Facebook
Twitter
Google+
YouTube
Blog
RSS Feed
වෙසෙස් බූන්දි
ඉක්බිති, ඈ නික්ම ගියා ය. කමලා දාස් (1934 -2009)
බූන්දි, 21:33:03
සිය ජීවිතයේ සැඳෑ සමය අත්විඳිමින් 75 වෙනි වියේ පසු වූ කමලා දාස් උග්‍ර දියවැඩියා ස්වභාවය සහ ශ්වසන පද්ධතියේ වූ කිසියම් ආසාත්මිකතාවයක් හේතුවෙන් පූනේ ජෙහාන්ගිර් රෝහලේ ප්‍රතිකාර ලබමින් සිටියදී පසුගිය මැයි මස 31 වෙනි දින සදහටම අප අතරින් සමුගත්තේ මහඟු නිර්මාණ රැසක් අප වෙනුවෙන් ඉතිරි කරමිනි.

කමලා දාස් යනු සමකාලීන ඉන්දියානු ලේඛිකාවන් අතර බොහෝ සෙයින් කැපී පෙනෙන පෙරළිකාර ලේඛිකාවකි. සිය මව් බසත් (මලයාලම්) ඉංග්‍රීසී බසත් පිළිබද ඇගේ ප්‍රවීණත්වය විදහා දක්වමින් නාගරික සමාජයේ ඉංග්‍රීසි පාඨකයන් වෙත ග්‍රාමිය ඉන්දියානු ජීවිතය පිළිබඳවත්, ග්‍රාමීය මලයාලම් පාඨකයන් වෙත සුඛෝපභෝගී නාගරික දිවිපෙවෙත පිළිබඳවත්, පුරුෂ මූලික සමාජය තුල පීඩනයෙන් මඩනා ලද ස්ත්‍රීන්ගේ ජීවිතය යනු කවරක්දැයි අනාවරණය කරමින් ඈ අපූරු නිර්මාණ තිළිණ කළාය. එසේම, සාම්ප්‍රදායික සමාජය තුල ගැහැණියට තහංචි පැනවුනු ''ලිංගිකත්වය'' පිළිබඳ හඬ නැගීමටත් කතා කිරීමටත් නොපැකිලිව සමාජය ඉදිරියේ පෙනී සිටීම හේතුවෙන් ඇය සමකාලීන භාරත සමාජය තුල මහත් ආන්දෝලනයකට තුඩු දුන්නාය.

ප්‍රචණ්ඩත්වයේ හස්තයට නතුව අනේක හිංසනයන් ට ලක්වන ගැහැණුන්ගේ ජීවිතද, සාම්ප්‍රදායික ඉන්දියානු සමාජයේ තිර පටින් වසා දැමුණු ගැහැණුගේ ජීවිතද, ඔවුන්ගේ ජීවිතවල ඛේදනීය ඇතුළාන්තය සහ සැබෑව ද, දරිද්‍රතාවයෙන් පෙළනු ලැබූ සකළ විධ මිනිස් ජීවිත ද සමාජ අසාධාරණයන් හමුවේ බිඳවැටෙන ජීවිත ද, වර්ගවාදය සහ කුල වාදය විසින් පීඩනයට පත් කරනු ලැබූ ජීවිත ද පිළිබඳව ඇගේ ජීවන අත්දැකීම් නිර්මාණකරණයේ ආත්මය ලෙස ඈ තෝරාගත් අතර හැමවිටම සිය අත්දැකීම් ප්‍රතිනිර්මාණය කිරීමෙහිලා තියුණු සහ අවංක ප්‍රකාශන රැගත් නිර්මාණ එළිදක්වන්නට සමත් වූවාය.

සාහිත්‍යය කෙරෙහි ඇගේ පෙළඹවීම හා ඇල්ම තියුණු වන්නේ, එකල ඉන්දියාව තුල කැපී පෙනෙන ලේඛකයකු වූ ඇගේ මාමා වන නලපට් නාරායන් මෙනන් සහ ප්‍රකට මලයාලම් කිවිඳියක වූ ඇගේ අම්මා වන නලපට් බාලමනී අම්මා ගෙනි. කාව්‍යකරණයේදී මෙන්ම ඇගේ බොහෝ නිර්මාණ වලද මගේ කතාව නමින ලියා පල කල ඇගේ ස්වයං ලිඛිත චරිතාපදානය තුලද ඇය ප්‍රේමය පිළිබඳ සදාතන ගවේෂණයක යෙදෙන්නීය. තවද මගේ කතාව නමින් ඇය විසින් ප්‍රකාශයට පත් කරන ලද ස්වයං ලිඛිත චරිතාපදානයෙන් විවාහය තුල සහ ඉන් පරිබාහිර වූ ප්‍රේමය පිළිබඳව ගවේෂණයක යෙදෙමින් ඉතා නිහතමානීව, අවංකව කල කතා බහ හේතුකොට ගෙන සමකාලීන භාරත සමාජය තුල එය මතවාදයක් නිර්මාණය කිරීමට පවා සමත් වූයේය. කමලා දාස් යනු හැමවිටම අවංකත්වය පිළිබඳ පතළ කීර්තියක් ඇති කිවිඳියකි.

එබඳු හෘදයාංගම නිර්මාණ ඈ වෙත කීර්තිය අත් කර දුන් අතර බොහෝ සෙයින් ඇගයීමටත් ගෞරව සම්භාවනාවටත් පාත්‍ර වූයේය. 1963 වසරේදී කාව්‍යකරණය සඳහා පිරි නැමෙන පී.ඊ.එන්. පිලිපීන- ආසියා සම්මානයෙන්ද , 1969 වසරේදි කේරළ සාහිත්‍යය ඇකඩමි සම්මනයෙන්ද , 1971 දී අභීත මාධ්‍යවේදින් උදෙසා පිරිනැමෙන චිමන් ලාල් සම්මානයෙන්ද, 1985 වසරේදී ඒ එස් එන් ජගත් සම්මානයෙන්ද, එම වසරේදීම සාහිත්‍ය ඇකඩමි සම්මානයෙන්ද පිදුම් ලැබුවාය. එසේම 1984 වසරේදි නොඛෙල් ත්‍යාගය සඳහාද ඇගේ කාව්‍ය නිර්මාණ එකතුවක් යෝජනා වී තිබිණි.

කමලා දාස් ගේ නිර්මාණ අතුරින් Alphabet of Lust නම් කෘතිය අනුරාගයේ මුල්පොත යනුවෙන් ඩබ්. ඒ. අබේසිංහ විසින් ද, A Doll for a Child Prostitute නම් කෘතිය රත්සර කැකුළු යනුවෙන් සේනාරත්න වීරසිංහ විසින් ද, Padmawathi The Harlot කෘතිය පද්මාවතී නම් ගණිකාව ලෙසත්, My Story නම් ඇගේ ස්වයං ලිඛිත චරිතාපදානය මගේ කතාව යනුවෙන් කරුණාතිලක හඳුන්පතිරණ විසින් ද සිංහලයට නගා ඇත.

මතු දැක්වෙන්නේ ඇගේ වියමන් වලින් නෙලා ගත් අංශු මාත්‍රයකි. කමලා දාස් සොයා යාමට ඔබ තුළ උනන්දුව දල්වනු පිණිසයි.

ආයි අක්කා රුක්මණිව කැටිව ගොස් සහීබ් ඉන්ස්පැක්ටර් මහතා වැතිර සිටි කාමරය තුලට තල්ලූ කළාය. වැසූ දොරට පිටදීගත් රුක්මණි ඇඳ මත පෙරළි සිටින දැවැන්ත මිනිසා දෙස බලාහුන්නාය. ඔහු ඒ වන විටත් ඇඳි රෙදි සියල්ල ගලවා දමා හමාරය.

''මං ළඟට වරෙන් හුරතලී'' ඔහු රුක්මණීට උගුර යටින් ආයාචනා කර සිටියේය. රුක්මණී සිටි තැනින් නොසෙවුණාය.

''උඹ මං එක්ක තරහද'' මිනිසා ඇගෙන් ඇසුවේය

''එහෙනම් උඹ තරහයි....මං උඹට රට බෝනික්කෙක් ගෙනත් දුන්නෙ නැතුවටද ඔය''

''උඹ දන්නවනෙ මට තිබුණු රාජකාරි. අර මැරිච්ච කෙල්ල වෙනුවෙන් මම කොච්චර යුතුකම් කොටහක් ඉෂ්ට කළාද...මට තව දවස් තුනක් කල් දීපං...උඹට රට බෝනික්කා ලැඛෙයි. එතකොට උඹට පුළුවන් බෝනික්කට සීතා කියල නම දාන්ඩ.. අර සීත කෙල්ල මතක් වෙන්ඩත් එක්ක''

සිය මිතුරිය මිය යාමෙන් අනතුරුව රුක්මණිගේ සිත මහත් වෙනසකට භාජනය වී තිබුණේය. ඇය මිනිසාගේ ඝන රෝම සහිත පපුව මත මුහුණ හොවා ගෙන හඩන්නට වූවාය.

''අප්පච්චි ...අනේ මගෙ අප්පච්චි...'' යයි කියමින් ඇය හඬාවැටෙන්නට වූ අතර ඇගේ තෝන්තුවා කතාවෙන් කැළඹුන සිත් ඇති මිනිසා සෙමින් ඇගේ හිස පිරිමදින්නට වන්නේය.

''අනේ හොඳ අප්පච්ච්...මාව මේ ඉන්න තැනින් වෙන කොහාට හරි ගෙනියන්ඩ, එහෙම නැත්නම් මමත් සීතා වගේ මැරිල යයි'' දැරිය ඉකිබිඳිමින් හඬන්නට වූවාය.

මිනිසා ඇගේ නළලත සිම්බේය. ඔහුගේ කාමුක හැඟීම් වහා යටපත් වී ගියේය.

-දරිද්‍රතාවය හා සමාජ අසාධාරණය හමුවේ ඛේදනීයත්වයට පත්වන ගැහැණුන්ගේ ජීවිත පැතිකඩක් කියනු වස් කමලා දාස් විසින් රචිත A Doll for The Child Prostitute නම් කෙටි නවකතාව ඇසුරින් සේනාරත්න වීරසිංහ විසින් සිංහලට නැගුණු රත්සර කැකුළු ග්‍රන්ථයෙනි.

''මා නීතියෙන් විවාහක ස්වාමි පුරුෂයාට වඩා පෙම් කළ පිරිමියකු සිටි බව මම මගේ පාඨකයන්ට ප්‍රකාශ කිරීමෙන් මම මගේ කීර්තිමත් පවුලේ අයට ලජ්ජාවත් අවනම්බුවත් ගෙනාවෙමි. මා විචිත්‍ර පුද්ගලයින් සමග ප්‍රේමයෙන් බැඳී සිටි බවට පාපොච්චාරණය කර ඇත්තේ ඇයි? මා විසින් අල්ලා ගනු ලැබූ බොහෝ දේ මේ පොත මට මිල කර තිඛෙයි. නමුත් ඒවා ලියා තැබීම ගැන මොහොතක් හෝ මම කණගාටු නොවෙමි. මම මගේ ජීවිත කාලය තුල පොත් කිහිපයක් ලියා ඇත්තෙමි. නමුත් ඒ කිසිවකින් මට මගේ කතාව තුලින් ලැබුණු තරමේ සතුටක් සපයා නැත.''

-කමලා දාස්

කපා බිඳ හෙලන මෙන් පස් පිඩලි
අපි පොළොව වී සිටියෙමු උණුසුම් හිරු යට
අපේ නහර තුල දැවීමක් විය
සිසිල් කඳු රාත්‍රී මහ ගොඩක්
කිසිත් කළේ නැත අඩු කරන්නට උණුසුම
ඔහුත් මාත් එක් අයකු වූ විට
ගැහැණු පිරිමි නොවීමු අපි
ඉතිරිව නැත තවත් වචන
හිරවගොස් ය සියලූ වචන
රාත්‍රියේ වියපත්ව යන බාහු තුල
අඳුරේ අපි වැඩුනෙමු ගැයුවෙමු අපි
එක් එක් ස්වරයක්
සයුරින් පැන නැගි
සුළඟින් පැන නැගි
පොළොවෙන් පැන නැගි
එක් එක් දුක්මුසු
රාත්‍රී වලින් පැන නැගි
කෙවීමක් රිදුමක් මෙන්.

-කමලා දාස් - මගේ කතාව- පරි. කරුණාතිලක හඳුන්පතිරණ
මේ වියමන ඔබේ මූණු පොතට එක් කරන්න-
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ප්‍රශංසනී පරණවිතානගෙන් තවත් වියමන්
කවි
සොහොන් මත නැවුම් තණ
කතන්දර
පේර හොරා අහුවුණු හැටි!
කතන්දර
ගුණේ සීයාගේ රේඩියෝව
කතන්දර
නැතිවුණු මුට්ටිය ගත්තේ කවුරුද?
Cine
MODERN TIMES
තවත් වෙසෙස් බූන්දි
ඇනා කැරනිනා සහ ඇනා ස්ටෙපානොව්නා
පාවුලෝ කොයියෝ හෙවත් පිස්සෙකු ගේ කතාව
සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!
අරාබි සාහිත්‍යයේ ඛලීල් සලකුණ
තෝල්ස්තෝයි අදට වලංගු ද?
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook