Facebook
Twitter
Google+
YouTube
Blog
RSS Feed
අදහස් බූන්දි
තෙමඟුල නිමිත්තෙන් කිරිගවයන් සමගම, කුල දරුවන් නිදහස් කර හරිමු!
බූන්දි, 18:09:03
එක්සත් ජාතීන්ගේ සංගමය විසින් ජාත්‍යන්තර වෙසක් දිනයක් නම් කළ බවට ලොකු ප්‍රසිද්ධියක් දෙනවා රාජ්‍ය මැදිහත්වීමෙන්. ලංකාවෙ මාධ්‍යවලත් ඒ ගැන හදපු ප්‍රචාරණ සංකේතයකුත්, විචිත්‍රවත් සැරසිලි ගොන්නකුත් නිතර ප්‍රචාරය වෙනව දැකගන්නට තියෙනවා දිවා රෑ තිස්සෙම. තුන් ලෝකයට ම අග්‍රයි කියා කියන ශාස්තෘවරයෙක්ගේ, සනාතන විශ්වීය දහමක් යැයි කියාගන්නා දර්ශනයකට ජාත්‍යන්තර පිළිගැනීමක්, නිකම්ම නිකම් මිනිස් එකතුවකින් හැදුණු ලෝක සංවිධානයක් ලවා අනුමත කරවා ගැනීම බෞද්ධයන් විසින් ලබපු විශාල ජයග්‍රහණයක් හැටියට ඒ විෂය භාර ඇමතිවරයා පවා සෑහෙන ආඩම්බරෙන් කියල තිබුනා. ඒ කොහොම උනත්, ශ්‍රී ලංකාව බුදුන්ගේ දේශයයි කියල ලොකු අකුරෙන් අපට අනතුරු හඟවන ත්‍රීවිල් විස්සක් තිහක්වත්, ඕනෑම වෙලාවක පාරෙ දකින්න හැකියාව තියෙන අපේ රටට, ජාත්‍යන්තර පිළිගැනීමක් ඇති තවත් ආගමික නිවාඩුවක් සමරන්නට ලැබෙන විනෝදය මේ වෙසක් දවසෙන් පස්සෙ උදා වෙනවා.

කෝටි හයක මහා මුදලක් ජනතාවගේ මුදල් වලින්, අයවැය හරහාම වෙන් කරවාගෙන සමරන්නට යනවාය කියන මේ කානිවල් එකත්, මිනිස්සු පොදි කාගෙන, නිදි වරාගෙන, අතේ තියෙන කීය හරි වියදම් කරගෙන බලන්න යන්න නියමිතයි හැමදාම වගේම. අවුරුදු දෙදහස් පන්සීයක් තිස්සේම, සතුට සහ ප්‍රබෝධය වෙනුවට, හිස්කම, නැතිකම, වේදනාව, අනියත බව ගැනම ඔලුවට බලහත්කාරයෙන් පොවා මානසිකව අඩපණ කළ ජන වර්ගයක්, සමාජගත වීම, රංචු ගැසීම වගේ අත්‍යවශ්‍ය මිනිස් වුවමනාවන් සපුරා ගන්නට යොදාගන්නෙත් ඒ වුවමනාවන්ට එරෙහි, ඊට සහමුලින්ම වග කියන්නට ඕන තක්කඩි ආගමික සංකල්පයන් හරහා වීම මහා බරපතල සමාජ ඛේදවාචකයක්. ලංකාවේ මේ වන විට පවතින වඩා මිල අධිකම, වඩා දේශපාලනිකම, වඩා තණ්හාධිකම ආගමික ව්‍යාපාරයේ හිංසාකාරීත්වය නමැති සැඟවුණු පැතිකඩට වඩා පුළුල් අවකාශයක් ලබාදීම මෙවර රාජ්‍ය වෙසක් උත්සවයේ දී දැකගන්නට ලැබෙන දෙයක්. අලි ඇතුන් වැනි සතා සීපාවුන් අරභයා මේ තාක් කල් සිදු කළ "සංස්කෘතික" හිංසනය, රාජ්‍යයේ අනුග්‍රහය ද ලබමින්, වඩාත් ප්‍රසිද්ධියේ, දේශයේ කුඩා දරුවන් දහසකගේ ජීවිත මත මුදා හැරීම මෙවර වෙසක් සමයේ සිදුවන්නට නියමිත ප්‍රධානතම කාර්යයක්.

'කුල දරුවන් දහසක් පැවිදි කිරීම' ලෙසින් මාධ්‍ය මගින් උත්කර්ෂයට නංවමින් තියෙන මේ කුප්‍රකට ළමා අපචාරයේ ප්‍රධාන අණ දෙන්නා, නායකත්වය දරන්නා වන ජනාධිපතිවරයා, ලෝකය පිළිගත් මූලික මිනිස් අයිතිවාසිකම් පවා සත පහකට මායිම් නො කරමින් මේ උත්සාහ කරන්නේ බෞද්ධ සංස්කෘතික තිරයට මුවාවී, රටේ කුඩා දරුවන් දහසකට සිය ළමා කාලය අහිමි කරවීමේ තිරශ්චීන අපරාධයට ජාත්‍යන්තර සහතිකයක් ලබා ගැනීමට කියන දේ පැහැදිලිව පෙනෙන්නට ඇති දෙයක්. කෙළි සෙල්ලම් සමග, තමන්ගේ මිතුරු මිතුරියන් දෙමාපියන් අතර නිදහසේ වැඩෙන්නට, පෞර්ෂය ගොඩ නගාගන්නට ඇති අනුල්ලංඝනීය හිමිකම, සියවස් ගණනකට මත්තේ ජීවත් වුණු ජීවිතයෙන් පලා ගිය අසාර්ථක මිනිසෙකුගේ හුදෙකලා චින්තනයක් නඩත්තු කරවා ගැනීමේ බැලමෙහෙවරට ඇද දැමීම, ඒ රටේ ජීවත් වෙන මිනිසුන්ගේ හෘද සාක්ෂිය පිළිබඳ ලජ්ජා සහගත නිදර්ශනයක්. වෙහෙර විහාර, අසපු ආරාමවල අදටත් යහතින් වාසය කරන, පරපීඩක ශ්‍රමණයන්ගේ ලිංගික වහලුන් වශයෙන් ගොදුරු වනවා හැරෙන්නට, තමන්ගේ ජීවිතය පිළිබඳ කිසිවක් කරකියා ගන්නට නො දන්නා මේ නොදරුවන්ට වෙනත් විකල්පයක් ඉතිරි වන්නේ නැහැ.

දිනපතා පුවත්පත් පිටු අතරින්, වසරකට සිය ගණනින් හෙළිදරව් වන මේ නින්දිත අපයෝජනය පිළිබඳ ඇස් කන් නෑසූ අයුරින් හිඳින්නට තරම්, ආගමික මායාව විසින් තම අනුගාමිකයන් මත පතුරුවා ඇති මේ ඝන අන්ධකාරය ඉතාමත්ම බලවත්. ළමා අපයෝජකයෙකු වශයෙන් අත් අඩංගුවට පත්වෙන බෞද්ධ ශ්‍රමණයින්, හිමිවරුන් ලෙස නො තකා, චීවරධාරීන් හැටියට නම් කිරීමෙන් ම පෙන්නුම් කරන්නේ අසීමාන්තික ආගමික ගැති මනෝභාවයයි. ඒ අනුව, මේ ශ්‍රමණයන් වහා නිදහස් කරනවා ඔවුන්ගේ වගකීමෙන්, කිසිදු කිළුටක් ඔවුන්ගේ ආගම මත තැවරෙන්නට කලින්. මේ ඉතාම කැත අවස්ථාවාදය ඕනෑම අපරාධයක් තුළින් මේ රැවටිලිකාර මහණුන්ට ගැලවී යන්නට සමාජය විසින් ම තනා දෙන සිදුරක්.

වසර දෙකහමාරක් තිස්සේ කිසිදු ආකාරයක සාධනීය හැකියාවක් පෙන්නන්නට අසමත් වූ බෙලහීන නායකයා, ජාතිකවාදී බලවේග තුළ සිය පැවැත්ම තහවුරු කර ගැනීම උදෙසා මේ රටේ කුඩා දරුවන් දහසක් බිලි දෙන්නට කැඳවාගෙන යන, සංඝ ශාසනය නම් වූ ස්වර්ණාලේපිත දංගෙඩිය ඒ තරම්ම අපවිත්‍ර, දූෂිත, බිහිසුණු තැනක්. ඒ මත තැවරී ඇත්තේ සිය ප්‍රීතිමත් කුඩා කාලය අහිමිවූ අසරණ දුගී දුප්පත් දරුවන්ගේ කඳුළුයි. ඒ මත වියළී තිබෙන්නේ, වයෝවෘද්ධ මහණුන්ගේ ලිංගික හිරිහැරවලින් ඉතිරි වූ රුධිර පැල්ලම් පමණයි. රටේ දරුවන් මන්ද පෝෂණයෙන්, ඩෙංගු වසංගතයෙන් අසරණව මිය ඇදෙද්දී, නිසි අධ්‍යාපනයක් නො ලබා, හිසට සෙවණක් නො ලබා මහ මගට ඇද වැටෙද්දී, ඔවුන්ට කිසිදු පිහිටක් ලබා දීමට අපොහොසත්, අසමත් පාලකයන් මේ උත්සවශ්‍රීයෙන් සමරන්නට යන ඊනියා පුණ්‍යකර්මය ඉතා පැහැදිලිව ම්ලේච්ඡ බිලි පූජාවක් හැරෙන්නට අන් කිසිවක් නොවෙයි.

ජාති ආගම් කුල භේදයෙන් මිනිසුන් පෙළන, එකිනෙකා අතර වෛරය හා සැකය අවුලන විහාරවාසී ජරාජීර්ණ මහල්ලන්ගේ අණසකට යටත්ව, යල් පැන ගිය සූත්‍ර පිඨක කට පාඩම් කරනවාට වඩා ඕනෑ තරම් දේ කුඩා දරුවන්ට මේ සුන්දර ලෝකයේ සොයා ගන්නට පුලුවන්. මලින් පිරුණු වන උයන් අතර, වන ලැහැබ් අතර සමනලුන් හඹා යා යුතු දිවියක් ඒ. සිය මිතුරු සමාගම් සමග පාසලේ දී, මහමග දී, වත්තේ පිටියේ දී ජීවිතය ඉගෙන ගත යුතුයි ඔවුන්. එළඹෙන දිනක දී, මේ ලෝකය වඩා යහපත් තැනක් කරන්නට අපට වඩා දියුණු, උපක්‍රමශීලී මෙන්ම, වඩා නිර්මාණශීලී ක්‍රමවේද ඔවුන් ඉගෙන ගනීවි තමන්ගේම අවටින්. ඒ වෙනුවෙන් ඔවුන් නිදහස් කළ යුතුයි ආගමෙන්, ජාතියෙන්, සංස්කෘතියෙන් දූෂිත නොවුනු පිවිතුරු සිතුවිලි වලාකුළු අතරට. ඔවුන්ට ලබා දිය යුතුයි අපි, ගවේෂණය කිරීම සඳහා නව මංපෙත්. ඒ වෙනුවෙන් ආරක්ෂාව, පෝෂණය සහ අධ්‍යාපනය අඩු නැතිව ලබා දෙනවා හැරෙන්නට, අපට අයිතියක් නැහැ වෙන කිසිම ආකාරයක බලපෑමක් හෝ පීඩනයක් යොදන්නට මේ සුන්දර ළමා ළපටින් මත.

අවුරුදු දෙදහස් හයසීයක්ම ගතවීමෙන් පස්සේත්, තමන්ගේ ආගම රැකෙන්නට, අනුන්ගේ දරුවන් පීඩාවට පත් කළ යුතුයි කියා කිසිදු පැකිළීමක් නැතිව සිතන ජන වර්ගයකගේ අහිංසාවාදී සුබ පැතුම් පලක් ඇත්තේ කාටද? ඔවුන් ලියා එවන වෙසක් පත්, ඔවුන් දල්වන පහන් කාට කෙසේ විමුක්තිය උදා කරන්නද? සදාකාලික චින්තන සිරගෙයක අගුළුලන්නට, ජනාධිපති අණ ලැබූ ඒ අසරණ දරුවන් දහසගේ කඳුළින් තෙතබරිත ඔබේ සුබ පැතුම් මේ එළඹෙන වෙසක් සමයේ මා වෙත එවීමෙන් වළකින්න. තවත් කුමන සුබ පැතුම් ද? මල් කැකුළු මතින් රූරා හැලෙන දුක් කඳුළුම මිස...
මේ වියමන ඔබේ මූණු පොතට එක් කරන්න-
Tags- Vesak Festival, United Nations, International Vesak Day, President Maithreepala Sirisena, Ordain of thousand children, Child rights, Buddhism, Novice monks, Buddhist Monks, Buddhist Temples in Sri Lanka
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
හිරාන් ද සේරම්ගෙන් තවත් වියමන්
අදහස්
ෆිදෙල් කස්ත්‍රෝ - පීඩිතයාට ජීවය ද ආදරය ද දුන් සදාකාලික සටන්කරුවා!
තවත් අදහස් බූන්දි
විභාගය ගොඩ යාමට ඥාන පූජාව!
[සරදගේ ලියුං හැකින්ස්]- සිරිසේන මහත්තයාට ලියා ඔප්පු කරන වග නම්...,
[සරදගේ ලියුං හැකින්ස්]- ඩාලිං චතු...,
අලුත් මිදියුෂ අලුත් බඳුනෙක
ඉස්ලාම් හොල්මන් අවතාර ගැන කවදාවත් අසා තිබෙනවාද?
බූන්දි නව ඊමේල් ලිපිනය- editorial@boondi.lk
BoondiLets
ආනන්ද මෛත්‍රෙය හිමි ආගම්වාදීන්, ජාතිවාදීන් ගැන....
ආගම්වාදීන්, ජාතිවාදීන් අන්ධයන් පෙළක් වැනිය. මුලින් සිටින්නා ද නොදකියි, මැද සිටින්නා ද නොදකියි- පිටුපසින් සිටින්නා ද නොදකියි.

-බලන්ගොඩ ආනන්ද මෛත්‍රෙය මහනාහිමි (1896- 1998)
What's New | අලුතෙන්ම
ගී කිය(ව)මු| සඳ, හොරෙන්- හොරෙන්- හොරෙන්- බලමු!

4-Mins

(ඩිල්ෂානි චතුරිකා දාබරේ) ප්‍රේමයට රාත්‍රිය මහෝපකාරීවන්නේ යම් සේ ද ශෘංගාරෝද්දීපනයට සඳ සතු කාර්යභාර්ය ද එසේ ම වේ. ළමා ලපටියන් සඳ දකිනුයේ සිය කුටුම්බ... [More]
කතන්දර| සරසවි ශිෂ්‍යයාගේ මරණය

6-Mins

(සහන් කසීර වික්‍රමසිංහ) ප්‍රවෘත්ති සංස්කාරක තුමනි,
සති දෙකකට උඩදි ගෙලවැල ලාගෙන සියදිවි නසාගත් 'කසුන් හේරත්' නම් සරසවි ශිෂ්‍යයාගේ (ශිෂ්‍ය සංගම් නායකයෙක් ලෙස ද... [More]
කවි| ප්‍රේමයක් ඇති වුණේ නෑ!

45-Secs

(භාතිෂ අකලංක සිල්වා) එක ගමේ, ළඟ ගෙවල්,
එක වයස, ඒ වුනත්
කළු කෙල්ලෙ නුඹේ ගැන
කිසිදාක මගෙ හිතේ
ප්‍රේමයක් ඇති වුණේ නෑ!... [More]
කතන්දර| "එඩිසන්ගෙ අම්මා"- ළමා කතන්දරය [වීඩියෝව]

12-Secs

තෝමස් අල්වා එඩිසන් කියන මහා විද්‍යාඥයා ගැන චූටි ටීචර් කියන අපූරු කතාවක්-

Voiced by- Masha Suwani and Nayomi Gunasiri
Script and Animated... [More]
අදහස්| විභාගය ගොඩ යාමට ඥාන පූජාව!

2-Mins

(තාරක වරාපිටිය) ස්ථානය- වේයන්ගොඩ, පත්තලගෙදර බෝධිමංගලාරාමය විහාරස්ථානය
නිමිත්ත- ශිෂ්‍යත්ව විභාගය වෙනුවෙන් පෙනී සිටින සිසු-සිසුවියන් හට උසස් ප්‍රතිඵල ලබා ගැනීම උදෙසා පවත්වනු ලබන විශේෂ... [More]
අදහස්| [සරදගේ ලියුං හැකින්ස්]- සිරිසේන මහත්තයාට ලියා ඔප්පු කරන වග නම්...,

2-Mins

සෑර්,

සෑර් කැකිරාව පැත්තේ ඇවිල්ල කුඹුරු ටිකක් එහෙම හාලා දීලා, මදිවට වගා සංග්‍රාමයක් එහෙමත් පටන් ගන්නව කියල ආරංචියක් ආව. ආසාවේ උහුලගන්ඩ... [More]
කවි| පටාචාරා

1-Mins

(ප්‍රියලාල් කොග්ගලගේ) සැවැත් නුවරත් නොවෙයි, සිටු කුලේකත් නොවෙයි පටාචාරා ඉපදුණේ
බුදුන් වැඩියත් රජුන් නොවඩින ඈත දුර මහියංගණේ
ඈ කැටුව ආ දාසයා වෙමි ඉපිද ඈ පිළිබඳ සෙනේ
අතු පැහීමයි ගෙඩි කැඩීමයි දත් එකම ශිල්පය වුණේ

පුතෙකු වැදුවා, දුවක වැදුවා මමත් පොඩි අතුපැලක් හැදුවා... [More]
රංග| දෙවියන් බුදුන් මැරී බොහෝ කල්ය! -"මායා බන්ධන"- විචාරාත්මක විමර්ශනයක්

10-Mins

(ප‍්‍රනීත් චානක මුරමුදලිගේ) වත්මන

පරමාදර්ශී කලාවන්ට කණකොකා හඬන 2017 වැනි යුගයක, තරුණ නාට්‍යකරුවන්ට සෙත්ශාන්තියක් මෙන් වූ ජාතික තරුණ සේවා සභා නාට්‍ය තරඟාවලිය මෙවරත් යම්... [More]
පරිවර්තන| අඳුරු ගොම්මනක කතාව

16-Secs

(ෆතීක් අබූබකර් | මාලතී කල්පනා ඇම්බ්‍රෝස්) මැටි බඳුන
පිරී යයි
මා හෙවත්
පිරියම් නො කළ
වදනින් ...
සිත්තම් කරමි... [More]
කවි| නෙළුමෙහි කුහුඹු මිනිසාට

24-Secs

(දුලන්ජන් විතාරම) වළාකුළු සිඹී ඉහළට නැගුනාම
බලා නෙත් අහස මුදුනේ රැඳුනාම
රවා බලන ඉර තරහින් බැලුවාම
නිවා විඩා දුරලා නුඹ ගනු කෝම

පියාඹන කාක පෙරහැර නිරන්තරේ... [More]
කතන්දර| "සිංහයාට දත් කැක්කුමක්"- ළමා කතන්දරය [වීඩියෝව]

29-Secs

Sanjiv Jaiswal 'Sanjay' ලියා, Ajit Narayan සිත්තම් කළ "The Royal Toothache" සිඟිති කතන්දරය ඇසුරින් හැදූ කාටූනය.

Sinhala Translation of the... [More]
කවි| මායිම් ගම්මානයේ ටීචර්

21-Secs

(අනුෂ්ක තිලකරත්න) ඒ ටීචර් ඔච්චර ම හිනාවෙන්නේ මොකද?
මොකද නෙමෙයි කොහොමද?
දන්නේ නැද්ද තවමත්
මායිමේ ගම්මානයක් බව මේක

තාමත් ලයිට් නැති... [More]
BoondiLets| ඇල්බට් අයින්ස්ටයින් කියයි.
ඔබට ඔබේ පුංචි දරුවා බුද්ධිමත් කිරීමට අවශ්‍යද? දරුවාට සුරංගනා කතා කියා දෙන්න. ඔබට ඒ දරුවා තවත් බුද්ධිමත් කිරීමට අවශ්‍යද? දරුවාට තව තවත් සුරංගනා කතා කියා... [More]
කතන්දර| "කපටි නරිහාමිට ඔන්න යස පාඩම"- ළමා කතන්දරය [වීඩියෝව]

34-Secs

"Foxy Joxy Plays a Trick" සිඟිති කතන්දරය ඇසුරින් හැදූ කාටූනය.

Sinhala Translation of the Kids Story "Foxy Joxy Plays a... [More]
වෙසෙස්| එක ම ගඟට දෙවරක් නොබට මිනිසා, හෙරක්ලීටස්

4-Mins

(ඩිල්ෂානි චතුරිකා දාබරේ) අපරදිග ලෝකයේ බටහිර දර්ශනය බිහිවීමට තුඩුදුන් ප්‍රධාන භූගෝලීය මර්මස්ථානය වූ ග්‍රීසිය අයෝනියන්වාදීන්, ඊලියානුවාදීන්, පෛතගෝරස්වාදීන්, විතණ්ඩාවාදීන් හා සෙසු දාර්ශනිකයන්ගෙන් සුසැදි ඥාන... [More]
පොත්| කැත මත ලස්සන සෙවීම- සරද සමරසිංහ ප්‍රබන්ධ ප්‍රවේශය

4-Mins

(මංජුල වෙඩිවර්ධන) සමාජ ජීවිතය අපසාරී වෙමින් ද, ව්‍යුක්ත වෙමින් ද පවතින දේශපාලන මොහොතක අභීසාරී මෙන් ම සංයුක්ත ජීවන යථාර්තයක් වෙත පර්යාලෝකයක් එල්ල... [More]
රත්තරං ටික| සොක්‍රටීස්ගේ මරණය

35-Secs

(එරික් ඉලයප්ආරච්චි) ප්‍රංශ මහා විප්ලවයේ දොරකඩ සිටිමින් ශාක් ලුයී ඩේවිඩ් (1748-1825) මේ අසහාය චිත්‍රය නිමවූයේ ය. ග්‍රීක... [More]
කතා-බස්| "මට අවශ්‍ය අපගේ අනෙකා කෙතරම් විචිත්‍රවත්ද යන්න පෙන්වීමටයි."- නිශ්ශංක විජේමාන්න

6-Mins

(අනුරාධා කෝදාගොඩ) "හඳ පළුව තනි තරුව" කෘතියෙහි අප කෙතරම් සංස්කෘතික, භාෂාමය වශයෙන් කලවම් ජාතියක් ද යන්න බොහෝ තැන්වල කියැවෙනවා. කෙසේ නමුත් අපිට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook