Facebook
Twitter
Google+
YouTube
Blog
RSS Feed
සිත්තර බූන්දි
"මම අඳින්නෙ මිනිස් හැඟීම්"- හෂිනි චන්ද්‍රසිරි
බූන්දි, 20:27:10
තුන් හැවිරිදි විය තරම් වූ ළමා වියෙහි සිට චිත්‍ර ඇඳීමෙහි නිරත වන හෂිනි චන්ද්‍රසිරි ජාතික සහ අන්තර්ජාතික ජයග්‍රහණ රැසකට හිමිකම් කීම අරඹන්නේ ද කුඩා වියේදීමය. ඇය දෙදහස් හය වර්ෂයේ දී චෙකොස්ලෝවැකියාවේ පැවැත්වුණ ජාත්‍යන්තර ළමා චිත්‍ර තරගයේ ජායග්‍රාහිකාව වෙමින් "Rose of the Lidice – Super Gold Medal" සම්මානය දිනා ගත්තාය.

හෂිනි ගේ චිත්‍ර මෙන්ම ඒ පැමිණි ගමන ද වෙනස් එකකි. ඒ ගමන සිතුවම් වන්නේ දීප්තිමත් වර්ණවලින් පමණක් නොවේ. බොහෝ විට අළු, කළු සහ සුදු වර්ණවලිනි. එළඹෙන පෙබරවාරි 26වැනිදා ලයනල් වෙන්ඩ්ට් කලාගාරයේ දී ඇරඹෙන ඇගේ පළමු චිත්‍ර ප්‍රදර්ශනය මෙතෙක් ඈ ආ ගමනේ අග්‍ර ඵලය යි. ඇය බෙදා ගන්නට සූදානම් වන්නේ ඇගේ ජීවිතය සහ ඒ අසාමාන්‍ය ධෛර්යයේ කතාන්දරය යි.


හෂිනි චිත්‍ර අඳින්න පටන් ගත්තෙ කොයි කාලෙද? ඒ ගමන මොන වගේ එකක්ද?

චූටිම කාලෙ ඉඳලම චිත්‍ර අඳිනවා. ඒ කාලෙ ඉඳලම මගේ මූලික ම විනෝදාංශය බවට පත් වෙලා තිබුනේ චිත්‍ර ඇඳීම. මගේ ජීවිතයෙ පළමුවෙනි සහතික පත්‍රය ලැබුනෙ මට වයස අවුරුදු තුනේදි. ඒ, 1997 අවුරුද්දෙ ලෝක ළමා දිනය නිමිත්තෙන් උතුරුමැද පළාතෙ පවත්වපු ජාතික උත්සවයට සමගාමීව පැවතුණු ළමා චිත්‍ර තරඟයෙන් පළමු ස්ථානය ලැබීම වෙනුවෙන්. ඒ කාලෙ ඉඳලම අද වෙනකන් බොහොම ආදරෙන් සහ ගෞරවයෙන්, ජීවිතයේම කොටසක් හැටියට සළකමින් චිත්ර අඳිනවා. අද වෙනකොට මට ජාතික සහ ජාත්‍යන්තර සම්මානත් ගොඩක් ලැබිල තියෙනවා චිත්‍ර වලට අදාළව.


Attitude

හෂිනි මොන මාධ්‍ය ද මේ සඳහා භාවිතා කරන්නෙ?

ඇක්‍රිලික් තීන්ත, ජෙල් පෑන, පැන්සල, අඟුරු, දිය සායම් වැනි විවිධ මාධ්‍ය භාවිත කරමින් මම අඳිනවා.

එහෙම ආසාවෙන් සහ ජයග්‍රහණ ලබමින් කරපු චිත්‍ර ඇඳීම වගේම අධ්‍යාපන කටයුතු වලටත් බාධා වෙන කාලයක් එනව නේද ?

ඔව්.. ඇත්තටම.. හැම කෙනෙකුටම ජීවිතයේ ගැටලුකාරී කාල වකවානු එනවා. මගේ ජීවිතයටත් ඒ වගේ කාල වකවානු ඇවිත් තියෙනවා. මම පුංචි කාලෙ ඉඳලම රෝගී ළමයෙක්. අවුරුදු නවයෙ ඉඳලම Fibrous dysplasia of bone කියන රෝගයෙන් පෙළෙනවා. ඒ රෝගය නිසා මගේ වම් කකුලෙ අස්ථි ඉබේම කැඩෙනවා. ඉතින් ඒ කාලෙ ඉඳලම මට ඇවිදීමේ අපහසුතාවය බොහොම බරපතල විදිහට තිබුනා. කකුලෙ වේදනාවත් බොහොම බරපතළ විදිහට තිබුනා. ඒ නිසා ඉස්කෝලෙ ගියෙත් බොහොම අපහසුවෙන්. හතර වසරෙ ඉඳල උසස් පෙළ දක්වාම මගේ අධ්‍යාපන කටයුතු කරගෙන ගියෙ රෝගී තත්වය නිසා ඇති වුණු අපහසුතාවයන් එක්කයි. අදටත් මම මගෙ උසස් අධ්‍යාපන කටයුතු කරන්නෙ පරිගණකය හරහා Distance Learning ක්‍රමයටයි. ඇත්තටම මගේ ජීවිතයෙ මම ගෙදර නිදහසේ හිටපු කාලයට වැඩිය රෝහලේ ඇඳ උඩ හිටපු කාලය වැඩියි කියල කියන්න පුළුවන්. ඒ කාලයන් ඇත්තටම චිත්‍ර ඇඳීමට - අධ්‍යාපන කටයුතු වලට විතරක් නෙවෙයි, ළමයෙක් හැටියට මගෙ මුළු ළමා කාලයටම ලොකු බාධා සහගත කාලයක් උනා.

හෂිනිගෙ චිත්‍රවලින් වැඩිපුර කතා කරන්නෙ මොනවගේ දේවල් ගැනද?

මම පොඩි කාලෙ ඉඳලම චිත්‍ර ඇන්දත් ඇත්තටම මම කලාකාරියක් බවට පත් වුණේ මගෙ අම්මා මියගියාට පස්සෙ. චිත්‍රයක් ඇඳීම බොහොම බරපතල කාර්යයක්. ඒක ඇත්තටම අපි අපේම හැගීම් එක්ක කරන බොහොම සියුම් ගනුදෙනුවක් කියලයි මම හිතන්නෙ. පුරුද්දක් හැටියට චිත්‍ර ඇඳපු මම, මගෙ අම්මා අහිමි වීමත් එක්ක ඒ වේදනාව සිතුවම් බවට පෙරලන්න පටන් ගත්තා. මම මගේ අභ්‍යන්තර හැඟීම් කැන්වස් රෙද්ද මත සටහන් කළා. මට මාව දැනෙන හැටි, මම අම්මව දැකපු හැටි, මට ලෝකයෙ විවිධ දේවල් පෙනෙන හැටි වගේ ගොඩක් දේවල්. මගේ චිත්‍ර වලින් ගොඩක් දුරට කතා කරන්නෙ මිනිස් හැඟීම් ගැන. හරියටම කියනවනම් ලෝකය දිහා, දේවල් දිහා වෙනස් විදිහට බලන ගැහැණු ළමයෙකුගෙ හැඟීම් ගොන්නක් කියල කියන්න පුලුවන්.


Infinity

චිත්‍ර ඇඳීම සියුම් කලාවක්. එය ඔබ තුළ දනවන්නේ කවර හැඟීමක්ද?

ඔවු. චිත්‍ර ඇඳීම ඇත්තටම බොහොම සියුම් කලාවක්. කළබලකාරී මනසක් තියෙන කෙනෙකුට චිත්ර අඳින්න බැහැ. ඒ වගේම කලබලකාරී අස්ථාවක චිත්‍රයක් අඳින්නත් අපහසුයි. චිත්‍ර ඇඳීම හරියටම භාවනාවක් වගෙයි. ඉතාම ලොකු සංයමයකින් ඉතාම ලොකු ගෞරවයකින් කළ යුතු දෙයක් ඒක. මම චිත්‍රයක් අඳින හැම වෙලාවකදිම මට ලොකු සැහැල්ලුවක් දැනෙනවා. හරියට භාවනාවක් කරනකොට දැනෙන සැහැල්ලුව වගේ. චිත්‍රය ඇඳීම මම අත්විඳිනවා. මම චිත්‍රය ඇතුලෙ ජීවත් වෙනවා. හරියටම කියනව නම්, මම සිතුවම අඳිනව නෙවෙයි, මම සිතුවම බවට පත් වෙනවා.

කෙනෙකුට වැඩියෙන් කැමති හෝ අනුගමනය කරන චිත්‍ර ශිල්පියෙක් ඉන්න ඕනෙද?

මම හැම ශිල්පියෙකුගේම සිතුවම් රස විඳිනවා.. දකින හැම චිත්‍රයකින්ම මොනවම හරි දෙයක් ඉගෙනගන්නවා. ලෝකයෙ ජීවත් වුණු සහ ජීවත් වෙන හැම චිත්‍ර ශිල්පියෙකුටම ඔවුන්ටම ආවේණික වුණු ශෛලියක් තිබෙන බව මම විශ්වාස කරනවා. ඒකට මමත් ඇතුළත්. ඉතින් මම කළ යුත්තෙ හැම ශිල්පියෙකුගෙන්ම ඉගෙන ගැනීමයි. අනුගමනය කිරීම හෝ අනුකරණය කිරීම නෙවෙයි. මම එහෙම හිතනවා. හැම සිත්තරෙකුටම මම එක වගේ කැමතියි. අනිත් අතට මම කිසිම නිර්මාණයක් හොඳ ද - නරකද කියල විනිශ්චය කරන්නෙ නැහැ. මට අනුව හැම නිර්මාණයක්ම සුවිශේෂී නිර්මාණ. එක නිර්මාණයක තියෙන හැඟීම හෝ ජීව ගුණය තිබිය හැක්කේ ඒ නිර්මාණයේම විතරයි.


An old memory

චිත්‍ර ඇඳීම කියන සුවිශේෂී කලා භාවිතය හෂිනි භාවිත කරන්නෙ පුද්ගලික භාවයන් නිරූපණය කරන්න විතරද? නැත්නම් මේ දක්ෂතාව හරහා ඉන් එහා ගිය සමාජයීය තලයක් ස්පර්ශ කළ හැකියයි සිතනවාද?

ඇත්තටම චිත්‍ර කලාව කියල කියන්නේ ඉතාම ප්‍රබල ප්‍රකාශන මාධ්‍යයක්. ඒ සුවිශේෂී ප්‍රකාශන මාධ්‍යය පෞද්ගලික භාවයන් නිරූපනය කරන්න විතරක් භාවිතා කිරීම බරපතල වරදක් හැටියට මම හිතනවා. මම හිතන්නේ චිත්‍ර කලාව භාවිතා කළ යුතුයි සමාජ ප්‍රශ්න ගැන කතා කරන්න. විවිධ සමාජ තල විතරක් නෙවෙයි, විවිධ සංකල්ප ගැන කතා කරන්න. නමුත් ඒක බරපතල කාරණාවක්. මගේ චිත්‍ර කලා භාවිතය තුළ මට ඒ ක්‍රියාවලියෙ නිරත වෙන්න පුළුවන් කියලා මම විශ්වාස කරනවා.

චිත්‍ර ඇඳීමට අමතරව හෂිනි දැනට නිරත වෙන වැඩ කටයුතු මොනවද?

මේ වෙනකොට මම මගේ උසස් අධ්‍යාපනය නීති අංශයෙන් හදාරනවා. යහපත් අධ්‍යාපනයක් සඳහා වූ ව්‍යාපාරයේ නිල ප්‍රකාශනය වෙන 'පාසල' සඟරාවෙ සියළුම කටයුතු මම මෙහෙයවනවා. යහපත් අධ්‍යාපනයක් සඳහා වූ ව්‍යාපාරයේ සාමාජිකාවක් ලෙසත් ක්‍රියාකාරීව කටයුතු කරනවා 'දරුවන් ජීවිතයෙන් සමත් කරවන සර්වාංශීය අධ්‍යාපන ක්‍රමය' අපේ රට තුළ ස්ථාපනය කිරීම සඳහා. මට ඒ ගැන උනන්දුවක් ඇතිවෙන්නේ මගේ තාත්තා උපාලි චන්ද්‍රසිරි නිසා. මේ ව්‍යාපාරය වෙනුවෙන් සහ ලංකාවේ අධ්‍යාපන ප්‍රතිපත්ති වෙනස් කිරීම වෙනුවෙන් ඔහු කරන අරගලය මටත් ඊට දායක වීමට ධෛර්යය සැපයුවා.

මේ ගමනෙදි උදව් කරපු අය?

මගේ චිත්‍ර ඇඳීමේ හැකියාව දියුණු කරගන්න උදවු කළ අය ගැන කතා කරනවා නම් මුලින්ම මම ස්තූතිවන්ත විය යුතුයි මගේ අම්මාටයි තාත්තටයි. අම්මයි තාත්තයි තමයි මගෙ ජීවිතයේ පදනම. චිත්‍ර ඇඳීමට මගේ තිබුණු සහජ කුසලතාවය හඳුනාගෙන මගේ දෙමවුපියො මාව චිත්‍ර කලාවට යොමු නොකෙරුවා නම් අද මම මෙතැන නොඉන්න තිබුණා. ඊළඟට අනිවාර්යෙන්ම ඉතාම ගෞරවයෙන් ස්තුති කළ යුතුයි මගේ ආදරණීය ගුරුවරුන් වන ලයනල් රණවීර මහත්මයාට සහ චන්ද්‍රගුප්ත තේනුවර මහත්මයාට. ලයනල් රණවීර ගුරුතුමා මේ වෙනකොට ජීවතුන් අතර නැහැ. එතුමා මගේ ජීවිතයේදි මට ලැබුණු ඉතාම විශිෂ්ට ගුරුවරයෙක්.

පැවැත්වෙන්නට නියමිත චිත්‍ර ප්රදර්ශනය පිළිබඳව තීරණය කළ පළමුවෙනි මොහොතෙ ඉඳලම මගේ තාත්තා, දයාන් කොට්ටච්චි මහත්මයා, නයනානන්ද විජේකුලතිලක මහත්මයා, ඉන්ද්රනාථ තේනුවර මැතිතුමා, මගේ සහෝදරියන් සහ නෑදෑයින්, මුදිත ඇතුළු මිතුරන් සහ නම් නොකියවුණු අනෙකුත් සියළුම දෙනා මට උපකාර කළා. ඒ අයට මම ගෞරවයෙන් ස්තූතිවන්ත වෙනවා.

ළඟ දී පැවැත්වෙන්නට නියමිත ඔබේ ඒ චිත්‍ර ප්‍රදර්ශනය ගැනත් යමක් කිව්වොත්?

මේ මගේ පළමුවෙනි චිත්‍ර ප්‍රදර්ශනය. පැවැත්වෙන්නේ පෙබරවාරි මාසයෙ 26, 27, 28 දවස් තුනේ. ඒ කියන්නෙ එන සිකුරාදා, සෙනසුරාදා සහ ඉරිදා දවස් තුනේදී. 26 වෙනි සිකුරාදා හවස 4 ට ලයනල් වෙන්ට්ඩ් කලාගාරයේ දී මගෙ චිත්‍ර ප්‍රදර්ශනය ආරම්භ කරනවා. මේ ප්‍රදර්ශනයට මම ඇඳපු චිත්‍ර තිස් අටක් ඇතුළත් වෙනවා. මීට සමගාමීව ආචාර්ය චාල්ස් දයානන්ද මහත්මයා විසින් ලියපු මගේ චිත්‍ර ගැන විචාරාත්මක පොතකුත් එළිදැක්වෙනවා.
මේ වියමන ඔබේ මූණු පොතට එක් කරන්න-
Tags- Hashini Chandrasiri, Arts Exhibition, Young Artist, Flying Colors
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
බූන්දි වැ.දෙ.ගෙන් තවත් වියමන්
කතා-බස්
"කිමිදෙන එක නෙමෙයි, පතුල හොයන එකයි අවුල"- විරාජ් ලියනාරච්චි
කතා-බස්
"හොඳ දේට රැල්ලක් හදන්න ඕනේ...!"- 'ගිරිකූඨ කාශ්‍යප' ගැන අඛිල සපුමල් සමග කතාබහක්
වෙසෙස්
ගංවතුරෙන් අපදාවන්ට ලක්වූවන්ට අවැසි සහය සඳහා
කතා-බස්
"උසාවිය තුළ දී රජයේ නිළධාරීන්ට සහ මට උස් හඬින් බැණ වැදුණා"- සන්ධ්‍යා එක්නැලිගොඩ
කතා-බස්
"ගොතන කතාවකට වඩා අවිශ්වසනීය වූ ඇත්ත කතාවක් තිබුණා...!"- සුරේඛා සමරසේන
තවත් සිත්තර බූන්දි
සිබිල්ලන්තයේ විශ්මය හෙවත් වියපත් නොවන සිඟිත්තිය
"දිව-ලොප්" ජාතියක් ඇතිවෙලා...!- චන්ද්‍රගුප්ත තේනුවර
Form and Deform- Reality- පේන හැටි | මැයි 11-12-13
භාවාත්මක උත්කර්ෂණයක රැඳුණු මැග්‍රිට්‌ගේ කාව්‍යාත්මක සිත්තම් කලාව
Trees with Three Lines | සොබා රූ සිත්තම් විඳගන්න එන්න.
බූන්දි නව ඊමේල් ලිපිනය- editorial@boondi.lk
BoondiLets
චාර්ලි චැප්ලින් කියයි.
ඔබට බලය අවශ්‍ය වන්නේ අනෙකාට හිරිහැර කරන්නේ නම් පමණි. එසේ නොමැති නම් සියල්ල ඉටුකර ගැනීමට ආදරය පමණක් ඔබට සෑහෙනු ඇත.
What's New | අලුතෙන්ම
අදහස්| [සරදගේ ලියුං හැකින්ස්]- ඩාලිං චතු...,

2-Mins

ඩාලිං චතු,

ඔයා තාත්ත ගැන පොතක් ලියල ලොකු සද්දයක් දැම්ම කියල ආරංචි උනාම මං ගොඩාක් සතුටු උනා. මං ඒත් බැලුව... [More]
රංග| මහගම සේකරගේ නාට්‍ය සාහිත්‍යය සහ ජීවන දෘෂ්ටිය

9-Mins

(ජෝන් දිනේෂ්) මහගම සේකර (1929-1976)

"1929 අප්‍රේල් 07 වැනිදා සියනෑ කෝරළයේ කිරිඳිවැල රදාවානේදී ජන්මලාභය ලැබූ මහගමසේකර මූලික අධ්‍යාපනය ලැබුයේ ගමේ පාසලෙනි. ළමා... [More]
කවි| "මිරැන්ඩා...... මම යන්නම්"

20-Secs

(උපුල් සේනාධීරිගේ) මිරැන්ඩා......... මම යන්නම්*
යනු මිස තවදුරටත් මෙහි
රැඳීමක් නොමැත මට
එහෙයින් මම යන්නම්

අප තැනූ ආදර දෙවොලට... [More]
ඔත්තු| උපුල් සේනාධීරිගේ කවි මග විමසීමක්- සැප්. 23

7-Secs

2017, සැප්තැම්බර් 23 සෙනසුරාදා, උදේ 9:00 සිට දහවල් 12:00 දක්වා, කොළඹ මහජන පුස්තකාලයේ, පළමුවන මහලේ... [More]
වෙසෙස්| භූතයෙක්, යකැදුරෙක් සහ සත්‍ය කතාවක්

6-Mins

(තිලක් සේනාසිංහ ) ගුප්ත විශ්වාස සෑම සමාජයකම අඩුවැඩි වශයෙන් දක්නට ලැබේ. ඇතැම් සමාජයන් හි ඒවා සංස්කෘතිකාංග ලෙස ද ඉදිරිපත්ව ඇත. අතීත ශ්‍රී ලාංකීය... [More]
කවි| මැටි බඳුන්

30-Secs

(ජනක මහබෙල්ලන) පෙලින් පෙලට
මැටි බඳුන් රැසක්
තබා තිබුනු
ඒ මහලු කුඹලගෙ
සාප්පුව ඉදිරිපිට
එක් සුන්දර සවසක... [More]
වෙසෙස්| තෝල්ස්තෝයි අදට වලංගු ද?

12-Mins

(චින්තක රණසිංහ) අද අපි මේ ගෙනියන තෝල්ස්තෝයි පිළිබඳ සාකච්ඡාව මේ වගේ වාතාවරණයක් රටේ තියන තත්ත්වයකදි වුණත් තිබීම අතිශය වැදගත්. ලංකාවෙ පහුගිය අවුරුදු... [More]
Cine| බස්‌සා තටු සලන ගොම්මනේ නැටීම- ධර්මසේන පතිරාජගේ 'ස්‌වරූප' ගැන විචාරයක්‌

4-Mins

(සිවමෝහන් සුමති | එරික් ඉලයප්ආරච්චි) ග්‍රෙගරි සැම්සන් තව ස්‌වල්ප වේලාවකින් ළඟාවනු ඇති තානායම දෙස බලයි. යටත් විජිත භාෂාවෙන් එය කඳුරට නැවතුම්පළක්‌ (hill station) බව කිව... [More]
රත්තරං ටික| පළතුරු සහ චාරිත්‍රය

1-Mins

(පාවුලෝ කොයියෝ | සංජය නිල්රුවන් ගුණසේකර) ගිනියම් වූ කතරෙහි පලවැල සොයා ගැනීම ඉතා අසීරු කටයුත්තකි. ඒ බැව් දත් දෙවියන් දිනක් තම... [More]

Warning: Division by zero in /home/boondilk/public_html/article.php on line 1198
රහක් ඇති Music| ආල වඩන සුවඳ සබන්

අමරසිරි පීරිස්
ප්‍රේමසිරි කේමදාස
රත්න ශ්‍රී විජේසිංහ
[Play]
අදහස්| අලුත් මිදියුෂ අලුත් බඳුනෙක

6-Mins

(අජිත් හැඩ්ලි පෙරේරා) අප අසල්වැසි ඉන්දියාව නොබෝ දා අලුත් ජනාධිපතිවරයකු තෝරා ගත්තේ ය. ඉන්දියාවේ බොහෝ දෙනා තවමත් දලිත්වරුන් පිළිකුල් කරති. ඔවුන්ගේ ඇඟේ වැදුනු... [More]
ඔත්තු| කවි පොත් සල්පිල මෙවරත්

45-Secs

2017 කොළඹ ජාත්‍යන්තර පොත් ප්‍රදර්ශනයට සමගාමීව, පොත් ප්‍රකාශකයන්ගේ සංගමයේ පූර්ණ අනුග්‍රහයෙන් පැවැත්වෙන 'කවි පොත් සල්පිල',... [More]
වෙසෙස්| දහමට බියෙන් සයුරට පනින මියන්මාර රොහින්ගානුවෝ

5-Mins

(මාලතී කල්පනා ඇම්බ්‍රෝස්) ලොව වඩාත්ම හිංසනයට පත්වන ජන වර්ගයක් ලෙස ලැයිස්තුගත වන (එක්සත් ජාතීන්ගේ සංවිධාන වාර්තාව, 2013) මියන්මාර‍යේ රොහින්ගා මුස්ලිම් ජනයා දස දහස්... [More]
කවි| පෙම් යුවළ

27-Secs

(මහගම සේකර) 'ඉසුරු මුනියෙහි පෙතැලි ගලක
ඒ ආලයෙ ලීලය පෑ
විස්මිත ගල් වඩුවාණෙනි'
අමරණීය වේ ඔබගේ නාමේ
කියනු මැනවි මට
මූර්තියට ඔබ මේ ලෙස නැඟුවේ... [More]
ඔත්තු| බූමරංගය ඔබේ ඇස් දෙක- සැප්. 07

9-Secs

කාංචනා අමිලානිගේ දෙවැනි කාව්‍ය සංග්‍රහය "බූමරංගය ඔබේ ඇස් දෙක", 2017, සැප්තැම්බර් 07 වැනිදා, සවස 4:00ට,... [More]
කතන්දර| "හාවයි ඉබ්බයි දැන් හරි යාලුයි"- ළමා කතන්දරය [වීඩියෝව]

28-Secs

වෙන්කට්‍රාමන ගොව්ඩා ලියූ පද්මනාබ් සිත්තම් කළ, "The Hare & the Tortoise (Again!)" සිඟිති කතන්දරය ඇසුරින් හැදූ කාටූනය.

Sinhala Translation of... [More]
කවි| An Attacked Mosque alias Sutta Palli

40-Secs

(ෆතීක් අබූබකර්) Poem embeds the same boy
twenty sixth time
into the memory of an attacked mosque
where thousand eyes of misery
are wide-opened scars... [More]
Cine| "මේ රට මගෙ නෙවෙයි; මගෙ අම්මගෙත් නෙවෙයි" සමඟ "28" කියවීම

8-Mins

(කේ.ඩී. දර්ශන) මෙය 28 සිනමාපටය ගැන බරපතල න්‍යායික විචාරයක් නොවෙන්න පුළුවං. දවසින් දවස මතු කරගන්නවා වෙනුවට සංස්කෘතික සළුපිලි අන්දලා යට කරන්න හදන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook