Facebook
Twitter
Google+
YouTube
Blog
RSS Feed
පරිවර්තන කවි
හැ ඳි න් වී ම ක්
බූන්දි, 07:49:49
නොදන්නෙමි දේශපාලනය ගැන
දනිමි මම ඒ නමුත්
බලයෙ සිටි උන්ගෙ නම්.
නේරුගෙන් පටන් ගෙන
මාසවල නම් වගේ - සුමානේ දින වගේ
යළි යළිත් කියාගෙන යා හැකිය

මලබාරයේ උපන් - තද දුඹුරු
ඉන්දියානුවෙක්මි මම
භාෂා තුනක් කතා කරන
දෙකකින් ලියන – එකකින් සිහින දකින

ලියන්නෙපා ඉංග්‍රිසි‍යෙන්: ඔවුහු කියති
ඉංග්‍රීසි ඔබේ මව්බස නොවෙයි

විවේචකයිනි - මගේ යහළුවනි
ගෙදර පැමිණෙන ඥාති සොහොයුරනි !
කිමද ඔබ සියලු දෙන
පාඩුවේ මට ඉන්න නොදෙන්නේ ?
කැමති භාෂාවකින් ලියන්නට
කිමද ඉඩ නොදෙන්නේ ?

මා කතා කරන බස මගේ වෙයි
එහි තිබෙන විකෘතින්
එහි තිබෙන අරුමයන්
මගෙයි - මගෙ පමණමයි

එය අඩක් ඉංග්‍රීසි - අඩක් ඉන්දීය වෙයි
ඇතැම් විට හාස්‍යය ද එහි තිබෙයි
එහෙත් එය අවංකයි
මනුසතෙකු බැවින් මා
එය මානුෂික ද වෙයි

ඇයි ඔබට නොපෙනේද ?
එයින් මගෙ සතුටු - ආශා - පැතුම් හඬ නැගෙයි
කපුටන්ට කාක් නද
හා සිංහයන්ට ගෙරවුමද මෙන්
එයම මට ප්‍රයෝජනවත්ද වෙයි

අඳුරු මෝසම් වලාකුළුවලද
වැස්සේද – සුළං වැකි ගස්වලද
ගොළු අන්ධ වූ කතා බහ නොවෙයි
දැවෙන සුදු චිතකයක
අපැහැදිලි කෙඳිරිලෑමද නොවෙයි
එය මිනිස් කතාවය ;
මෙහි විනා අන් තැනක නොමැති මනැසේ හඬය
දැන සිටින – සවන් දෙන – දකින මනැසේ හඬය

දැරියකව උනිමි මම
එහෙත් පසු කලෙක මා උස් වෙත්ම

අඟ පසඟ පිම්බෙත්ම
තැනක දෙතැනක රෝම මතු වෙත්ම
මා වැඩී සිටින බව උහු කීහ.

අන් කුමක් සෙවිය යුතුදැයි නොදැන
දිනෙක මා ආදරය සෙවූ විට
ඔහු සොළොස් වියැති තාරුණ්‍යයක්
කාමරය තුළට ඇද ගෙන ගොසින්
වැසී දොර !

ඔහු මාව නොපෙළුවද
මගේ දුක්බර ගැහැණු ශරීරෙට
බොහෝ සේ පෙළුණු අයුරක් දැනුණි.
මගේ පියයුරුවලත් ගර්භාෂයෙත් බරින්
මම තැලී මිරිකුනෙමි ;
මම එතැන අසරණව හැකිළුනෙමි

ඉනික්බිති හුරු වුණෙමි ;
සොහොයුරා අඳින කලිසම් සමග
කමිසයක් අඳින්නත්,
කෙස්ස කොට කරන්නත්,
ගැහැණුකම නොසළකා හිඳින්නත්.

කෙල්ලක බිරිඳක වෙන්නැයි
සාරිවලින් සැරසෙන්නැයි
උහු කීයෙහු
“ගෙත්තම්කාරියක වෙන්න
අහර පිසින්නියක වෙන්න
මෙහෙකරුවන් සමග නිතර
දබර කරන්නියක වෙන්න”
“අනේ සුදෝ වෙනස් වෙන්න”
වර්ග කරන්නෝ ඇවිදින් මොර දුන්නෝ
“තාප්ප මත ඔහේ වාඩි වෙන්න එපා
ජනේල තිර තුළින් එබී බලන්නෙපා”

“'ඇමී' වෙන්න – 'කමලා' වෙන්න
තව තව හොඳ වී 'මාධවිකුට්ටි'* වෙන්න
කාලය හරි
නමක් භූමිකාවක් හෙම තෝර ගන්න”

“විකාර සෙල්ලම්වල නියැලෙන්න එපා
භින්නොන්මාදෙන් වාගේ ඉන්න එපා
කාමිනියක වෙන්න එපා
ආදරයක් බිඳුණු විටෙක
ලජ්ජා සහගත විදියට
සද්ද නගා අඬන්නෙපා.........”

.........මට මිනිසෙක් මුණ ගැසුණෙය
ඔහු හට ආදරය කළෙමි
ඇමතූ මුත් මා ඔහු ඒ
කිසියම් නාමෙකින් නොවෙයි

මා මෙන් ආදරය සොයන
ඕනෑම ගැහැණියක අවැසි
ඕනෑම මිනිසෙක් විය ඔහු !

ගඟක පිපාසිත ඉක්මන විය ඔහු තුළ
මුහුදක වෙහෙසින් තොර බව විය මා තුළ

සියළු දෙනම අමතා මම
ඔහු කවුරෙක්දැයි ඇසුවෙමි
“ඒ මම” පිළිතුරක් ලැබිණි

සියල් තන්හි සොයා බලා
මේ ලොව තුළ “මම” යනුවෙන්
තමා හඳුන්වා දුන් ඔබ දැක ගත්තෙමි
කොපුවක ලූ කඩුවක් මෙන්
සිරව එතී ඔබ සිටියෙහි.

නුහුරු නගර – හෝටල්වල
රෑ දොළහට තනිවම බොන
“මම” ඔබ විය
සිනා නගන “මම” ඔබ විය
ආලය කර ලජ්ජා වන “මම” ඔබ විය
මියෙමින් සිටියත් උගුරේ බිඳුණු හඬින්
එසේ නැතැයි මුසා කියන “මම” ඔබ විය

ඔව්! පව්කාරිය ද මාය
සාන්තුවරිය ද මෙමාය
ස්නේහවන්තිය ද එසේම
පාවා දෙන්නිය ද මාය

ඔබේ නොවන කිසි සතුටක් හිමි නැත මට
ඔබේ නොවන කිසි දුකකුත් හිමි නැත මට
මම ද සබඳ මා හට “මම” යැයි අමතමි.

*මෙම කිවිඳිය මලයාලම් බසින් ලේඛනයේ නිරත වීමේදී භාවිතා කළේ“මාධවීකුට්ටි” යන නමයි.

[ඉන්දියානු ජාතික Kamala Das කිවිඳිය (1934 - 2009) ගේ“ An Introduction” නමැති කවියේ පරිවර්තනය]
සිතුවම : Viktor Sheleg
මේ වියමන ඔබේ මූණු පොතට එක් කරන්න-
Tags- Kamala Das, An Introduction
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් පරිවර්තන කවි
මගේ බිරිඳගේ ඇස් හිරු වගේ නෑ
පිළිතුර මාගේ මිතුරනි, සුළඟේ මුසුව ඇත!
'සැලී' උයනෙහි කෙළවර
අඳුරු ගොම්මනක කතාව
ආත්මීය කුණාටුව
බූන්දි නව ඊමේල් ලිපිනය- editorial@boondi.lk
BoondiLets
කැරොලිනා මාරියා ඩි ජීසස් ලියයි.
ජනාධිපතියො, උඹ කූඩුවක ඉන්න ගිරවෙක්. ලස්සන ලස්සන කතා කියනවා. ඒත්, බඩගින්නෙ ඉන්න මිනිස්සු ව්‍යාඝ්‍රයෝ කියලා හිතා ගන්න එක හොඳයි. උන් ඉන්නෙ කෝපයෙන්. අවස්ථාව ආපු ගමන්... [More]
What's New | අලුතෙන්ම
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Cine| ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්

13-Mins

(ඩිල්ෂානි චතුරිකා දාබරේ) මෙම ලිපිය ආචාර්ය ලෙස්ටර් ජේම්ස් පීරිස්ගේ අදහස පරිදි සුමිත්‍රා පීරිස් විසින් නිෂ්පාදනය කරන්නට යෙදී, මෑතකදි තිරගත වූ වෛෂ්ණාවී සිනමාපටය සම්බන්ධයෙනි.... [More]
Cine| Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!

4-Mins

(වජිර කාන්ත උබේසිංහ) මල් පිපෙන එකයි මිනිස්සු හැදෙන එකයි වෙනස්. මොකද මල් කොච්චර ලස්සන වුනත් මල් පුබුදුවන්න අවශ්‍ය ජලයයි, සුර්යාලෝකයයි විතරයි. මේවා කොපමණ... [More]
කවි| සර්ධාවෙන් ලියන වග නම්

36-Secs

(අමිල නන්දසිරි) අපි පුතේ දුර ඈත වන්නි හත් පත්තුවේ
පාන්දර බස් එකෙන් පෝලිමට එක්වුනේ
වැඳ පුරුදු මුදු මීට පෙරත් මුතියංගනේ
බුදුන් වැඩි බිම බුදුන් දකින්නට පෝලිමේ

අස්වැන්න කැපෙන මහ ගමට එන ලොරි කඩේ... [More]
කවි| යෞවනය!

25-Secs

(තුෂාරි ප්‍රියංගිකා) යෞවනය! ඇති තරම් හිනහා වී ඔබ ඉන්න
මැදිවිය බර වැඩී කෙනෙකුට
දරන්නට බෑ ඒ තනියම
දහක් අතරෙත් තනි වියහැකි බැවිනි.

පාට තවරා ගත්තු ගහකොළ... [More]
සිත්තර| "දූපතෙන් එහා කලාව ගැන අවදියෙන් ඉන්න වෙනවා!"- ප්‍රගීත් රත්නායක

5-Mins

(කසුන් සමරතුංග) චිත්‍රයක් යනු නිහඬ කවියක් යැයි කියනු ලැබේ. එනයින් ගෙන බලන කල ප්‍රගීත් රත්නායක යනු කැන්වසය මත, අපේ පරපුරේ නිහඬ කවි... [More]
කතන්දර| "කුකුළු පැටියයි තාර පැටියයි"- සෝවියට් ළමා කතන්දරය [වීඩියෝව]

14-Secs

මෙන්න තවත් ලස්සන සෝවියට් රුසියානු කතන්දරයක් [පොඩිත්තන්ට කාටූන්] වී. සුතේයෙව් ලියා සිත්තම් කළ "කුකුළු පැටියයි තාර පැටියයි" ළමා කතන්දරයේ සිංහල... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook