Facebook
Twitter
Google+
YouTube
Blog
RSS Feed
අදහස් බූන්දි
ගල්කිස්සේ ප්‍රහාරය: අන්තවාදයේ නරුම මුහුණුවරයි!
බූන්දි, 18:04:56
මේ මොහොත වනතාක් බුරුමයේ හෙවත් මියන්මාරයේ ඇතිවී තිබෙන අර්බුදය යනු සිරියාවේ, ඉරාකයේ හෝ ලිබියාවේ ඇතිවුණු/ ඇතිකළ අරාජිකත්වය තුලින් මතුවූ මුස්ලිම් අන්තවාදයක්; ත්‍රස්තවාදයක් වැනි තත්වයක් නොවේ. (ඒකාධිපතිවාදයට වඩා අරාජිකත්වය යනු එකී රාජ්‍යයට පමණක් නොව සමස්ත කලාපයටම මතු ද නොව ලෝකයටම ප්‍රශ්නයක්; විනාශයක් බව පසක් කර ගැනීමට ඇමෙරිකාවටත් ඔවුන්ගේ ‘ඇලියටත්’ කල් ගත විය. ඒ නිසා ඉරාකයේ, ලිබියාවේ හා සිරියාවේ වූ විනාශය තුලින් උගත් පාඩම බෙහෙවින් මිල අධික විය. ඒ අරාජිකත්වය නිසා ඒ රටවල් තුල මුස්ලිම් ත්‍රස්තවාදයක් නිර්මාණය විය.) කෙසේ මුත් මියන්මාරයේ සිදුවුයේ එවැන්නක් නොවේ. එහෙත් අපේ රටේ මිත්‍යාවෙන් හා ජාතිවාදයෙන් ආතුරවූ පිරිස් වලට, ඉරාකයේ හෝ සිරියාවේ IS ත්‍රස්තවාදීන් හා මියන්මාරයේ මිලිටරි ආණ්ඩුවෙන් බැටකා පලායන රෝහින්ග්‍යාවරු පෙනෙන්නේ එක වගේය.

රටක් නොමැති; පුරවැසි භාවයක් නොමැති දිළිඳු හා දේශපාලන වශයෙන් දුර්වල රෝහින්ග්‍යාවරුන්ට ඇති එකම පිහිට මේ මොහොතේ තිබෙන ජාත්‍යන්තර අවධානය පමණි. රෝහින්ග්‍යාවරු යනු ලංකාවේ දෙමළ ප්‍රජාව හෝ නැගෙනහිර ටිමෝරයේ ජනතාව හෝ පිලිපීනයේ මෝරෝ මුස්ලිම් වෙන්වීම්වාදී ව්‍යාපාරය මෙන් ශක්තිමත් හෝ සංවිධානාත්මක ප්‍රජාවක් නොවේ. ඔවුන් භාරගැනීමට මුස්ලිම් රාජ්‍යයක් පවා නැති බැවින් ඔවුන්ට ඇති එකම විකල්පය ජීවිත අවදානම දරා ගෙන පලා යාම පමණි. එසේ පලායමින් සිටියදී නාවුක හමුදා භාරයට පත්වුණු බහුතරයක් ළමුන් සහිත කණ්ඩායමක් ශ්‍රී ලංකාවේ එක්සත් ජාතීන්ගේ සංවිධානය විසින් තාවකාලිකව රඳවා සිටි ස්ථානයකට කඩා වැදුණු භික්ෂූන් ඇතුළු මදාවි පිරිසක් ආක්‍රමණකාරී ලෙස මැදිහත්වී එම අසරණයින් පිරිස පලවා හරිනු ලැබුවේ ලෝකයා ඉදිරියේ රට අවමානයට පාත්‍ර කරමිනි. කිසිදු අභියෝගයක් නැති රෝහින්ග්‍යාවරු සුළු පිරිසක් හමුවේ ඉතා කෝපාවිෂ්ට ලෙස හැසිරුණු මේ වර්ගයේ ජාතිවාදී චන්ඩින් ගේ මානසිකත්වය තේරුම් ගැනීමට මේ සිදුවීම එක්තරා හොඳ අවස්ථාවකි.



විදේශයකදී සරණාගතයින් පිරිසකට මේ ආකාරයෙන් ප්‍රතිචාර දැක්වූ අවස්ථාවක් අපට මෑතකදී අසන්නට නොවුනි. යුරෝපයේ පවා සංක්‍රමණ විරෝධී කල්ලි සිටිනමුත් ඒ අන්තවාදයට එරෙහිව ප්‍රසිද්ධියේ පෙනීසිටින; ක්‍රියාත්මක වන බහුතරයක් පුරවැසියන් ඒ සමාජ වල බලවත් නිසා (ඒ සමාජ ශිෂ්ට නිසා) ඒ නරුම සුළුතරය තීරණාත්මක නොවෙයි. අපේ රටේ මේ නරුමවාදී කල්ලි වලට එරෙහිව ක්‍රියාත්මක වන මහජන බලවේගයක් නැත. එදා ගල්කිස්සේදී මදාවි ලෙස හැසිරුණු භික්ෂුන් කිහිප දෙනා ගේ ක්‍රියාකලාපය හෙලා දකින ප්‍රකාශයක් පවා ප්‍රභූ භික්ෂු සංස්ථාව තුලින් ඉදිරිපත් නොවන්නේ ඇයිද යන ප්‍රශ්නය බොහෝ යුක්ති සහගත මිනිසුන් හට පැන නැගෙන ප්‍රශ්නයයි. මේ අන්තවාදයට එරෙහි උගත් භික්ෂූන් බොහෝ දෙනා සිටිනමුත් පවතින නිහැඬියාව අප බිය ගන්වයි. මේ ප්‍රහාරයට සම්බන්ධ වුයේ සුළු පිරිසක් වුවද රෝහින්ග්‍යාවරු සම්බන්ධයෙන් පතුරුවා ඇති සාහසික මිත්‍යාවන් නිසා එයින් ආතුරවූ සැලකියයුතු පිරිසක් මේ සමාජයේ සිටීම මේ නිහඬතාවය/ මේ අනුකූලතාවය පිටුපස ඇති යථාර්ථයයි.



සිරියාවේ සරණාගතයින් දහස් ගණනක් රැක බලා ගැනීමට ජර්මනිය, කැනඩාව ඇතුළු රටවල් ඉදිරිපත් වුයේ යුරෝපයේ රටවල් ගණනාවකට එල්ලවී ඇති IS ත්‍රස්ත තර්ජනය ද තිබියදීය. කැනඩා අගමැතිවරයා ඒ සම්බන්ධව පවසා සිටියේ, සරණාගතයින් සම්බන්ධ මානුෂික කාරණයේදී මැදිහත් වනවිට අපගේ ජාතික ආරක්ෂාව යන කාරණය මත මනුෂ්‍යත්වය කේවල් කිරීමට ඉදිරිපත් නොවන බවයි. ඒ මානවවාදය ලෝකය ඉදිරියට ගෙන යයි. ලෝක මට්ටමේදී අපට සතුටු විය හැකි කාරණය එයයි. එහෙත් ඒ රටවල මානවීය මැදිහත් වීම දරා ගත නොහැකි අපේ රටේ ජාතිකවාදී බෞද්ධ උපාසක ළිං-මැඩි පණ්ඩිතයින් ප්‍රකාශ කරන්නේ "අහක යන නයින් රෙද්ද අස්සේ දාගන්නවා" කියලයි. ගවමස් නොකා ගවයින්හට දක්වන අනුකම්පාව මේ අසරණයින් හට පෙන්වන්නට අපේ සමාජයේ බහුතරකට නොහැකිය. අපේ මෙවැනි නරුම හා බැහැර කිරීම්වාදී ප්‍රතිචාර තුලින් සිදුවන්නේ මධ්‍යස්ත මුස්ලිම් ප්‍රජාව දේශපාලනිකව අසරණ වී අන්තවාදී මුස්ලිම් මතවාදය ඒ සමාජයන් තුල ශක්තිමත් වීමට/ වලංගු වීමට විභවය නිර්මාණය වීමයි. මුස්ලිම් රටවල් සමග ආරවුල් නිර්මාණය කරගැනීමට පෙර වකවානුව හා ඇමෙරිකාව විසින් ඉරාකය, ලිබියාව, සිරියාව අස්ථාවර කොට අන්තවාදය රෝපණය වීමට පසුබිම/ විභවය නිර්මාණය කළ ආකාරය අපේ කාලයේ අත්දැකීමයි. ඉන් උගෙනීම ලෝකයාටම වැදගත් වෙයි. යම් සමාජයකට එලෙස ආක්‍රමණික ආකාරයෙන් ප්‍රතිචාර දැක්වූ විට පෙරලා දක්වන ප්‍රතික්‍රියාව බොහෝ නරක ප්‍රතිවිපාක ජනිත කරන්නක් විය හැකිය.

අනෙක් අතට සමාජයේ බොහෝදෙනා, විදේශිකයෙකුට හෝ සරණාගතයෙකුට හෝ අපේ රටේ පුරවැසි භාවය ලබා ගැනීමට ඇති නොහැකියාව පිළිබඳ අවබෝධයක් නැත. ශ්‍රී ලාංකිකයින් ලක්ෂ ගණනක් යුරෝපයේ, ඕස්ට්‍රේලියාවේ හා වෙනත් රටවලට සංක්‍රමණය වී යහපත් ජීවිත ගත කරන අතරතුර අපි වෙනත් රටක කිසිවෙකුට මේ රටේ පුරවැසි භාවය ලබා දීමට එරෙහිව මාරාන්තිකව විරෝධය දැක්වීමින් සිටින්නෙමු.

මේ වියමන ඔබේ මූණු පොතට එක් කරන්න-
Tags- Rohingya Refugees, Rohingya Genocide, Protest, Sri Lankan Buddhist Monks, Myanmar, United Nations Sri Lanka, Racism in sri Lanka
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තාරක වරාපිටියගෙන් තවත් වියමන්
අදහස්
To Sir, With Love!
වෙසෙස්
වාලම්පුරි- වාසනාව, විහිළුව සහ මිත්‍යාව
අදහස්
විද්‍යාවේ සියවසක පිම්ම!
අදහස්
මරණ දඬුවම සහ සුළුතරයේ හෘද සාක්ෂිය!
අදහස්
සිංහලයා වඳ වෙමින් යනවද?
තවත් අදහස් බූන්දි
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
කාලෝ අයංතේ
[සරදගේ ලියුං හැකින්ස්]- හීන දෙවියන්වහන්සේගෙන් ලියුමක්!
BoondiLets
සිත්තරා මරා ඝාතකයා පහළ වීම
හිට්ලර්, ස්වකීය තුරුණු විය මුලුල්ලේම සිහින දුටුවේ සිත්තරෙකු වීමටයි! වියානා කලා ඇකඩමියට ඇතුළත් වීම සඳහා හිට්ලර් ඉදිරිපත් කළ අයදුම්පත් දෙවරක් ම ප්‍රතික්ෂේප විය. පසු කලෙක... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook