Facebook
Twitter
Google+
YouTube
Blog
RSS Feed
රත්තරං ටික
ඇඬෙන තරමට ජීවත් ව මැරෙමු!
බූන්දි, 17:14:11
‘අම්මා අන්තරා වුණා භූමදානේ හෙට‘

ටැලිග‍්‍රෑම් එක ආවේ දැන්. මැරුණේ ඊයේ. නැත්නම් අද. මං හරියට දන්නේ නෑ. දැන ගත්තත් ඇති වැඩක් නෑ. ඇල්බෙයා කැමූගේ ‘පිටස්තරයා' නවකතාව ආරම්භ වෙන්නේ එහෙම ය. ජීවිතයේ නේක විද ‘සැරිසැරීම්‘ අතරේ මර්සෝට අම්මා මඟ හැරෙන හැටි ‘පිටස්තරයා‘ ආරම්භ කරමින් කැමූ පැහැදිලි කරයි. ජීවිතයේ කායික පක්ෂය පමණක් සලකා ජීවත් වෙන, සම්ප‍්‍රදායික මාතෘ පේ‍්‍රමය නොතේරෙන මිනිසෙකුගේ ‘අසම්මත‘ ජීවිතය ඉතා සියුම්ව‘පිටස්තරයා‘ තුළින් එළි බසී.

‘මෙය අවසන් නොවන ඉරිදාවක්-දැන් අම්මා භූමදානය කරලත් ඉවරයි. දැන් ආයේ වැඩ පටන් ගන්න ඕන. කොටින්ම කියනවා නම් වෙනස් වුණු කිසි දෙයක් නෑ.‘

මර්සෝ විටෙක එහෙම සිතයි. ‘පිටස්තරයා‘ කියවූවොත් දැනෙන්නේ ජීවිතය මොනතරම් ‘සාහසික අත්හැරීමක්ද‘ කියා ය. මේ හැඟීම් විරහිත ජීවන සොභාව ඔබ විමතියටත්, තිගැස්මටත් පත් කරනවාට සැක නැත. ‘මිනිසෙකුට එහෙම කළ හැකිද?‘ සත්තකින්ම නොහැකිය...!

එහෙත් සෙනෙහසේ භාෂාව නොදන්නා, ආදරයේ ලතෙත් බව ඈතින් තැබූ මිනිසෙකුගෙන් එහෙම වීම අරුමයක් නොවේ. පිටස්තරයා කියවා හමාර වෙත්දී හදවත ගල් ගැසී අන්දුන්කුංදුන් වී යන්නේ අපේ ජීවිත තවදුරටත් ආදරය සෙනෙහස හා බැඳීම් අතිශය ආලවන්ත බවකින් ‘රක්ෂා' කරන නිසා ය.

ජීවිත ‘රස්තියාදුවේ‘ කෙළවරක් නොවන ‘සැරිසැරීම්‘ අතරේ ‘අහිමිවීම්‘ සේම ‘මඟහැරීම්ද‘ ඉන් ඔබ්බට ‘අත්හැරීම්‘ ද ‘අමුතු‘ දේ නොවේ. ඇතැම් විට ඔරලෝසු කටුවටත් හොරා බොහෝ දේ සිදුව තිබේ.

අතිශය දයාබර බැඳිම් වලට සමු ගැනීමේ තිත තබන මොහොතේදී සිදුවන ‘වේදනාබර හේතු පාඨ‘ මා සේම ඔබත් අසා ඇතිවාට සැක නැත. බැඳීම් හා සෙනෙහෙවන්තකම් නඩත්තු කරමින් හිඳිනා වකවානුවේ තිබූ ‘ආශ්වාදනීය හැඟීම්‘ ඊට හමාර බණවර කියන දා වියරු සුළි සුළඟට හසු වූවා සේය. අතිශය කෘතිම ලීලාවකින් ඒකී මොහොතට මුහුණ දීමට සිදුවීම කෙතරම් අභාග්‍යයක් ද?

වෙරළු ගැට කිහිපයක් සේම අයිස් සරුවත් බීම වීදුරුවක් පවා ජීවිතය කෙතරම් ආශ්වාදනීය මතක බවට පත් කරනවාද?

‘සුගත්ට' මේ තරම් අතීතය මතකදැයි ඇයට සිතුණේය. ඔහුට පමණක් නොව ඇයටත් ඒ සියල්ල මතකය. ටක්ෂොප් එක ළඟදී කස ඇට දැමූ අයිස් සරුවත් බොන්නට තමා ආසා කරන බව, ඈ අනුලා හා පේමවතී ද ඉස්සරහා පිට දී කීවාය. එදා සුගත් හැඳ සිටියේ නිල් ඉරි කමිසයක් බව ඇයට තවමත් මතක ය.

ගොළු හදවතේ තැනක එහෙම සටහනක් එයි. අමතක කළ නොහැකි 'මතක' ජීවිතය රිදවන බවත්, විටින් විට පහුරු ගාන බවත් කැමැත්තෙන් හෝ අකමැත්තෙන් එකී සොඳුරු කරදරය විඳිනු රිසින් හුදකලාවේ ‘ඉඩකඩ‘ හොයන බවත් ඇත්තය.

‘සියලූම දෙනාට මේ ලෝකය තුළ තමන්ගේ කියා එවරස්ට් කන්දක් නැඟීමට තිබේ‘ කියා කියමනක් තිබේ.

කාටත් නොදැනෙන්නට හෝ දැනෙන්නට අපි සිටින්නේ එකී එවරස්ට් කන්ද නඟිමිනි.

ඇල්බෙයා කැමූ වරක් කියන්නේ මෙවැන්නකි. ‘දවසක මම මැරෙයි. ඒත් මං මැරෙන්නේ ආශ්වාස ප‍්‍රාශ්වාස විතරක් කරමින් ජීවත් වෙලා නෙවෙයි. ඇඬෙන තරමට ජීවත් වුණාට පස්සේ.'

හැම උත්සාහයක්ම වැය කරලා, හැම වචනයක්ම කතා කරලා හැම වචනයක්ම ලියලා, හැම සටනක්ම කරලා, හැම අවදානමක්ම අරගෙන ඉවර වෙලා, මගේ කකුල් දෙක උඩ හිට ගෙන, මට හදන්න පුළුවන් හැමදේම හදලා, ඔබත් එක්ක හිනාවෙන්න පුලූවන් උපරිම හිනා වෙලා, අඬන්න පුලූවන් උපරිම අඬලා, පුළුවන් උපරිමේට ආදරේ කරලා දවසක මං මැරෙයි.

එතකල් මං ඔබත් එක්ක ජීවත් වෙනවා.

රත්න ශ‍්‍රී ගේ "සුබ උදෑසන" කෘතියේ හමාර කවිය ජීවිතයේ ‘සමුගැනීම‘ ගැන ‘ආයුබෝවන්‘ යනුවෙන් සටහන් තබා තිබේ. එය මට කටපාඩම් ය.

තුඩට අමිහිරි තිත්ත කළුවර
අපුල වී කෙළ ගසනා
කුරුල්ලන් ඝන අන්ධකාරෙට
ආයුබෝවන් කියනා
උදාගිර විළි පහරමින්
නව උදෑසන බිහි කරනා
ළහිරු බිළිඳුට හාදුවක් දෙන
මොහොත සිහිනෙන් දකිනා
මැරුණු කවිවල ලේ සුවඳ සිබ
සැඬ සුළං රළ හමනා
අකුරු ඇලපිලි පවා දිළිසී
වියරු රණ ගී ගයනා
සහෝදරයිනි අවසාන පැය
ළඟම එළඹෙනු පෙනෙනා
මහෝඝය තුඟු නාඹ තල් කඳ
සා ඉහළ පැන නැගෙනා
ඔබේ දෑතට පිපෙන මල් වල
සුවඳ නුදුරෙහි ඇසෙනා
අරුණු කෙඳි හසරැල් ගොතා ගෙන
ආයුබෝවන් කියනා....



-හුස්ම ගන්න අකුරු
මේ වියමන ඔබේ මූණු පොතට එක් කරන්න-
Tags- Ranjith Samarakoon, Husma ganna Akuru, Albert Camus, The Stranger, L'Étranger, The Outsider, Pitastharaya
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
රංජිත් කුමාර සමරකෝන්ගෙන් තවත් වියමන්
රත්තරං ටික
මතක පෙට්ටි සහ ගින්දර
තවත් රත්තරං ටික
මිත්‍රත්වයේ ගිනිසිළුව
වරෙං වරෙං සුළංනේ- සුළං සුළං වරෙන්නේ
රිද්මයක් නැතිකම තමයි බවුල් වල රිද්මය. උමතුව.
සිස්ටම් vs ඕටී
Dubrovsky- දුබ්‍රොව්ස්කියි
බූන්දි නව ඊමේල් ලිපිනය- editorial@boondi.lk
BoondiLets
සතුට...!
එක් මිනිසෙක් බුද්ධ හමු වී මෙසේ කිවුවා.
"මට සතුට අවශ්‍යයි!"

එවිට බුද්ධ කීවා;
"මුලින්ම මට යන්න ඉවත් කරන්න. ඒ මමත්වයයි.
ඉන්පසු, අවශ්‍යයි යන්න ඉවත් කරන්න. ඒ තෘෂ්ණාවයි.... [More]
What's New | අලුතෙන්ම
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
කවි| ඇගේ දරුවන් අමතන ඇගෙ හදවතේ බස් වහර !

28-Secs

(වින්ද්‍යා ආරියරත්න) කොට්ට පුළුං ගස් පෙළක
කිරි පැහැ පුළුං කැටි
සුළං රැළි මත නැළවෙයි

වැට මායිමක
වැටහිරියා අතු අඟිස්සක... [More]
අදහස්| සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?

4-Mins

(සරද සමරසිංහ) සන්ධ්‍යා එක්නැලිගොඩ මහත්මියට ඇමරිකානු රාජ්‍ය දෙපාර්තමේන්තුව මගින් උපහාර පදක්කමක් පිරිනැමූ බව පසුගිය දා මාධ්‍ය මගින් වාර්තා වුනා. ඇය ඇතුළු ලොව... [More]
කරන්ට්ස්| ඇයි කුමක්ද ඔය මඳ සිනහවේ තේරුම?

43-Secs

(විමල් කැටිපෙආරච්චි) ඉතින් කොහොමද සොහොයුර
හතළිස් හය වසරක නිරීක්ෂණ..
දෑස තව සිහින් කර ඈත දුර බලාගෙන හෙළන
ඇයි කුමක්ද ඔය මඳ සිනහවේ තේරුම ?

අද අප්‍රේල් පහ දෙදහස් දා හත... [More]
කවි| අපේ තාත්තා

10-Secs

(උපේක්ෂා ප්‍රේමතිලක) සල්පිලක සෙනඟ හිනස්සා
අපේ බඩගිනි පිස්සා
වෙස්මුහුණ ඇතුළේ
හිටපු අපෙ තාත්තා

කූරු හිසකේ -රැළි ගස්සා... [More]
වෙසෙස්| රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා

4-Mins

(සරද සමරසිංහ) අසුව දශකයේ ඇමරිකාවේ ජනාධිපතිව සිටි රොනල්ඩ් රේගන්ගේ ආර්ථික උපදේශකයා වූයේ ආචාර්ය ආතර් ලෆ්ටර් නැමැත්තෙක්. සුපිරි ධනවතුන්ට ආර්ථික සහන සලසා දීම... [More]
ඔත්තු| මහාචාර්ය ගම්ලත් සැමරුම - මාර්තු 29

22-Secs

ලාංකීය බුද්ධිමය සංස්කෘතිය තුළ ප්‍රබල භූමිකාවක් ඉටුකළ මාක්ස්වාදී බුද්ධිමතෙක් වන මහාචාර්ය සුචරිත ගම්ලත්ගේ සිව්වන වර්ෂ... [More]
රංග| ආදරයේ දයලෙක්තිකය- සුරූපිය හා මෘග

7-Mins

(කේ.ඩී. දර්ශන) සම්මානිත මහාචාර්ය සුනන්ද මහේන්ද්‍රයන්ගේ අභිනව නාට්‍ය නිර්මාණය, 'සුරූපිය හා මෘග' පසුගිය දිනෙක කැළණිය විශ්වවිද්‍යාලයීය රංග ශාලාවේදී රඟදැක්විණි. 'නිදහස් වෘත්තාන්ත රංගයක්'... [More]
කවි| පාස්

36-Secs

(පද්මිණි ශ්‍රියාලතා ) අවසර පත්‍රයක් නොමැතිව මහරෝහලේ දොරටුවෙන් ඇතුළු වීමට උත්සාහ කළ තරුණයෙක් හා බහින් බස් වූ ආරක්ෂක නිළධාරියාගේ කොලරයෙන් අල්ලා "අප්පච්චි උඹේද නැත්නම් මගේද?" යැයි ඔහු දැඩිව අසනු, මම අසා සිටියෙමි.

කටු සැමිටියෙන් තලන විට රුදුරු ඉර එළිය
මහ දවල් කදෝකිමි පිට පනිණ දෑස් අග
දූලි දුම් වලාවේ බොඳ වෙමින් මතුවෙමින්
පොළෝ ගැබ කැණ නිධන් සෙවූ අපෙ අප්පච්චි... [More]
පරිවර්තන| මට අවැසි ඔබ නිශ්චලව ඉන්න

40-Secs

(පබ්ලෝ නෙරූදා | මාලතී කල්පනා ඇම්බ්‍රෝස්) මට අවැසි ඔබ නිශ්චලව ඉන්න
හරියට නො පවතින්නාක් මෙන් වෙන්න
ඈතම ඈත දුරකින් යන්තම් මාව ඇහෙන්න
මගේ හඬ ස්වර ස්පර්ශ නො කරන්න
හරියට ම කිව්වොත් ඔබේ ඇස් වෙනතක පියඹා යන්න
දෙතොල හාදුවකින් ගොළු කළා මෙන් ඉන්න... [More]
කතන්දර| දොළොස්දාහක්

5-Mins

(යශෝධා සම්මානි ප්‍රේමරත්න) "දැන් නම් මගෙ ඉවසීමේ රතුකට්ට පැනලා අභී." ආලියා දෙතොල නොපිට පෙරලමින් ස්කයිප තිරය දෙස බැලීය. ඇගේ බාහුවලට කිටිකිටියේ සිරවූ ටෙඩිවළසා... [More]
අදහස්| බොරළුගොඩ සිංහයාගේ පුත්තරයා

3-Mins

(ජනරඟ විජඉඳු දේවසුරේන්ද්‍ර) දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප්... [More]
කවි| නික්මීම

52-Secs

(බුද්ධික දිනේෂ් මානවසිංහ ) සුවිසාල කැදැල්ලක බිළිඳු විය පසුකරේ
රැකවරණ තිබුණි මට ඒ සොඳුරු මන්දිරේ
එය තැනුව මවුපියන් දෙදෙනාට පින් පිරේ
මමයි හිමිකරු උනේ එහි ඉදිරි කාමරේ

මගේ හා මිතුරන්ගෙ රජ දහන ඒ කුටිය... [More]
Cine| විපරීත යුගයක තරුණ සිනමාව

7-Mins

(චූලානන්ද සමරනායක) මොනවා අඩුපාඩුව තිබුණද කියමන් අතින් කිසිදා හිඟයක් නොමැති අප රටෙහි 'යකඩ මල්ලට ගුල්ලො ගැහුවා නං පන් මල්ල නොබලම වීසි කරපිය'... [More]
වෙසෙස්| ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!

3-Mins

(දුලංජලී මුතුවාඩිගේ) 'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.'... [More]
කවි| මල් පෙති තරම් සියුමැලි තුරුපත්ය

19-Secs

(මහේෂි බී. වීරකෝන්) ඉඳුදුන්නෙ හුය ලිහුණු ඉසිඹුවක
සියක් පැහැ පිනිවලට අත් විසුල
පතන් බිම් පුරා පිපි මල් පමණක්ද...,

මල් පෙති තරම් සියුමැලි
ඒ තරමටම සියුම් පැහැ ඇති... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook