Facebook
Twitter
Google+
YouTube
Blog
RSS Feed
අදහස් බූන්දි
හලාල්, මොහිදින් බෙග් සහ ආගමික ව්‍යාප්තවාදය
බූන්දි, 04:02:42
‘හලාල් කෑමත් එපා, හලාල් සින්දුත් එපා’ යනුවෙන් සඳහන් වර්ණවත් ප‍්‍රචාරක දැන්වීමක් මේ දිනවල විද්‍යුත් තැපෑලේ සංසරණය කෙරේ. ජනප‍්‍රිය ගායක මොහිදීන් බෙග්ගේ පින්තූරයක් එහි මුල් පිටුවේ ඇත. සිංහල බෞද්ධ ගීත වැඩිම ප‍්‍රමාණයක් ගායනා කළ ගායකයා මොහිදීන් බෙග් විය හැකිය. ඔහු ඉස්ලාම් භක්තිකයෙකි. තමාගේ ආගම වෙනුවෙන් ඔහු කිසි ගීයක් ගයා ඇත් දැ යි දැනගන්නට නැත. දැන්, ඔහුගේ මුවින් ගැයෙන ‘බුද්ධං සරණං ගච්ඡාමී’ ගීය පවා, මේ රටේ සිංහල- බෞද්ධයා ඉදිරියේ, තහනමට ලක්විය යුතු ‘හලාල්’ ගීතයක් බවට පත්ව තිබේ.

සිංහල-බෞද්ධ අන්තවාදීන්ගේ ශබ්ද කෝෂය තුළ ‘හලාල්’ යන්න අර්ථ ගැන්වෙන්නේ, තහනම් කළ යුතු දෙයක් වශයෙනි. ඊට ප‍්‍රතිපක්ෂව, මුස්ලිම් භක්තියාට එය, තහනමක් නොව, අනුමැතියකි. ඔහුට තහනම් වන්නේ, ‘හරාම්’ ගණයට වැටෙන දේවල් ය. උදාහරණයක් වශයෙන්, ඔවුන්ගේ ආගමික ප‍්‍රමිතියෙන් තොරව මරණ ලද කිසි සත්ව මසක් ආහාරයට ගැනීම ඔවුන්ට ‘හරාම්’ ය.

හලාල් ආරාවුල වටා ගෙතී ඇති සැබෑව, ඇත්ත වශයෙන්ම, හලාල් කෑමකට සම්බන්ධයක් නැත. එය සම්බන්ධ වන්නේ ආගමික ව්‍යාප්තිවාදය පිළිබඳ මහ ජාතික-මහ ආගමික චින්තනය තුළ කලක් තිස්සේ ඔඩුදුවමින් තිබූ සැකයක්, යුද්ධයේ ජයග‍්‍රහණයෙන් පසු අත්කරගත් විශේෂිත බලයක් හරහා ඉස්මත්තට පැමිණවීම යන කාරණයටයි.

මස්-මාළු නැති වෙජිටේරියන් කෑම කඩවලට කිසිවෙකු විරෝධයක් දක්වා ඇතැ යි මේ දක්වා දැනගන්නට නැත. එය ජෛන ආගමෙන් නූතන සමාජයට ලැබී ඇති ආගමික සහ සංස්කෘතික අභිචාරයකි. එම ආගමට අනුව, ප‍්‍රාණඝාතය අකුසලයකි. එසේ අකුසලයක් වශයෙන් සළකන ක‍්‍රියාවක ප‍්‍රතිඵලයක් වැළඳීම බරපතල අකුසලයක් වශයෙන් නොසළකන වර්තමාන සිංහල-බෞද්ධයා මෙන් නොව, ජෛනයෝ අකුසල කර්මය වැදෑරීමෙන් නොනැවතී මස්මාංශ අනුභවය ද වර්ජනය කරති. ඔවුන්ට මස්මාංශ ‘හරාම්’ ය. එනම්, තහනම් ය. එළවළුම පමණක් ඔවුන්ට ‘හලාල්’ ය. ඉතිං, මස්මාංශ කෑමට අවැසි කිසිවෙකු තුම්මුල්ලේ ‘ශාන්ති විහාර්’ වෙත යා යුතු නැත. එසේ එන්නැ යි ඒ ව්‍යාපාරිකයන් කිසිවෙකුගෙන් ඉල්ලා සිටින්නේ ද නැත. කැමති අයට යන්නට පිළිවන, නොකැමැති අයට නොගොස් ඉන්නට පිළිවන.

හලාල් ලේබලයක් අවශ්‍ය කරන්නේ මුස්ලිම් ප‍්‍රතිපදාවට අනුගත වීම සඳහා එම බැතිමතුන්ගේ දැන ගැනීමට මිස, බෞද්ධයා හෝ කිතුණු භක්තිකයාගේ දැන ගැනීම සඳහා නොවේ. මස්මාළු ගෑවුණු ආහාරයක්වත් නොගන්නා මගේ මිතුරෙකු, විස්කෝතුවක් කෑමට ගියත් ඊට සත්ව කොටසක් (සත්ව කිරි පවා) අඩංගුව ඇත් දැ යි සොයා බලයි. ඉතිං, සතුන්ගෙන් ගත් කිසි ද්‍රව්‍යයක් ඒ විස්කෝතුවේ අඩංගු නැති බවට ලේබල් කළොත්, එය මට වරදක් විය හැක්කේ, ඒ සඳහා යන අමතර වියදමක් වෙතොත්, එය මගෙනුත් අයකර ගන්නේ නම් පමණයි.

ලංකාවේ හෝටල්වල හරක් මස් නැති විට හෝ ඌරු මස් නැති විට අපි ඒ ගැන ප‍්‍රශ්න නොකරමු. කෑම වේලට හරක් මස් එකතු කිරීමෙන් වැළකෙන්නේ හින්දූන් හෝ හින්දු අභාෂය ලැබූ වෙනත් ආගමිකයන් ය. හේතුව, ඔවුන්ට හරක් මස් ‘හරාම්’ (අනුමත නැති) බැවිනි. එසේම ඌරු මස් නැත්තේ, මුස්ලිම් කෑම කඩවල ය. ඔවුන්ට ඌරු මස් ‘හරාම්’ ය. මේ කිසිවක් මේ දක්වා අපට කිසි ප‍්‍රශ්නයක් උද්ගත කොට නැත. ලංකාවේ මුසල්මානුවන් මේ ‘හලාල්’ සිරිත චිරාත් කාලයක් තිස්සේ අනුගමනය කොට ඇතැ යි කියති. මෙය මුස්ලිම් ආගමට ආවේ යුදෙව් ආගමෙනි. යුදෙව්වන් එය හඳුන්වන්නේ ‘කොෂේ’ නමිනි. එහෙත් ‘හලාල්’ ලේබල් කිරීම ආරම්භ කොට ඇත්තේ මෑතක දී බව පෙනේ. එය තැතිගැනීමට කාරණයක් නොවේ. සෑම දෙයක්ම ලේබල් කිරීම පටන්ගෙන කොහොමත් වැඩි කාලයක් නැති බැවිනි.

හලාල් සම්බන්ධයෙන් මට ඇත්තේ මෙවැනි ප‍්‍රශ්නයකි. මුස්ලිම් අය සඳහා අලවන ලේබලයක් මා මිළ දී ගන්නා භාණ්ඩයක තිබිය යුත්තේ ඇයි? ඒ ලේබලය පළමුව මා ප‍්‍රතික්ෂේප කරන්නේ, කිසි ආගමක් නොඅදහන හේතුවාදියෙකු වශයෙනි. දෙවැනුව, ඒ සඳහා වැය වන අමතර වියදමක් වෙතොත් එය මගෙන් අයකර ගැනීමත්, පාරිභෝගිකයෙකු වශයෙන් මාව සූරාකෑමක් වශයෙන් මම සළකමි. මේ නිසා, හලාල් පමණක් නොව, සෑම ආකාරයකම ආගමික ලේබලයකට (ඊට වියදමක් ඇතත් නැතත්), ලෝකෝත්තර සහ ලෞකික යන අර්ථ දෙකින්ම, මා විරුද්ධ ය.

දැන්, බෞද්ධ යැයි කියාගන්නා ඊනියා ආරක්ෂකයන්ට තර්කයක් වශයෙන් ගත හැක්කේ දෙවැනුව කී කාරණය පමණි. පළමුවැන්න, එනම්, බෞද්ධයෙකු වශයෙන් මුස්ලිම් ලේබලය ප‍්‍රතික්ෂේප කිරීම ඔවුන්ට කළ හැක්කක් නොවේ. මන්ද යත්, ඔවුන්ගේ ‘ලේබල්’ මේ රටේ ජීවත්වන සෑම ආගමිකයෙකුටම ඔවුන් විසින් බලහත්කාරයෙන් පටවමින් සිටින බැවිනි. උදාහරණයක් වශයෙන්, පෝය දාට මත්පැන්හල්, මස් කඩ සහ සිනමා ශාලා වසා තැබීම සැලකිල්ලට ගන්න. බෞද්ධයාට අදාළ ‘සුරාමේරය’, ‘පාණාතිපාතා’ සහ ‘නච්ඡුගීත වාදිත විසූක දස්සණ’ වැනි ‘අකුසලයෙන්’ එදාට අනිත් ආගමිකයනුත් වැළකී සිටිය යුතු යැයි තීරණය කෙළේ කවුද? ඒ ගැන, ඉස්ලාම්, කිතුණු සහ හින්දු ආදී වෙනත් ආගමිකයන්ගේ අදහස් විමසුවේ ද?

දැන් ඉස්ලාම් බැතිමතා ඉල්ලා සිටින්නේ, ඔහුගේ විශ්වාසය පරිදි ජීවත් වීමට, ඔහුට පමණක් බලපාන ලේබලයකට ඔහුට ඇති අයිතියයි. ඉතිං, ඒ අයිතිය ඔහුට නොදිය යුත්තේ ඇයි?

නැත, ඉහත කී කිසිවක් මේ ප‍්‍රශ්නයට අදාළ නැත. ඒවා මතුපිට කතා කෙරෙන සහ වාද විවාද කෙරෙන කුතර්ක පමණි. සැබෑව ඇත්තේ ඊට යටිනි.

මෙය ආගමික ව්‍යාප්තවාදය වශයෙන් හඳුනාගත යුතුව තිබේ.

ක‍්‍රිස්තියානි සහ මුස්ලිම් ව්‍යාප්තවාදයක් ගැන ලංකාවේ බෞද්ධයෝ බිය වෙති. බෞද්ධ ව්‍යාප්තිවාදයක් ගැන බිය වෙන ඉරාන පාලකයන් සාප්පුවල විකිණීමට තිබූ බුද්ධ රූප පවා පසුගිය දා රාජසන්තක කළ බව වාර්තා විය. ලංකාවේ අන්තවාදී බෞද්ධයන් ඉදිරියේ ‘හලාල්’ යනු මුස්ලිම් ව්‍යාප්තවාදයේ අළුත්ම ලේබලයයි.

පුද්ගලයා මුල් කර ගත් ලෝකෝත්තර සත්‍යයක අරුතින් ගත් කල, තමාගේ ‘සත්‍යයට’ තවත් කෙනෙකු හරවා ගැනීමේ වෑයම තුළම, ‘ලෝකෝත්තර සත්‍යය’ මියයන්නේය. එය, මෙවැනි ලිපියක සාකච්ඡා කළ හැක්කක් නොවන නිසා මෙහි දී සැලකිල්ල යොමුවන්නේ, මේ කියන ව්‍යාප්තවාදයේ වර්තමාන ලෞකික පරස්පරය කෙරෙහි පමණි.

බුදුන් වහන්සේ බුද්ධත්වයට පැමිණි මොහොතේම කෙළේ ව්‍යාප්තවාදය ප‍්‍රතික්ෂේප කිරීමයි. එනම්, තමන්ගේ දහම දෙවැන්නෙකුට දේශනා කිරීමෙන් වැළැකී සිටීමට තීරණය කිරීමයි. එහෙත්, ශක‍්‍රදේවේන්ද්‍රයාගේ ඇවිටිල්ල මත එම අදහස වෙනස් කරගත් උන්වහන්සේ පස්වග මහණුන්ට ධර්ම දේශනා කළහ. එතැනම, බෞද්ධ ව්‍යාප්තවාදය ආරම්භ විය. ඉක්බිතිව, "චරත භික්ඛවේ චාරිකං, බහුජන හිතාය බහුජන සුඛාය" (බොහෝ දෙනාගේ හිතසුව පිණිස ධර්ම චාරිකාවේ හැසිරෙන්න.) යනුවෙන් උන්වහන්සේ පස්වග මහණුන්ට අනුශාසනා කළහ. නේපාලයේ බිහි වූ බුදු දහම, ඉන්දියාව හරහා වෙනත් දේශයන්ටත්, ලංකාවටත් ව්‍යාප්ත වුණේ ඒ ආකාරයෙනි. එසේ වීම අහිතකර ක‍්‍රියාවකැ යි අද ලංකාවේ බෞද්ධයෝ විශ්වාස කරත් ද?

යුද්ධයෙන් පසු, උතුරු නැගෙනහිර පෙදෙස්වල බෞද්ධ පන්සල් සහ බුද්ධ ප‍්‍රතිමා මේ දිනවල සීග‍්‍රයෙන් බෝවෙයි. දකුණේ කතෝලික පල්ලි ඉදිරිපිට අළුතෙන් බුද්ධ රූප ඉදිවෙයි. ධර්ම ප‍්‍රචාරය සඳහා යුරෝපයට සහ ඇමරිකාවට බෞද්ධ භික්ෂූන් වහන්සේ වැඩම කරති. තමාගේ ව්‍යාප්තිය අනිකා ඉවසිය යුතු යැයි විශ්වාස කරන ගමන් අනිකාගේ ව්‍යාප්තිය ඉවසීමට නොහැකි වීම, සහසුද්දෙන්ම අබෞද්ධ ය.

වෙනත් ආගමක් පිළිබඳව එල්ල කෙරෙන විවේචනයම තමාගේ ආගමටත් එරෙහිව එල්ල වන්නක් නම්, ආගමේ නාමයෙන් දෙවරක් සිතා බැලීමේ සදාචාරමය වගකීමක් සෑම ආගමිකයෙකුටම පැවරෙයි. එය නොතකා ක‍්‍රියා කිරීම යනු, ආගම් අතර පමණක් නොව, ජාතීන් අතර සහ විවිධ ප‍්‍රජාවන් අතර ඇති සහෝදරත්වයත් විනාශ කෙරෙන හැසිරීමකි.





ඡායාරූප උපුටනය- ෂෙහාන් ගුණසේකරගෙන් [2012.02.17 මහරගම බොදු බල මහ සමුළුව]

(-අවරදිග ආවර්ජනා. රාවය. 2013.03.03)
මේ වියමන ඔබේ මූණු පොතට එක් කරන්න-
Tags- Alhaj Mohideen Beg, Sri Lankan Singer, Buddhist Songs, Halal Issue in Sri Lanka, Halal Certification
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ගාමිණී වියන්ගොඩගෙන් තවත් වියමන්
පොත්
පොල්පොට්ගේ 'මාක්ස්වාදය' සහ කෙමරූජ් භීෂණය
අදහස්
සිංහල-බෞද්ධ හරක් මස් වෙනුවට බටහිර ක‍්‍රිස්තියානි හරක් මස් වැළඳීම
අදහස්
තණකොල සහ පුන්නක්කු
අදහස්
රජයේ නීතිපතිවරයෙකු වෙනුවට ආණ්ඩුවේ නීතිපතිවරයෙකු ආදේශ වීම
අදහස්
බොදුබල සේනා ෆැසිස්ට්වාදය හිස එසැවීම
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
ඊ.ඩබ්. අදිකාරම් ලියයි- "පරමාර්ථය සහ මාර්ගය"
දම්වැලක එක පුරුකක් ඊළඟ පුරුකට සම්බන්ධව පවත්නාක් මෙන්ම පරමාර්ථයක් දෙසට යන ගමනක සෑම පියවරක්ම ඊළඟ පියවරට සම්බන්ධව පවතියි. පරමාර්ථය යනු මාර්ගය නැමති දම්වැලේ අවසාන පුරුකය.... [More]
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook