Facebook
Twitter
Google+
YouTube
Blog
RSS Feed
වෙසෙස් බූන්දි
ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!
බූන්දි, 19:02:45
'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.' මෙවැනි කතාවක් අතීතයේ සිට අප ව්‍යවහාරයේ පවතී. 'ඇස්වහ කටවහ' යනු වර්තමානයේ අප කතාබහට ලක් කරන පොදු මාතෘකාවකි. අතීතයේ තිබූ මානව ගති සිරිත් සිතුම් පැතුම් චර්යාවන් වර්තමානය වනවිට ඉවත් වී ඇතැයි පැවසුණ ද ඇස්වහ කටවහ යනු දිනෙන් දින නවීකරණය වෙමින් පවත්නා අධි විශ්වාසයකි. එයට හොදම උදාහරණය නම් අතී නවීන මෝස්තරයේ හයිබ්‍රිඩ් වාහනවල පවා බෆරයේ ඇස්වහ කටවහ කැපීමේ දෙහි ගෙඩි කීපයත් අමු මිරිස් කරල් කීපයත් එල්ලී පැවතීමයි. නමුත් මෙම ඇස්වහ කටවහ නම් වූ අධි විශ්වාස සම්බන්ධයෙන් මේ දක්වා විධිමත් ගවේෂණයක් හෝ විමර්ශනයක් සිදු කෙරී නැත. ඒ පිළිබදව විමර්ශනයක් ක‍ළහොත් ඉතා රසවත් කරුණු රාශියක් අපට සොයා ගන්නට පුළුවන.

ඇස්වහ කටවහ සදහා පහසුවෙන්ම සහ වැඩි වශයෙන්ම ගොදුරු වන්නේ යැයි කියන්නේ ළදරුවන් සහ රූමත් තරුණියන්ය. ඇස්වහ නිසා රූමත් තරුණියන් කැතවන අතර ළදරුවන්ට සිරුර පුරා ඇස්වහ බිබිළි දමයි. එනම් ළපටි, ලාමක, ලද බොලඳ දෑ වැඩි වශයෙන් ඊට ගොදුරු වන බව ජන විශ්වාසයයි. ඊට අමතරව බවබෝගවලින් තක්කාලි, පුහුල්, කෙසෙල් ආදියට වැඩි වශයෙන් ඇස්වහ වදී. මේවායේ ඇති මෘදු බව එයට හේතුව ලෙස සැළකිය හැකිය. දිරා ගිය සිරුරු සහිත රළු පරළු කාන්තාවන්ට ඇස්වහ වැදීම අඩුය. එමෙන්ම බවබෝගවලින් මුරුංගා ආදී රළු බෝගවලට ඇස්වහ වැදීම අඩුය. මේවා තක්කාලි සහ රූමත් තරුණියන් මෙන් මෘදු නොවන අතර කටුක බවින් යුක්ත ය. මේ අනුව මෘදුබවින් වැඩි දේ සදහා ඇස්වහ වැදීම වැඩි බවටත් රළු දේ සදහා ඇස්වහ වැදීම අඩු බවටත් ඇති නිර්ණායකයේ යම්කිසි සැළකිය යුතු කරුණක් තිබේ.

සතුන් පිළිබදව සළකා බැලීමේදී ගෘහස්ථ සතුන්ට ඇස්වහ වැදීම වැඩිය. විශේෂයෙන්ම පුහුණු කරන ලද සතුන්ට සහ ආදරයට ඇති කරන සතුන්ට වැඩි වශයෙන් ඇස්වහ වදී. කතා කරන්නට පුහුණු කළ ගිරවුන්, මයිනුන් වැනි පක්ෂීන්ට ද අලි ඇතුන් වැනි සතුන්ට ද වැඩි වශයෙන් ඇස්වහ වැදීමේ ප්‍රවණතාවක් ඇතැයි පැවසේ. එසේම වනයේ සෑදුණු වන පළවැලවලට කිසිදා ඇස්වහ නොවදින අතර වනයේ ජීවත් වන සතුන්ට ද එසේ ඇස්වහ නොවදී. මොණරා පිල් විදහාගෙන කොපමණ අලංකාර නැටුම් නැටුවද මොණරාට ඇස් වහ වදින්නේ නැත. එමෙන්ම පිං තාලි, අම්බලම් වැනි පොදු පාවිච්චිය සදහා ඉදි කර ඇති දේවලට ද පූජනීය ස්ථාවලට ද රජයේ දේපළවලට ද ඇස්වහ වදින්නේ නැත. ඒ අනුව ඇස්වහ වදිනු ලබන්නේ ‍පෞද්ගලික දේවල්වලට බව මින් ඉතා හොඳින් පැහැදිලි වේ.

එමෙන්ම ඇස්වහ කපන්නේ යැයි සැළකෙන දෙහි ගෙඩි සහ අමු මිරිස් පෞද්ගලික බස් රථවලට එල්ලනු අප ඕනෑතරම් දැක තිබේ. නමුත් ඒවා පොදු ගමනාගමනය සදුහා යොදවා ඇති ලංගම බස් රථවල එල්ලා නැති අතර ඒවාට ඇස්වහ වදින්නේ ද නැත. පෞද්ගලික වෙළද සැලකට ඇස්වහ වැදුණ ද සමූපකාරවලට, කෝප් සිටිවලට ඇස් වහ වදින්නේ නැත.



ඇස්වහ කටවහ දුරු වේවා යනුවෙන් නිතර ව්‍යවහාර කරනු ඔබ ඇතිවාට සැක නැත. එම ඇස්වහට වඩා බරපතල දෙයක් ලෙස හෝවහ සැළකිය හැකිය. නමුත් මෙම හෝවහ යන වචනය වර්තමානයේ ව්‍යවහාර වනුයේ කලාතුරකිනි. ඇස්වහ යනු ඉංග්‍රීසි බසින් 'evil eye' වන අතර කටවහ 'evil mouth' ලෙස හඳුන්වනු ලැබේ. හෝවහ යනු 'evil thought' ලෙස හදුන්වා තිබේ. ඇස්වහ කටවහ ඊර්ෂ්‍යාව මත පදනම් වූවක් වන අතර එය සම්ප්‍රේෂණය වන්නේ සාමාන්‍ය ජන සමාජය තුළ පමණි. එනම් උසස් ජන සමාජවල ජීවත් වන මහා ධනකුවේරයන්ගේ දේපලවලට හෝ රාජ රාජ මහාමාත්‍යදීන්ට ද ඇස්වහ වදින්නේ නැත. සාමාන්‍ය ජන සමාජය තුළ ඊර්ෂ්‍යා කළ හැකි ඥාති මිත්‍රාදීන්ට වැඩි වශයෙන්ම ඇස්වහ වදිනු ලබයි. ලොව සිටින ධනවත්ම පුද්ගලයාට කිසිවකු ඊර්ෂ්‍යා නොකළ ද අප අතරම සිටින අපේම මට්ටමේ හිත මිතුරන්ට, ඥාතීන්ට ඕනෑතරම් ඊර්ෂ්‍යාකාරයෝ සිටිති.

හෝවහ යනු හුදු ඊර්ෂ්‍යාව මත පදනම් වූවක් නොවේ. යමෙකුගේ කීර්තිය පිළිබදව ඇසීමෙන් හෝ දැකීමෙන් තමන් තුළ ඇතිවන ස්වාසය හෝවහ ලෙස නම් කෙරේ. ස්වාසය යනු හීල්ලීමයි. මෙය බහුල වශයෙන්ම සමාජය තුළ පවතී. උදාහරණ ලෙස මෙසේ සිතමු. යමෙකු ගමනක් යනවිට ඉතා අලංකාර නිවසක් දැක 'අනේ මේ වගේ ලස්සන ගෙදරක් මට නෑනෙ' යනුවෙන් සිතන්නට යොමු විය හැකිය. එම නිවසේ අයිතිකරුවන් කවුද යන්න ගැන පවා ‍ඔවුන් දන්නේ නැත. නමුත් නිවස දිහා බලමින් හීල්ලීම හෝවහ ලෙස නම් කෙරේ. එය ඊර්ෂ්‍යාව නොව තමාට ළගා වෙන්නට බැරි දෙයක් පිළිබදව පවත්නා අතෘප්තිකර ආශාවයි. 'මෙම නිවසට බුදු සරණයි', 'මෙම නිවසට ජේසු පිහිටයි', ‍'මෙම නිවසට දෙවි පිහිටයි' ආදී වශයෙන් සමහර නිවෙස් ඉදිරිපිට බෝඩ් ගසා තිබෙන්නේ ද මෙම හෝවහවලින් ගැලවීම පිණිසය. යමෙකු නිවසක් දෙස බලා හූල්ලනු වෙනුවට විශාල බෝඩ් ලෑල්ල දෙස බලා සිතන්නේ නැතිවම එය කියවීම මගින් නිවසට ආශිර්වාදයක් සිදු වෙතැයි හිමිකරුවෝ බලාපොරොත්තු වෙති. මේ ආකාර‍යට සළකා බැලීමේ දී මිනිසා වැඩි වැඩියෙන්ම බිය වී ඇත්තේ ඇස්වහට කටවහට නොව හෝවහට ය. නමුත් වර්තමානයේ ඇස්වහ කටවහ ගැන කියනවා විනා හෝවහ පිළිබද කතාවක් නැත.

ඇස්වහ නිවාරක ලෙස යොදා ගනු ලබන දෙහි, අමු මිරිස් සහ පුහුල් ආදියට ඇස්වහ උරා ගන්නේ යැයි මතයක් තිබේ. නමුත් දෙහි ගස්වල තිබියදීත්, අමු මිරිස් ගස්වල තිබියදීත්, පුහුල් වැල්වල තිබියදීත් එම වගාවලට ඇස්වහ වදින බව ජන විශ්වාසයයි. ඇස්වහ නිවාරක ද්‍රව්‍යවලට ඇස්වහ වැදීම තවදුරටත් අප විවිධ අයුරින් සිතා බැලිය යුතු කරුණකි.
මේ වියමන ඔබේ මූණු පොතට එක් කරන්න-
Tags- Traditional Beliefs, Evil Eye, Evil Mouth, Evil Thought, Superstitious Beliefs
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් වෙසෙස් බූන්දි
තොවිල් වලදී යකුන් පලා යන විට ගස් අතු කඩා වැටෙන හැටි!
ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ
සංචාරක ව්‍යාපාරය, අධිපාරිභෝජනය සහ ශ්‍රී ලංකාව
එක ම ගඟට දෙවරක් නොබට මිනිසා, හෙරක්ලීටස්
භූතයෙක්, යකැදුරෙක් සහ සත්‍ය කතාවක්
බූන්දි නව ඊමේල් ලිපිනය- editorial@boondi.lk
BoondiLets
මැල්කම් එක්ස් කියයි.
ඔබ ප්‍රවේශම් නොවන්නේ නම්, පීඩනයට පත් වන ජනතාවට වෛර කරන්නටත්- පීඩකයන්ට ප්‍රේම කරන්නටත්, පුවත්පත් විසින් ඔබව පොළඹවනු ඇත.
What's New | අලුතෙන්ම
ඔත්තු| මාසික සිනමා දැක්ම- 'Lipstick Under My Burkha'- නොවැ. 26

7-Secs

Alankrita Shrivastavaගේ "Lipstick Under My Burkha" චිත්‍රපටය, 2017 නොවැම්බර් 26 ඉරිදා, සවස 3:00 ට, මීගමුව... [More]
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
කවි| (ඔබ හිනැහෙන විට)

5-Secs

(මහගම සේකර) ඔබ හිනැහෙන විට
මුලු ලොව
ඔබ සමඟින් සිනා සෙයි

ඔබ වැලපෙන විට
මුලු ලොව... [More]
කරන්ට්ස්| ඈත සහ මෑත

23-Secs

(අමිල නන්දසිරි) "අනුරාධපුරයේ උද්‍යාන තුලදී පෙම්වතුන් යුවල 304ක් පොලිස් භාරයට."
-පුවතක්


ඈත, කුහුලින් සවල් ගහනා
මැදිවියේ නෙතු බහුලය
මෑත, විලියෙන් ජම්බු රතුවෙන... [More]
Cine| ස්වරූප නොපෙන්වීමේ සහ නොබැලීමේ විනෝදය

13-Mins

(එරික් ඉලයප්ආරච්චි) කලාත්මක අවකාශය සහාසික ලෙස විනෝදයේ අවකාශය විසින් පාගා දමනු ලබන අතරේ කලාත්මක ප්‍රදර්ශනයේ අවකාශය විනෝද ප්‍රදර්ශනයේ අවකාශය විසින් උදුරා ගනිමින්... [More]
කතන්දර| "හරි අපූරු අම්මාච්චි"- ළමා කතන්දරය [වීඩියෝව]

33-Secs

"හරි අපූරු අම්මාච්චි"- පොඩිත්තන්ට දැනුම ගෙනෙන විනෝදාත්මක කතන්දරයක් [කාටූන්]- Rajiv Eipe ලියා සිත්තම් කළ "Ammachi's Amazing Machines" සිඟිති කතන්දරයේ සිංහල... [More]
BoondiLets| අඳුර පලාගියේය!
තල්මසාගේ සිරුර ඇතුළත වූයේ අඳුරයි. පිනෝකියෝ පාවෙමින් තල්මසාගේ කුසෙහි ගැඹුරු ආගාධයට ඇදී ගියේය.

ඉමක් නැති ගණඳුර මැදින් හදිසියේම කුඩා ආලෝකයක් පහළ විය.

"කවුද ඔතන?" පිනෝකියෝගේ... [More]
කවි| සියයට විස්සයි, සතුට අනුලට!

38-Secs

(තුෂාරිකා ඇන්තනි) ඉසුරු දෙවිඳු මවනවද සිහිල පිරි පෙදෙසක්
ගිනි නිවුන මව් හිසක මැවු පසන් නිවසක්

දෛනික වැයෙන් මරදූන් පැරද ඉසිඹුවක්
පතයි මාස අග දිනක හෝ නිරාමිස සුවයක්... [More]
වෙසෙස්| තොවිල් වලදී යකුන් පලා යන විට ගස් අතු කඩා වැටෙන හැටි!

3-Mins

(තිලක් සේනාසිංහ ) මිනිසුන්ට සහ වාසස්ථාන වලට අරක් ගන්නා යක්ෂයන් පලවා හැරීම පිණිස යක් තොවිල් පැවැත්වීම අප ජන සංස්කෘතියේ ප්‍රධානතම අංගයකි. මෙම යක්... [More]
BoondiLets| සරච්චන්ද්‍ර ලියයි.
පුතු සෙනේ මස් නහර හම සිඳ
ඇට සොයා ගොස් ඇට තුළට වැද
ඇට මිදුලු මත රඳා සිට දුක්
දෙයි නිබන්දා

-සිංහබාහු
කවි| (හදිසියේ මියගිය) අම්මාගේ මිනිය හඳුනාගැනීමට පුතුව කැඳවයි!

44-Secs

(ජනිත් විතාරණගේ) දෙක තුනක් ඇර හුඟක් කෙස් ගස් තිබුනේ බාගෙට සුදුවෙලා
ගල් තැලුම් මල් යටි පතුල්වල විලුඹ තිබුනා පුපුරලා
අලි ඇවිත් පැල කඩපු දවසේ තාත්තගේ බඩ පාගලා
පෙරළිලා ගෙයි බිත්ති පලුවක් කකුල තිබ්බේ කොරවෙලා

අන්න අර දුර පේන කන්දට ටිකක් එහායින් තියන බැද්දේ... [More]
Cine| බහුචිතවාදීයා- සමකාලීන අගනාගරික සමාජ සැකැස්ම සහ එහි දේශපාලන ආර්ථීකය පිළිබද නියෝජනයක් ලෙස

6-Mins

(නිර්මාල් රංජිත් දේවසිරි) පසුගිය සමයේ, විශේෂයෙන්ම, 2015 ජනවාරි 8 වනදා පැවැති ජනාධිපතිවරණය පූර්වගාමීව සමාජ මාධ්‍යවල ඇති වූ දේශපාලන කතිකාවේ දක්නට ලැබුණු මූලිකාංගයක් වූයේ,... [More]
කතන්දර| "මෙන්න මෙයා- බෝල බෙයා"- ළමා කතන්දරය [වීඩියෝව]

27-Secs

පොඩිත්තන්ට විනෝදාත්මක කතන්දරයක් [කාටූන්]- Ramendra Kumar ලියා, Delwyn Remedios සිත්තම් කළ "The Day It Rained Fish" සිඟිති කතන්දරය ඇසුරින්.

හඬ- නයෝමී... [More]
වෙසෙස්| ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ

4-Mins

(සරද සමරසිංහ) "ජනතාව අතුරින් කිහිප දෙනෙකු අත්‍යන්ත ම්ලේච්ඡයන් වීම හේතුවෙන් හෝ පාලක පක්ෂය ප්‍රජාතන්ත්‍රවාදය යන වචනයේ අරුත නොදැන සිටීම හේතුවෙන් හෝ ජනමාධ්‍යවේදීන්ට... [More]
BoondiLets| දාරියෝ ෆෝ ලියයි.
(දාරියෝ ෆෝ | එච්. ඒ. පෙරේරා) පවතින පාලනය, ඉවසන් ඉන්න බැරි තරමට ජඩ, දූෂිත, මර්දනකාරී එකක් උනහම ජනතාව ජීවිත පරදුවට තියල හරි ඒක පෙරලලා දානවා. ඊට පස්සෙ අලුත් පාලකයෝ විසින් හිටපු... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook