Facebook
Twitter
Google+
YouTube
Blog
RSS Feed
අදහස් බූන්දි
දඩ ගැහුවම අවිචාරේ- මල් පිපෙයිද මහ පාරේ?
බූන්දි, 21:49:13
එකම නාට්‍යයක් දිගින් දිගටම රඟදක්වන විට කතාවේ රසය අඩුවේ, නීරස වේ. එවිට ඇති එකම බලාපොරොත්තුව මෙවර තිරපිටපත අවසානයේ කිසියම් හෝ වෙනසක් කරඇත්ද යන කුතුහලයයි. එහෙත් කිසිම නිර්මාණාත්මක බවක් නැති රනිල් වික්‍රමසිංහ මෙවරත් ඒ තිරපිටපතම ඒ ආකාරයෙන්ම රඟදැක්වූයේය. සාමාන්‍ය ජනසමාජයේ දේශපාලන සාක්ෂරතාවය අල්ප නිසා ඔහුට නැවත නැවත එකම පිටපත රඟදැක්වීමේ ඉඩකඩ විවරව ඇත. කෙසේ නමුත් වාහන සදහා අයකරන දඩය අසාමාන්‍ය ලෙස ඉහළ නැංවීම තුළ යම් සිවිල් කතිකාවක් ගොඩනැගුණේය. වාහන දඩය වඩාත්ම බලපෑවේ පුද්ගලික බස්රථ, ත්‍රීවීල් සහ මොටර්බයිසිකල් වෙනුවෙනි. කතිකාව ගොඩනැගීම සදහා ප්‍රධාන දායකත්වයක් සැපයූවේ තමන්ටම වාහනයක් හිමි, එය පාරේ පැදයන විට හිංසාවට පත්වන පුද්ගලයින්ය. මේ සිද්ධිය දේශපාලනිකව එතරම් වැදගත් නොවූවත් මේ ගොඩනැගුණු කතිකාව ඊට වඩා වැදගත්ය.

සැබැවින්ම ලංකාවේ අන් ක්ෂේත්‍ර තුළ මෙන්ම මහපාරේ ද 'බලපුළුවන්කාර පොරවල්' සිටිති. (ඔව්! ෆේස්බුක් එකේ ද එහෙමය!) පාරේ රඟන ප්‍රධානම 'චණ්ඩීන්' නම් බස්රථ, ත්‍රීරෝද රථ, සහ මෝටර්බයිසිකල්ය. ඊට අමතරව පස් ලොරි ද කන්ටේනර් රථ ද අනෙකුත් ලොරි ද ශක්තිවන්තයෝය. වඩාත් පීඩාවට පත්වන පීඩිතයෝ නම් කාර් රථය. මිල අධිකම වාහන පංතිය වුවත් මහපාරේ නීතිය අනූව ඔවුන් පීඩිතයෝ බවට පත්ව ඇත. රු. 25,000.00ක් දක්වා දඩය වැඩිකළ බව ප්‍රකාශ වූවාත් සමගම ඒ වෙනුවෙන් සෘජුව පෙනී සිටියේ මේ පිරිසය. සැබැවින්ම අනෙක් පිරිසට ඒ වෙනුවෙන් කිසිලෙසකින්වත් පෙනී සිටි නොහැකි අතර තවත් පිරිසකට එය අදාළ ද නැත. විශේෂයෙන්ම තවමත් ලංකාවේ ජනතාවගෙන් 90%ක් පමණ පිරිසක් සිය ප්‍රවාහන අවශ්‍යතාවය සපුරාගන්නේ පොදුප්‍රවාහන සේවය තුළින්ය.



එහෙත් ඒ අයගේ ගමන සෘජුලෙස පහසු කරවන කිසිදු අවශ්‍යතාවයක් එකී දඩගැසීමේ වරදවල් තුළින් ආමන්ත්‍රණය කොට තිබුනේ නැත. බස්රථ, ත්‍රී රෝද රථ මගින් මගමගදී අන් පිරිස් අපහසුතාවයට පත්කරවන විනය විරෝධී රියපැදවීම් සෘජුලෙස වැළැක්වීමට මෙකී දඩමුදල් වැඩිකිරීම මොනම අයුරකින් හෝ දායකවීමක් වන්නේ නැත. එහෙත් බස්රථ සහ ත්‍රීරෝද රථ වෙනුවෙන් ඇති තරහව පිටකරගැනීමට දියහැකි දඬුවමක් ලෙස පමණක් මෙකී දඩ නියම කිරීම් වලට පක්ෂව සහයෝගය ලැබුණේය. උදාහරණයක් ලෙස රක්ෂණ සහතිකය කල් ඉකුත්වීම හෝ අධික වේගයෙන් ගමන් කිරීමට දඩ ගැසීම වාහන තදබදයට පිළියමක් වන්නේ නැත. විනය විරෝධී වාහන පැදවීම වැළැක්වීම දඩමගින් සිදුකළ නොහැක්කක් බව පැහැදිලිය.

බස්රථ නොමැති කොළඹ පාරවල්වල නිස්කලංක බව මම ද එදා අත්දුටුවෙමි. එහෙත් පොදු බස්රථ ප්‍රවාහනය නොමැතිව අපහසුතාවයට පත්වූ බහුතරයක් ජනතාව කිසිලෙසකින්වත් අමතක කළ නොහැක. කාර් රථයකින් යෑම හුදු ප්‍රවාහන අවශ්‍යතාව පමණක් නොව සමාජ තත්ත්වය පිළිබඳ අදාළ කාරණයක් නිසා එදා දිනයේදී අමුත්තන් රැගෙන පැමිණි කාර් රථ හිමියන් එය දිගින් දිගටම කරයි යන්න බලාපොරොත්තු විය නොහැක. නගර කේන්ද්‍ර කොට ඇති රථවාහන තදබදයට ප්‍රධානතම හේතුව අන්කවරටත් වඩා ප්‍රමාණවත් මාර්ග පද්ධතියක් නොමැති කම බව ද සඳහන් කළ යුතුය. සැලසුමක් නැති මාර්ග පද්ධතිය වෙනුවෙන් වගකිව යුත්තේ රජය මිසෙක වෙන කවුරුත් නොවන බව 'මිස්ටර් ක්ලීන්'ව විහිළුවක් බවට පත්කරගැනීමට පෙර තේරුම් කර දියයුතුය.

රියැදුරු සහ කොන්දොස්තර යනු වෘත්තීන්ය. ඒවා කිසියම් පෙර පුහුණුවකින්, ආයතනගතව ගොඩනැංවීමකින් පසු ලබාදිය යුතු රැකියාය. පොදු ප්‍රවාහනයේ යෙදෙන ත්‍රීරෝද රථ ද එවැනිය. අමන ලෙසින් විවෘත ආර්ථික සංකල්පය පමණක් ගෙඩිපිටින් රැගෙන විත් ලංකාව විකාරයක් කළ 'ජයවර්ධන මාමා' මේ ප්‍රවාහන අර්බුදයේ අවජාතක පියා බවට බෑණාට පෙන්වා දිය යුතුය. එහි අවසන් ඵලය වී ඇත්තේ ඩ්‍රයිවරයා සහ කොන්දා නම් කිසිදු පරිචයක් නැති, පුද්ගලික ජීවිතයක් නැති, මත්පැනට වහල් වූ පිරිසක් බිහිකිරීමත් ඔවුන්හට ලංකාවේ ආර්ථිකයේ කොඳුනාරටිය වන ශ්‍රමබලකායේ ජීවිත බාරදීමත්ය. මන්ත්‍රීලාට අල්ලස් දීම සඳහා කෝටි ප්‍රකොටි ගණන් වියදම් කරන මුදල් වලින් කොටසකින් පමණක් වැයකිරීමෙන් දිගුකාලීන වෙනසක් කළ හැකිබව රූකඩ නැට්ටුවෙකුගේ භූමිකාව රඟදක්වන ලොක්කාට කෙසේ වෙතත් රූකඩය නටවන්නාටවත් නොතේරීම අවාසනාවකි.



මේවා තේරෙන්නේ නැති දේශපාලන න්‍යායකින් විග්‍රහකරනවාට වඩා සරල දැනුමකින් විග්‍රහ කරගැනීම අප කාටත් හොඳය. එසේ වුවත් පුද්ගලික අයිතියෙන් යුතු ප්‍රවාහන සේවාවක් විධිමත් ආයතන පද්ධතියකින් තොරව පවත්වාගෙන යාම අසාර්ථකය. රාජ්‍ය ආයතන පෞද්ගලීකරණය කරන ප්‍රතිපත්තියක් ක්‍රියාත්මක කරන මේ කොන්සර්වේටිව් ආණ්ඩුවට ප්‍රවාහනය රාජ්‍යය අතට ගන්නට යැයි ඉල්ලා සිටීමම හිස් වැඩකි. එහෙත් සිවිල් පුරවැසියන් ලෙස ආයතන පද්ධතියක් ගොඩනැගීම වෙනුවෙන් හඬක් නැගිය හැකිය. එසේ නොමැතිව ව්‍යූහාත්මක ගැටලුවකින් බිහිවන අවර ඵලයක් වෙතට වෛරය එල්ලකිරීම මගින් කිසිදු අයුරකින් ගැටළුවට පිළියමක් සැපයෙන්නේ නැත.

අවසාන වශයෙන් මෙය සටහන් කළ යුතුය. ඉතාලියේ නුදුරු මැතිවරණයකදී බලය ලබාගැනීමේ වැඩි හැකියාවක් ඇතැයි කියවෙන "තරු පහේ ව්‍යාපාරයේ" (Five Star Movement) ප්‍රධාන සටන් පාඨයක් නම් "තිරසාර ප්‍රවාහනය" යි. එය මිනිසාගේ පහසුව, කාලවේලාව, පීඩනය වැනි කාරණා පමණක් නොව පරිසරයට එල්ලවන බලපෑම, බලශක්ති වැයවීමේ ප්‍රමාණය වැනි විසල් පරාසයක විහිදුණ මාතෘකාවකි. 'ප්‍රවාහනය' යනු එතරම් පළල් කතිකාවක් වන විට අපගේ රජයයන් විසින් එය බළල් අතක් බවට පත්කර ගැනීමට දරණ වෑයම ශෝචනීයය.

සේයාරූ- ෂෙහාන් ගුණසේකර
මේ වියමන ඔබේ මූණු පොතට එක් කරන්න-
Tags- Transportation Crisis in sri lanka, The Five Star Movement, Movimento 5 Stelle, Sustainable Transport, Commuters, Ranil Wickremesinghe, J.R. Jayawardena
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සංඛ කිරිඳිවැලගෙන් තවත් වියමන්
Cine
ආලෝකය නොදිටිමි!
වෙසෙස්
ට්‍රම්ප්...!
වෙසෙස්
Brexit- සමුගැනීමේ මොහොත, ඉන් එපිට සහ මෙපිට
අදහස්
අපචාර වින්දනයේ සිට එල්ලුම් ගස් සුරතාන්තය දක්වා
වෙසෙස්
ජෙරමි කෝබීන්- ලේබර් පක්ෂය ඩැහැ ගත් 'අන්ත වාමාංශිකයා'!
තවත් අදහස් බූන්දි
සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?
බොරළුගොඩ සිංහයාගේ පුත්තරයා
සම රිසිභාවය වරදක් වූ සමාජයක....
ආණ්ඩුවේ සමකාමී-සංක්‍රාන්ති ලිංගික භීතිකාවට එරෙහිව පෙත්සමක්..
ෆිදෙල් කස්ත්‍රෝ - පීඩිතයාට ජීවය ද ආදරය ද දුන් සදාකාලික සටන්කරුවා!
බූන්දි නව ඊමේල් ලිපිනය- editorial@boondi.lk
BoondiLets
චේ ලියයි.
නීතිය පාන් නිදහස
ගොවිකමේ නව පිළිසකර
මේ ගැන ඔබේ හඬ
නින්නාද වෙද්දී හැමතින්
ඔබේ පසෙකින් අප ඇදෙනු
ඔබ දකිනු ඇත

-මෙක්සිකෝවේදී මුල් වරට පිදෙල් හමුවීමේ ආශ්වාදයෙන් චේ ලියූ කව.
[චේ - මාලනී... [More]
What's New | අලුතෙන්ම
කවි| ගර්ඩාය; රෝස මල් කොහිදැයි නොසොයන

37-Secs

(සහන් කසීර වික්‍රමසිංහ) රෝස පෙති, පෙතිම මිස
යළි කිසි දිනෙක මල් නොවෙන
මඟහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන... [More]
කතන්දර| බුම්මන්නා පවුල සහ ලේලිය

10-Mins

(මනූෂා ප‍්‍රභානි දිසානායක) අපි තෙලුත්, වතුරත් වෙලා; වැටකොලුත්, පතෝලත් වෙලා ඔහේ හිටියා. කිසිම රසවත් දෙයක් අපි අතර සිද්ධ වුණේ නෑ. ඇත්තටම නම් මේ... [More]
කවි| තාරකා,මඟ වැරදුණ අය.. අප, එදෙස බලා ප්‍රාර්ථනා කළ අය..

48-Secs

(දිනේෂ් සිල්වා) "දශක ගණනක් දිගු පථයක
මියගිය පෙම්වතෙකු හොයාගෙන
ආය ආයෙම එන පෙම්වතියකට,
'හැලීගේ ධූමකේතුව' යැ, නොගැළෙපෙන නමක් දුන්නෙන්
හැම සිසිර වියෝ කාලයක, එක් කුඩා කාල පදාසෙක
ඔරායන් පසුබිමෙන් වහින්නේ උල්කාය...... [More]
කවි| ඇගේ දරුවන් අමතන ඇගෙ හදවතේ බස් වහර !

28-Secs

(වින්ද්‍යා ආරියරත්න) කොට්ට පුළුං ගස් පෙළක
කිරි පැහැ පුළුං කැටි
සුළං රැළි මත නැළවෙයි

වැට මායිමක
වැටහිරියා අතු අඟිස්සක... [More]
අදහස්| සන්ධ්‍යා එක්නැලිගොඩට ඇමරිකාවේදී ගැරී වෙබ් මුණගැසුනාද?

4-Mins

(සරද සමරසිංහ) සන්ධ්‍යා එක්නැලිගොඩ මහත්මියට ඇමරිකානු රාජ්‍ය දෙපාර්තමේන්තුව මගින් උපහාර පදක්කමක් පිරිනැමූ බව පසුගිය දා මාධ්‍ය මගින් වාර්තා වුනා. ඇය ඇතුළු ලොව... [More]
කරන්ට්ස්| ඇයි කුමක්ද ඔය මඳ සිනහවේ තේරුම?

43-Secs

(විමල් කැටිපෙආරච්චි) ඉතින් කොහොමද සොහොයුර
හතළිස් හය වසරක නිරීක්ෂණ..
දෑස තව සිහින් කර ඈත දුර බලාගෙන හෙළන
ඇයි කුමක්ද ඔය මඳ සිනහවේ තේරුම ?

අද අප්‍රේල් පහ දෙදහස් දා හත... [More]
කවි| අපේ තාත්තා

10-Secs

(උපේක්ෂා ප්‍රේමතිලක) සල්පිලක සෙනඟ හිනස්සා
අපේ බඩගිනි පිස්සා
වෙස්මුහුණ ඇතුළේ
හිටපු අපෙ තාත්තා

කූරු හිසකේ -රැළි ගස්සා... [More]
වෙසෙස්| රේගනොමික්ස් සිට රනිල්නොමික්ස් නොහොත් සුපිරි ආර්ථික සමාජ ආශ්වාදයේ සිට අර්බුදය දක්වා

4-Mins

(සරද සමරසිංහ) අසුව දශකයේ ඇමරිකාවේ ජනාධිපතිව සිටි රොනල්ඩ් රේගන්ගේ ආර්ථික උපදේශකයා වූයේ ආචාර්ය ආතර් ලෆ්ටර් නැමැත්තෙක්. සුපිරි ධනවතුන්ට ආර්ථික සහන සලසා දීම... [More]
ඔත්තු| මහාචාර්ය ගම්ලත් සැමරුම - මාර්තු 29

22-Secs

ලාංකීය බුද්ධිමය සංස්කෘතිය තුළ ප්‍රබල භූමිකාවක් ඉටුකළ මාක්ස්වාදී බුද්ධිමතෙක් වන මහාචාර්ය සුචරිත ගම්ලත්ගේ සිව්වන වර්ෂ... [More]
රංග| ආදරයේ දයලෙක්තිකය- සුරූපිය හා මෘග

7-Mins

(කේ.ඩී. දර්ශන) සම්මානිත මහාචාර්ය සුනන්ද මහේන්ද්‍රයන්ගේ අභිනව නාට්‍ය නිර්මාණය, 'සුරූපිය හා මෘග' පසුගිය දිනෙක කැළණිය විශ්වවිද්‍යාලයීය රංග ශාලාවේදී රඟදැක්විණි. 'නිදහස් වෘත්තාන්ත රංගයක්'... [More]
කවි| පාස්

36-Secs

(පද්මිණි ශ්‍රියාලතා ) අවසර පත්‍රයක් නොමැතිව මහරෝහලේ දොරටුවෙන් ඇතුළු වීමට උත්සාහ කළ තරුණයෙක් හා බහින් බස් වූ ආරක්ෂක නිළධාරියාගේ කොලරයෙන් අල්ලා "අප්පච්චි උඹේද නැත්නම් මගේද?" යැයි ඔහු දැඩිව අසනු, මම අසා සිටියෙමි.

කටු සැමිටියෙන් තලන විට රුදුරු ඉර එළිය
මහ දවල් කදෝකිමි පිට පනිණ දෑස් අග
දූලි දුම් වලාවේ බොඳ වෙමින් මතුවෙමින්
පොළෝ ගැබ කැණ නිධන් සෙවූ අපෙ අප්පච්චි... [More]
පරිවර්තන| මට අවැසි ඔබ නිශ්චලව ඉන්න

40-Secs

(පබ්ලෝ නෙරූදා | මාලතී කල්පනා ඇම්බ්‍රෝස්) මට අවැසි ඔබ නිශ්චලව ඉන්න
හරියට නො පවතින්නාක් මෙන් වෙන්න
ඈතම ඈත දුරකින් යන්තම් මාව ඇහෙන්න
මගේ හඬ ස්වර ස්පර්ශ නො කරන්න
හරියට ම කිව්වොත් ඔබේ ඇස් වෙනතක පියඹා යන්න
දෙතොල හාදුවකින් ගොළු කළා මෙන් ඉන්න... [More]
කතන්දර| දොළොස්දාහක්

5-Mins

(යශෝධා සම්මානි ප්‍රේමරත්න) "දැන් නම් මගෙ ඉවසීමේ රතුකට්ට පැනලා අභී." ආලියා දෙතොල නොපිට පෙරලමින් ස්කයිප තිරය දෙස බැලීය. ඇගේ බාහුවලට කිටිකිටියේ සිරවූ ටෙඩිවළසා... [More]
අදහස්| බොරළුගොඩ සිංහයාගේ පුත්තරයා

3-Mins

(ජනරඟ විජඉඳු දේවසුරේන්ද්‍ර) දිනේෂ් මන්ත්‍රීතුමා එදා ගෙදර ගියේ ගොඩක් හවස් වෙන්නය. පැය ගාණක් තිස්සේ දියත පාර්ක් එකේ එහා පැත්තේ ගහක් යටට වෙලා ෂේප්... [More]
කවි| නික්මීම

52-Secs

(බුද්ධික දිනේෂ් මානවසිංහ ) සුවිසාල කැදැල්ලක බිළිඳු විය පසුකරේ
රැකවරණ තිබුණි මට ඒ සොඳුරු මන්දිරේ
එය තැනුව මවුපියන් දෙදෙනාට පින් පිරේ
මමයි හිමිකරු උනේ එහි ඉදිරි කාමරේ

මගේ හා මිතුරන්ගෙ රජ දහන ඒ කුටිය... [More]
Cine| විපරීත යුගයක තරුණ සිනමාව

7-Mins

(චූලානන්ද සමරනායක) මොනවා අඩුපාඩුව තිබුණද කියමන් අතින් කිසිදා හිඟයක් නොමැති අප රටෙහි 'යකඩ මල්ලට ගුල්ලො ගැහුවා නං පන් මල්ල නොබලම වීසි කරපිය'... [More]
වෙසෙස්| ලස්සන ගැහැණු ළමයින්ටයි ඉදුණු තක්කාලිවලටයි ඇස් වහ වදිනවා වැඩියිලු!

3-Mins

(දුලංජලී මුතුවාඩිගේ) 'ඉදුණු තක්කාලිවලටයි ලස්සන ගැහැණු ළමයින්ටයි ඇස්වහ වදිනවා වැඩියි. ඇස්වහ නිසා ඉදුණු තක්කාලි පුපුරනවා. ලස්සන ගැහැණු ළමයි බලාගෙන ඉන්දැද්දිම කැත වෙනවා.'... [More]
කවි| මල් පෙති තරම් සියුමැලි තුරුපත්ය

19-Secs

(මහේෂි බී. වීරකෝන්) ඉඳුදුන්නෙ හුය ලිහුණු ඉසිඹුවක
සියක් පැහැ පිනිවලට අත් විසුල
පතන් බිම් පුරා පිපි මල් පමණක්ද...,

මල් පෙති තරම් සියුමැලි
ඒ තරමටම සියුම් පැහැ ඇති... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook