Facebook
Twitter
Google+
YouTube
Blog
RSS Feed
කතන්දර බූන්දි
ලියුම්
බූන්දි, 17:54:08
"අසෝක මහත්තයො මෙන්න මේක මහත්තයාට දෙන්න කියලාමයි මං අරගෙන ආවේ.."

හාමුදුරුවන්ට වැඳලා නැගිටිනකොටම සිවුරු පොට ඇතුලෙන් ඇදලා ගත්ත බාගෙට දියවෙච්ච බ්‍රවුන්පේපර් කවරයක් ධම්මානන්ද හාමුදුරුවෝ මගේ අතෙන් තිවුවා.

"ඔතන තියෙන්නේ ඔය මහත්තයාගෙ අම්මා කොළඹ ගියපු දවසෙ ඉඳන් මහත්තයාගෙ ලොකුමාමාට එවපු ලියුම් වගයක්. මහත්තයාගෙ මාමාගෙ ඇහේ සුද හින්දා ඒ ලියුම් කියවගත්තේ මට හරි ඇබිත්ත කොල්ලට හරි කියලා, ඊට පස්සෙ මටම තමයි ඒවා අරන්තියන්න කිවුවෙත්.

මහත්තයාගෙ ටෙලිෆෝන් නොම්මරයක්, ඉන්න තැනක ලිපිනයක්වත් දන්නෙ නැති නිසා මහත්තයාගෙ ලොකුමාමා ගිය මාසේ නැති උනාට පස්සෙ අපිට මහත්තයලට දැනුම්දෙන්න විදිහක් වත් තිබ්බෙ නෑ. කොහොම උනත් මේ ලියුම් දෙන්න ඕනී මහත්තයාට කියලා හිතුන හින්දයි මං එනගමන් මේකත් අරගෙන ආවේ..."


එහෙම කියාගෙන හාමුදුරුවෝ මාවත් පහුකරගෙන පාවඩ දිගේ ඇතුළට වැඩියා.

අම්මාව කොළඹ එක්කන් ගියපු දවසෙ ඉඳලා අම්මා ඉන්නෙ මගේ ගෙදර මගෙත් එක්ක කියලා තමයි මගේ කොළඹ යාළුවො වගේම ගමේ මිනිස්සුත් හිතාගෙන හිටියෙ. ගොඩක් වෙලාවට කොළඹදි මගෙන් හරි උදේනිගෙන් හරි කවුරු හරි ඇහුවොත් අපි දෙන්නටම එකතුවෙලා කියන්න පුළුවන් බොරු ටිකක් අපි දෙන්නම ඒ දවස් වල හදාගෙන තිබුනා. නිතරෝම අපේ ගෙදර යන එන යාළුවොන්ට නම් අම්මා මාසෙකට දඹදිව ගියා, තායිලන්ඩ් ගියා කියලා හරි ඉඳලා හිටලා යන එන කෙනෙක්ට නම් ආ අද අම්මා අර අසපුවෙ භාවනා වැඩසටහනකට ගිහින්නෙ කියලා හරි තමයි අපි දෙන්නම කිවුවේ.

ඒත් මේ කියන හැටියට අම්මා සේරම විනාස කරලා ඉවරයි වගේ. අනිවාරෙන්ම කොළඹ විස්තර එයා හිටිය හැටි අපි සලකපු හැටි සේරම ලොකු මාමාට කියලා එවන්න ඇති. මට දැන් දැන් මට අපේ අම්මාගේ වෙන්ව යාමට ඇති දුකට වඩා අම්මා මේ සේරම දේවල් අවුල් කරලා ගියපු එක ගැන පුදුමාකාර කේන්තියක් ඇවිල්ලා මාව වෙවුලන්න ගත්තා.

ධම්මානන්ද හාමුදුරුවෝ ත්‍රිවිධ රත්නයේ අවසර අරන් පාංශුකූලයේ වැඩ ටික පටන්ගත්තා.

මගේ පිටිපස්සෙන් ඉන්න අධ්‍යාපන අධ්‍යක්ෂ විජිත ජයසේකර මහත්තයාගෙ මූණ දකිනකොට මට මට මතක් උනේ දවසක් ඒ මහත්තයාගෙ ආරාධනාවකට බාලිකා විද්‍යාලෙකට ගිහින් අම්මා කෙනෙක්ගෙයි පුතෙක්ගෙයි බැඳීම ගැන මං කරපු කතාවකට ඒ ඉස්කෝලේ ළමයි ලේන්සුවලින් කඳුළු පිහිනකොට ජයසේකර මහත්තයා මාව බදාගෙන මහත්තයා වගේ පුතෙක් ලබන්න මහත්තයාගෙ අම්මා වාසනාවන්තයි කියපු හැටි,

ඇත්තටම ඒ කතාව මං ෆේස්බුක් එකේ කොල්ලෙක් ලියලා තියනවා දැකලා මට ඕනී විදිහට ටිකක් වෙනස්කරපු එකක්.

මගේ පිටිපස්සෙන් හිටියෙ පොලිස් අධිකාරි සහබන්ධු අමරකෝන් මහත්තයා. ගොඩක් වෙලාවට මං එක්ක එකට එකට කන බොන මනුස්සයා. මං ගොඩක් දුරට කොයිතරම් බිවුවත් සිහිය විකල්වෙන තරම් කවදාවත් මට වෙරි වෙන්නෙ නැහැ. සමහර විට බන්ධුලා ලඟ ලඟ නවනකොට මං සෝඩා වැඩිපුර අරක්කු අඩුවෙන් බොන නිසා වෙන්නත් ඇති.

අපේ උදේනි අම්මට මාර ආදරෙයි. අම්මයි මගේ ගෑනියි යාළුවො වගේ. මට අමතක උනත් ඔයාගෙ අම්මා මගෙත් අම්මා කියලා උදේනි අම්මගෙ දේවල් කරන්නෙ වගේ දේවල් කියලා උන්ගෙ පවුල්වල ප්‍රශ්න අහගන්න මට තිබ්බෙ පුදුම ආසාවක්.

එහෙම කියද්දි බන්ධුලා අඩෝ උඹේ ගෑනී නම් දේවතාවියක් නෙවෙයි දේවාලයක් මචං.. ඒකට අපේ උන්.. අම්මා එක්ක කෙහෙවළු පටලවගත්ත ගමන්මයි කියලා උන්ගෙ ගෑනුන්ට බනින්න ගන්නවා...

මළගෙදර ඇවිත් ඉන්න හැමෝම වගේ අම්මාගෙයි මගෙයි ගැන අපි කියාපු විදිහට හිතාගෙන හිටියේ අපේ අම්මා තමයි මේ ලෝකේ ඉන්න වාසනාවන්තම අම්මා කියලා. ඒත් මේ කියන විදිහට හාමුදුරුවෝ, ඇබිත්ත කොල්ලා අම්මා ලොකුමාමාට එවපු ලියුම් කියවලා තියනවානම් ඇත්තටම අම්මයි මායි විතරක් දන්න සේරම දේවල් දන්නවා ඇති.

තව ටිකකින් කතාව කරනකොට අම්මා ජීවත්වෙලා ඉන්නකොට සැලකුවෙ නැති පුතෙක් කියලා කතාව පටන්ගනීවි. මොකද ධම්මානන්ද හාමුදුරුවෝන්ගෙ හැටි එහෙමයි. උන්නාන්සේ කියන්න ඕනී කෙනාට කියන්න ඕනී දේ කෙලින් කියන අමුතු පහේ චරිතයක්.

මේ විදිහට බලනකොට උදේනිගෙ වචනෙන්ම කියනවානම් අපේ අම්මා කියන්නෙ ප්‍රශ්න වවන කෙනෙක්... ශික්..!

හෙටින් පස්සේ ආයෙමත් කොළඹ ගිහින් දිසාපති පුටුවේ වාඩිවෙන්න තියා රෙද්දක් ඇඳන් පාරක යන්න වෙන්නෙ නැහැ. මාව දන්න පත්තරකාරයො දෙන්නෙකුත් මළගෙදර ඇවිත් ඉන්න හින්දා වැඩේ තවත් අමාරු වේවී.

මට මළගෙදර ඇවිල්ලා ඉන්න සේරම උන්ගෙන් පැනලා යන්න ඕනී උනා. ධම්මානන්ද හාමුදුරුවෝ කතාව කරන්න කලින් මෙතනින් පැනලා ගිහින් උන්ගෙ මූණු නොබල ඉන්න ඕනී උනා.... මං වටපිට බලලා හිටගන්නකොට උදේනි පුදුමෙන් වගේ මගේ දිහා බැළුවා...

පොඩි වැඩක් අමතක උනා. මං ඉක්මනට හන්දියට දුවලා එන්නම්... මං එතනින් නැගිටලා ගොක්කොළ පාර දිගේ ඇවිදගෙන ගිහින් වැවේ සොරොව්වට ගොඩ උනා... හරියටම වැවට එහාපැත්තෙ තියන උඩවළවේ රක්ෂිතේ පැත්තෙ ඉඳන් සුදු සිල්‍ රෙද්දක් ඇඳන් අපේ අම්මා මගේ දිහා බලාගෙන හිටියා... එයාගෙ නළලට උඩින් සුදු පාට ගැහුන කෙස් ගස් දෙකෙන් තමයි මං ඒ අපේ අම්මාමයි කියලා අඳුරගත්තේ...

ඇයි අම්මෙ මට මෙහෙම කෙරුවෙ.. ඇයි අපේ දේවල් හැමෝටම කියලා මාව ලැජ්ජ කෙරුවෙ...

මං එතකන් මගේ සාක්කුවේ තිබුන ලියුම් ටික අරන් එයාට පෙන්නලා මෙහා ගොඩේ ඉඳන් කෑ ගැහුවා. එයා සද්ද නැතුව ඔහේ බලාගෙන හිටියා.

මට හදිස්සියෙම කවදාවත් නැතුව අම්මාගෙ අකුරු බලන්න හිතුනා. එයාට කොහොමත් තිබුනෙ අමාරුවෙන් රවුම් කරලා ලියන්න හදපු කැත බෝල අකුරු.

මං ලියුමක් අරන් ඒ අකුරු කියවන්න ගත්තා....

************

05/02/2010,
පුතාගේ නිවසේදී,

ආදරණීය ලොකු අයියා වෙත,

ඉතිං අයියෙ අයියා සනීපෙන් ඇතැයි සිතමි. මගදිගට වැස්ස හින්දා ඊයේ රෑ අපි පුතාලාගේ ගෙදර එනකොට ටිකක් රෑ උනා. කැළනි පංසල් යන්න හිතාගෙන හිටියත් වැස්ස නිසා ඒ ගියෙත් නැතුව කෙලින්ම ගෙදර එනකොට උදේනි දුව උයලා තිබුනා. දුව මට ලොකු කාමරයකුත් වෙන්කර මට ඕනෑ කරන හැමදේම ලැහැස්ති කරලයි තිබුනේ. ඇත්තටම මගේ බඩෙන් නොවැදුවත් උදේනි දුව මගේම දුවෙක්. ගමේ වගේ නැති නිසා රෑට නින්ද එන්නැති එක ඇර අනික් සේරම දේවල් අඩුවක් නැත. හැකි ඉක්මනට මං අයියාව බලන්න එන්නම්. අද බැරි උනාට හෙට පුතා මාව කැළණි පංසල් එක්ක යන්නම් කිවුවා. එතකොට මං අයියාට තව විස්තර එවන්නම්.

එතකම් තෙරුවන් සරණයි,

මීට නංගී

************

(අම්මා කවමදාවත් මං එක්ක කැළනි පංසල් ගිහින් තිබ්බෙ නැහැ. ඇත්‍තටම උනේ අම්මාව කොළඹ එක්කන් එන දවසෙ කැළනි පංසල් යන්න ආසයි කියලා අම්මා කිවුවම මං පස්සෙ එක්ක යන්න පොරොන්දු වෙලා එතනින් තව ටිකක් හයියෙන් ආපු එක, මොකද ඊට පහුවෙනිදා උදේ පාන්දර මට මතක විදිහට රැස්වීමක් තිබුනා.)

************

08/03/2010,
පුතාගේ නිවසේදී,

ලොකු අයියා වෙත,

ඉතිං අයියෙ, අයියා සනීපෙන් යැයි සිතමි. මමත් සුවසේ සිටිමි. පුතා එක්ක දෙතුන් වතාවක් කැළනි පංසල් ගියාය. උදේනි දුව මගෙන් අහගෙන එක එක ගමේ කෑම උයන්න පුරුදු වෙනවා. මං පල්ල්හැ කාමරේ තනියම කියලා කෙල්ල මගේ කාමරෙත් මාරු කලා. මගේම දුවෙක් වගේ මාව බලාගන්නවා. මුණුපුරත් එහෙමමයි. ආ මං විට කෑම නැවැත්තුවා.

වෙන කියන්න විශේෂ කියලා මොකුත් නැත. අයියාට මං පසුව ලියුමක් එවන්නම්. එතෙක් නවතිමි.
තෙරුවන් සරණයි

මීට නංගී

************

(අම්මා මේ ලියුම් වල ලියලා තියෙන්නේ මොනවද? උදේනී කවදාවත් අම්මා උයන කෑම වලට ආස කරපු එකියක් නෙවෙයි. අම්මා අපේ ගෙදර හිටපු දවසක වැලි පිට්ටු හැදුවා කියලා ගමේ වගේ නෙවෙයි හාල් පොල් මෙහේ ගනන් කිය කිය අම්මට දවසම බැන්න හැටි මට තාමත් මතකයි. ඒ වගේම අම්මා විට කෑම නැවැත්තුවේ දවසක් විට කාලා උදේනිගේ රෝස පාත්තියට කෙළ ගහපු නිසා උදේනි යකා වැහිලා බැන්නාට පස්සේ. අම්මාව මං වැඩිහිටි නිවාසෙට ඇරලුවෙත් ඒ සතියෙමයි.)

************

15/04/2010
පුතාගේ නිවසේදී,

ලොකු අයියා වෙත,

සුබ අළුත් අවුරුද්දක් වේවා. අයියා හොඳින් යැයි සිතමි. අවුරුද්දට එන්න හිතාගෙන හිටියත් උදේනි දුව එක්කලා ගෙවෙන පළවෙනි අලුත් අවුරුද්ද නිසා මේ වැඩ පහුවෙලාම එන්න තීරණය කෙරුවා. අනික පුතාගේ යාළුවොත් එනවානෙ. කැවුම් කිරිබත් හදන්න කොකිස් හදන්න වගේ ගොඩක් වැඩ උනේ මගේ අතින්. මේ හැමෝම කියන්නෙ මගේ අත්ගුණේ හොඳයි කියලා, මට සාරියක්, සෙරෙප්පු දෙකක් අළුත් චීත්ත රෙද්දක් හම්බුනා. අදට නවතිමි. අයියා පරිස්සමෙන් ඉන්න. ඉක්මනට ඇවිල්ලා යන්න එන්නම්.

තෙරුවන් සරණයි
මීට නංගී

************

(අලුත් අවුරුද්දට මම හිටියෙ උදේනි එක්ක උදේනිලාගේ මහගෙදර. අම්මා විනාඩි දෙක තුනකට වැඩිහිටි නිවාසෙ ෆෝන් එකෙන් මට කතාකලාට පස්සෙ අම්මාට සාරියකුයි රෙද්දකුයි සෙරෙප්පු දෙකකුයි ගත්තා, මං අරගෙන එන්නම් කිවුවා ඇර මං ගත්ත රෙද්දක් වත් අම්මා බලන්නට මට යන්න වෙලාවක් වත් තිබුනෙ නැහැ. කොහොමත් මගේ කොට්ඨාසය ඇතුලෙ කරපු අවුරුදු උත්සව වගයක සංවිධායක කමිටුවේ හිටපු නිසා අප්ප්‍රේල් කියන්නෙ බිසී මාසයක්.)

************

20/05/2010
පුතාගේ නිවසේදී,

ලොකු අයියා වෙත,

අවුරුද්දට එන්න බැරිවීම ගැන සමාවෙන්න. අයියා හොඳින් කියලා දන්නවා. පුතාට වැඩ ගොඩයි. නිවාඩුවක් ඇත්තේම නැහැ. උදේනි දූත් එහෙමයි. වෙසක් පෝයට තව දවස් තුනයි. පුතා කිවුවා මේ පෝයට මාව සිල්ගන්න බෙල්ලන්විල හරි හුණුපිටියේ හරි එක්ක යන්නම් කියලා . එයා අළුතෙන්ම මට සිල්‍ රෙදිත් ගෙනාවා. වෙන මොකුත් විශේෂ දෙයක් නැහැ. ඉතිං අයියෙ මං අදට නවතිමි. පසුව ලියන්නම් තෙරුවන් සරණයි අයියෙ.

මීට නංගී

************

(අම්මා හිටපු වැඩිහිටි නිවාසෙන් අම්මලාව බෙල්ලන්විල එක්කන් ගිහින් සීල් සමාදන් කරවලා කවුද ඇමතියෙක් සිල්‍ රෙද්දක් තෑගි දෙනවා කියලා කිවුවෙවැඩිහිටි නිවාසේ මාසෙ ගාස්තුව ගෙවලා ඒක කියන්න කෝල් කලාම එතන ඉන්න මිස් කෙනෙක්.)

************

25/06/2010
පුතාගේ නිවසේදී,

ලොකු අයියා වෙත,

අයියා සනීපෙන් නේද? පුතා මාව පොසොන් උත්සව බලන්න එක්කගෙන ගියා. හැම පාරක් පාරක් ගානෙම තවුතිසාව වගේ. ආ අයියා කලබලවෙන්න එපා. ඊයේ රෑ මට පොඩි පපුවෙ ඇම්මක් එක්ක කැස්සක් ආවා. මං කහින සද්දෙට පුතා හුඟක් කලබල වෙලා මාව ලොකු ඉස්පිරිතාලෙකට එක්කන් ගිහින් බෙහෙත් අරගෙන දුන්නා. දැන් හොඳයි, අදට නවතිමි. පසුව ලියන්නම්.

අයියාට තෙරුවන් සරණයි.
පරිස්සමෙන් ඉන්න.
මීට නංගී

************

(මට අම්මාව ඉස්පිරිතාලෙට අරගෙන යන්න වෙලාවක් තිබුනෙ නැහැ. අම්මාට දවසක් අමාරු වෙලා අම්මාව හොස්පිටල් ඇඩ්මිට් කලා කියලා කෝල් කලාම මං ඉක්මනට අම්මාව බලන්න ගියා. එදා මං යනකොට අම්මා ආසිරි එක ඉස්සරහා එල්ලලා තියන වෙසක් කූඩූ දිහා ඔහේ බලාගෙන හිටියා. ආ ඒ සතියේම තමයි අම්මාට කැන්සර් එකක් කියලා රිපෝට් ආවේත්.)

************

02/07/2010
පුතාගේ නිවසේදී,

ලොකු අයියා වෙත,

අයියෙ අයියා හොඳින් නේද? මං ඊයේ රෑ අපේ සුමනසිරිවයි අයියාවයි දෙන්නවම හීනෙන් දැක්කා. සමහර විට සුමනසිරිගෙ අවුරුද්දේ දානේ ලඟ නිසා වෙන්න ඇති. මං පුතා එක්ක හෙට අනිද්දා ගමට එන්නම්. දානේ දුන්නාට පස්සෙ ආයෙමත් මෙහේ එන්නෙ නැහැ. මට අයියා එක්ක ටිකක් ගමේ ඉන්න ඕනී. අනික පුතාලත් හරියට වද වෙනවා. සුමනසිරි මැරුනට පස්සේ මාව තනියම ගමේ නොතිය මෙහේ එක්කරන් ඇවිල්ලා මගේ හැම ඕනෑ එපාකමකටම වද වෙවී මාව බලාගන්න මේ මගේ පුතා ජාති ජාතිත් මගේම වෙන්න ඕනී.

මං නවතින්නම් අයියෙ. ඉක්මනට ගමේදි හම්බෙමු අපි. එතකම් පරිස්සමෙන් ඉන්න.
අයියාට තෙරුවන් සරණයි.

මීට නංගී

************

අම්මාගෙ අන්තිම ලියුමත් කියවලා ආයෙමත් මං උඩවළවේ වැවෙන් එගොඩහා බලනකොට අම්මා එතන හිටියෙ නැහැ. ඒ වෙනුවට වැව මැද්දෙ හිඳුන තැනකින් උඩ ආපු ලොකු කුඹුක් කොටයක් තිබ්බා. එතකොටම හුළඟත් එක්ක ආපු මරණ කොළයක් ඇවිත් මගේ මූණ ඉම්බා. මං බලනකොට ඒකේ උඩින්ම ලියලා තිබුනෙ 'මව් සෙනෙහසක නිමාව...!' කියලා...
සිත්තම- Radha Flora
මේ වියමන ඔබේ මූණු පොතට එක් කරන්න-
Tags- Sinhala Short Stories, Sinhala Keti Katha
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ජනිත් විතාරණගේගෙන් තවත් වියමන්
කවි
ගරු අධිකරණයෙන් අවසරයි..!
කවි
(හදිසියේ මියගිය) අම්මාගේ මිනිය හඳුනාගැනීමට පුතුව කැඳවයි!
කවි
උණපඳුරේ ඇවිත් රැඳුන කඩන් ආපූ සරුංගලේ (හිතුවක්කාර කසාදෙන් පැරදී ගෙදර ආ නංගී)
කවි
උසාවිය උන් ඊයේ නිදොස්කොට පිටකළා
කරන්ට්ස්
මේ මැයි එක කොහෙ රැළියටද ?
තවත් කතන්දර බූන්දි
විරාම ලකුණු
වනවාසි සහ ලෝකවාසී
නිල් සුළිය
චිත්‍ර ප්‍රදර්ශනය
සරසවි ශිෂ්‍යයාගේ මරණය
බූන්දි නව ඊමේල් ලිපිනය- editorial@boondi.lk
BoondiLets
දාර්ශනිකයා සහ මී පැටවු
ආචාර්ය ඊ. ඩබ්ලිව්. අදිකාරම් මහත්මෝ පුදුම මොළොක් සිතක් ඇති කුළුණු බර කෙනෙකි. දවසෙක ඒ මහතාණන් ගේ නිවසට මම ගියෙමි. තමන්ගේ කාරය එහි ම තිබියදී කොහේ... [More]
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook