Facebook
Twitter
Google+
YouTube
Blog
RSS Feed
කතන්දර බූන්දි
කරුවල...!
බූන්දි, 19:19:38
කරුවල...! ඒ කරුවල අර කුට්ටි කපලා අතට ගන්න පුළුවන් කරුවලක් නෙවේ. ඇඟිලි අස්සෙන් දියාරු විදියට බේරිලා යන එකක්. සමන්පිච්ච මල් ඉහිරුණ නිල් තණකොළ පිට්ටනියක් වගේ අහස අන්න බලනු කොච්චර ලස්සනද රෑට...

එක පාරටම කවියේ අකුරු කඩාගෙන සී සී කඩ විසුරුවාගෙන බොරළු පාර උඩින් ජීප් එකක් ගියා. රෑ ආකාසෙ තණකොළ පිට්ටනියට දියාරු කරුවල අස්සෙන් බොරළු විසි කරමින්, දූවිලි අවුස්සමින්... බල්ලො පිස්සු වට්ටමින්....

********

ගෙදර පහළින් ගලන වාරි ඇළට උඩින් ආකාස ගංගාව ගලන අතරෙ, මැණිකෙ අඟුණකොළ මැල්ලුම අනමින් හිටියා. මැණිකෙට මුලින්ම ඇහුනෙ බල්ලො බුරනව... ඈ කන් දෙක දික් කරගෙන අහන හිටිය... ලිපේ ගින්දර ඇගේ මැහැළි මුහුණේ රේඛා අස්සේ සෙවනැළි මවන අතරෙ ලිපේ බත් මුට්ටිය වහල තිබුණ බෙලෙක් පියන තාලෙට උඩ විසි කරමින් බත් මුට්ටියේ පෙණ ඈ දිහා බලමින් පහළ ලිපට බේරුණා.... මැණිකෙ වළඳ දිහාව බැලුවා.... අගුණ කොළ.... මැණිකෙගෙ මැල්ලුම අනන අත මැටි වළඳ ඇතුළෙම නැවතිලා.... කිටි කිටියෙ මීට මෙළවිලා.... ඈට මේ වගේ පහු උන රැයක් සිහියට නැගුණා. බොහොම කාලෙකට කලියෙන් නැවතුණ.... ඒ රෑ එදායින් නවතින්න කලියෙන් බන්ට් එක උඩ වාඩි වෙලා, වතුරේ බැහැල ඉන්න රං කොලූ ගෙ පිට අතුල්ලමින් හිටිය මැණිකෙට කුස්සියේ බත් හැලිය මතක් උනා....

"මී හරක වගේ ලැගල ඉන්නේ නැතුව විජහට සබන් ගාගෙන ගොඩ වෙයං.... මං බත බලන්න යනව..."

මැණිකේ ගේ දිහා බලමින් කොලූ දිහා නොබලමින් නේරංජනෙන් එහොඩ උනා.

ලිපේ ගින්දර නිවිල... ඈ ලිප අයිනේ තිබ්බ යකට බටේ අරං කටට ලං කරල පෙනහළු ලිපට හිස් කළා... ලිපේ අඟුරු ගිනියම් වෙලා දිලිසුණා.... දුම වැදිලා කෙවෙන කඳුළු බේරෙන ඇස් අතින් පොඩි කරමින් මැණිකෙ අඟුණ කොළ මිටිය හෙව්වා. අඟුණ කොළ මිටිය, රං කොලූ එක්ක වාරි ඇල නේරංජනේ තනි කරල මෙගොඩට ආපු බව ඈට සිහි උනා.... ඈ හනිකෙන් බන්ට් එකට පියවර මැන්නා... හබරල ගාල අස්සෙන්... එළියක් වත් නැතුවම.... හබරල ගාල මැද හරියෙදි ඈට බල්ලො බුරනවා ඇහුණා.

ඒ රෑ වේගෙන් ආපු ජීප් එක වාරි ඇළ බන්ට් එකේ පාර මැද නැවැත්තුව.... එන්ජිම තාමත් දඩ දඩස් සද්දෙන් හතිලද්දී ජීප් ගැබෙන් එළියට ආපු හෙවනැළි හයක්, තරු එළිය වැටිලා දිලිසෙමින් තිබ්බ වාරි නේරංජනේ නාමින් හිටිය කොලුවෙක් තෙත සරම පිටිංම මාලුවෙක් වගේ ගොඩට ඇදල ජීප් ගැබට දාගෙන දියාරු කරුවල අස්සෙන් නොපෙනී යන දිහාව හබරල කොලයක් උඩ තිබ්බ සබන් කෑල්ලකුත් ඒ අයිනේ තිබ්බ අඟුණකොළ මිටියකුත් බලං හිටිය....

මැණිකෙ හබරල ගාල කොනට එද්දී බන්ට් එක අයිනේ නවත්තපු ජීප් එකේ ලාම්පු එළිය දියාරු කරුවල අස්සෙන් ඈට පෙනුණා. පාරෙ බොරළු පොඩි කරගෙන ආපු හෙවනැළි කොලූව අත් කෙටි දෙකින් ඇදල අරං ජීප් එකට පටෝනවා ඈ හබරල පිත්තක් මිරිකගෙන ගල් ගැහිලා බලං හිටිය... කට ඇරගෙන... ඇස් දෙක ලොකු කරගෙන.... ජීප් එක ගිහිල්ලත් තව මොහොතක් ගත වෙනතුරු...

මැණිකේ පණ නැති වෙලා තිබ්බ කකුල් අමාරුවෙන් වාරු කරගෙන බන්ට් එක අයිනට ගෑටුවා... කොලූ ඇලේ නෑ... ඈ නේරංජනේ තරණය කරල එහා පැත්තෙ බන්ට් එකට ගොඩ උනා.... ඒත් කොලූ නෑ... ඈ කොලූ අරං ගිය දිහාට තවත් පියවර කීපයක් මෑනුව... ඇගේ කකුලට සීතලට පෑගුනා අඟුණ කොළ මිටිය... මැණිකෙට එතනම දණ ගැස්සවුණා... අඟුණ කොළ මිටිය පපුවට මිරිකගෙන ඈ කරුවල දිහා බලං හිටියා....

ඇස දෙකෙන් කඳුළු බේරෙද්දී... ඉකියක්වත් නොගහ.... ඒ රෑ ඉන් පස්සේ කවදාවත්ම ගෙවුණෙ නෑ...

මැණිකෙගේ මිට මෙළවිලා තිබුණ අත එක පාරට දිගෑරුණා.... වළඳ පැත්තකට තල්ලු කරපු ඈ කුස්සියෙන් එළියට පැනල හබරල ගාල පොඩි කරමින් බන්ට් එක දිහාවට දුවගෙන ගියා.... හබරල ගාල පහු කරනවත් එක්කම ඈට වාහනේ ටයර් බොරළු පොඩි කරන සද්දෙ ඇහුණා.... තව පොඩි වෙලාවකින් ඈට ඇහුණෙ රං කොලූ අරං ගිය දවසේ ඇහුන වාහනේ සද්දෙමයි. ඇගේ කකුල් එදා වගෙ වාරු නැති බව ඈට හැඟුණා. එත් රං කොලූ තාමත් වාරි ඇලේ නාන විත්තිය ඈට දැනුණා.

ඈට වුවමනාව තිබ්බේ එදා ඉස්සර කරගන්න බැරි උන පය අද ඉස්සර කරගෙන ගිහින් කොලූව බදා ගන්න. උන්ට අරං යන්න බැරි වෙන්න.

"මයෙ කොලූව තියල පලයන්...." උන්ට ඇහෙන්න කෑ ගහන්න.

මැණිකෙගේ පපුව එන්ජිමේ දෙදරිල්ලට නොදෙවෙනි වෙන්න දෙදරුවා... කකුල් දෙක මඩ අස්සෙ දණක් එරෙනව ඈට දැනුණා... එක අතකින් පපුවෙන් එළියට පනින්න හදන හදවත මේච්චල් කරගෙන අනෙක් අතින් හබරල පිති කිටි කිටියේ මිරිකගෙන එරෙන පයට වාරු අරං හබරල ගාල කොනට එනවත් එක්කම වාහනේ ඈ ඉස්සරහින් ඉගිලුණා.... වාහනේ ලයිට් එළියට මේච්චල් වෙලා පාර දෙපැත්තට රිංගපු කළුවර, මැණිකෙට ඔච්චමට වගේ ආයේ පාර දෙපැත්තෙන්ම වැක්කිරිලා පාර වහගත්තා...

ඈ පපුව පුරා හුස්මක් ඉහලට ඇද්දා... වාහනේ අවුස්සපු දුවිල්ල දුමත් එක්ක එකතු වෙලා මැණිකෙගේ පෙනහළු වලට කටු අනිමින් ඇතුලට රිංගුවා.... මැණිකෙ මොහොතක් නැවතිලා හති ඇරියා... රිදෙන පපුව අතකින් තද කරගෙන අනික් අතින් නහය වහගෙන ඈ ඈත වංගු අස්සෙන් නොපෙනී යන වාහනය දිහා බලන් හිටියා... ඒ අතරෙ තවමත් රං කොලූ තවමත් ඇලේ නාන විත්තිය ඇගේ කන් ඇයට කිව්වා....

ඈ හෙමින් වාරි ඇල නේරන්ජනේ බන්ට් එකට ගෑටුවා... කොලූ ඇලේ දෙතුන් විඩේ ගිලෙමින් දියබුං ගහනව කරුවලට හුරු වුණ ඇස් වලින් ඈ දැක්කා... ඈට හීල්ලුනා... සිල්පර කොටන් අමුණලා හදපු ඒ දණ්ඩෙන් හනිකෙට නේරන්ජනේ අනෙක් ඉවුරට එතෙර වුණ ඈ, දිය සෙවෙල බැඳුන ගල් පඩි වලට පයේ හුරුවෙන්ම අඩිය තියමින් දියට ලං උනා... ගල් පඩියක් උඩ තිබ්බ තෙත සීතල දෙයක් ඇගේ පයට පෑගුනා... ඈ නැමිලා කරුවලේම ඒක අතට ගත්තා... සබන් කැටයක්....

"උඹ තාම නානවද..? කෙවිටක් නැතුව උඹටත් ගොඩ එන්න මතක් වෙන්නෙ නෑ..."

පපුව හිර වෙද්දීම මැණිකේ සැර උනා... කොලූ ගැස්සිලා වතුරෙම කරවටක් ගිලිලා ඈ දිහා හැරිලා ගල් ගැහිල බලං හිටියා... රං කොලූ බය උන විත්තිය ඈට තේරුණා..

"දැන්වත් වරෙන් ගොඩට, සබන් ඩිංගක් ගා ගන්න..."

ඈ දිහා තවත් මොහොතක් බලන් හිටපු කොලූ හිමින් ඉවුරට කිට්ටු උනා... ඉවුරට කිට්ටු වෙන කොලූ දිහා කරුවලේම බලං හිටිය මැණිකෙට ඉවුරට ගොඩ උනේ රං කොලූ නොවෙන බව තේරෙන්න තා මොහොතක් ගත උනා... පුපුරු ගහමින් ඇස් වලට කඳුළු පිරෙද්දි, උගුරෙන් පහලට කෙළ ගුලි කීපයක් ඈට ගිලුණා... මීට බොහොම කාලෙකට කලින් රෑක, රං කොලූ නේරන්ජනේ නාමින් ඉන්දැද්දි, කොලූ තනි කරල තමන් එගොඩ උන බවත්, කොලූ ඒ රැයෙන් පස්සෙ ගෙදර නොආ බවත් මැණිකෙට සිහිපත් උනා.

ගොඩට ආපු කොලුව දිහා කරුවලේම තවත් මොහොතක් බලං හිටපු මැණිකෙ සබන් කෑල්ල අල්ලට මිරික ගත්තා...

"කෝ අනික් පැත්ත හැරියන් පිටේ සබන් ඩිංගක් ගාන්න, උඹලයි අම්මලත් උඹලට මේ කරුවලේ වතුරෙ බහින්න දෙනවනේ... අම්මප... විජහට නාල ගෙවල් වල පලයල්ලා.."

ඈ ඇස් දෙකෙන් බේරෙන කඳුළු අස්සෙන් ආයේ කොලුවට සැර උනා... කොලුවා සද්දයක් නැතිවම මැණිකෙට පිට පෑවා.... ඈ වෙව්ලන අතට වාරු අරං කොලුවගේ පිටේ සබන් කැල්ල අතුල්ලන්න පටන් ගත්තා...

"නෑ... මේ රං කොලූ...."

මැණිකෙට ආයෙ හිතුණා... ඒ රෑ වගෙම අදත් බත් මුට්ටිය ලිපේ බව ඈට ඒ එක්කම සිහි උනා... එක පාරටම එළියට පැන්න ඉකියත් එක්ක සබන් කෑල්ල මැණිකෙගේ අතින් ලිස්සල ගිහින් ඇලට වැටුණා... එහෙම්මම වතුරෙ ඉන්දවුණු මැණිකේ ඉකි ගගහ අඬමින් කරුවලේම ඉහල ආකාසේ දිහා බැලුවා...

සමන්පිච්ච මල් ඉහිරුන නිල් තණකොළ පිට්ටනියක් වගේ අහස අන්න බලනු කොච්චර ලස්සනද රෑට..!
මේ වියමන ඔබේ මූණු පොතට එක් කරන්න-
Tags- Sinhala Short Stories, Keti Katha
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
උදාර සිරිරුවන්ගෙන් තවත් වියමන්
කතන්දර
සීනි
තවත් කතන්දර බූන්දි
චිත්‍ර ප්‍රදර්ශනය
ලියුම්
සරසවි ශිෂ්‍යයාගේ මරණය
රා ත්‍රි ය
දෙවියන්ගේ වැරැද්ද හෙවත් හදවත දෙබඩි වීම...
බූන්දි නව ඊමේල් ලිපිනය- editorial@boondi.lk
BoondiLets
පාවුලෝ කොයියෝ ලියයි.
ආදරේ කරන ඕනෑම කෙනෙක්, තමා එකිනෙකා හා නොමැති විට පවා එකිනෙකා තුල ජීවත්වෙනවා. සිරුරු දෙකක් හමුවුනාම ඒක හරියටම කුසලානයක් උතුරා යෑමක්. ඔවුනට පැය ගණක්, සමහරවිට... [More]
What's New | අලුතෙන්ම
ඔත්තු| නුඹ සුළං රැල්ලක්ව- පෙබරවාරි 17

9-Secs

නිශාන්ත ෆර්නෑන්ඩුගේ පළමු කාව්‍ය සංග්‍රහය "නුඹ සුළං රැල්ලක්ව", 2017 පෙබරවාරි 17 වැනිදා සවස 3:00ට, මහවැලි... [More]
අදහස්| සිරිසේන සිදාදි එනවද, සිංහලේම ඉන්නවද?

2-Mins

(ඥානසිරි කොත්තිගොඩ) යහපාලන ආණ්ඩුව ඉවරද​? අගමැති වෙනස් වෙයිද​? එජාප නායකකම රනිල්ට අහිමි වේවිද​? මහින්ද අගමැති වේවිද​? මේ දිනවල ජනතාව අතර වැඩිපුර... [More]
අදහස්| පැ ර දු නේ ක වු ද ?

2-Mins

(නැදිමාලේ Miniහෙක්) මැතිවරණයක ජය පරාජය තමන් කැමති ඕනෑම රසකාරක අනුපාන හෝ තිත්ත අබිං දමා විග්‍රහ කර ගැනීම ඕනෑම පක්ෂයකට පුද්ගලයෙකුට කාගෙන්වත් බාධාවක්... [More]
අදහස්| [සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්

1-Mins

බෙල්ලන්විල හාමුදුරුවන්ව අපවත් කළ මියන්මාරයෙන් ගෙනෙන ලද ඇත් පැටියාට මියන්මාරයෙන් අවතැන් වීමට සිදුවී ඇති රෝහින්ග්‍යා සරණාගත පවුලක ළමයෙක් ලියුමක් එවලා.... [More]
කතන්දර| "ඇඳ යට කොටියෙක්"- ළමා කතන්දරය [වීඩියෝව]

28-Secs

"ඇඳ යට කොටියෙක්"- පොඩිත්තන්ට විනෝදාත්මක කතන්දරයක් [කාටූන්]- Anupa Lal ලියා, Suvidha Mistry සිත්තම් කළ "Under My Bed" ළමා කතන්දරයේ සිංහල... [More]
කවි| සදාතනික සිසු විරුවාණෙනි, මම නුඹේ ප්‍රේමවන්තිය වෙමි!

34-Secs

(සාරධිකා මංජරී හේරත්) වසන්තේ මල් පිපී තිබුනලු
අවාරෙට රඟහලේ තනියට
හන්තාන අළු වෙලා බෝ කල්
පුරුදු ලෙස ගිම්හාන සුළඟට
නුඹත් මේ සඳ දකිනවා ඇති
ප්‍රේම හැඟුමන් මතෙන් නලියන... [More]
Cine| ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය

19-Mins

(ජයන්ත අමරසිංහ / සමන් එම්. කාරියකරවන ) ධර්මසේන පතිරාජ ශ්‍රී ලාංකේය සංස්කෘතිය තුළ ශක්තිමත් ව ස්ථානගත ව ඇත්තේ ශ්‍රව්‍ය දෘශ්‍ය කවියෙකු ලෙසිනි. ඔහු අතින් කාව්‍ය, නාටක, ගීත,... [More]
කතන්දර| "සිංහ කොඩියෙ කතන්දරේ" සිංහයා කියා දෙයි! [වීඩියෝව]

20-Secs

අපේ ජාතික කොඩිය සහ එහි ඉතිහාසය ගැන පොඩිත්තන්ට කියාදෙන- "සිංහ කොඩියෙ කතන්දරේ"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි... [More]
කතා-බස්| "බොහෝ ලේඛකයන් බයයි ඇත්ත කථාකරන්න!"- අශෝක හඳගම සමග කතාබහක්

6-Mins

(ඩිල්ෂානි චතුරිකා දාබරේ) ප්‍රවීණ සිනමාකරුවකු වන අශෝක හඳගම විසින් රචනා කරන ලද 'අම්මා සහ සඳ එළිය' කෙටිකතා සංග්‍රහය නව මුද්‍රණයක් ලෙසින් එළි දක්වා... [More]
අදහස්| [සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්

2-Mins

ලංකාවේ නිදහස් උළෙලට සපෝට් එකක් දෙන්න මේ දවස්වල ලංකාවට ඇවිල්ල ඉන්න එංගලන්තේ මහ රාජිනීන්වහන්සේගේ දෙවෙනි පුත්‍ර රත්නය වන එඩ්වඩ් කුමාරයාණන්වහන්සේ... [More]
BoondiLets| බර්ටොල්ට් බ්‍රෙෂ්ට් කියයි.
බැංකු මංකොල්ල කන්නේ ආධුනික හොරුන්ය. නියම වෘත්තීය හොරුන් කරන්නේ අලුතෙන් බැංකුවක් පිහිටුවීමය!
කවි| සිද්ධාර්ථ සහ මරියා ගේ පේ‍්‍රමයේ මහිමය!

28-Secs

(තුෂාරි ප්‍රියංගිකා) පිනිකැට අහුලමි
ඔබ එහි ඇද්දැයි බලමි
පිරිත් පැන් කළයකට දමා
තුන් සූත‍්‍රය වඩමි

මරියා මම! ඇසින් වට... [More]
අදහස්| මේ "අහවල් FM" වහුකුණු රේඩියෝවයි!

2-Mins

(තාරක වරාපිටිය) එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට... [More]
කවි| රයිපලයට තවත් පතුරොමක් ඔබමි.

14-Secs

(ලාල් හෑගොඩ) මාස පෝය දිනක
සඳ මත සිට
පොළොව දෙස
කැක්කුම් ඇසකින් බලමි

පෙම් කවක් ලිවිය යුතු උන් සැමට... [More]
ඔත්තු| කව්සිළුමිණ සහ අබෞද්ධ දෘෂ්ටීන් සහ ආසියානු සන්නිවේදන පර්යාවලෝකයන්- ජන. 26

14-Secs

දර්ශන අශෝක කුමාර විසින් රචිත "කව්සිළුමිණ සහ අබෞද්ධ දෘෂ්ටීන්" හා "ආසියානු සන්නිවේදන පර්යාවලෝකයන්" (Asian Perspectives... [More]
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook