Facebook
Twitter
Google+
YouTube
Blog
RSS Feed
අදහස් බූන්දි
[සරදගේ ලියුං හැකින්ස්]- කහටගස්දිගිලියෙ කුසුමාවතීගෙන් මංගල ඇමතිතුමාට!
අපේ මංගී මහත්තයා නොහොත් මුදල් ඇමති මංගල සමරවීර මහත්තයා මේ පාර අය වැයෙන් බියර්වල මිල අඩු කළාට පස්සේ රටේ මිනිස්සු පුදුම විදිහට සන්තෝෂ වෙලා එතුමාට ලියුම් පිට ලියුම් එවන්ඩ පටන්ගෙන. මේ ගැන උන්නැහේට ස්තුති කරන්නත් එක්ක මං මුදල් අමාත්‍යාංශය පැත්තේ යනකොට එතුමා තමන්ව වැහෙන්න තරම් ලියුම් ගොඩක් මැදි කරගෙන ඔළුව කහ කහ ඉන්නවා.

"ආ උඹ ආපු එක හොදයි, මේ ලියුම් ටික ඇරලා බලල වැදගත් දෙයක් තියනවනම් මට කියපන්..." මාව දැකපු ගමන් එතුමා කියාපි.

මමත් ඉතිං ඇස් දෙක පියාගෙන ලොතරැයි තෝරනවා වගේ ලියුම් ගොඩෙන් ලියුමක් අරගෙන කඩල බැලුවා. ලියුම එවලා තියෙන්නේ කහටගස්දිගිලියෙ කුසුමාවතී කියල අම්මා කෙනෙක්.


*******

මංගල ඇමතිතුමෝ,

වෙනදට කසිප්පු පොලෙන් කසිය පැකට් එකක් බීල, කඩල ඇටයක් දෙකක් හප හප ගෙදර එන අපේ මිනිහ බියර් බෝතලයක් ඉනේ ගහගෙන උජාරුවෙන් පහුන්ද දවසක ගෙදර එනව දැකල මං මොකද කියල ඇහුවම උන්දැ කියාපි ‘ඒක අහගනින් මුදල් ඇමතිගෙන්’ කියල. පස්සේ තමයි දැනගත්තේ වැඩේ. හැමදේම නහුතෙට මිල වැඩිවෙනකොට බියර් උනත් කමක් නෑ මොනා හරි දෙයක් අඩු වෙලා කියල අහන්ඩත් සතුටුයි ඇමතිතුමෝ.

පොල් බෑය හැට හැත්තෑවට ගණන් ගියා තමයි. හාල් සීයට නැග්ග තමයි. ඒත් හාල් පොල් වගේද බියර්? කොයි තරං උජාරුද? නෑ මං අහන්නෙ කසිප්පු කෙලිනව වගෙද බියර් බිවුවම අඩුම ගානේ බෝතලේ හරි ඉතුරු වෙනවනේ. මනුස්සය බීල විසිකරන බෝතල් ටික එකහු කරල මට ගෙයි සාලෙ ලස්සනට පේලියට තියල තියන්න පුළුවන් නොවැ. ඇරත් කසිප්පු පැකට් බීල ප්ලාස්ටික් කොළ හැම තැනම දාල පරිසරේ කාබාසිනිය කරනවට වඩා බෝතල් කෙරුවාව කොච්චර ෂෝක්ද?

ඒක නෙමෙයි අපේ ඇමතිතුමෝ, අපේ ලොකු කෙලීගේ පොඩි පුතා, කිරි බොන වයසේ පොඩි එකා. ඌට කිරි පැකට් එකක් ගන්න කීයක් හරි ඉල්ලගන්න කෙලී පහුන්දා අපේ දිහා ආව. එතකොට අපේ මහ එකා ඉස්තෝප්පුවේ බියර් බිබී ඉන්නව. කිරි වෙනුවට කොලුවට බියර් හුරු කරපං, අඩු කරලත් තියෙන එකේ කියල අපේ මිනිහ කියාපි. බියර් බීලත් මුගේ නොසන්ඩාල කතා නැවතිල නැති හැටි අම්ම්පා...!

අනික ඇමතිතුමෝ අපිට තියෙන ප්‍රශ්න කන්දරාව තමුන්නාන්සේ කියල කොහොම විසදන්නද? එක පුරස්නයක් යැයි. කුඹුරේ වතුර ප්‍රශ්නෙ, ලොකු කොල්ලගේ රස්සා ප්‍රශ්නෙ, එහෙන් පොඩි කෙලි දීග දෙන්න බැරුව ඉන්නව. මේවා ඉතිං කවද කියල විසඳන්නද නේද? ඊට මීට වඩා හොඳයි තමුන්නැහෙලගේ බියර් ඩිංගක් බීල ප්‍රශ්න අමතක වෙන්ඩත් එක්ක පාවි පාවි ඉන්න එක.

ඔය අය වැයද මොකක්ද එක එකලහක් කරල හදා ගන්ඩ ඒ තරං අමාරුද ඇමතිතුමෝ. නෑ මං අහන්නෙ අපේ මනුස්සය කට කැඩිච්ච කථා කියනව. උන්දැ කියනව අර අයි එම් ඇප් ද මොකක්ද එකකින් හදල දෙන ලිය කියවිලි ටික ෆොටෝ කොපි ගහල කවුන්සිලේට අරගෙන ගිහිල්ල බර සාරෙට වතුර බිබී, කන්නාඩි ගලව ගලව කියවන එකලු තමුන්නැහෙලා කරන්නේ. ඒ ඇත්තද ඇමතිතුමෝ. එහෙමනං අපේ මනුස්සය උනත් ඔය තානන්තරේට සුදුසුයි. බොරු බේගල් ඇත්ත වගේ රස කර කර කියන්න උන්දැ හරි රුසියා.

සෑර්, ඔබතුමාට මේ ලියුම් කරදහිය ලියන අතරේ තවත් රස්සා ඉන්ටව් එහෙකට ගොහිං ආපු අපේ ලොකු කොලුවා පොඩ්ඩක් ලියුමට එබිල බැලුව. ඌ තමුන්නැහෙට පුංචි කාරණයක් මතක් කරන්න කීවා. පුලුවන්නං වහ කුප්පි වල මිලත් ටිකක් අඩු කරල දෙන්නලු. වෙන දේවල් වල හැටියට වහ කුප්පියක් කටේ හලාගෙන කැලේ රිංගනව හොඳයි කියල තමයි ඌ කියන්නේ.

මීට,
කුසුමාවතී
මේ වියමන ඔබේ මූණු පොතට එක් කරන්න-
Tags- Sri Lankan Minister of Finance, Mangala Samaraweera, Open Letter, Budget of Sri Lanka
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
කතිරකාරයාගේ පෙබරවාරිය- ඔබ ඇවිත් යන්න එන්න!
පහේ ළමයෙක් ජනාධිපති අංකල් සිරිසේනට ලියයි!
අප ඔවුන්ගෙන් වෙනස් විය යුත්තේ කෙලෙසද?
[සරදගේ ලියුං හැකින්ස්]- අපේ ලොක්කාගෙං පුටිංට සැරම සැර ලියුමක්
[සරදගේ ලියුං හැකින්ස්]- රට කොරන මහත්තුරු- පතති කිරි උතුරනා අවුරුදු!
බූන්දි නව ඊමේල් ලිපිනය- editorial@boondi.lk
BoondiLets
මැල්කම් එක්ස් කියයි.
වර්ගවාදයෙන් තොර ධනවාදයක් නැත.
What's New | අලුතෙන්ම
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
වෙසෙස්| එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා

5-Mins

(මහේෂි බී. වීරකෝන්) පුරාතන ග්‍රීක පෞර රාජ්‍යන් පිළිබඳ අධ්‍යනය කිරීමේදී ප්‍රමුඛස්ථානයක් ගනුයේ ඇතන්ස් සහ ස්පාර්ටා යන පෞර රාජ්‍යයන්ය. එකිනෙකට වෙනස් වූ දේශපාලනික සහ... [More]
අදහස්| අප ඔවුන්ගෙන් වෙනස් විය යුත්තේ කෙලෙසද?

2-Mins

(කෙවින් කරුණාතිලක) මා හිතවත් උපාසිකා මාතාවක් කී දෙයක් තේමා කරගෙන මෙම සටහන ලිවීමට අදහස් කලෙමි. ඇය නොවරදවාම පොහොයට සිල් සමාදන් වන, කාර්යාලයේ... [More]
කතන්දර| "කොණ්ඩෙ කපන කොටි බාබර්"- ළමා කතන්දරය [වීඩියෝව]

45-Secs

"කොණ්ඩෙ කපන කොටි බාබර්"- පොඩිත්තන්ට විනෝදාත්මක කතන්දරයක් [කාටූන්]- Rohini Nilekani ලියා, Angie හා Upesh සිත්තම් කළ "The Haircut" ළමා කතන්දරයේ... [More]
BoondiLets| ග්‍රවුචෝ මාක්ස් කියයි.
මං හිතන්නේ ටෙලිවිෂනය මාරම 'අධ්‍යාපනික'යි. මොකද, මොකෙක් හරි ඒක ඔන් කරන ඕනෙම වෙලාවක මං කරන්නේ, වෙන කාමරේකට ගිහිල්ලා හොඳ පොතක් කියවන එකයි!
කවි| නැගිටපන් බණ්ඩාර

28-Secs

(ඉරේෂා මධුවන්ති) ගොජ දමන පෙණ කැටිති ගොඩවැදී කට අගට
ඊ වේගයෙන් පනී දිවි පුදා හුළඟකට
විසිර පාවුල බැබිල, මියණ පත් අතු අතර
පිහි තලේ හේදුවා කඳුලකින් මහ කිතුල

වරපටින් වැළඳ වාරුව කිතුලෙ කඳ බඩට... [More]
වෙසෙස්| තෙත්බිම් පුරා අසූචි විසුරුවන 'සහස්‍රයේ නගරය'

7-Mins

(කපිල මහේෂ් රාජපක්ෂ) මානව වර්ගයා වනගත දිවියෙන් නික්ම ගංගා නිම්න ආශ්‍රිතව ශිෂ්ටාචාර ඇරඹු අවදියේ මුහුණ දුන් නව අභියෝග අතර ප්‍රමුඛ ගැටලුවක් වුයේ එතෙක්... [More]
අදහස්| [සරදගේ ලියුං හැකින්ස්]- අපේ ලොක්කාගෙං පුටිංට සැරම සැර ලියුමක්

2-Mins

රුසියාවේ ඉන්න මගේ යාළුවෙකුගෙන් හදිස්සියේම කෝල් එකක් ආවා. මිනිහා එහා පැත්තේ ඉඳගෙන බොහෝම සන්තෝසෙන් කෑ ගහන්න පටන් ගත්තා. "කියල වැඩක්... [More]
කතන්දර| "කණ්ණාඩියෙ හැංගි හොරා"- ළමා කතන්දරය [වීඩියෝව]

38-Secs

"කණ්ණාඩියෙ හැංගි හොරා"- පොඩිත්තන්ට ලස්සන පුංචි කතන්දරයක් [කාටූන්]- Rachita Udaykumar ලියා, Suvidha Mistry සිත්තම් කළ "My Best Friend" සිඟිති කතන්දරයේ... [More]
කවි| අතුරුදහන්වූවන් හඳුනා ගැනීමේ පෙරෙට්ටුව

27-Secs

(කසුන් හර්ෂණ) මැයි මහේ සාපයට පහන් පෙළ ඇවිලූ ව,
දුක් ගීය තමා ඒ කන්ද උඩ වැහි කළුව
සඳ එහෙම නෑවිත් පොරවද්දී රෑ සළුව
නංගි අපි කෑවේ ගින්දරේ කොස් පළුව

විඩාබර දෙනෙත් අග රැඳුනාම ඉඟි නළුව... [More]
කතා-බස්| "ජාතිය තීරණය කරන්නේ ලේ නෙවෙයි; සංස්කෘතිය!"- නැගෙනහිර වෙරළෙන් ඇසුණු හඬ- හඳගම සමග කතාබහක්

9-Mins

(කේ.ඩී. දර්ශන) මේ දිනවල අයිටීඑන් නාලිකාවේ විකාශය වන "නැගෙනහිර වෙරළෙන් ඇසෙන" ටෙලි නාට්‍යය දුවන රැල්ලට හාත්පසින් ම වෙනස් මානයකුයි නියෝජනය කරන්නේ. එක... [More]
අදහස්| [සරදගේ ලියුං හැකින්ස්]- රට කොරන මහත්තුරු- පතති කිරි උතුරනා අවුරුදු!

2-Mins

අලුත් අවුරුද්දේ උදේ පාන්දර ගෙදර ලියුම් පෙට්ටිය ඇරල බලනකොටයි මං දැක්කෙ, රටේ ලොකු ලොකු උන්නැහේලා මට අලුත් අවුරුදු සුබ පැතුම්... [More]
කවි| කුණු නොවෙන ප්‍රේමයක්

36-Secs

(කුෂාන් ශාලික) කන්ද පාමුල ගෙන්දගම් නිම්නෙක
හැටේ වත්තේ ලස්සනම හරියක
මම හිටියෙ ලෑලි ගෙදරක
ඒ දවස් වල

කන්ද මුදුනේ ඉඳුල් අතරට... [More]
BoondiLets| ඒබ්‍රහම් ටී. කොවූර් කියයි.
තමන් විසින් පානු ලබන ඊනියා ප්‍රාතිහාර්යයන් පරීක්ෂාවට ලක් කිරීමට ඉඩ නොදෙන්නා තක්කඩියෙකි. එබඳු පරීක්ෂා කිරීමකට ධෛර්යය නොමැත්තා පහසුවෙන් මුළාවේ වැටෙන්නෙකි. පරීක්ෂාවකින් තොරව සියල්ල විශ්වාස කිරීමට... [More]
කතන්දර| චිත්‍ර ප්‍රදර්ශනය

2-Mins

(අනුෂ්ක තිලකරත්න) පොඩි එවුන්ගෙ චිත්‍ර ටික නම් ඔක්කොම ලැබුනා. ගිය සැරේ වගේම මේ සැරෙත් ශාලාවෙ ඉඩ මදි වෙයි. කමක් නෑ කොහොම හරි... [More]
ඔත්තු| "ගුත්තිල කාව්‍ය" වේදිකාවට!

13-Secs

"ගුත්තිල කාව්‍ය"- අඛිල සපුමල්ගේ නවතම සංගීත නාට්‍යයේ මංගල දැක්ම, 2018 ජනවාරි 11 වන දින, ලයනල්... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook