Facebook
Twitter
Google+
YouTube
Blog
RSS Feed
පොත් බූන්දි
සොබාදහම අපි සහ මීළඟ මීවිත
බූන්දි, 22:12:51
පහසුවෙන් අසුනොවන එහෙත් අසුකර ගත යුතුම මානයන් එක්තරා සමීප බවක් ඔස්සේ මහජනයා වෙත මුණගැස්වීමට සාහිත්‍ය ක්ෂේත‍්‍රයට ඇති කාරකමය ගුණය අන් ක්ෂේත‍්‍රයකට නැති තරම්ය. විශේෂයෙන්ම සාහිත්‍ය ශානර හා උප ශානර වශයෙන් සිදු කරනු ලබන බෙදීම තුළ එය තවදුරටත් පහසු වී ඇත. කවිය නමැති සාහිත්‍ය ශානරය එයිනුදු එක්තරා සුවිශේෂී ආඛ්‍යාන රටාවක් ලෙස හඳුනා ගත හැකිය. අතීත කවිය සහ වර්තමාන කවිය වෙත අවධානය යොමු කිරීමේදී වර්තමාන කවිය එක්තරා නව ලිබරල්වාදී ව්‍යූහමය ලක්ෂණ පෙරදැරි කොට ගත්තක් ලෙස අවබෝධ කර ගැනීම වඩාත් තර්කානුකුල යයි හැඟේ. විවිධ සමාජ සංසිද්ධින් වෙත මහජන විඥානය විවෘත වී ඇති ආකාරය වර්තමාන තරුණ කවීන් විසින් කරනු ලබන අත්හදා බැලීම් වලින් නිරතුරුව ගම්‍යමාන වේ. එම අවකාශය මෑත කාලිනවම ස්පර්ශ කළ කවියෙක් ලෙස රුවන් බන්දුජීව කවියා හඳුනා ගත හැකිය. ඔහුගේ නවතම කාව්‍ය සංග‍්‍රහය "මීළඟ මීවිත" යනුවෙන් නම් කර ඇත.

භාෂාවේ ආධිපත්‍ය සහිත සංස්කෘතික ආස්ථානය බිඳ හෙළීම ඔස්සේ ඉස්මතු කර ගැනීමට තැත් කරන දෙවන අර්ථ රාසියක එක් තැන් වීමක මං සළකුණු පාඨකයා වෙත මුණගැස්සවීමට බන්දුජීව උත්සාහ ගනු ලබන බවට මනා නිදසුනකි ඇළ යනුවෙන් නම් කර ඇති කාව්‍ය නිර්මාණය .

ඇළ

ඇළ හොඳින් හැඳ පැළඳ
ඇවිද යයි කුඹුරු මැද

වැව අරෙහෙ නිදි නැතිව
මේ ඇඳුම් මහපු බව
කිසිම වී කරලකට
ඇළ කියා නැත තවම


සොබාදහම සහ මානව ජීවිතය අතර පවතින සම්බන්ධයේ අමිල බව යළි යළිත් මතක් කිරීම හා සම්බන්ධ රූපකයක් ලෙස ඇළ යන්න කවියා යොදා ගැනීම දීර්ඝ සංවාදයක් සඳහා සහෘදයා කැඳවීම වෙනුවෙන්ම කරන ලද්දකි. දෛනික ජන ජීවිතය පහසු කර දීම වෙනුවෙන් දෛනික අරගලයක යෙදෙන සොබාදහමේ විිවිධ අවස්ථා යනු හුදකලා ප‍්‍රපංචයන් නොවේ. ඊට එහා ගිය මහා යාන්ත‍්‍රණයක් සොබාදහම තුළ සිදු වන බව කවියා පාඨකයාට මනාව ඒත්තු ගන්වයි. මෙම කාව්‍ය නිර්මාණය සඳහා කවියා ඇසුරු කර ගනු ලබන භාෂාව බහු අර්ථ නිෂ්පාදනය කිරීම අතින් වඩාත් පුළුල් අවකාශයක රඳවා තැබීමට කවියා සමත් වේ. සොබාදහම සහ මානවයා අතර පවතින ස්වාභාවික සම්බන්ධය අභියෝගයට ලක් කිරීම වෙනුවෙන් ගොඩනැඟුණු භෞතික වස්තු සහ භාෂාව ඔස්සේ ගොඩනඟා ගෙන ඇති සංස්කෘතික අර්ථ නැවත වරක් සොබාදහමේ විවිධ අවස්ථා නිරූපණය වෙනුවෙන් කවියා යොදා ගැනීම එක්තරා දෛවෝපගත අවස්ථාවක් ලෙස හඳුනා ගත හැකිය.

විශේෂයෙන්ම සොබාදහම සහ මානවයා අතර පවතින අන්‍යෝන්‍ය සම්බන්ධය නැවත ඉස්මතු කිරීම වෙනුවෙන් කළ යුත්තේ මොනවාද යන සාකච්ඡාව පුළුල්ව කළ යුතු තත්වයක් නිර්මාණය වූ සමාජයක ජීවත් වෙන පාඨකයාට සොබාදහම පිළිබඳ නැවත සිතීම සඳහා කවියා එක්තරා නව ආලෝකයක් ද සපයා ඇත.

ඇළ සහ වැව අතර සිදුවන දෛනික සම්බන්ධය කුඹුරේ සරුවට වැඩෙන ගොයම් ගස නොදනී; මන්ද හොඳින් හැඳ පැළඳ කුඹුර මත ඇවිද යන්නේ ඇළ පමණක් වන බැවිනි. නිදි නැතුව මේ මහා නිෂ්පාදන කාර්යය සිදු කරන වැව පිළිබඳ කිසිදු සඳහනක් ඇළ විසින් තවමත් සිදු කර නොමැත. බැලූ බැල්මට නොපෙනුණත් මේ කුඩා කවිය පිටුපස මහා දේශපාලන අර්ථයක් ද ගැබ්ව පවතී. නිෂ්පාදන සහ ශ‍්‍රමය අතර අසාධාරණයට ලක්වන ශ‍්‍රම බළකාය පිළිබඳ සංවාදයේ ස්වභාවය ද ඉස්මතු කිරීමට කවියා නිරන්තරයෙන් උත්සාහ ගෙන ඇත.

රුවන් බන්දුජීව කවියාගේ කවි වල පවතින විශේෂම ලක්ෂණයක් ලෙස නව පරිකල්පන විභවතාවයි. මෙම නව පරිකල්පන විභවතාව බොහෝ අවස්තා වල සොබාදහම සමඟ අත්වැල් බැඳ ගනී. සොබාදහම සමඟ අත්වැල් බැඳ ගැනීම හුදෙක් පරිසර වර්ණනයක් පමණක් නොවේ. දීර්ඝ කාලීන සොබාදහම පිළිබඳ මානව අත්දැකීම් සහ සොබාදහම පිළිබඳ මානව විඥානය අතර පැවති අවකාශිය හිඩැස වෙත නව අර්ථයන් ලබා දීම හා සම්බන්ධ වේ.

එහෙම වෙන්නැති

සහෝදර තුරුවැල් මුදුන් මත
මතුව එන ලෙස මියුරු වූ ඵල
පසෙහි මුසු වී තිිබුණු වස විස
උරා බොන්නැති නියඟලා වැල


නියඟලා පිළිබඳ මහජන තර්කණය වෙත නව අර්ථයක් සැපයීමට ගනු ලැබු උත්සාහයකි යනුවෙන් පමණක් සලකා කවිය බැහැර කිරීම සඳහා කවියා ඉඩ නොදේ. කවියාගේ නව එළඹුමේ හැරවුම් ලක්ෂ්‍යය අප හඳුනා ගත යුත්තේ ද එකී සන්දර්භයේ සිටයි. නව පරිකල්පන විභවතාව පිළිබඳ අදහස ඉස්මතු කිරීම මනාව හඳුනා ගත හැකි අවස්ථාමය ලක්ෂණ මෙම කවිය තුළ අන්තර්ගතය. භාෂාවේ ආධිපත්‍යය විසින් නියඟලා බවට පත්කර ඇති වාග් ව්‍යූහය නිසාම නියඟලා පිළිබඳ අනෙක් ලක්ෂණ අවබෝධ කර ගැනීම පහසු නොවේ. භාෂාව සහ වස්තුන් අතර ගොඩනැගී ඇති සම්බන්ධය අභියෝගයට ලක්කිරීම වෙනුවෙන් නිර්මාණ අවකාශය යොදා ගැනීම ප‍්‍රති චින්තනය අවදි කිරීම සමඟ සම්බන්ධ වේ.

කවියා හා මහජනයා අතර ඇතිවිය යුතු සංවාදය වඩාත් ප‍්‍රගතිශිලී මාවතක් දක්වා ගමන් කිරීම සඳහා පරිකල්පනය යන්න ඉතාම වැදගත්ය. මෙම පරිකල්පනය පිළිබඳ අඩවිය කවියාට පමණක් සීමා වූවක් ලෙස අර්ථකථනය කර ගත යුතු නැත. විශේෂයෙන්ම කවියා මහජන පරිකල්පනය අවුස්සාලීමට උත්සාහ ගැනීම ඉතාම වැදගත්ය. රුවන් බන්දුජීව කවියාගේ නව පරිකල්පන විභවතාව ඔස්සේ මහජනයාගේ පරිකල්පනය අවුස්සාලීම සඳහා සෑහෙන තරම් තල්ලුවක් ලැබේ. දෛනික ජීවිතය තුළ නිතර නිතර මුණගැසෙන ද්‍රව්‍ය සඳහා සපයන ලද එක්තරා ජීව ගුණයක් ඔස්සේ යමක් කියන්නට උත්සාහ කරන ස්වභාවයක් මොහුගේ සෑම නිර්මාණයකම පාහේ එන අනිවාර්ය ලක්ෂණයක් ලෙස හඳුනා ගැනීම යුක්ති යුක්තය.

සැපකි- සතුටකි

තවත් එක් පඹයෙක් හදන්නට
ගිහින් එක්කහු වෙනව වෙනුවට
උපන් කමතට පොහොර වෙන එක
සැපකි - සතුටකි පිදුරු ගසකට


ජීවිතය පහසු කර ගැනීම වෙනුවෙන් අවට ඇති ජීවි අජීවි සියලු දේ තමන්ට අවැසි අයුරින් හීලෑ කර ගැනීමෙන් පමණක් සෑහීමකට පත් නොවූ මානවයා සොබාදහමේ සුන්දරත්වය පිළිබඳ අඩවිය ඉස්මතු කිරීම වෙනුවෙන් භාෂාව යොදා ගැනීම අතීතයේ සිට වර්තමානය දක්වාම අඛණ්ඩව සිදු වෙන්නකි. භාෂාව හා සාහිත්‍ය ඔස්සේ ද මානව ජීවිතයේ ආත්මාර්ථය මුදුන්පත් කරගැනීම බොහෝ සෙයින් සිදුවිය. සොබාදහමේ සුන්නදරත්වය පිළිබඳ බිහිවෙන සාහිත්‍යය, මානව ජීවිතයේ මොහොතක අස්වැසීම සඳහා පමණි. එනමුත් සොබාදහම පිළිබඳ යළි සලකා බැලීම වෙනුවෙන් සාහිත්‍ය පෙරබිමට කැඳවීම මිනිසා සහ සොබාදහම අතර තාර්කික ප‍්‍රවේශයක් ද ගොඩනැගීමට ඉවහල් වේ. එවැනි වටපිටාවක රුවන් බන්දුජීව කවියා භාෂාව යොදා ගනිමින් කරනු ලබන සෙල්ලම සෑම දෙයක් පිළිබඳවම නැවත සිතීම අවදි කිරීමකි. උදෑසන අවදි වූ මොහොතේ සිට රෑ නින්දට යන තෙක්ම ආත්මාර්ථය වෙනුවෙන් වෙහෙසෙන මිනිසුන් සහිත ලෝකයක මග හැරුණු තැන් බොහෝ බව යළි යළිත් මතක් කිරීමට ගනු ලබන සියුම් උත්සාහය වෙනුවෙන් නිරිමාණශීලි වෙහෙසක් දැරීමට කවියාට සිදුව ඇති බව ද සඳහන් කළ යුතුය. ඒ වෙහෙස නිර්මාණය පොහොසත් කිරීමට නිරන්තර දායකත්වයක් සපයා ඇත.

සම්ප‍්‍රදාය වෙනස් වීමට ඉඩ නොදී එය රැකගැනීම වෙනුවෙන් දතකන මිනිසුන් අතරට සම්ප‍්‍රදාය අතපත ගාමින් නව අර්ථ උකහා ගැනීම වෙනුවෙන් වෙහෙසෙන මිනිසුන්ගේ ආගමනයක් අවැසි වටපිටාවක අපි ජීවත් වෙමු. මන්ද සියලු දේ පරයා සම්ප‍්‍රදාය රැක ගැනීම වෙනුවෙන් ඕනෑම ආකාරයක ක‍්‍රියාවක් සිදු කිරීමට කැමති පිරිසක් සහිත රටක මානව සම්බන්ධතා නිරන්තරයෙන් අභියෝගයට ලක් වීමට ඉඩ ඇති බැවිණි. රුවන් බන්දුජීව සම්ප‍්‍රදායික අවකාශය අතික‍්‍රමණය කරමින් සොයා යන්නට උත්සාහ කරනු ලබන අන්තය බහු අර්ථ සහිත අවකාශයකි.

පොරි අහුරක්

ජීන් බෝතල් තුනෙන්
දෙක හමාරක් ම
හැලූවෙමි
නුවර වැවට
ඉතිරි ටික මට

වැව, නුඹ
වෙරි විය යුතුය
අද

ඉක්බිති
කතා කළ හැක
අපට

මතකද ඇය
මුලින් ම
පොරි අහුරක්
විසිකළ මොහොත
නුඹේ දිය රැළි මතට


සන්දර්භය විසින් අනෙකා තීරණය කරනවාට අකමැති කවියා ආදරය පිළිබඳ මතකය අවදි කිරීම වෙනුවෙන් වැව ස්වකීය ආස්ථානය හා ඒකත්වයට පත්කර ගැනීම වෙනුවෙන් ජින් බෝතල් තුනෙන් දෙක හමාරක්ම නුවර වැවට හලයි. සංස්කෘතික අර්ථ රාශියක් ඉස්මතු කරන නුවර වැවත් ඊට හාත්පසින්ම වෙනස් තැනක පිහිටි ජින් බෝතලුත් එකම සන්දර්භයක ආදරය පිළිබඳ අතීතය මතක් කිරීම වෙනුවෙන් යොදාගැනීම ප‍්‍රති සංස්කෘතික චින්තනය මතු කිරීම වෙනුවෙන් ගන්නා ලද උත්සාහයක් ලෙස හඳුනා ගත හැකිය.

භෞතික ව්‍යූහ සංරචනයට වඩා අභ්‍යන්තර ව්‍යූහ සංරචනයක් සහිත අත්හදා බැලීම් ගණනාවක් සහිත නිර්මාණ එකතුවක් ලෙස "මීළඟ මීවිත" කෘතිය රස විඳිය හැකිය.
මේ වියමන ඔබේ මූණු පොතට එක් කරන්න-
Tags- Meelanga Meewitha (2013) by Ruwan Bandujeewa, Sinhala Kavi, Sinhala Poems
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
දුමින්ද යූ. ගමගේගෙන් තවත් වියමන්
වෙසෙස්
සුබවාදී පෙරවදනක්- විකල්ප සංගීත ධාරාවේ මැදිහත්වීම
අදහස්
විශේෂ අවශ්‍යතා සහිත දරුවන් සඳහා කලාව
අදහස්
කියන දේ තරම්ම කියන ආකාරය ද වැදගත්....!
වෙසෙස්
පරිසරවාදි සාහිත්‍ය න්‍යායක අවශ්‍යතාව
තවත් පොත් බූන්දි
ඉණෙන් හැලෙන කලිසමක් රදවා ගන්න තතනමින්...
උමතු වාට්ටුවට අප්පචිචී ඇවිත්!
සෞන්දර්යය වෙනුවට කටු අතු- අපේ යුගයේ උරුමය!
"මතක වන්නිය" හෙවත් උතුරේ ශේෂ පත්‍රය
මී පුප් සේ රස 'හෑල්ල'
BoondiLets
සතුට...!
එක් මිනිසෙක් බුද්ධ හමු වී මෙසේ කිවුවා.
"මට සතුට අවශ්‍යයි!"

එවිට බුද්ධ කීවා;
"මුලින්ම මට යන්න ඉවත් කරන්න. ඒ මමත්වයයි.
ඉන්පසු, අවශ්‍යයි යන්න ඉවත් කරන්න. ඒ තෘෂ්ණාවයි.... [More]
What's New | අලුතෙන්ම
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook