Facebook
Twitter
Google+
YouTube
Blog
RSS Feed
අදහස් බූන්දි
මේ "අහවල් FM" වහුකුණු රේඩියෝවයි!
බූන්දි, 17:08:15
එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට පසුගියදා මා හට සිදුවුණි. පොදු ප්‍රවාහන සේවාවල ගමන් ගන්නා විට මුහුණ පෑමට සිදුවන එවැනි අමිහිරි අත්දැකීමට ප්‍රතිචාර වශයෙන් කරුණු කිහිපයක් පෙළගැස්වීමට නිමිති කර ගනිමින් ඒ පූර්ව ප්‍රචාරක දැනුම් දීම් මෙසේ පහත දක්වමු.

"ඔබේ නිවසේ වසන සියලු දෙනාට බලපාන සියලු දෝෂ, අනවින, කොඩිවින, හුනියම් අපල-උපද්‍රව දුරු කරන මහා බලගතු පිරිත් සජ්ජායනය අලුයම 3:00 සිට මෙම FM රේඩියෝ චැනලය ඔස්සේ ප්‍රචාරය කරවන බැවින් එය ඔබේ නිවසේ ශ්‍රවණය කරන්න."

"ශිෂ්‍යත්ව විභාගයට පෙනී සිටින ඔබේ දරුවා ඉහළින් සමත් කරවන මහා ආශිර්වාද බෝධි පූජාව ‘අහවල් හිමියන්ගේ’ සාභාගිත්වයෙන් පැවැත්වෙන අතර එය ශ්‍රවණය කොට ආනිසංස ලබා ගන්න."

"ඔබේ ව්‍යාපාරය වැඩිදියුණු කරවන, නිවාස, වාහනය ආදිය ආරක්ෂා කරන මහා බලගතු ‘අහවල්’ පිරිත් සජ්ජායනය අසවල් වෙලාවේ සිට ඇසෙන්නට සලස්වන්න; එයින් ඔබ මහත් ආනිසංස ලබා ගන්න."

(පිරිත් යනු යම් අපේක්ෂාවන් ඉටුකර ගැනීමට කරන ජප කිරීමක් ද යන්න පැහැදිලි කර දීමට කිසිදු උගත් හිමි නමක් ඉදිරිපත් නොවීම ඛේදවාචකයකි. මේ සරල කාරණය පවා වටහා ගත නොහැකි වීම අරබයා බෞද්ධ සමාජය ලජ්ජා විය යුතුය.)

දෙවැනි වර්ගයේ සමාජ සත්කාර මාධ්‍ය මෙහෙවර මෙවැනි ආකාරයේ එකකි;

"දියවැඩියාව නිට්ටාවටම සුව කරන අසවල් වෙද මහතාගෙන් අදම ප්‍රතිකාර ලබාගෙන සුවය ලබා ප්‍රත්‍යක්ෂ කර ගන්න."

(අපේ විශේෂඥ වෛද්‍යවරුනට දෛනික චැනල් සේවයේ රාජකාරි බහුල බැවින් -ඔවුන්ට වෘත්තීය අභිමානයට වඩා මුල්‍ය ප්‍රතිලාභය වැදගත් බැවින්- මෙවැනි තක්කඩීන් සමාජයට සන්නිවේදනය කරන කෙබර වලට උත්තර දීමට වෙලාවක් නොමැති නිසා මෙවැනි දේ අපට ඉවසා වදාරන්නට සිදුව ඇත!)

නොමිලේම උදාකරන තවත් සමාජ සත්කාර මාධ්‍ය මෙහෙවරකි මේ;

"අසවල් ග්‍රහ මාරුව ඔබට, රටට බලපාන්නේ කෙසේද යන්න අවබෝධ කරගන්න ‘මහාචාර්ය මන්ත්‍රාචාර්ය’ අහවල් ජ්‍යෝතිෂඥයාගේ විග්‍රහයට සවන් දෙන්න."

(මේවා අපේ ‘සංස්කෘතික සම්ප්‍රදායන්’ ලෙස මෝඩ දේශපාලඥයින් සලකන බැවින් ඊට අත තැබීම නොහොබී!)

හුනියන් කැපීම, සෙත්කවි, ග්‍රහ-අපල දුරුකිරීම්, ජ්‍යෝතිෂය, ආශීර්වාද පූජා ආදිය යනු, තක්කඩීන් හා තමන් හට යම්කිසි බලයක් හෝ "වරමක්" ඇතැයි සිතාගෙන සිටින මානසික රෝගීන් පිරිසක් විසින් (තමන්හට ඇති රෝගය පිලිබඳ වැටහීමක් නොමැතිකම නිසා) පවත්වාගෙන යන ජාවාරමක් බව විචාරශීලී සමාජය හමුවේ දෛනිකව හෙළිදරව් වෙමින් ඇත. තමන් හට හැකියැයි උදම් ඇනු හපන්කම් කිසිවක් සනාථ කල නොහැකිව කට්ටඩින් බොහෝ දෙනෙකු මේවනවිට අනාථවී කිච වී, පච වී, පජාල වී සිටින තත්වයක මේ තක්කඩින් හා හවුලේ හුදී ජනයා ගසා කන ජනමාධ්‍ය කට්ටඩින් හට තිබෙන හොඳම ගුබ්බෑයම මේ FM චැනලයයි.

මාධ්‍ය ආචාරධර්ම පිලිබඳ සාක්ෂරතාවයක් නොමැති ජනතාවක් සිටින, සාමාන්‍ය මානව ගරුත්වය පිලිබඳ අදහසක් හෝ වගවීමක් නැති බුද්ධි හීන මාධ්‍ය කරුවන් බහුතරයක් ඇති අපේ රටේ මෙවැනි ආචාරධර්ම විරෝධී, සමාජ විරෝධී දේවල් වලට ක්ෂේම භූමියකි; ධනය උපාය ගත හැකි ඉල්ලමකි. ආත්ම ගරුත්වය මුදලට යටකළ මාධ්‍ය හිමිකරුවන් පමණක් සිටින අපේ රටේ, පුරවැසියන් හට හා මාධ්‍ය සමාජයට ගැලපෙන ශ්‍රව්‍ය දෘශ්‍ය මාධ්‍ය ධාරානිපාතය අතර මෙම ජාවාරම්කාර FM රේඩියෝ චැනලය ඉහලින්ම වැජඹෙන බව ද සහතිකය.

ලිංගික කර්මාන්තයෙන් ජීවත්වන කෙනෙකු විපතේ හෙලන්නේ තම පුද්ගලික ආත්ම ගෞරවයයි. එවැන්නන් නිසා සමාජයට සිදුවන බලපෑම මහත් නොවේ. එහෙත් පොදු සමාජයට ඉමහත් අගතියක් අත්කර දෙන මෙවැනි තක්කඩි මාධ්‍ය සම්ප්‍රදායක් තුලින් සමාජයක් විපතේ හෙලන පරිමාව ඊට වඩා විශාල වෙයි. මේ තත්වයට නොවැටී සිටින්නට විභවයක් ඇති මහජන මාධ්‍ය (Public media) ආයතන වලට, වඩා යහපත් ප්‍රමිතියක් සහ වඩා යහපත් ශ්‍රාවක-ප්‍රේක්ෂක සමාජයක් නිර්මාණය කල හැකි වේ නම් පමණි අප වැනි සමාජයකට ශිෂ්ඨ මිනිසුන් බිහිකළ හැක්කේ.
මේ වියමන ඔබේ මූණු පොතට එක් කරන්න-
Tags- Sri Lankan Media, Sri Lankan Radio Stations, Superstitions, Irrational Beliefs and Practices, Media Prostitution
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තාරක වරාපිටියගෙන් තවත් වියමන්
අදහස්
To Sir, With Love!
වෙසෙස්
වාලම්පුරි- වාසනාව, විහිළුව සහ මිත්‍යාව
අදහස්
විද්‍යාවේ සියවසක පිම්ම!
අදහස්
මරණ දඬුවම සහ සුළුතරයේ හෘද සාක්ෂිය!
අදහස්
සිංහලයා වඳ වෙමින් යනවද?
තවත් අදහස් බූන්දි
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
කාලෝ අයංතේ
[සරදගේ ලියුං හැකින්ස්]- හීන දෙවියන්වහන්සේගෙන් ලියුමක්!
BoondiLets
ජුලියන් අසාංශේ කියයි.
...අප හැම ජීවත්වන්නේ එක්වරකි. එබැවින්ම අපට ලැබී ඇති කාලයෙන් යහපත් ප‍්‍රයෝජනයක් ගැනීමත් අර්ථවත් සහ තෘප්තිකර දෙයක් කිරීමත් අප සතු වගකීමකි. මා යෙදී සිටින්නේ අර්ථවත් සහ... [More]
What's New | අලුතෙන්ම
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook