Facebook
Twitter
Google+
YouTube
Blog
RSS Feed
වෙසෙස් බූන්දි
ඡ්‍යෝතිෂය පදනම්වන්නේ ව්‍යාජ දෘශ්‍ය මායාවක් මතය!
බූන්දි, 18:27:16
ඡ්‍යෝතිෂයේ ඇති මුලික මිත්‍යාව නම් "පෙනෙන අහස සත්‍යයකි" යන්නයි. අපට පෙනෙන අහස යනු ග්‍රහ වස්තූන් වල ඇත්ත පිහිටීම නොවේ. අනෙක් අතට පෙනෙන වස්තූන් වලට වඩා අතිවිශාල දුර හේතුවෙන් නොපෙනෙන වස්තූන් ප්‍රමාණය විශාල බව ද අද අපි දනිමු. ඊට අමතරව අඳුරු පදාර්ථ (හෙවත් Dark Matter) කළු කුහර (හෙවත් Black holes) වැනි පදාර්ථමය නොවන නමුත් ගුරුත්වාකර්ෂණයක් ඇති තාරකා විද්‍යාත්මක අවස්ථා සහ සංසිද්ධි විශ්වයේ පවතී. ඒවා ඡ්‍යෝතිෂයට අදාළ නොවන්නේ කෙලෙසද කියා ඒ කිසිවෙක් පැහැදිලි නොකරයි. ප්‍රබල දුරේක්ෂ නොමැති එවකට පියවි ඇසට පෙනෙන දීප්තිමත් තරු පමණක් යාකරමින් මවාගත් හැඩරුවකට නමක් යොදා රාශියක් ලෙස හඳුන්වා දුනි. ඒ මනඃකල්පිත රාශි අපේ දෛනික ජීවිතයේ ඉරණම තීන්දු කරනවා යැයි විශ්වාස කිරීම මුග්ධභාවයකි.

පියවි ඇසට පෙනුණු අහසේ තරු හා ග්‍රහලෝක වල චලිතය තුල තිබෙන වාර්ෂික රටාව එක් එක් පුද්ගලයාගේ දෛනික ජීවිතයේ ඉරණම තීන්දු කරන්නේය යන පුරාණ විශ්වාසය පදනම් කරගනිමින් බිහිවූ මෙම ඡ්‍යෝතිෂය විශ්වාසය කිසිදු පදනමක් නැති මිත්‍යාවක් බව තේරුම්ගැනීමට නූතන තාරකා විද්‍යාව පිලිබඳ ලොකු දැනුමක් අවශ්‍ය නොවේ. අපට පෙනෙන අහස යනු, පෘථිවිය නිශ්චලව පවතින අතර සූර්යයා ඇතුළු අනෙක් ග්‍රහලෝක අප වටා භ්‍රමණය වේය යන දෘශ්‍ය මායාව තුළින් ගොඩනැගුනකි. එහෙත් අපි අද දන්නා පරිදි පෘථිවිය (තමා වටා භ්‍රමණයක යෙදෙමින්) සූර්යයා වටා ද භ්‍රමණය වනවා මිස සූර්යයා පෘථිවිය වටා භ්‍රමණය නොවන වග තහවුරු කොට ඇත. අපේ සෞර ග්‍රහ මණ්ඩලයේ අනෙක් ග්‍රහලෝකයන් ද භ්‍රමණය වන්නේ (අපේ තරුව වන) සූර්යයා වටාය.

ඡ්‍යෝතිෂය විශ්වාසය බිහිවන්නේ මේ මුලික දැනුම පවා නොමැති වකවානුවකයි. අප අතීතයේ දැනුම උපයාගත්තේ ඉතා සෙමිනි. මෑත සියවස් දෙකතුනකදී මෙන් වේගවත්ව නොවේ. කොටින්ම යාන්ත්‍ර විද්‍යාව ඇතුළු සමස්ත විද්‍යාවේ වේගවත්ම පිම්ම ලෙස සැලකෙන රෝදය සොයාගත්තේ (දැනට ඇති සාක්ෂි අනුව) මීට අවුරුදු 4000කට පමණ පෙර කුඹල්කරුවන් විසිනි. ඒ ජ්‍යාමිතික ව්‍යුහය සිරස් අතට රෝදයක් ලෙස යොදා ගත හැකි බව අවබෝධ කරගත්තේ ඊට‍ත් අවුරුදු 500 කට පමණ පසුවය. අතීතයේ දැනුම වර්ධනය වුයේ එලෙසය. එවන් අතීතයක බිහිවූ "විශ්වාසයක්" "විද්‍යාවක්" වන්නේ කෙලෙසද?

යම්කිසි විෂයයක් විද්‍යාවක් වන්නේ ක්‍රමානුකුලව ගොඩනැගෙන දැනුමක් මානව ශිෂ්ටාචාරයට (හෝ සමස්ත ලෝකයට) යම් ප්‍රයෝජ්‍යතා මෙවලම් බිහිවීම තුලින් හෝ විධික්‍රමයක් හෝ දැනුම් පද්ධතියක් ලෙස ස්ථාපිත වීමෙන් හෝ එසේත් නැත්නම් විවිධ අයුරින් තහවුරු වී විවිධ අදියරයන් වෙත වර්ධනය වෙමින් තවදුරටත් එය පරීක්ෂණයන් තුලින් නිරවුල් වූ පසුවයි.

ආලෝක ශක්තිය යනු කුමක්ද එහි තරංගමය ස්වභාවය, තරංග ආයාමය, එහි අඩංගු ශක්තිය, එම ගුණාංග මනිනු ලබන උපකරණ-මෙවලම්, ආලෝක ශක්තිය වෙනත් ශක්ති ස්වභාවයකට පරිවර්තනය කරන්නේ කෙසේද යන්න මෙන්ම එම ශක්තියෙන් වැඩ ගන්නේ කෙසේද යන්න ඊට‍ අදාළ විද්‍යාව තුල ඉදිරිපත් කොට ඇත; ගණනය කිරීමට අදාළ සූත්‍ර ගොඩනගා ඇත. ඡ්‍යෝතිෂය විශ්වාසය තහවුරු කිරීමට එලෙස න්‍යායික පදනමක් නොමැති අතර තාරකා විද්‍යාවේ වර්ධනයත් සමගම සිදුවුයේ වඩාත් නිරවුල්ව ඡ්‍යෝතිෂය මිත්‍යාවක් වන ආකාරය විද්‍යාත්මකව තහවුරු වීමයි.

විශ්වයේ විශාලත්වය තාරකා භෞතික විද්‍යාව තුලින් අවබෝධ වීමත් සමගම එක් එක් තාරකා සහ වෙනත් වස්තූන් හා පද්ධතීන් කෙතරම් ඈතින් පිහිටන්නේ ද ඒවා කෙතරම් වේගයන්ගෙන් චලනය වන්නේද යන දැනුම අපට ලැබුණි. කිලෝමීටර් පහළොස් කෝටියක්‌ දුරින් තිබෙන අපේ (තරුව වන) සූර්යයාගේ ආලෝකය අප කරා ඒමට විනාඩි අට හමාරක් පමණ ගතවේ. අපට ආසන්නයේම ඇති ඊළඟ තරුව වන ප්‍රොක්සිමා සෙන්චුරි නම් තරුවේ ආලෝකය අප වෙත ලඟාවීමට අවුරුදු 4 මාස 3ක පමණ කාලයක් ගතවේ. එය එතරම් දුරකින් පිහිටා ඇත. [ආලෝක තරංග වල වේගය තත්පරයකට කිලෝමීටර් ලක්ෂ තුනක් පමණවේ.] එයින් අදහස් වන්නේ මේ මොහොතේ එම තරුව මියගිය ද මේ මොහොතේ නිකුත්වූ ආලෝකය අප කරා ලඟා වන්නට තව වසර 4 මාස 3ක් ගතවන බවයි. මේ මොහොතේ අපි ප්‍රොක්සිමා සෙන්චුරි නම් තරුව දකිනවා යන්නෙන් අදහස් වන්නේ මීට වසර 4 මාස 3කට පෙර එයින් නිකුත්වූ ආලෝකය අප වෙත පැමිණ ඇති බවයි.

මේ මොහොතේ එම තරුව විනාශ වුවද තව වසර 4 මාස 3ක් ගතවන තුරුම එම තරුව අපට දිස්වනු ඇත. ඈත තිබෙන සමහර තරු වලින් නිකුත්වන ආලෝකය අප කරා ලඟාවීමට වසර ගණනක් (සමහරවිට වසර දහස් ගණනක්) ගතවේ. ඒ කාලය තුල එම වස්තූන් අපට පෙනෙන පිහිටුමට වඩා වෙනත් පිහිටුමක් කරා ගමන්කොට ඇත. මක්නිසාද විශ්වයේ සෑම වස්තුවක්ම චලිතයන් ගණනාවක නියැලෙන බැවිනි. උදාහණයක් වශයෙන් පෘථිවිය තමා වටා භ්‍රමණය වන අතර සූර්යයා වටාද පරිභ්‍රමණයක නියැලෙයි. සූර්යයා ද ඔහු අයත්වන මන්දාකිණිය තුළ අනවරත චලිතයක නියැලෙයි. එනම් අපේ පෘථිවිය ඇතුළු ග්‍රහ මණ්ඩලය ද රැගෙන සූර්යයා ඒ ගමනේ නියැලෙයි. මන්දාකිණිය ද, මන්දාකිණි පොකුරක් තුළ තවත් චලිතයක නියැලෙන නිසා අපේ පෘථිවිය එකී චලිතයන්හි ද නියැලෙනු ඇත. ඊට අමතරව විශ්වය ප්‍රසාරණය වේ. එයද තවත් "චලිතයකි". මෙලෙස මේ ග්‍රහ තාරකා හා පද්ධති චලිතයන් ගණනාවක නියැලෙයි.

මේ අනුව සමහර රාශි වල අපට පෙනෙන තරුවක් පිහිටියේ ආලෝක වර්ෂ දහසකට වඩා ඈතින් විය හැකිය. එනම් ඒ තරු අපට පෙනෙනවා යන්නෙන් අදහස් වන්නේ මීට‍ අවුරුදු දහසකටත් පෙරාතුව නිකුත්වූ ආලෝකය "දැන්" අප දකිනවා යන්නය. පෙනෙන දේ එම වස්තුවේ සැබෑ පිහිටීම නොවන වග මේ අනුව තේරුම්ගත යුතුය. එනිසා පියවි ඇසට පෙනෙන තරු හා පෙනෙන අනෙකුත් වස්තූන් ඒවායේ ඇත්ත පිහිටුම් නොවන වග අවබෝධ කර දීමට මීටත් වඩා කරුණු දැක්වීමක් අවශ්‍ය නොවේ.

ආලෝකය නිකුත්වූ මොහොත හා එම ආලෝකය (මෙම විශාල දුර තරණය කොට) අප කරා ලඟා වීමට ගතවන කාලය තුළ එම වස්තුව චලිතයක නියැලෙන බැවින් නියත ලෙසම අපට පෙනෙන පිහිටුමට වඩා වෙනස් පිහිටුමක් කරා ගොස් ඇත. එනිසා ව්‍යාජ පිහිටුමක් මත සකස්වූ ඡ්‍යෝතිෂය විශ්වාසය, නූතන තාරකා විද්‍යාව විසින් අහෝසි වන ආකාරය අධ්‍යයනය කිරීම කදිම බුද්ධිමය අභ්‍යාසයකි.

එනිසා ඡ්‍යෝතිෂය යනු ගණිතයක් හෝ ශාස්ත්‍රයක් නොවේ. එය ශාස්ත්‍රයක් යැයි පවසන අයෙකු ඒ ශාස්ත්‍රය න්‍යායිකව හා සූත්‍ර ආශ්‍රයෙන් පෙන්විය යුතුය. එම "ශාස්ත්‍රය" පදනම්කොට ගෙන මෙවලම් තැනිය යුතු වෙයි; විද්‍යාවක් තවත් විද්‍යාවන් හා අනුකලනය වන ආකාරයට ඡ්‍යෝතිෂය අනෙක් විද්‍යාවන් හා අනුකලනය වන ආකාරය පෙන්විය හැකිවිය යුතුය. භෞතික විද්‍යා නියමයන් පෘථිවියේ දී මෙන්ම චන්ද්‍රයා මතදී ද වලංගු වෙයි; වෙනත් ග්‍රහලෝකයකදී ද වලංගු වෙයි. හැකිනම් ඡ්‍යෝතිෂය චන්ද්‍රයා මතුපිටදී වලංගු වන ආකාරය පෙන්වා දෙන ලෙස ලංකාවේ සිටින ඡ්‍යෝතිෂ විශාරදයින්ට අභියෝග කිරීමට කැමැත්තෙමි. ‘පෙනෙන අහස’ මුලික පදනම වූ ආචීර්ණ කල්පික විශ්වාසයක්, නූතන තාරකා විද්‍යාවෙන් ණයට ගත් දේවල් වලින්වත් ගොඩගන්නට නොහැකි වග තාරකා විද්‍යාවේ මූලික දැනුම ඇසුරු කල අයෙකුට පවා ප්‍රත්‍යක්ෂ වනු ඇත.
මේ වියමන ඔබේ මූණු පොතට එක් කරන්න-
Tags- Astrology, Astronomy, Superstitious Beliefs, Science, Celestial Object, Sun, Earth, Moon, Stars, Solar System Planets
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තාරක වරාපිටියගෙන් තවත් වියමන්
අදහස්
සිංහලයා වඳ වෙමින් යනවද?
අදහස්
මේ "අහවල් FM" වහුකුණු රේඩියෝවයි!
අදහස්
අපේ මධ්‍යම පන්තියේ නුතන සංස්කෘතික විලාසිතාව!
අදහස්
ගල්කිස්සේ ප්‍රහාරය: අන්තවාදයේ නරුම මුහුණුවරයි!
අදහස්
ගබ්සාව සහ දෙවියන් වහන්සේගේ සැලැස්ම!
තවත් වෙසෙස් බූන්දි
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
සමාජවාදයේ සහ ධනවාදයේ දත්තවාදී කියවීම
මානව සමාජයේ මීළඟ විප්ලවය 'දත්තවාදය'ද?
ආරියසේන යූ ගමගේ- සොඳුරු මතක ඉතිරි කොට නික්ම ගිය වෛද්‍යවරයා
බූන්දි නව ඊමේල් ලිපිනය- editorial@boondi.lk
BoondiLets
එංගල්ස් කියයි.
යම්කිසි ජාතියක් එකවරම තවත් ජාතීන් පාගන්නේ නම්, එම ජාතියට ස්වාධීන ජාතියක් බවට පත් විය නොහැකිය.

-[1830 පෝලන්ත නැගිටීම සිහි කිරීමේ ජාත්‍යන්තර රැස්වීම- 1847.11.29 දා]
What's New | අලුතෙන්ම
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Cine| ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්

13-Mins

(ඩිල්ෂානි චතුරිකා දාබරේ) මෙම ලිපිය ආචාර්ය ලෙස්ටර් ජේම්ස් පීරිස්ගේ අදහස පරිදි සුමිත්‍රා පීරිස් විසින් නිෂ්පාදනය කරන්නට යෙදී, මෑතකදි තිරගත වූ වෛෂ්ණාවී සිනමාපටය සම්බන්ධයෙනි.... [More]
Cine| Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!

4-Mins

(වජිර කාන්ත උබේසිංහ) මල් පිපෙන එකයි මිනිස්සු හැදෙන එකයි වෙනස්. මොකද මල් කොච්චර ලස්සන වුනත් මල් පුබුදුවන්න අවශ්‍ය ජලයයි, සුර්යාලෝකයයි විතරයි. මේවා කොපමණ... [More]
කවි| සර්ධාවෙන් ලියන වග නම්

36-Secs

(අමිල නන්දසිරි) අපි පුතේ දුර ඈත වන්නි හත් පත්තුවේ
පාන්දර බස් එකෙන් පෝලිමට එක්වුනේ
වැඳ පුරුදු මුදු මීට පෙරත් මුතියංගනේ
බුදුන් වැඩි බිම බුදුන් දකින්නට පෝලිමේ

අස්වැන්න කැපෙන මහ ගමට එන ලොරි කඩේ... [More]
කවි| යෞවනය!

25-Secs

(තුෂාරි ප්‍රියංගිකා) යෞවනය! ඇති තරම් හිනහා වී ඔබ ඉන්න
මැදිවිය බර වැඩී කෙනෙකුට
දරන්නට බෑ ඒ තනියම
දහක් අතරෙත් තනි වියහැකි බැවිනි.

පාට තවරා ගත්තු ගහකොළ... [More]
සිත්තර| "දූපතෙන් එහා කලාව ගැන අවදියෙන් ඉන්න වෙනවා!"- ප්‍රගීත් රත්නායක

5-Mins

(කසුන් සමරතුංග) චිත්‍රයක් යනු නිහඬ කවියක් යැයි කියනු ලැබේ. එනයින් ගෙන බලන කල ප්‍රගීත් රත්නායක යනු කැන්වසය මත, අපේ පරපුරේ නිහඬ කවි... [More]
කතන්දර| "කුකුළු පැටියයි තාර පැටියයි"- සෝවියට් ළමා කතන්දරය [වීඩියෝව]

14-Secs

මෙන්න තවත් ලස්සන සෝවියට් රුසියානු කතන්දරයක් [පොඩිත්තන්ට කාටූන්] වී. සුතේයෙව් ලියා සිත්තම් කළ "කුකුළු පැටියයි තාර පැටියයි" ළමා කතන්දරයේ සිංහල... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook