Facebook
Twitter
Google+
YouTube
Blog
RSS Feed
අදහස් බූන්දි
දෙවියන් වහන්සේ සිනාසෙන්නේ රාත්‍රියටද විතරද?
බූන්දි, 19:30:28
විසිඑක්වන සියවසේ ජීවත්වෙන අපි මේ පසුකරමින් සිටින්නේ පාරිභෝගික භාණ්ඩ විසින් මිනිස් සබඳතා විස්ථාපනය කරමින් සිටින පරිවර්තන යුගයකි. අපි දැන් ආස කරන්නේ අළු දූලි ගසාගෙන යන ලිබරල් මඳ පවනක් අපේ ජිවිත හරහා හමාගෙන යනවා දකින්නටය. මිනිසුන් එක් පසෙකින් පාරිභෝගිකවාදී නවීන සතුන් බවට පත්වෙද්දී අනෙක් පසින් ඔවුනට දෙවියන් සමග ද ඇලී ගැලී සිටීමට සිදුවී ඇත්තේ ඇයි? කොටින්ම වඩ වඩාත් අතාර්කිකව හා වඩ වඩාත් ප්‍රබලව අපේ කරට අත දමාගෙන දෙවියන්වහන්සේ අප සමග සිටින්නේ ඇයි?

ලංකාවේ දෙවිවරුන්ගේ මහගෙදර බවට පත්ව ඇති කතරගම පූජා නගරය ආශ්‍රයෙන් මාගේ හිතවතෙක් කරමින් සිටින පරික්ෂණයක් මගින් අපූරු කාරණා කිහිපයක් හෙළිදරවු විය. (මෙම පරීක්ෂණ වාර්තාව තවමත් ප්‍රකාශයට පත්කොට නැත.) එහිදී, ලංකාවේ මිනිසුන් දෙවියන් සමග කරන ගනුදෙනු ඉතා ශ්‍රීඝ්‍ර ලෙස වැඩිවී ඇති බවත් මැද පන්තියේ නාගරික තරුණයන් දෙවියන් ඇදහීමේදී ඉදිරියෙන්ම සිටිනා බවත් ඔහු සොයා ගත්තේය.

ඉතා නවීන පන්නයේ දුරකථන අත දරාගෙන, කිරි ටොයියා වාහනවල නැගී රටේ සතරදිග්භාගයේ තිබෙන දේවාලවල පෝලිමේ සිටින 'නවීන මිනිසුන්' ඉතා සුලබ දසුනක් වී ඇත්තේ කවර නම් අරුමයකින්ද? ලංකාවේ වෙල් නියරවල් වල පවා කාපට් දමාගෙන යන මේ කාලයේ අපේ රටේ තරුණයන්ට ද හැල්මේ දිවයන්නට අනාගත මාවත් කිහිපයක්ම තන්වා දී තිබේ. ඔවුන්ට නිල් බලකා මාවතේ යා හැක. නොඑසේනම්, බොදු බලකා මාවතේ යා හැක. මේ යන එන ගමන් දෙවියන්ට ද ටච් එකක් දාගෙන යෑම දැන් තාරුණ්‍යයේ ට්‍රෙන්ඩ් එකයි.

ප්‍රොයිඩ් කීවේ ජිවිතේ අපට නොපෙනෙන, නොතේරෙන දේවල් අපි දෙවියන්ට භාර දෙන බවය. මිනිසුන් සමග ගනුදෙනු කරනවාට වඩා දෙවියන් සමග 'වැඩ' කිරීම පහසු වන්නේ මිනිසුන් මෙන් දෙවියන් කිසි දෙයක් ප්‍රතික්ෂේප කරන්නේ නැති නිසාය. එනිසා ඕනෑම කෙනෙකුට ඕනෑම දෙයක් දෙවියන්ට කිව හැකිය. වැඩේ හරි ගියොත් දෙවියන්ගේ හාස්කමකි. වැරදුනොත් දෙවියන්ට කොන්ත්‍රාත් එක භාර දීපු කෙනාගේ කිල්ලකි. මිනිසුන් විසින් දෙවියන්ට භාරදෙන කොන්ත්‍රාත්තු, කෙටිදුර ධාවන තරග වලින් ජයගැනීමට ගන්නා තහනම් උත්තේජක බඳුය.

යමෙක් අසනීප වුනහොත්, සාමාන්‍ය බෙහෙත් හේත් ක්‍රියාවලියට අමතරව, අමතර වාසියක් ලබාගැනීමට අපි දෙවියන් කරා දිව යන්නෙමු. බොහෝ දුක් මහන්සි වී දන්නා කියන දහංගැට ගසා වාහනයක හිමිකාරයෙක් වූ වහාම බොහෝ දෙනෙකු හැල්මේ දුවන්නේ දෙවියන් ලඟටයි. ඒ විතරක් නොවේ; විභාග වලින් පාස් කර දීම, ලොතරැයි අද්දවා දීම ආදී කාරණා පවා අපි දෙවියන්ට භාර දෙන්නෙමු. පුදුමය නම් මිනිසුන්ගේ මෙම අනේකවිධ රික්වෙස්ට්ස් අසාගෙන සිටිනා දෙවියන් පිස්සු නොහැදී බේරී ඉන්නා එකය! දෙවියන් මේවාට හිනාවෙන්නේ දවසේ වැඩ ඇරී ගෙදර ගියපසු රාත්‍රියට පමණද?

සමාජයේ තිබෙන දේවවාදී ලෙඩරෝග ඇතුළු අනේකවිධ ලෙඩරෝග වලට බෙහෙත් තිබෙන්නේ කොහේද? මුහුණු පොත තුළද? ෂොපින් මෝල් තුළද? එහෙමත් නැතිනම් මහපාරේ දේශපාලනය තුළද? මිනිසුන් හිස් අහසින් මහපොළවට කැන්දාගෙන යන දේශපාලනය අද තිබෙන්නේ කොහේද?

ලංකාවේ ජනමාධ්‍ය රනිල් වික්‍රමසිංහව හදුන්වන්නේ නොම්මර එකේ ලිබරල් දේශපාලකයෙක් ලෙසයි. තමන්ගේ ඇඟට නොගැලපෙන මේ ලිබරල් ඇඳුම ඇඟලා ගන්නට මැළිවන බවක් රනිල් පෙන්වන්නේ ද නැත. එහෙත් මේ මහා ලිබරල්වාදියා ලිබරල්වාදය දේවවාදය හා ගලපමින් මසකට වරක් තම ඇඟේ ලෙඩ පරික්ෂා කරගන්නට සිංගප්පුරුවට ගොස් එන ගමනේ දී ඉන්දියාවේ තිරුපති දේවාලයට ගොස් හිතේ ලෙඩට ද බෙහෙත් ලබාගැනීමට පුරුදු වී සිටී. රෝහණ විජේවීරගේ වර්තමාන අනුප්‍රාප්තිකයා වී සිටින අනුර කුමාර දේවාල ගානේ රස්තියාදු වෙන බව පේන්නට නැතත් අත්හැර දැමු සමාජ විප්ලවයේ පශ්චාත් මරණ සහතික නොහොත් සමාජ ප්‍රතිසංස්කරණ රාජ්‍යය පිළිබද පෙම් හසුන් රැගෙන මහා නායක හිමිවරුන් බැහැදැක දෙකට නැමී පිරිත් නුල් ගැටගහ ගැනීම සුලබ දසුනක් බවට පත්ව ඇත.

සජිත් නම් දේශපාලන තොත්ත බබා හිතන්නේ එජාපය සමගිකලේ දෙවියන් වහන්සේ කියාය! එනිසා, පසුගියදා ඔහු මුන්නේශ්වරමට ගොස් දෙවියන්ට මහා පත භාරයක් ඔප්පු කළේය.

ම.රා.ගේ දේශපාලනය ගැන කතාකොට පලක් නැත්තේ ම.රා. සහ සමාගම යනු දේවවාදය, සමාජවාදය, ප්‍රජාතන්ත්‍රවාදය වාගේ හැම වාදයක්ම පැකට් කොට සිල්ලරට විකුණන සිල්ලර බඩු කඩයක් නිසාය. එහෙත් පෙ.ස.පයේ සහෝදරවරුන් ලංකාවේ රාජ්‍ය නිර්ආගමික වියයුතු බවට ඔවුන්ගේ ප්‍රතිපත්ති ප්‍රකාශයේ පුංචියට සඳහන් කොට ඇතත් ඔවුන් දෙවියන්ගෙන් මිනිසුන් ගලවාගන්නට වචන පාවිච්චි නොකරන්නේ ගගේ රළ පහර ඔවුන්ට සැර වැඩි නිසාද?

අපි සමග මහපාරේ ඇවිදයන, අපිසමග අඬන, සිනාසෙන, අපේ දුක සතුට අහගෙන ඉන්න, අපේ ප්‍රශ්න වලට උත්තර වෙනුවට ඔළුව අතගාන, සමහර වෙලාවට හෙමින්සීරුවේ අපේ ඔළුවට ටොකු අණින දෙවියන්වහන්සේව යළිත් අප අහසට යවන්නේ කවදාද? එදාට යළිත් මිනිස්සුන්ට මනුස්සකම හමුවෙනු ඇත.
මේ වියමන ඔබේ මූණු පොතට එක් කරන්න-
Tags- Superstitious Belief, Ranil Wickramasinghe, Mahinda Rajapaksa, Anura Kumara Dissanayake, Katharagama
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
කතන්දර
සෙන්ටෙනියල් දෝණි
වෙසෙස්
දත්තවාදී යුගයේ විප්ලවවාදින් හඳුනාගනිමු!
වෙසෙස්
සමාජවාදයේ සහ ධනවාදයේ දත්තවාදී කියවීම
වෙසෙස්
මානව සමාජයේ මීළඟ විප්ලවය 'දත්තවාදය'ද?
වෙසෙස්
හුදකලාව විකුණා විනෝදවෙන්න එන්න!
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
නෙල්සන් මැන්ඩෙලා කියයි.
සමේ පැහැය නිසා හෝ පසුබිම නිසා හෝ ඇදහිල්ල අනුව හෝ අනෙකා කෙරෙහි වූ වෛරයකින් කිසිවෙකු උපදින්නේ නැත. මිනිසුන් වෛරකිරීමට උගත යුතුය. එසේ වෛර කරන්නට ඉගෙන... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook