Facebook
Twitter
Google+
YouTube
Blog
RSS Feed
රංග බූන්දි
කෞශල්‍යා ප්‍රනාන්දුගෙන් 'දුටු තැන අල්ලනු'
අර හොරාව මේ හොරාව 'දුටු තැන අල්ලනු' කියා මහජනතාව උසි ගන්වන්නේ අධිකරණය සහ පොලීසියයි. නමුත් ඒ කියන හොරුන් සහ අපරාධකාරයින් ගෙඩි පිටින් අල්ලාගන්නට හැකියාව තිබියදීත්, පොලීස් රාළහාමිලාගේ ඇගේ හැපි හැපී ඔවුන් නිදැල්ලේ හැසිරෙනු මහජනතාවට පෙනෙයි. ඇතැම් විටෙක මහා කලබගෑනියක් සහිත ප්‍රදර්ශනාත්මක ඇල්ලීමකින් ටික කලකට පසු ඒ මහා අපරාධකාරයින් සහ කම්බ හොරුන් ජය ඝෝෂා මැද ආධාරකරුවන්ගේ කර උඩින් උසාවි බිමින් එළියට සම්ප්‍රාප්තව සිංහයන් සේ වීදී සරනු ඇස් ගෙඩි උඩ තියා බලා සිටින්නට මහජනතාවට සිදුවෙයි. දේශපාලනයත් සමග නම ඈඳුණු කවරෙකු හෝ දුටු විට, ඒ මහා පරිමාණ හොරෙක් ද, අපරාධකාරයෙක් ද, තක්කඩි ජාවාරම්කාරයෙක් ද, රට කරවන අමාත්‍ය මණ්ඩලයේ ගරු ඇමතිතුමෙක් ද, විධායක නායකතුමන්ගේ සමීපතම උපදේශකයෙක් ද, දරුණු ස්ත්‍රී දූෂකයෙක් ද කියා තෝරා බේරා ගන්නට දැන් ජනතාවට නොහැකිය. මන්ද මේ හැමෝම එකිනෙකාගේ අන්‍යෝන්‍ය රැකවරණය ලබමින් එක පොදියේ රොතු ගැහී සශ්‍රීකව වැජඹෙන බැවිනි.

කෞශල්‍යා ප්‍රනාන්දු අපට ඉදිරිපත් කරන අලුත්ම වේදිකා නාට්‍ය නිර්මාණය වන 'දුටු තැන අල්ලනු' මෙවැනි අන්තයටම පරිහානියට ගිය, ජරාජීර්ණ, විකාරරූපි සමාජ දේශපාලන පසුබිමක් පිළිබද ප්‍රහසනාත්මක ඉදිරිපත් කිරීමකි. 'දුටු තැන අල්ලනු' නයිජීරියානු ජාතික නාට්‍ය රචක කහ කිවියර, නොබෙල් ත්‍යාග ලාභී වෝලි සොයින්කාගේ "ඔපෙරා වොන්යෝසි" නැමැති විශිෂ්ට නාට්‍ය පිටපත ඇසුරින් කෙරුණු අනුවාදයකි. නයිජීරියාවේ පශ්චාත් සිවිල් යුද සමයේ හමුදා පාලනයත්, තෙල් සල්ලි වලින් ඇති වුණු විකාරරූපි ආර්ථික උන්නතියත් හමුවේ සමාජයේ ඇතිවූ පෙර නොවූ විරූ මහා දේශපාලන, සමාජ සහ සංස්කෘතික පරිහානිය පිළිබද ප්‍රකාශනයක් ලෙස වෝලි සොයින්කා 'ඔපෙරා වොන්යෝසි' නාට්‍ය රචනා කළේය. ඔහු ඒ පිටපත නිර්මාණය කරන්නේ බර්ටෝල්ට් බ්‍රෙෂ්ට්ගේ 'ත්‍රී පෙනි ඔපෙරා' නාට්‍යයත්, බ්‍රෙෂ්ට් ඒ නාට්‍ය පිටපත ලිවීමේදී ඇසුරු කරගත් 18 වෙනි සිවයසේදී ජෝන් ගේ විසින් නිර්මාණය කළ 'ද බෙගර්ස් ඔපෙරා' නම් සංගීතමය නාට්‍යයත් යන පිටපත් දෙකම ඇසුරින් කෙරෙන අනුවාදයක් හැටියටයි. ඒ පිටපත් දෙකින්ම අවැසි දේ පෙරා ගෙන, තත්කාලීන නයිජීරියානු දුෂ්ට සමාජ දේශපාලන විපරීතය පිළිබද ප්‍රබල ප්‍රහසනයක් වෝලි සොයින්කා 1977 දී වේදිකාවට නැංවීය. මහා පරිමාණ දූෂණ වංචා, ගිනි දවාලේ කෙරෙන මිනීමැරුම්, සිරකරුවන්ට පහරදීම්, වධහිංසාවට පැමිණවීම් ආදී වෙසින් ආයතනගත වූ පරපීඩනකාමුතක්වය, පුහු සාටෝපය පිණිසම වන අතිවියදම්කාරී සංදර්ශන, කුට්ටි පිටින් අල්ලස් සහ කප්පම් ගැනීම්, වස්තුව ගොඩ ගසා සඟවා තැබීමේ උන්මාදය, නීතියක් රෙගුලාසියක් නැති නිරතුරුව ලේ වැකි මහාමාර්ග, කෑකෝගැසීම්, ඇන කොටාගැනීම් වලින් පිරුණු වීදි..... මේ එදා වෝලි සොයින්කා 'ඔපෙරා වොන්යෝසි' නාට්‍ය ඉදිරිපත් කළ කාලයේ නයිජීරියාව එරී සිටි සමාජ දේශපාලන අගාධයයි. තමන් ගිලී සිටින අගාධය කෙරෙහි නිද්‍රාශීලිව අකර්මණ්‍යව සිටින ජනතාවට තමන්ට ඉතාම සමීපයැයි දැනෙන ජවනිකා වලින් පිරුණු අතිශයින් විකාර රූපි නාටකයක් වෙත සිනාසෙන්නට සැලැස්වීමත්, ඒ මගින් තමන් සිනාසෙන්නේ තමන්ටම නොවේදැයි සිතන්නට ඔවුන් යොමු කරවීමත් වෝලි සොයින්කාගේ නාට්‍යමය ප්‍රයත්නය විය. අද කෞශල්‍යා ප්‍රනාන්දු අප හමුවට ගෙන එන්නේ වෝලි සොයින්කාගේ ඔපෙරා වොන්යෝසි පිටපත පදනම් කරගෙන ලාංකීය සමාජ දේශපාලන සන්දර්භයට ගැළපෙන ලෙස නිමවූ එහි ප්‍රතිනිර්මාණයකි.



'දුටුතැන අල්ලනු'හි එන මැක්හීත්, ඉතා ශක්තිමත් ලෙස තම පැවැත්ම ස්ථාපිත කරගත්, දරුණු ගණයේ ජාතික මට්ටෙම් වෘත්තීය මංකොල්ලකාරයෙකි. අනිකූරා යනු හිඟන්නන්ගේ සමාගමක් ආරම්භකොට, හිඟාකෑමේ ව්‍යාපාරයෙන් ඉහළම සාර්ථකත්වයක් අත්පත් කරගත් ව්‍යාපාරිකයෙකි. මිනිසුන්ගේ අනුකම්පාව අවුලුවා ගත හැකි උපක්‍රම පිළිබද කෛරාටික දැනුමක් ඇති ඔහු මේ ව්‍යාපාර ක්ෂේත්‍රයට අලුතෙන් බදවා ගන්නා ආධුනික හිඟන්නන්ට සිඟාකෑමේ කලාව පුහුණු කරවයි. පොලීසිය සහ අධිකරණයේ ලොක්කන් සහ උන්මත්තකාමී අධිරාජයා වන බොකාසා මොවුන්ගේ මේ කූට ව්‍යාපාර වල පැවැත්මට අනුබල දෙන්නේ ඔවුන්ගෙන් තොරව තමන්ගේ දූෂිත පැවැත්ම ආරක්ෂා කරගැනීම අපහසු බැවිනි. පූජකයන් පවා බලය හමුවේ වැනෙන දූෂිත විහිලුකාරයින්ය. මේ සියල්ල දෙසම බලා සිටින ජනතාව හොරුන් විසිනුත්, ව්‍යාපාරිකයින් විසිනුත්, රාජ්‍ය පාලකයන් විසිනුත් සූරා කෑමට සහ රැවටිල්ලට ගොදුරු වෙති. ලොකු ලොක්කෝ සහ බලය අතට ගත්තෝ සෞභාග්‍යයෙන් සශ්‍රීකව වැඩඹෙති. උන්ගේ පය ලෙව කමින්, අන්තේවාසිකයන් සේ කඹුරන පොඩ්ඩන්ට යන්තම් යැපීම හැර එතරම් ජයක් නැත. මේ 'දුටු තැන අල්ලනු' නාට්‍යයෙන් අපට පෙන්වන සමාජයයි. ඉතා නිර්මාණාත්මක ලෙස උද්වේගකර නැටුම් සහ සංගිතය යොදාගෙන, ඉදිරිපත් කෙරෙන මේ රසවත් ප්‍රහසනාත්මක නාට්‍ය නිර්මාණය, ලාංකීය නාට්‍ය ප්‍රෙක්ෂකාගාරය ආනන්දයෙන් සහ ප්‍රඥාවෙන් පුබුදු කරවනු ඇත.

'දුටු තැන අල්ලනු' කෞශල්‍යා ප්‍රනාන්දුගේ තෙවන ජාතික තලයේ නාට්‍ය නිෂ්පාදනයයි. මීට පෙර ඇය 'සඳ ළග මරණය' (ගාර්ෂිකා ලෝකාගේ Blood Wedding ඇසුරින්) සහ MaasK (හෙන්රික් ඉබ්සන්ගේ 'ජනහතුරා' ඇසුරින්) නාට්‍ය ද්වය නිර්මාණය කළාය. නාට්‍ය කලා ගුරිවරියක ලෙස දීර්ඝ කාලයක් පුරා වැඩ කරන කෞශල්‍යා ප්‍රනාන්දු සිය මව විසින් ආරම්භ කරන ලද, අද 'සෝමලතා සුබසිංහ Play House' නමින් හැදින්වෙන රංග පාසලේ නිර්මාණාත්මක අධ්‍යක්ෂවරියයි. නාට්‍ය නැරඹීම ප්‍රේක්ෂකයාට සෞන්දර්යයාත්මක අත්දැකීමක් විය යුතුය යන්න දැඩි සේ අදහන ඇය, විශ්වාස කරනුයේ කවර තරමේ සංකීර්ණ ක‍ඨෝර සමාජ දේශපාලන අත්දැකීමක් වුව සෞන්දර්යයාත්මකව ඉදිරිපත් කිරීමෙන් ජනතාව අතරට ගෙන යා හැකි බවයි. කෞශල්‍යා 'දුටු තැන අල්ලනු' නාට්‍යයට යොදාගන්නේ සොයින්කාගේ ඔපෙරා වොන්යෝසි පිටපතේ සෝමලතා සුබසිංහ විසින් කළ පරිවර්තනයයි. සෝමලතා සුබසිංහ 1991 වසරේදී කොළඹ විශ්වවිද්‍යාලයේ නාට්‍ය සංගමයේ ශිෂ්‍ය ශිෂ්‍යාවන් යොදාගෙන මේ පිටපතේ නිෂ්පාදනයක් ඉදිරිපත් කළාය. එය සිංහල, දෙමළ සහ ඉංග්‍රීසි යන භාෂා තුනෙන්ම කෙරුණු නිෂ්පාදනයක් වීම විශේෂයකි. එකල විශ්ව විද්‍යාලයේ ඉගෙන ගත්, කලාව ගැන උනන්දු වූ සිංහල, දෙමළ සහ ඉංග්‍රීසි මාධ්‍ය සිසු සිසුවියන් එක් රොක් කරගෙන ඇය කළ මේ නාට්‍ය නිර්මාණය විශ්ව විද්‍යාල ප්‍රජාව අතර බෙහෙවින් කතා බහට ලක්විය. අද ඒ නාට්‍යයේ අලුත් නිෂ්පාදනක් ඉදිරිපත් කරන, එවකට විශ්වවිද්‍යාල ශිෂ්‍යාවක වූ කෞශල්‍යා එදා ඒ නාට්‍යයේ රඟ පෑවාය.

'දුටු තැන අල්ලනු' නාට්‍ය ඉදිරිපත් කරන්නේ සෝමලතා 'ලංකා ළමා හා යොවුන් රගහල පදනම' වෙතිනි. ලංකා ළමා හා යොවුන් රගහල පදනම, 1981 වර්ෂයේදී ප්‍රවීණ නාට්‍යවේදිනී සෝමලතා සුබසිංහ විසින් ආරම්භ කරන ලදී. එය පසුගිය දශක තුනක් පුරා ළමා හා යොවුන් නාට්‍ය ගණනාවක් ද, ප්‍රධාන ධාරාවේ නාට්‍ය ගණනාවක් ද ලාංකීය ප්‍රේක්ෂකාගාරය වෙත ඉදිරිපත් කර ඇත. එය ළමා සහ යොවුන් නාට්‍ය පිළිබද අන්තර්ජාතික සංවිධානය වන ASSITEJ හි ශ්‍රී ලංකාව නියෝජනය කරන ආයතනයයි.

'දුටු තැන අල්ලනු' නාට්‍යයේ සංගීත අධ්‍යක්ෂණය කරන්නේ චින්තන ජයකොඩි විසිනි. ආලෝකකරණ නිර්මාණය, නැටුම් නිර්මාණය සහ රංග වින්‍යාසය ආචාර්ය චන්දන අලුත්ගේ අතිනි. ඇඳුම් සහ වේදිකා අලංකරණය තිසර ඉඹුලාන විසිනි. රංගනයෙන් ධනුෂ්ක ඩයස්, ශානක ප්‍රනාන්දු, තිලක්ෂිණී රත්නායක, තිලින පෙරේරා, නිලංක දහනායක, සේවියර් කනිෂ්ක, රුචී අබේවර්ණ, මයුර කාංචන පෙරේරා, දිලුම් බුද්ධික, පූජන දන්දෙණිය, කුමුදු වික්‍රමතන්ත්‍රි, ගයාත්‍රි ඒකනායක, සමීර ලක්මාල් විමලසිරි, තිවංක දොන් රණසිංහ, දුමින්ද සඳරුවන්, හසරින්ද කේසර ලියනආරච්චි සම්බන්ධ වෙති.





මේ වියමන ඔබේ මූණු පොතට එක් කරන්න-
Tags- Dutu Thana Allanu, Kaushalya Fernando, The Threepenny Opera, Bertolt Brecht, Wole Soyinka, Sri Lankan Drama, Sri Lankan Stage plays, Sinhala Drama
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් රංග බූන්දි
හිනාව ගිලිහුණු සමාජයට "හිනාවෙලා මිනිත්තුවක්"
දෙවියන් බුදුන් මැරී බොහෝ කල්ය! -"මායා බන්ධන"- විචාරාත්මක විමර්ශනයක්
මහගම සේකරගේ නාට්‍ය සාහිත්‍යය සහ ජීවන දෘෂ්ටිය
ඇරිස්ටොෆනීස් -සම්භාව්‍ය කොමඩියේ පියා- සහ ඔහුගේ කෘති
මරණය සහ කන්‍යාවිය මැවූ ඒරියල් ඩෝෆ්මන්
බූන්දි නව ඊමේල් ලිපිනය- editorial@boondi.lk
BoondiLets
මරා කියයි.
වැදගත්ම දේ මෙන්න මේකයි. තමාගේම කෙස් වැටියෙන් අල්ලා ඇද කොට්ට උරයක් මෙන් සිරුර කණපිට පෙරළලා අළුත් ඇහැකින් ලෝකය දිහා බලන එකයි.
-මරා

[මරාසාද්. Peter Weiss]
What's New | අලුතෙන්ම
ඔත්තු| මාසික සිනමා දැක්ම- 'Lipstick Under My Burkha'- නොවැ. 26

7-Secs

Alankrita Shrivastavaගේ "Lipstick Under My Burkha" චිත්‍රපටය, 2017 නොවැම්බර් 26 ඉරිදා, සවස 3:00 ට, මීගමුව... [More]
අදහස්| අපේ මධ්‍යම පන්තියේ නුතන සංස්කෘතික විලාසිතාව!

3-Mins

(තාරක වරාපිටිය) අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව... [More]
කවි| පියාපත්

8-Secs

(ධනුෂ්කා නිෂාදි කුලරත්න) දැලක පැටළුණු අය
මේ අපි කවුරුත්
නොගැලවී ඉන්න වෙර දරනවා

බත්කූරු යාළුවේ!
ගමනමයි ගැලවුම... [More]
රංග| හිනාව ගිලිහුණු සමාජයට "හිනාවෙලා මිනිත්තුවක්"

7-Mins

(සුදේශ් කවීශ්වර) උසස් කලා කෘතියක් අකුණු සැරයක් වැනි බව රෝම විචාරකයෙකු වූ ලොංජයිනස් ප්‍රකාශ කරයි. අකුණු පහර තමා අවට ඇති සියලුම දේ... [More]
පරිවර්තන| 'සැලී' උයනෙහි කෙළවර

16-Secs

(විලියම් බට්ලර් යේට්ස් | නිලූක කදුරුගමුව) හමුවීමු මා පියඹ සහ මම
'සැලී' උයනෙහි කෙළවර
හිමකුමරියකගේ පා නඟා ඈ
ඇවිද්දේ 'සැලී' උයන පසුකර.
තුරු මත කොළ වැවෙන විලසට
සෙමෙන් ආලය විඳින ලෙස... [More]
කවි| (ඔබ හිනැහෙන විට)

5-Secs

(මහගම සේකර) ඔබ හිනැහෙන විට
මුලු ලොව
ඔබ සමඟින් සිනා සෙයි

ඔබ වැලපෙන විට
මුලු ලොව... [More]
කරන්ට්ස්| ඈත සහ මෑත

23-Secs

(අමිල නන්දසිරි) "අනුරාධපුරයේ උද්‍යාන තුලදී පෙම්වතුන් යුවල 304ක් පොලිස් භාරයට."
-පුවතක්


ඈත, කුහුලින් සවල් ගහනා
මැදිවියේ නෙතු බහුලය
මෑත, විලියෙන් ජම්බු රතුවෙන... [More]
Cine| ස්වරූප නොපෙන්වීමේ සහ නොබැලීමේ විනෝදය

13-Mins

(එරික් ඉලයප්ආරච්චි) කලාත්මක අවකාශය සහාසික ලෙස විනෝදයේ අවකාශය විසින් පාගා දමනු ලබන අතරේ කලාත්මක ප්‍රදර්ශනයේ අවකාශය විනෝද ප්‍රදර්ශනයේ අවකාශය විසින් උදුරා ගනිමින්... [More]
කතන්දර| "හරි අපූරු අම්මාච්චි"- ළමා කතන්දරය [වීඩියෝව]

33-Secs

"හරි අපූරු අම්මාච්චි"- පොඩිත්තන්ට දැනුම ගෙනෙන විනෝදාත්මක කතන්දරයක් [කාටූන්]- Rajiv Eipe ලියා සිත්තම් කළ "Ammachi's Amazing Machines" සිඟිති කතන්දරයේ සිංහල... [More]
BoondiLets| අඳුර පලාගියේය!
තල්මසාගේ සිරුර ඇතුළත වූයේ අඳුරයි. පිනෝකියෝ පාවෙමින් තල්මසාගේ කුසෙහි ගැඹුරු ආගාධයට ඇදී ගියේය.

ඉමක් නැති ගණඳුර මැදින් හදිසියේම කුඩා ආලෝකයක් පහළ විය.

"කවුද ඔතන?" පිනෝකියෝගේ... [More]
කවි| සියයට විස්සයි, සතුට අනුලට!

38-Secs

(තුෂාරිකා ඇන්තනි) ඉසුරු දෙවිඳු මවනවද සිහිල පිරි පෙදෙසක්
ගිනි නිවුන මව් හිසක මැවු පසන් නිවසක්

දෛනික වැයෙන් මරදූන් පැරද ඉසිඹුවක්
පතයි මාස අග දිනක හෝ නිරාමිස සුවයක්... [More]
වෙසෙස්| තොවිල් වලදී යකුන් පලා යන විට ගස් අතු කඩා වැටෙන හැටි!

3-Mins

(තිලක් සේනාසිංහ ) මිනිසුන්ට සහ වාසස්ථාන වලට අරක් ගන්නා යක්ෂයන් පලවා හැරීම පිණිස යක් තොවිල් පැවැත්වීම අප ජන සංස්කෘතියේ ප්‍රධානතම අංගයකි. මෙම යක්... [More]
BoondiLets| සරච්චන්ද්‍ර ලියයි.
පුතු සෙනේ මස් නහර හම සිඳ
ඇට සොයා ගොස් ඇට තුළට වැද
ඇට මිදුලු මත රඳා සිට දුක්
දෙයි නිබන්දා

-සිංහබාහු
කවි| (හදිසියේ මියගිය) අම්මාගේ මිනිය හඳුනාගැනීමට පුතුව කැඳවයි!

44-Secs

(ජනිත් විතාරණගේ) දෙක තුනක් ඇර හුඟක් කෙස් ගස් තිබුනේ බාගෙට සුදුවෙලා
ගල් තැලුම් මල් යටි පතුල්වල විලුඹ තිබුනා පුපුරලා
අලි ඇවිත් පැල කඩපු දවසේ තාත්තගේ බඩ පාගලා
පෙරළිලා ගෙයි බිත්ති පලුවක් කකුල තිබ්බේ කොරවෙලා

අන්න අර දුර පේන කන්දට ටිකක් එහායින් තියන බැද්දේ... [More]
Cine| බහුචිතවාදීයා- සමකාලීන අගනාගරික සමාජ සැකැස්ම සහ එහි දේශපාලන ආර්ථීකය පිළිබද නියෝජනයක් ලෙස

6-Mins

(නිර්මාල් රංජිත් දේවසිරි) පසුගිය සමයේ, විශේෂයෙන්ම, 2015 ජනවාරි 8 වනදා පැවැති ජනාධිපතිවරණය පූර්වගාමීව සමාජ මාධ්‍යවල ඇති වූ දේශපාලන කතිකාවේ දක්නට ලැබුණු මූලිකාංගයක් වූයේ,... [More]
කතන්දර| "මෙන්න මෙයා- බෝල බෙයා"- ළමා කතන්දරය [වීඩියෝව]

27-Secs

පොඩිත්තන්ට විනෝදාත්මක කතන්දරයක් [කාටූන්]- Ramendra Kumar ලියා, Delwyn Remedios සිත්තම් කළ "The Day It Rained Fish" සිඟිති කතන්දරය ඇසුරින්.

හඬ- නයෝමී... [More]
වෙසෙස්| ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ

4-Mins

(සරද සමරසිංහ) "ජනතාව අතුරින් කිහිප දෙනෙකු අත්‍යන්ත ම්ලේච්ඡයන් වීම හේතුවෙන් හෝ පාලක පක්ෂය ප්‍රජාතන්ත්‍රවාදය යන වචනයේ අරුත නොදැන සිටීම හේතුවෙන් හෝ ජනමාධ්‍යවේදීන්ට... [More]
BoondiLets| දාරියෝ ෆෝ ලියයි.
(දාරියෝ ෆෝ | එච්. ඒ. පෙරේරා) පවතින පාලනය, ඉවසන් ඉන්න බැරි තරමට ජඩ, දූෂිත, මර්දනකාරී එකක් උනහම ජනතාව ජීවිත පරදුවට තියල හරි ඒක පෙරලලා දානවා. ඊට පස්සෙ අලුත් පාලකයෝ විසින් හිටපු... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook