Facebook
Twitter
Google+
YouTube
Blog
RSS Feed
අදහස් බූන්දි
[සරදගේ ලියුං හැකින්ස්]- සිරිසේන මහත්තයාට ලියා ඔප්පු කරන වග නම්...,
අපේ ජනාධිපතිතුමා වගා සංග්‍රාමයක් ආරම්භ කරපු ආරංචියට රට පුරාම ඉන්න ගොවි රජවරු ටික පුදුම විදිහට සතුටු වෙලා එතුමාට ලියුම් පිට ලියුම් යවනවා. ඒත් මේ දවස්වල එතුමා විපක්සෙ එක්ක හුට පට වල පැටලිල ඉන්න හින්ද මේ ලියුම් බලන්ඩ වෙලාවක් නෑ. ඉතිං මං කල්පනා කළා ගොවි රජවරුන් ගෙන් එන ලියුමක් දෙකක් කඩල බලල වැදගත් දෙයක් තියනවනම් එතුමාට ඔප්පු කරන්ට ඕනි කියලා.
සෑර්,

සෑර් කැකිරාව පැත්තේ ඇවිල්ල කුඹුරු ටිකක් එහෙම හාලා දීලා, මදිවට වගා සංග්‍රාමයක් එහෙමත් පටන් ගන්නව කියල ආරංචියක් ආව. ආසාවේ උහුලගන්ඩ බැරුව තමයි මේ ලියුම් කරදහිය ලියන්ඩ හිතුනේ. තමුන්නාන්සේත් මොකක් හරි සංග්‍රාමෙකට අත ගහපු එක හොඳයි. අර හිටපු එක්කෙනා සංග්‍රාමයක් කරල කොටිය කම්බස් කළා කියල නිතරම කට මැත දොඩෝන එකේ, එයාගේ කට වැහෙන්ඩත් එක්ක වැඩේට අත ගහපු එක පංකාදුයි. නෑ මං කියන්නේ ගොයියා කම්බස් කරල හරි කමක් නෑ වගා සංග්‍රාමෙන් ඔබතුමා දින්නොත් ඒක තමුන්නැහෙගෙ අනාගතයට හොඳයි.

මයේ මායියා කිවුව වප්මඟුල් උත්සවේ හරි සාරෙට තිබ්බ කියල. උන්දැ ටෙලිවිසොං එකෙන් දැකල. මේ අපේ එවුවෝ වගේ පරණ අමුඩ කඩමාලු ඇඳගෙන කුඹුරට බහින්නේ නැතිව තමුන්නාන්සෙල හරි පිං පාටට කහ පාට ඇඳුං ඇදගෙන, හරි ආඩම්බරයක් දැනෙනවා ආයිබෝං.

හැබැයි මේපාර වප්මඟුලට මීහරක් දැක්කුවේ නැති එකනම් හොඳයි ආයිබෝං. මොටද නිකං අහිංසක සත්තුන්ට වද දෙන්නේ. අනික මීහරක උනාට උන්ට හොඳට කරුණු කාරණා තේරෙනවා. ඔය මේ දවස්වල මිනිස්සු කියන දේවල් ඇහුංකං දීගෙන ඉඳලා උත්සවේ වෙලාවෙ උන් කුලප්පු වෙන්ඩ ඉඩ තිබ්බ. එහෙම උනානං ඒක තමුන්නාන්සේට හොඳ නෑ මයෙ දෙයියො.

උත්සවේ ටෙලිවිසොං එකෙන් බලපු අපේ මායියා කීවා ගොවියො වෙනුවෙන් මෙච්චර සංග්‍රාමයක් කරන ඔබතුමාට හරියට බත් කටක් කන්ටවත් තියනවද දන්නෑ කියල. කොලබ හාල් හරි ගනං ලු නේද සෑර්. මායියා හැදුවේ වී මිටියක් දෙකක් කොටල හිටං තමුන්නාන්සේට එවන්ඩ මං බොහෝම අමාරුවෙන් නවත්ත ගත්තේ. මෙතන මොකක් හරි හුට්ටප්පරයක් තියනව සෑර්. අපි වී දෙන්ඩ ගියාම මුදලාලියා ගන්නේ තුට්ටු දෙකට. ඒ උනාට හාල් ගිනි ගනං. තමුන්නැහැගෙ මලයගෙන් හරි අහල බැලුවොත් හොඳයි මේ කාරණේ. උන්නැහේ දක්සය. උන්නැහේට ඔය හාල් වියාපාර නැතිව මොකක් හරි වෙන බිස්නස් එකක්, ඔය ලොකු පාරවල් හදන එක වගේ එකක් පන්ගනාතු කරල දුන්නානම් මයේ හිතේ මොනා නැතත් මිනිස්සුන්ට බත් වේලක් හරි කාල ඉන්ඩ පුළුවන් වෙයි.

ඒක නෙමෙයි සෑර්, ගොවියන්ට කහපාට යුනිපෝං දෙන්ඩ යනව කියන්නෙ ඇත්තක්ද? කරනවානම් අන්න වැඩ සෑර්. මොකද දැන් කාලේ කොල්ලෝ කෙල්ලෝ හරි ආසයි යුනිපෝං වලට. අපේ කාලේ අපි හැමවෙලේම බැලුවේ අපේ ඇඳුං අඳින්ඩනෙ. ඒකට දැන් එවුවො හැම වෙලේම බලන්නෙ කවුරු හරි මහල දෙන ඇඳුමක් අඳින්ඩනේ. අර ටෙලිවිසොං ලොක්කන්ට කීවා නං ගොවියන්ට මොකක් හරි සිංදු කියන තරඟයක් ලැහැත්ති කරල දෙංටයි කියාලා වැඩේ තවත් අලංකාර වෙයි.

මං අපේ මද්දුමයට කිවුව සෑර් තමුන්නාන්සේ ආයෙත් ගොවියව මොඩ් කරල ගන්ඩයි යන්නේ, උන්ට යුනිපෝං එහෙමත් දෙන්ඩ යනව කියල එතකොට ඌ බඩ අල්ලගෙන හිනා වෙන්ඩ ගත්ත. ඊට පස්සේ ඌ කියාපි ඔය ජවුසං නටන සල්ලි වලින් කැකිරාව ඉස්පිරිතාලෙට ලේ පිරිසිදු කරන යන්තරයක් දෙකක් අරං දුන්නානම් වකුගඩු රෝගේ හැදිල දුක් විදින සනුහරේ එකෙක් හරි ජිවිත සංග්‍රාමයෙන් දිනයි කියල. ඌ කියන ඒව වැඩිය ගණන් ගන්ඩ ඕනි නෑ සෑර්. කද බඩ මහත් උනාට ඌ දන්න කෙංගෙඩියක් තියනවැයි ආයිබෝං. ජිවිත සංග්‍රාමෙ වගේද දේශපාලන සංග්‍රාමේ?

ඒක නෙමෙයි ආයිබොං තමුන්නාන්සේට පුලුහංද මේ රජරට පැත්තට සවුක්කිය ඇමති කෙනෙක් පත්කරන්ඩ. හරි හරි රාජිත ඇමතිතුමා ඉන්නව තමයි. උන්නැහේ ඉන්නේ කොලබනේ. මේ පැත්ත බලාගන්ට උන්නාන්සේට වෙලාවක් තියෙන එකක්යැයි. උන්නැහේට කොච්චර වැඩද? මේ නොසන්ඩාල කොල්ලන්ගෙන් අර පුද්ගලික දොස්තර විද්දීයාලේ බේර ගන්ට ඕනි, එතකොට සරීරෙ පරීක්සා කොරගන්ට නිතර නිතර සිංගප්පුරු යන්ට ඕනි. ඉතිං අපේ වකුගඩු ලෙඩ්ඩු ගැන බලන්ට වෙලාවක් නැතුවා. ඇමතිකමට වකුගඩු රෝගේ හැදිච්ච එකෙක්ම තෝර ගත්තනම් හරි සෑර්. එතකොට චන්දෙ කාලෙට මෙහෙ ඇවිල්ල හිටං කාටවත් කියන්ඩ බෑ ඔබතුමා වකුගඩු රෝගීන්ට සැලකුවේ නෑ කියල. ඇරත් උන් ඉක්මනින්ම මැරිල යන හින්ද තව ඇමතියෙක් වැඩි උනා කියල මහ බරක් දැනෙන එකකුත් නෑ.


එහෙනං ඉතිං ආයිබෝං සෑර්,
මිට,

ගොවි රජා

ප.ලි.

අප්පුච්චේ තව ඩිංගෙං අමතක වෙනවා නොවැ. අර තමුන්නාන්සේ ඇමති වෙලා ඉන්න කාලේ පටන් ගත්ත වගා සංග්‍රාමෙට මොකදැ උනේ සෑර්. ඒකෙන් අපි දිනුම් ද? මේ යන්නේ ඒකෙ දෙවැනි කොටහද ආයිබෝං???
මේ වියමන ඔබේ මූණු පොතට එක් කරන්න-
Tags- Maithripala Sirisena, Sri Lankan President, Sri Lankan Farmers, Waga Sangramaya 2017, Wap Magul, Sri Lankan Agriculture
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
අපේ මධ්‍යම පන්තියේ නුතන සංස්කෘතික විලාසිතාව!
ගල්කිස්සේ ප්‍රහාරය: අන්තවාදයේ නරුම මුහුණුවරයි!
[සරදගේ ලියුං හැකින්ස්]- මැතිවරණ කොමසාරිස්ට ජේ.ආර්.ගෙන් ලියුමක්!
ගබ්සාව සහ දෙවියන් වහන්සේගේ සැලැස්ම!
විභාගය ගොඩ යාමට ඥාන පූජාව!
බූන්දි නව ඊමේල් ලිපිනය- editorial@boondi.lk
BoondiLets
ඉන්ග්‍රිඩ් බර්ග්මාන් කියයි.
"හාද්දක්" යනු "වචන" අනවශ්‍ය වන තැනට පැමිණි පසු, "කතාව" නැවැත්වීම සඳහා, සොබා දහම විසින් නිර්මාණය කරන ලද ආදරණීය උපක්‍රමයකි.
What's New | අලුතෙන්ම
ඔත්තු| මාසික සිනමා දැක්ම- 'Lipstick Under My Burkha'- නොවැ. 26

7-Secs

Alankrita Shrivastavaගේ "Lipstick Under My Burkha" චිත්‍රපටය, 2017 නොවැම්බර් 26 ඉරිදා, සවස 3:00 ට, මීගමුව... [More]
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
කවි| (ඔබ හිනැහෙන විට)

5-Secs

(මහගම සේකර) ඔබ හිනැහෙන විට
මුලු ලොව
ඔබ සමඟින් සිනා සෙයි

ඔබ වැලපෙන විට
මුලු ලොව... [More]
කරන්ට්ස්| ඈත සහ මෑත

23-Secs

(අමිල නන්දසිරි) "අනුරාධපුරයේ උද්‍යාන තුලදී පෙම්වතුන් යුවල 304ක් පොලිස් භාරයට."
-පුවතක්


ඈත, කුහුලින් සවල් ගහනා
මැදිවියේ නෙතු බහුලය
මෑත, විලියෙන් ජම්බු රතුවෙන... [More]
Cine| ස්වරූප නොපෙන්වීමේ සහ නොබැලීමේ විනෝදය

13-Mins

(එරික් ඉලයප්ආරච්චි) කලාත්මක අවකාශය සහාසික ලෙස විනෝදයේ අවකාශය විසින් පාගා දමනු ලබන අතරේ කලාත්මක ප්‍රදර්ශනයේ අවකාශය විනෝද ප්‍රදර්ශනයේ අවකාශය විසින් උදුරා ගනිමින්... [More]
කතන්දර| "හරි අපූරු අම්මාච්චි"- ළමා කතන්දරය [වීඩියෝව]

33-Secs

"හරි අපූරු අම්මාච්චි"- පොඩිත්තන්ට දැනුම ගෙනෙන විනෝදාත්මක කතන්දරයක් [කාටූන්]- Rajiv Eipe ලියා සිත්තම් කළ "Ammachi's Amazing Machines" සිඟිති කතන්දරයේ සිංහල... [More]
BoondiLets| අඳුර පලාගියේය!
තල්මසාගේ සිරුර ඇතුළත වූයේ අඳුරයි. පිනෝකියෝ පාවෙමින් තල්මසාගේ කුසෙහි ගැඹුරු ආගාධයට ඇදී ගියේය.

ඉමක් නැති ගණඳුර මැදින් හදිසියේම කුඩා ආලෝකයක් පහළ විය.

"කවුද ඔතන?" පිනෝකියෝගේ... [More]
කවි| සියයට විස්සයි, සතුට අනුලට!

38-Secs

(තුෂාරිකා ඇන්තනි) ඉසුරු දෙවිඳු මවනවද සිහිල පිරි පෙදෙසක්
ගිනි නිවුන මව් හිසක මැවු පසන් නිවසක්

දෛනික වැයෙන් මරදූන් පැරද ඉසිඹුවක්
පතයි මාස අග දිනක හෝ නිරාමිස සුවයක්... [More]
වෙසෙස්| තොවිල් වලදී යකුන් පලා යන විට ගස් අතු කඩා වැටෙන හැටි!

3-Mins

(තිලක් සේනාසිංහ ) මිනිසුන්ට සහ වාසස්ථාන වලට අරක් ගන්නා යක්ෂයන් පලවා හැරීම පිණිස යක් තොවිල් පැවැත්වීම අප ජන සංස්කෘතියේ ප්‍රධානතම අංගයකි. මෙම යක්... [More]
BoondiLets| සරච්චන්ද්‍ර ලියයි.
පුතු සෙනේ මස් නහර හම සිඳ
ඇට සොයා ගොස් ඇට තුළට වැද
ඇට මිදුලු මත රඳා සිට දුක්
දෙයි නිබන්දා

-සිංහබාහු
කවි| (හදිසියේ මියගිය) අම්මාගේ මිනිය හඳුනාගැනීමට පුතුව කැඳවයි!

44-Secs

(ජනිත් විතාරණගේ) දෙක තුනක් ඇර හුඟක් කෙස් ගස් තිබුනේ බාගෙට සුදුවෙලා
ගල් තැලුම් මල් යටි පතුල්වල විලුඹ තිබුනා පුපුරලා
අලි ඇවිත් පැල කඩපු දවසේ තාත්තගේ බඩ පාගලා
පෙරළිලා ගෙයි බිත්ති පලුවක් කකුල තිබ්බේ කොරවෙලා

අන්න අර දුර පේන කන්දට ටිකක් එහායින් තියන බැද්දේ... [More]
Cine| බහුචිතවාදීයා- සමකාලීන අගනාගරික සමාජ සැකැස්ම සහ එහි දේශපාලන ආර්ථීකය පිළිබද නියෝජනයක් ලෙස

6-Mins

(නිර්මාල් රංජිත් දේවසිරි) පසුගිය සමයේ, විශේෂයෙන්ම, 2015 ජනවාරි 8 වනදා පැවැති ජනාධිපතිවරණය පූර්වගාමීව සමාජ මාධ්‍යවල ඇති වූ දේශපාලන කතිකාවේ දක්නට ලැබුණු මූලිකාංගයක් වූයේ,... [More]
කතන්දර| "මෙන්න මෙයා- බෝල බෙයා"- ළමා කතන්දරය [වීඩියෝව]

27-Secs

පොඩිත්තන්ට විනෝදාත්මක කතන්දරයක් [කාටූන්]- Ramendra Kumar ලියා, Delwyn Remedios සිත්තම් කළ "The Day It Rained Fish" සිඟිති කතන්දරය ඇසුරින්.

හඬ- නයෝමී... [More]
වෙසෙස්| ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ

4-Mins

(සරද සමරසිංහ) "ජනතාව අතුරින් කිහිප දෙනෙකු අත්‍යන්ත ම්ලේච්ඡයන් වීම හේතුවෙන් හෝ පාලක පක්ෂය ප්‍රජාතන්ත්‍රවාදය යන වචනයේ අරුත නොදැන සිටීම හේතුවෙන් හෝ ජනමාධ්‍යවේදීන්ට... [More]
BoondiLets| දාරියෝ ෆෝ ලියයි.
(දාරියෝ ෆෝ | එච්. ඒ. පෙරේරා) පවතින පාලනය, ඉවසන් ඉන්න බැරි තරමට ජඩ, දූෂිත, මර්දනකාරී එකක් උනහම ජනතාව ජීවිත පරදුවට තියල හරි ඒක පෙරලලා දානවා. ඊට පස්සෙ අලුත් පාලකයෝ විසින් හිටපු... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook