝක් කොටස් වෙළඳපොළේ චලනයන් බලපානව. දත්තවාදය අනුව ලෝකයේ කොටස් වෙළඳපොළ ජාලය හැදින්විය හැකි හොඳම නිර්වචනය 'ස්වාධීන සහ එකිනෙකා මත යැපෙන' (independent and inter dependent) ආයතන යන්නයි.

කොටස් වෙළඳපොළ චලනයන් සිදුවීමට බලපාන ප්‍රධාන සාධකය වන්නේ ලෝකයේ සිදුවන සමාජ ආර්ථික සහ දේශපාලන කාලගුණය බව අප දන්නා ජනප්‍රිය කාරණයයි. ලෝකයේ රටවල්වල සිදුවන දේශපාලන හැලහැප්පීම් සහ ස්භාවික විපත් සෘජු ලෙසම එම රටවල් වල ආර්ථිකයට බලපෑම් ඇති කරනවා. ඒත් දත්තවාදයේ නීති රිති වලට අනුව රටක ආර්ථික චලනයන්ට බලපෑම් ඇතිකරන්නේ එරට කොටස් වෙළඳපොළ කරා එන දත්ත වල ප්‍රබලත්වය මගින්.

උදාහරණයක් ලෙසට අප්‍රිකාවේ දරුවන් මන්දපෝෂණයෙන් මියයෑම කියන කාරණය ඉතා සංවේදී සහ දුක්මුසු පුවතක් ලෙස අපට දැනුනත් ඉන් නිව්යෝර්ක් හෝ යුරෝපයේ කොටස් වෙළඳපොළට බලපෑම් කරන්න පුළුවන් කමක් ලැබිල නෑ. අප්‍රිකාවේ මියයන දරුවන් නිෂ්පාදනය කරන්නේ ඉතා දුර්වල දත්තයි. නමුත් අප්‍රිකානු කලාපයේම පැතිර ගිය එබෝලා වසංගතය එම කලාපයේ සංචාරය කළ යුරෝපා ජාතිකයන් කිහිප දෙනෙකුට වැළදී එම වසංගතයේ භයානක කම යුරෝපයට දැනෙන්නට පටන් ගත්තා. අප්‍රිකානු සංචාරක ව්‍යාපාරය තාවකාලිකව අඩපණ වීමෙන් වසංගතයේ ආර්ථික කාරණය කොටස් වෙළඳපොළටත් දැනුනා.

මේ වසංගතය පසු කාලයේදී පාලනය කළ අතර ඉන් ජිවිතක්ෂයට පත්වුයේ සාපේක්ෂව ඉතා අඩු මිනිසුන් පිරිසක්. නමුත් මෙම ක්‍රියාවලියෙන් නිෂ්පාදනය වූ දත්ත ඉතා ප්‍රබල නිසා එය යුරෝ-අප්‍රිකා ආර්ථිකයේ ප්‍රධාන සාධකයක් වුනා. මේ ලියන මොහොත වනවිට අප්‍රිකාවේ මන්දපෝෂණයෙන් දහස් ගණනක් මියයන මුත් ඔවුන් නිසා අප්‍රිකාවේ, යුරෝපයේ හෝ ලෝකයේ කිසිම රටක කොටස් වෙළඳපොළට බලපෑමක් එල්ල කරන්නේ නෑ. එනිසා ඒවා දත්තවාදය තුල වැදගත් කාර්යභාරයක් ඉටු කරන්නේ නෑ.

පැරණි ලෝකයේ සංවේදී සහ වැදගත් සිදුවීම් දත්තවාදී ලෝකයට පැමිණෙන විට නැවත පරික්ෂාවකට ලක්කෙරෙන අතර මේ අළුත් ලෝකයේදී සංවේදී මනුස්සකම් වලට ලැබෙන්නේ දත්තමය අගයක්. බොහෝවිට එය ඉතා දුර්වල දත්තමය අගයක්.

මා කලින් සදහන් කළ සමාජවාදී ආර්ථික ක්‍රමයක් අත්හදා බැලු සෝවියට් රුසියාවේ සිටි ජීව විද්‍යාඥයෙක් වූ ට්‍රොෆිම් ලිසෙන්කෝ (Trofim Lysenko) කෘෂිකර්මාන්තය අදාළ බොහෝ පර්යේෂණ කළා. කොමියුනිස්ට් පක්ෂයේ පුර්ණ අනුග්‍රහයෙන් ඔහු සයිබිරියාවේදී කළ පර්යේෂණයක අරමුණ වූයේ අධික සීතලට ඔරොත්තු දෙන අන්දමේ තිරිඟු බීජ නිෂ්පාදනය කිරීමයි. ඔහුගේ පර්යේෂණ අසාර්ථක වී රට ආහාර අර්බුද අවදානමකට පවා ලක්වූ බව පැවසෙනවා. ලිසෙන්කෝගේ පර්යේෂණ පිළිබඳ දත්තවල දිශානතිය එල්ලවී තිබුනේ පක්ෂය සමග බැවින් දත්තවාදය අනුව එය දුර්වල දත්ත පෙළගැස්මක්. එහිදී නිෂ්පාදනය කෙරෙන්නේ ඉතා දුර්වල දත්තයි. වරදින්න සහ නොමග යන්න තියන ඉඩප්‍රස්ථා අඩුයි.

මීට එදිරිව ඇමරිකාවේ, ඇපල් සමාගමේ නිර්මාතෘ ස්ටීව් ජොබ්ස් පිළිබඳ උදාහරණය ගමු. ඔහු තම තාක්ෂණය තරඟකාරී ලෙස දියුණුකළේ කොහොමද? දේශසීමා සහ දේශපාලන සම්බාධක කඩා බිඳ දමමින් ආසියාවේ, අප්‍රිකාවේ සහ යුරෝපයේ රටවල් වලින් නිෂ්පාදනය කළ තාක්ෂණික ඔළුගෙඩි ඇපල් සමාගමේ විශ්මිත මෘදුකාංග නිෂ්පානය කිරීම සදහා යෙදවීමේ පරිසරයක් ඇතිකිරීමයි. ලිසෙන්කෝ සේම ඇපල් සමාගමත් එක් කාලයක අසාර්ථක වන අතර ඔවුන් යළිත් ගොඩ එන්නේ ලෝකයේම විසිරුණු දැනුම තම සමාගම වෙතට ග්‍රහණය කර ගැනීමෙන්.



ඇපල් සමාගම සතු දත්ත ගබඩාව යනු ඉතා ප්‍රබල දත්ත සංකීර්ණයක්. එය පාලනය කිරීමට ලෝකයේ කිසිම නීතිමය හෝ ව්‍යවස්ථාපිත ආයතනයකට නොහැකිවී ඇත. මෙහි ඇති උභතෝකෝටිකය නම් ලිසෙන්කෝගේ පර්යේෂණ එකල සෝවියට් රුසියාවේ සමාජය ගොඩනැංවීම සදහා පෙනී සිටි අතර ඇපල් සමාගම වෙළඳපොළ සමාජය වෙනුවෙන් පෙනී සිටීමයි. වෙළඳපොළ සමාජයේ මිනිසුන් නැති අතර ඇත්තේ දත්ත පමණි. හැම මිනිසෙක්ම දත්ත නිෂ්පාදකයෙකි. විශාල දත්ත ගොනු (Big Data) වල පුංචි ඒකකයකි.

ඉතිහාසයේ එක් තීරණාත්මක අවස්ථාවක සමාජවාදී සමාජ ආර්ථික ක්‍රමය පරදා ධනවාදී ආර්ථික අභිලාෂය ලෝකයේ පෙරට එන්නේ එය ඉතා කාර්යක්ෂම, සාධාරණ හෝ ප්‍රායෝගික, එසේත් නැත්නම් ‘දෙවියන්ගේ කැමැත්ත’ නිසා හෝ නොවේ. ධනවාදය ඉතා කාර්යක්ෂම ලෙස දත්ත පරිශීලනය කරන නිසාය. ධනවාදයේ මුල් වකවානුවේ එය ඉතා කාර්යක්ෂම ආර්ථික ක්‍රමයක් ලෙස බොහෝ සමාජවාදී ආර්ථික විද්‍යාර්ථයින් පවා වරනැගුවා. ඒත් අපි මේ ජීවත්වෙන පසු ධනවාදී යුගයේ කාර්යක්ෂමභාවය දෙගුණ තෙගුණ වී, මිනිසා වෙනුවට දත්ත සහ සමාජය වෙනුවට වෙළඳපොළ පැමිණ තිබෙනවා.

රෝම අධිරාජ්‍යවාදය හෝ ඉංග්‍රීසි අධිරාජ්‍යවාදය පැවතුණු යුගයන් වලදී එකී සමාජයන්ගේ හැසිරීම ගැන කල්පනා කරන්න. මේ වකවානු වලදී සමාජය ලෙස අර්ථ ගැන්වුවේ අධිරාජ්‍යයා වටා විවිධ ස්ථර වලින් පෙළගස්වන ලද සහ හික්මවන ලද ජන සමුහයන් හෝ රාජ්‍යන් වලට. සමාජය පරිණාමයට හසුවී ප්‍රජාතන්ත්‍රවාදී පාලන ආයතන බිහිවී, යලිත් සර්පිලාකාර ලෙස මුලටම ගමන් කොට ඇත. එනම් මනුෂ්‍ය සමාජය මත අධිරාජ්‍යවාදය යලිත් බිහිවෙමින් පවතී. මේ අළුත් අධිරාජ්‍යවාදය අන් කිසිවක් නොවෙ දත්තවාදයයි. මේ අළුත් අධිරාජ්‍යවාදයේ විශේෂත්වය නම් අධිරාජ්‍යවාදී මිනිසුන් හෝ පවුල් වෙනුවට ඇත්තේ දත්ත වලින් සමන්විත බැලු බැල්මට කිසිවෙකුටත් නොපෙනෙන පද්ධතියක් වීමයි. ඉපැරණි අධිරාජ්‍යවාදී සමාජයන් වලදී මෙන් මිනිස්සු මේ අදිසි පද්ධතියට කීකරුව, පද්ධතියේ අණසකට යටත්ව ජිවත් වෙති.

විසිවන සියවසේදී බිහිවූ ප්‍රජාතන්ත්‍රවාදී ආයතන විසිඑක්වන සියවසේදී දත්තවාදය විසින් අභියෝගයට ලක්කරමින් සිටී. හෙට දවසේදී දත්තවාදය විසින් මේ සියළු ප්‍රජාතන්ත්‍රවාදී ආයතන පෙරළා දමනු ඇත. එකල බිහිවූ ආයතන වන පාර්ලිමේන්තු, මැතිවරණ සහ අධිකරණ පද්ධති ගොඩනැගෙන කාලවකවානු වලදී තාක්ෂණය තිබුනේ සිහින කොදෙව්වලය. ඉන්පසුව පැමිණි වකවානුව වන්නේ ප්‍රජාතන්ත්‍රවාදී ආයතනවල අධිපතිවාදයට යටත්ව තාක්ෂණය දියුණු වීමයි. එහෙත් අප ජිවත්වන මේ යුගය යනු තාක්ෂණය විසින් සම්ප්‍රදායික ආයතන යටපත් කරමින් යන යුගයයි. හෙට දවසේදී තාක්ෂණය විසින් මේ ආයතන අතාර්තික කර දමනු ඇත.

යම් රටක අන්තර්ජාලය හරහා දත්ත එකතු කොට එම දත්ත පද්ධති මගින් සමාජය අනියම් ආකාරයෙන් මෙහෙයවීමේ ක්‍රියාවලිය එරට පාර්ලිමේන්තුවට හෝ ඉන් පනවන නීති රීති වලට හෝ පාලනය කිරීමට හැකිද? කිසියම් රටක දත්ත පද්ධති තවත් රටක දත්ත සමග එක් කිරීම සම්ප්‍රදායික පාර්ලිමේන්තුවාදයේදී බරපතල දේශසීමා ආක්‍රමණයකි. එහෙත් දත්තවාදයේදී එය පරිගණකයක් තුළ විසඳා ගන්නා පුංචි කටයුත්තකි.

එහෙත් තවමත් සම්ප්‍රදායික ප්‍රජාතන්ත්‍රවාදී ආයතන මහපොළොව මත පවතියි. සමාජය තවමත් ඒ ආයතනවල පැවත්ත්ම වෙනුවෙන් වෙහෙසෙයි. මෙම ආයතන හෝ එහි යථාර්ථවාදී බව යනු අද සමාජය දකින සිහිනයකි. එහෙත් දත්තවාදය විසින් නුදුරු අනාගතයේදී මනුෂ්‍ය සමාජයට මේ හීනය තේරුම් බේරුම් කර දෙනු ඇත.


Yuval Noah Harari

(පළමු කොටස- 'මානව සමාජයේ මීළඟ විප්ලවය 'දත්තවාදය'ද?') |
(තෙවන කොටස- 'දත්තවාදී යුගයේ විප්ලවවාදින් හඳුනාගනිමු!')
මේ වියමන ඔබේ මූණු පොතට එක් කරන්න-
Tags- Introduction to Homo Deus: A Brief History of Tomorrow, Yuval Noah Harari, Socialism, Capitalism, Dataism, Data, Information, Civilization, Technology
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
කතන්දර
සෙන්ටෙනියල් දෝණි
වෙසෙස්
දත්තවාදී යුගයේ විප්ලවවාදින් හඳුනාගනිමු!
වෙසෙස්
මානව සමාජයේ මීළඟ විප්ලවය 'දත්තවාදය'ද?
වෙසෙස්
හුදකලාව විකුණා විනෝදවෙන්න එන්න!
වෙසෙස්
පශ්චාත් සත්‍ය යුගයේ ජනමාධ්‍යයේ කාර්යභාරය අවසන්ද?
තවත් වෙසෙස් බූන්දි
අපි තමයි නියම විප්ලවකාරයෝ..!
ආරියසේන යූ ගමගේ- සොඳුරු මතක ඉතිරි කොට නික්ම ගිය වෛද්‍යවරයා
ස්ටීවන් හෝකින්- විශ්වය විමසයි.
ඡ්‍යෝතිෂය පදනම්වන්නේ ව්‍යාජ දෘශ්‍ය මායාවක් මතය!
එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා
බූන්දි නව ඊමේල් ලිපිනය- editorial@boondi.lk
BoondiLets
රෝසා ලක්සම්බ(ර්)ග් කියයි.
ආණ්ඩුවේ ආධාරකරුවන් හෝ සාමාජිකයින් පමණක් සතු නිදහස, පක්ෂ සාමාජිකයින් පමණක් සතු නිදහස, ඔවුන් ගණනින් කෙතරම් ප්‍රමාණයක් වුව ද එය සැබෑ "නිදහස" නොවේ. නිරන්තරයෙන් සහ විශිෂ්ට... [More]
What's New | අලුතෙන්ම
ඔත්තු| ගඟේ නොයන තරුණ දේශපාලනයක්- අගෝ. 21

15-Secs

අජිත් පැරකුම් ජයසිංහ විසින් ලියන ලද එළියකන්ද වධකාගාරයේ සත්‍ය සිදුවීම් පසුබිම් කරගත් 1989 කැරැල්ල පිළිබඳ... [More]
කවි| ඉතා කුඩා විශාල වෙනස

2-Secs

(සමර විජේසිංහ) අපට නම්
පහසුකම් ඇත
දුකට බොන
ඛෙහෙත් ඇත

ඛෙහෙත් ටිකක්වත්... [More]
කතා-බස්| ඇමෙරිකානු ව්‍යාපෘතියේ පාපිෂ්ට කාලසටහන! (ජෙනරාල් වෙස්ලි ක්ලාර්ක් සමග)

31-Mins

(අජිත් සී හේරත්) ජෙනරාල් වෙස්ලි ක්ලාර්ක් සමග ඒමි ගුඩ්මාන් විසින් කරන ලද මෙම සම්මුඛ සාකච්ඡාව ලෝක ආධිපත්‍යය සඳහා වන ඇමෙරිකානු ව්‍යාපෘතියේ පාපිෂ්ට... [More]
කවි| මඳ නල

5-Secs

(ආරියවංශ රණවීර) කඳු වලල්ලට හොරෙන්
ආවා ඔබ මා ළගට
මල් පවා බලා සිටියා
ගත් සුසුම
නොහෙලා පහළට
පුදුමව.... [More]
පරිවර්තන| කියන්නද මා නුඹට, නුඹ සොඳුරුයැයි ගිම්හානයේ දිනක් තරමටම?

52-Secs

(විලියම් ශේක්ස්පියර් | මහේෂි බී. වීරකෝන්) කියන්නද මා නුඹට...,
නුඹ සොඳුරුයැයි ගිම්හානයේ දිනක් තරමටම?
එනමුත් නුඹ ඊටත් වඩා වැඩියෙන් මුදුයි, සුන්දරයි මට.
රළු පවන් වෙසක් මස සිඟිති මල් පෙළන කල,
සිසිර කල දහවලත් බොහෝ දිගු කරන විට,
දෙව්ලොවේ ඇස අරා සැඩ රැසින් ලොව පෙළයි.... [More]
කවි| තුරු වන්දනය

51-Secs

(ලාල් හෑගොඩ) මහා අරණ තුල දෑස අබියස
මේ දැන් පහළවුවාසේ පෙනෙන දසුනෙන්
කිවි තෙමේ වික්ෂිප්ත විය.

ළා හරිත චත්‍රයක් වන් උඩුවියන තුළ
විසිරුණු ආලෝකයෙන්... [More]
කතන්දර| සෙන්ටෙනියල් දෝණි

4-Mins

(සරද සමරසිංහ) දෝණි දොර ඇරගෙන ගෙට ගොඩවෙනකොට අම්මයි රාජ් අන්කලුයි සාලයේ සෝපාවේ තුරුළු වෙලා ඉඳගෙන ෆෝන් එකේ මොකක්දෝ බලනවා. දෙන්නම ඩිංගක් තිගැස්සෙනව.... [More]
පොත්| යුතෝපියාව- සුන්දර ගම්මානය පිළිබඳ ප්‍රතිවික්ටෝරියානු කියවීමක් සඳහා

4-Mins

(කේ.ඩී. දර්ශන) ලිඛිත කලා මාධ්‍යයන් අතර කෙටිකතාවට හිමි වන්නේ සුවිශේෂී තැනකි. එය පමණක් නොව, ඉදිරියට කෙටි යන විශේෂණය සහිත සෑම කලා මාධ්‍යයක්... [More]
කවි| සිනාසෙන ඔබෙ මූණ

36-Secs

(ලක්ශාන්ත අතුකෝරල) සිනාසෙන ඔබෙ මූණ
බොහෝ කලකින් මා ගමට ආ
මේ අහඹු කාලකණ්ණිදා
පටු මගෙහි පවුරු මත
පොල් ගසෙක - කඩ පිළෙක
සිනාසී එබීගෙන ඔඛෙ මූණ... [More]
කතා-බස්| ඒ මිනිස් අරගලයට මම හිස නමනවා! -මො.ල. සෙනෙවිරත්න

2-Mins

(කසුන් සමරතුංග) 'හික්මවීම පිණිස මේ දඬුවම ඉවසන්න' නම් වූ ස්වකීය කුළුඳුල් කාව්‍ය සංග්‍රහයේ කතෘ සටහන වෙනුවෙන් එහි කතුවර මො.ල. සෙනෙවිරත්න මෙසේ ලියයි.

"ලබා... [More]
වෙසෙස්| ජෝතිපාල ලංකාවේ ජනප්‍රිය ම ගායකයා වීමේ දේශපාලන ආර්ථීකය

18-Mins

(සමන් එම්. කාරියකරවන) එච්. ආර්. ජෝතිපාල යනු ලංකාවේ එදා මෙදා තුර අනභියෝගී ව රැඳී සිටින ජනප්‍රිය ම ගායකයා වේ. ඔහුගේ මරණය සිදුවූයේ 1987... [More]
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook