Facebook
Twitter
Google+
YouTube
Blog
RSS Feed
අදහස් බූන්දි
මිත්‍යාවට පෙම් කර මිත්‍යාව මත ජීවත් වීම
බූන්දි, 18:13:30
අද උදේ මා සමග කථාකළ මිතුරෙකු ඊළඟ ජනාධිපතිවරණය ගැන අදහස් දක්වමින් "මහින්දට තුන්වෙනි වතාවට ජනාධිපතිවරණයට ඉල්ලන්න නීතියෙන් ඉඩ නැතිලු නේද?" කියා පැවසීය. "නීතියෙන් ඉඩ" යන අදහස ලංකාවේ අද පවතින ක්‍රියාදාමයට කොතරම් වැදගත්කමක් දෙයිද? එසේ නැත්නම් යමක් නීතිමයද නීති විරෝධීද යන්න අද ලංකාවේ සමාජ දේශපාලන ක්‍රියාදාමයට කොතරම් අදාළ ද යන්න සිතා බැලිය යුතුය.

අද වන විට ලංකාවේ නීතිය යනු බලයයි. බලය අත්පත්කර ගත් අයගේ උවමනා එපාකම් අනුව නීතිය ක්‍රියාත්මක වෙයි. එනිසා 'නීතියෙන් ඉඩ' යන්න තීරණය වන්නේ බලයේ සිටින පවුල් කල්ලියේ උවමනා එපාකම් මතය. ලංකා සමාජයේ ජීවත්වන වයස 40 ඉක්මවූ අයෙකුට ලංකාවේ නීතිය ක්‍රියාත්මක වූ ඉතිහාස ගැන මතකයන් ඇති හෙයින් ඔවුන්ට 'නීතියෙන් ඉඩ' යන්න අර්ථ සහිත යෙදුමකි. නමුත් වයස 40ට අඩු (බොහෝ දෙනෙකුට) නීතියෙන් ඉඩ තිබීම ගම්‍ය වන්නේ බලය ඇති සහ බලය නැති යන අර්ථ පෙරදැරිවයි. එනිසාම අද ලංකා සමාජයේ වැඩි දෙනෙකු නීතිය ක්‍රියාත්මක වීම වටහා ගන්නේ බලය ඇත්ද නැද්ද යන්න මතයි. එසේ නැත්නම් බලවතාගේ උවමනාව අනුවයි. එනිසාම ඔවුන් ද බලයේම කොටස්කාරයෙකු වී තමාද නීතියේ හිමිකරුවකුවීම සඳහා බලය ලබා සිටින අයටම ආවඩනු ලබයි.

මෙය වෙනත් ආකාරයකින් ගන්නේ නම් රජකෙනෙකු සිටින රටක රජුට, ඔහුගේ සෙන්පතියන්ට, රදළ අධිපතීන්ට හිතවත්වීම තුලින් හා පඬුරු පාක්කුඩම් දීම තුලින් තාන්න මාන්න ලබා ගැනීමක සමාජ ක්‍රියාදාමයක් පවතී. අද ලංකාව නම් භූමි භාගය තුල වෙනත් නම්වලින් ක්‍රියාත්මක වූවත් සිදුවන්නේ මේ අතීත ක්‍රියාදාමය වර්තමානයේ ක්‍රියාත්මක වීමයි. නීතිය යනු බලය යැයි හදුනාගත් සමාජයක 'ස්වාධීන නීති'යක් ගැන සිතීම සුන්දර සිහිනයක් පමනි.

ලංකාවේ ජනාධිපති මහින්දට තුන්වන වරට තරඟ කළ හැකිද යන්න පිළිබඳ නීති විශාරදයන් අද වන විට තර්ක නගනු දැකිය හැක. ඒ අනුව ඔවුන් පවසන්නේ ලංකාවේ ව්‍යවස්ථාවට අනුව එයට ඉඩක් නැති බවයි. නමුත් ලංකා සමාජය එය හදුනාගෙන ඇත්තේ 18 වන සංශෝධනයට අනුව මහින්ද රාජපක්ෂට තුන්වෙනි වරටත් ජනාධිපතිවරණයට තරඟ කළ හැකි බවයි. මේ මතය 18 වෙනි සංශෝධනය සම්මත කර ගැනීමත් සමගම සමාජ ගතකළ ප්‍රචලිත මතය වේ. ජනාධිපතිවරණයට මහින්ද රාජපක්ෂ තරඟ කරන විට ඔහු තරඟ කරන්නේ බලය ඇති කණ්ඩායමේ ප්‍රධානියා වශයෙනි. එවිට එයට විරුද්ධ වන්නේ කවුද? නමුත් අපි මොහොතකට 18වන සංශෝධනයේ සුළු අඩුවක් නිසා ඉඩ ඇහිරී ඇතැයි සිතමු. බලයේ සිටින මහින්ද තරඟ කරන්නේ නම් එය වලක්වන්නේ කවුද? මහාධිකරණයට එය කළ හැකිද? අග්‍ර විනිශ්චයකාරයාට හෝ ශ්‍රේෂ්ඨාධිකරණයට එය කිරීමේ ප්‍රායෝගික බලයක් තිබේද? එසේ නැතිබව නොදන්නේ පුංචි දරුවන් පමනි. ශිරාණි බණ්ඩාරනායක සිදුවීම පමණක් නොව බොහෝ අධිකරණ ක්‍රියාදාමයන් නීති විරෝධීව සිදුවන බව නොදන්නේ කවුද? ඒ පිළිබඳ ජනතාවට වගේ වගක් ඇත්ද? එසේ නම් ලංකාවේ ජනතාව එම වැරැද්ද නොදන්නවා සේ සිටිමින් ඒ සිදුවීම අනුමත කරනු ලබයි.

ලංකාවේ අද පවතින ව්‍යවස්ථාවට 13 වෙනි සංශෝධනය එක් කරමින් 1987 දී පළාත් සභා ස්ථාපිත කරන අතර එදා සිට අද දක්වාම එම පළාත් සභා රට පුරා ක්‍රියාත්මක වෙයි. නමුත් ලංකාවේ උත්තරීතර නීතිය වන ව්‍යවස්ථාවට අනුව මෙම පළාත් සභාවන්වලට පවරා ඇති බලය 1987 සිට අද දක්වාම බලයේ සිටින සෑම රජයක් සහ ජනාධිපතිවරයෙක් විසින්ම පවරා නොදීම තුලින් රටේ උත්තරීතර නීතිය වන ව්‍යවස්ථාව ප්‍රසිද්ධියේ උල්ලංඝනය කරනු ලබයි. ව්‍යවස්ථාව උල්ලංඝනය කිරීමට ජනාධිපතිවරයාට 'නීතියෙන් ඉඩ' නැත. එය උල්ලංඝනය කිරීම නීති විරෝධීය. නමුත් වසර 27 ක් තිස්සේ එය නොකඩවාම ප්‍රසිද්ධියේ කරනු ලබයි. නමුත් මේ නීතිය උල්ලංඝනය කිරීම මේ වන තුරු ප්‍රශ්නයක් වී ඇත්තේ කාටද? ජනතාවට? අධිකරණයට? නැත. අපි මිත්‍යාවන් මත ජීවත්වන ජනතාවකි. නීතියක් තිබේය, එය ක්‍රියාත්මකවේය යන මිත්‍යාව අපි අදහමු. ඒ මත අපි ජීවත්වෙමු. ඒ අපි මිත්‍යාවන්ට පෙම් කරන ජනතාවක් හෙයිනි.

මිත්‍යාවට අපි කොතරම් පෙම් කරනවාද කියන්නේ නම් අපි අපේ සිංහල භාෂාවේ වචනයක ඇති අර්ථය අපි අමු අමුවේම අනෙක් පිට හරවා ගෙන එම නොපිට හරවා ගත් වචනාර්ථය භක්තියෙන් වැළඳගෙන ඇති හැටි සහ එයට පෙම් කරමින් ආවඩන හැටි බලමු. සන්ධීය යන සිංහල වචනය නැතිනම් ගමේ භාෂාවෙන් හන්දිය යන වචනය තුල ගම්‍ය වී ඇත්තේ විවිධ පැති හෝ විවිධ කොටස් එකට එක්වීම හෝ එකට සම්බන්ධවීම මිස වෙන්වීම හෝ කඩා දැමීම නොවන බව අපි දනිමු. සිංහල භාෂාව ඉගන ගන්නා අය 'ස්වර සන්ධිය' එසේ නැතිනම් පුර්වාරෝප සන්ධිය ආදී සන්ධීන් තුලින් විස්තර කරන්නේ විවිධ වචන එකට එක්වීම තුලින් තනි වචනයක් සැදෙන ආකාරය භාෂා තර්කයට අනුව ඉගන ගැනීමයි. වචන දෙකක එකතුවකින් එකක් සැදෙන ආකාරය තර්කාන්විතව සන්ධිගතවීම ලෙස අපි හදුන්වමු. නමුත් මෙම සන්ධිය දේශපාලන ක්‍රමයට ආදේශ කළ විගසම ගණිතය පිළිබද මහාචාර්යවරු, ජනාධිපතිගේ සිට මැති ඇමතිවරු, තර්ක ශාත්‍රඥයන්ගේ සිට ගමේ ගොඩේ මිනිසා දක්වා සන්ධීය ක්‍රමය තුල වෙන්වීම, කඩා වෙන්කිරීම හෝ බෙදීම යන අර්ථය තම මනසේ මවා ගනී. එසේ මවා ගන්නා ඔවුන් සන්ධීය යනු කඩා වෙන්කිරීමයි එසේ නැත්නම් බෙදා වෙන්කිරීමයි යනුවෙන් හඬ තලයි. බලන්න අපි කොතරම් ආශ්චර්යමත් ජනතාවක්ද? තමන්ගේ භාෂාවේ ප්‍රධාන මෙන්ම වැදගත් වචනයක් මිත්‍යා අර්ථකතනයකට නතුකර එයට පෙම්කර එම මිත්‍යාව තුල ජීවත් වන්නේ මොනතරම් මනරම් ලෙසද?

එනිසා අපි සමාජයක් ලෙස මිත්‍යාවන් මත ජීවත්වන සමාජයක් නිසාවෙන් මිත්‍යාවෙන් මිදීමට සැබෑ උවමනාවක් අපට නැති කමින් රට ගිලී සිටින මේ අන්ධකාරයෙන් ලෙහෙසියෙන් ගොඩ ගත නොහැකි වනු ඇත. මේ වන විට සමාජය වසා පැතිර ඇති මිත්‍යාව තුල අපි ස්වයං මෝහනයකට හසුව ජීවත්වන සෙයක් පෙන්නුම් කරයි.

බලන්න පොලීසිය විසින් අත්අඩංගුවට ගත් සැකකරුවන් පොලිස් නිලධාරීන්ට ආයුධ පෙන්වීමට ගොස් මාංචු දැමූ දෑතින් වෙඩි තැබීමට උත්සාහ කර පොලිස් වෙඩි පහරින් මිය යන අයුරු. ලංකාවේ නීතිය, ලංකා සමාජය මෙය මිනී මැරුමක් බව නොදනී. ඒ එවැනි මිත්‍යාව විශ්වාස කරන ස්වයං මෝහනයක ලංකා නිතිය හා ලංකා සමාජය ගිලී සිටින නිසා නොවේද? කුරා කුහුඹුවාට පවා මෛත්‍රිය, කරුණාව වඩවන සිංහල බෞද්ධයා දෙමළුන් මරණ විට සාදුකාර දෙන හඬ, යතිවරු බෝධිපූජා තබමින් මිනීමරුවනට පිරිත් නූල් ගැට ගසන හැඩ, කිරිබත් රස විඳින රඟ! මෙය මිත්‍යාවට පෙම් බැදීම මිස වෙනත් යමක් නොවේ. තමන් තමන්වම මිත්‍යාවක ගිල්වා තබා ගැනීමයි.

අපි ලංකා සමාජය ඉතා උසස් සංස්කෘතියකට හිමිකම් කියන වසර 2500ක සභ්‍යත්වයක් හිමි බව පවසන්නේ මහත් අභිරුචියකිනි. එසේ කියන අපි කුඩු වෙළදුන්, ප්‍රසිද්ධියේ මිනී මරන්නන්, ස්ත්‍රීනට ප්‍රසිද්ධියේ ලිංගික බලහත්කාරකම් කරන්නන්, වැඩිම මනාප වලින් පාර්ලිමේන්තුවට යවන්නෙමු. හැන්දෑ කලුවර වැටුනාට පසු තනිවම ගැහැණියකට මහමග යාමට ආරක්ෂාව නැතිබව අපි හැමෝම දනිමු. නමුත් අපි තරම් හොඳ සමාජයක් තවත් ලොව අන් කොතැනක වේද කියා උදම් අනන මිත්‍යාවක ගිලී සිටිමු. ලංකාව යනු අද වන විට පවුල් කල්ලියක ආධිපත්‍යකට යටත් කර ගත් ඔවුන්ගේ අභිමතාර්ථයන් සඳහා සේවය කරන භූමි භාගයක් බව නොදන්නේ කවුද? ඒත් එය තමන් දන්නා බව දන්නේ කී දෙනෙක්ද? මෙය මිත්‍යාවෙන් වැසී මිත්‍යාව තුළ ජීවත් වීමයි.
මේ වියමන ඔබේ මූණු පොතට එක් කරන්න-
Tags- Mahinda Rajapaksha, 18th Amendment, Constitution, 3rd term, Former CJ, Sarath N Silva, 13th Amendment, Provincial Council, Myths and the Truths
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
රංජිත් හේනායකආරච්චිගෙන් තවත් වියමන්
අදහස්
මහින්ද වන්දනාව වැඩවසම් බවට ආවැඩීමකි!
අදහස්
නීතියේ ආධිපත්‍යය පිහිටුවීම පළිගැනීමක්ද?
අදහස්
අම්මගෙන් විමසීම නොහොත් ඔන්න කනෝ පිනුම්!
වෙසෙස්
කාම්බෝජ මතකයන් සහ පාඩම්
අදහස්
ඉල්මහේ අඳුරු සෙවණැලි මැද බර්ලිනයේ 'පා පැකිළෙන ගල්'
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
චේ ලියයි.
යම් රටක් නිදහස් වූ සැම විටම එය අධිරාජ්‍යවාදයේ පරාජයක් ලෙස පෙනී යයි. එහෙත්, අප තේරුම් ගත යුත්තේ හුදෙක් හුදකලා ආයුධ සන්නද්ධ අරගලයකින් හෝ නිදහස ලබා... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook