Facebook
Twitter
Google+
YouTube
Blog
RSS Feed
සිත්තර බූන්දි
චිත්‍රකතා කලාවේ අනුරාලෝකය- අනුර ශ්‍රීනාත්
බූන්දි, 19:08:01
ලංකාවේ අපේ චිත්‍රකතා කලාව මෙතෙක් කිසිවකු විසින් හෝ නිසි ඇගයීමට ලක් නොකරන ලද ක්ෂේත්‍රයකි. අපේ රටේ චිත්‍ර කතා කලාව පිලිබඳව මේ සටහන තැබීමට විශේෂ හේතුවක් වුයේ ඉකුත් දා කලා භවනේදී පැවැත්වුනු අපූර්ව සිත්තරකුගේ අපූරු සිතුවම් පෙළක් ඇස ගැටීමෙන් ලද උත්තේජනයයි. මේ සිතුවම් දැක්ම නම් කර තිබුණේ "අනුරාලෝකය" නමින්. ලංකාවේ චිත්‍රකතා ක්ෂේත්‍රයේ දැවැන්ත චරිතයක් වූ අනුර ශ්‍රීනාත් සිත්තරා තිස්තුන් වසරක් පුරා සිය තෙළිතුඩින් මැවූ අපූර්ව සිතුවම් තුන් සියයකට වැඩි ප්‍රමාණයක් අනුරාලෝකයට අන්තර්ගත විය.

සිත්තරකු ලෙසින් අනුර ශ්‍රීනාත් චිත්‍රකතා කලාවට පිවිසෙන්නේ 1970 දශකයේ අග භාගයේ දී ය. ඒ චිත්‍රකතා පත්තරවල චිත්‍රකතා ශිල්පියෙකු ලෙසිනි. ඒ යුගය ලංකාවේ චිත්‍රකතා පත්තර කලාව සුවිශේෂ කලාංගයක් ලෙස මනාව වැඩෙමින් තිබූ යුගයකි. 1980–90 දශකය ලංකාවේ චිත්‍රකතා පාඨකයන්ගේ ස්වර්ණමය යුගයක් වී තිබුණි.

චිත්‍රකතා පත්තර ආරම්භ වන්නේ ලේක් හවුස් ආයතනය ලංකාවේ පළමු වරට මුද්‍රණය කළ සතුට චිත්‍රකතා පත්තරයෙනි. අනතුරුව මධුර, චිත්‍රමිත්‍ර, සුහද, සිත්තර, සත්සිරි, දසුන ආදි චිත්‍රකතා පත්තර පෙළක් මෙරට බිහිවිමත් සමගම චිත්‍රකතා පත්තර කලාව ලාංකීය පාඨකයන්ගේ වින්දනීය අත්දැකීම් නවමු ඉසව්වක් කරා යොමු කළේය.


අනුර ශ්‍රීනාත්

මේ චිත්‍රකතා පත්තර සමග බලංගොඩ සරත් මධු, වික්‍රම, කැමිලස් පෙරේරා, උදයකාන්ත වර්ණසුරිය (චිත්‍රපට අධ්‍යක්ෂක), බන්ධුල හරිශ්චන්ද්‍ර, දයා රාජපක්ෂ, සුමතිපාල-ජෝතිපාල, අනුර ශ්‍රී නාත්, සුසිල් ප්‍රේමරත්න (ගායන ශිල්පී) සහ ජැක්සන් ඇන්තනී (රංගන ශිල්පී, චිත්‍රපට අධ්‍යක්ෂක), ජනක රත්නායක ආදී නිර්මාණාත්මක ප්‍රතිභාවෙන් පිරිපුන් කලාකාමී සිත්තරුන් පිරිසක් රොද බැඳ ගෙන සිටියහ.

චිත්‍රකතා සඳහා බොහෝ දුරට තේමාව වූයේ ආදරය, ප්‍රේමය, විරහව, ත්‍රාසය, භීතිය, හාස්‍ය සහ වීරත්වයයි. සිනමාව සේ ම චිත්‍රකතා කලාව තුළ ද රැඳී තිබුනේ එකම ආකාරයේ නිර්මාණාත්මක අත්දැකීම් ය. සිනමාව තුළ චලන රූප රාමු දැකිය හැකි මුත් සිත්තරා විසින් චිත්‍රකතාව සඳහා අඳින චිත්‍රය ද රූප රාමුවෙන් රාමුවට චලනය වන හැටි පාඨකයාට සිතුවමින් ඇඳ මනස තුළ සිනමා පටයක් මවා දුන්නේ චිත්‍ර ශිල්පියා විසිනි. එහි දෙබස් ඇත. චරිත ඇත. සිනමා පටයක දක්නට ලැබෙන සංගීත රසය හැර සෙසු සියළුම රස පාඨකයාට එදා චිත්‍ර කතාවෙන් ලබා දුන්නේ ය. සිනමා පටයක දක්නට ලැබෙන චලන චිත්‍රයේ සමීප රූපය ද, චලන චිත්‍රයේ දුරස්ථ රූප රාමුව ද සිනමාවේ මෙන් චිත්‍ර කතා කලාවේ ද එලෙසම දකින්නට හැකි විය. සිනමාවේ මෙන් ම චිත්‍රකතාවල ද වීරයෝ සේ ම ප්‍රේමණීය චරිත ද බිහිව එකල සමාජ ගතව තිබුණි. නූතනයේ පවා සිනමා පටයක් නිර්මාණය කිරීමට පෙර එහි කතාව හා චරිත පෙළ ගැස්වීම චිත්‍රපට අධ්‍යක්ෂ වරයා විසින් චිත්‍රකතාවක් බවට පරිවර්තනය කරයි.



මේ අයුරින් ගොඩ නැගුණු චිත්‍ර කතා පත්තර කලාව බිඳ වැටීම ආරම්භ වූයේ 1990 මැද භාගයේ දීය. ඊට බලපෑ හේතු කීපයකි. චිත්‍රකතා ප්‍රකාශන මුවාවෙන් අසභ්‍ය චිත්‍රකතා පුවත්පත් කලාවක් රට තුළ බිහිවීම, කිසිඳු ප්‍රමිතියකින් තොරව චිත්‍රකතා බිහිවීම, උසස් නිර්මානාත්මක අත්දැකීම් වලින් සැරසුණු කතා පුවත් නොතිබීම ආදී මෙකී කාරණා මෙන් ම ලංකාව තුළ විද්‍යුත් මාධ්‍යයක් ලෙස රූපවාහිනිය ස්ථාපනය වීමත් අපේ රටේ චිත්‍රකතා පත්තර කලාව දශක දෙකක් වැනි කෙටි කාලයක් තුළ දී අභාවයට යාමට තුඩුදුන් කරුණු කාරණා වූ බව නිසැකය.

1990 දශකයේ මැද භාගයේ බිඳ වැටුණු චිත්‍රකතා පත්තර කලාව මේ වන විට සති අන්ත හෝ සතියේ ජාතික පුවත්පතක කුඩා තීරයකට පමණක් සීමා වී ඇත. එහෙත්, තවමත් ලෝකයේ ප්‍රචලිත කලා මාධ්‍යයක් ලෙස වර්ධනය වෙමින් පවතින චිත්‍රකතා කලාව පුවත් පත් වශයෙන් නොවුන ද, චිත්‍රකතා පොත් වශයෙන් ලෝකයේ හොඳ වෙළඳ පොළක් නිර්මාණය කර ගෙන තිබේ. සුපර් මෑන්, බැට්මෑන්, ඩ්‍රැකියුලා වැනි චිත්‍ර කතා සේ ම ටිං ටිං, Asterix වැනි කාටූන් රැගත් චිත්‍රකතා පොත්වලට අද දවසේ ද පාඨක වෙළඳ පොළ තුළ හොඳ ඉල්ලුමක් තිබේ.

එවන් වූ යුගයක අනුර ශ්‍රීනාත්ගේ අනුරාලෝකය මෙම චිත්‍රකතා සිතුවම් දැක්ම චිත්‍රකතා පත්තර කියවූ පාඨකයන්ට ආශ්වාදයක් ම වූවාට සැකයක් නැත. අනුර චිත්‍රකතා පත්තර කියවූ පාඨකයා නැවත ඒ යුගයට කැඳවීමට ගත් අතිශය වෙහෙසකර කටයුත්ත ඉතාමත් සාර්ථක වූ බව පැහැදිළි වූයේ කලාවේ රස හඳුනන බොහෝ කලාකරුවෝ ද, චිත්‍රකතා පත්තර කියවන්නට පුරුදුව සිටි අප වැනි සාමාන්‍ය රසිකයෝ ද අනුරගේ මෙම අපූර්ව සිතුවම් දැක්ම දෑසින් විඳ සැනසෙන්නට පැමිණ සිටි බැවිණි.



අනුර ශ්‍රීනාත් චිත්‍ර ශිල්පියාද මා මුලින් සඳහන් කළ සියළුම චිත්‍රකතා පත්තර සදහා චිත්‍රකතා නිර්මාණය කළ ශිල්පියෙකි. ආරම්භක යුගයේ අනුරගේ චිත්‍රකතා කලාව තුළ ඔහුගේ ඇස මෙන්ම තෙළිතුඩ ද රැඳුනේ වීර කතා කෙරෙහිය. අනතුරුව ඔහුගේ ගමන් මග ආන්දෝලනාත්මක ස්වරූපයෙන් වෙනස් විය. චිත්‍රකතාවෙන් පාඨකයා රැඳවිය යුතු තැන නිශ්චිතව ස්ථාන ගත කර හඳුනාගත්තේය. "කෝ", "මල්කැකුලක් ඉකිබින්දා" ආදී මුල් යුගයේ චිත්‍ර කතා මගින්, එතෙක් චිත්‍රකතා කියවූ පාඨකයා සිටි තැනින් ඉහළට ඔසවා තැබූ ඔහු චිත්‍ර කතා කියවන පාඨකයා තුළින් ම සමාජය නැවත ප්‍රශ්න කිරීමේ මාවත සොයා ගත්තේය.

ගෙවුණු තිස්තුන් වසර තුළ අනුර සිය තෙළිතුඩින් ලෝකය දකින හැටි මෙන් ම ලෝකයට ආදරය කරන සැටිත්, ඒ මගින් පාඨකයාට තමා ආදරය කළ ලෝකයට ආදරය කරන්නට කියා දෙන හැටිත් චිත්‍ර කතාවෙන්ම කියා දුන්නේය. අනුර , දැඩි මර්දන කාරී යුග වල ජීවන අරගලයේ යෙදෙන පීඩිත ජනතාවගේ දුක්ඛිත ජීවිත ලෝකයට විවර කරමින් විටෙක චිත්‍රකතා කලාව තුළ දේශපාලන අරගලයක නියැලෙමින් සිය චිත්‍රකතා මෙහෙය වන්නේ කවිය ගීතය, සිනමාව මෙන් ම චිත්‍රකතා කලාවෙන් ද නූතන සමාජය යහපත් තැනකට කැඳවීමේ අරමුණින් යුතුව ය. මෑත යුගයේ අනුර අතින් නිර්මාණය වූ "එන්න එපා කෝච්චිය", "ඉස්කෝලේ යන්න පුතේ", "පිස්සු නැත්නම් ෂෝක් පුතා", "Cellපෝං", "Conදා" ආදී චිත්‍රකතා ඊට හොඳම නිදසුන් ය.

චිත්‍ර කතා කලාව මෙන්ම අනුරගේ දේශපාලන කාටූනය ද සමාජ යහපතට හැරවීය. එය සිනමාකරුවා මෙන්ම කපුගේගේ නන්දාගේ ගීවල තිබූ සැබෑ ජනතාවාදී දේශපාලන සංස්කෘතිය ඔහු සිය තෙළිතුඩින් මැවූ කාටූන් සිතුවටමට ග්‍රහණය කරගත්තේය. සමාජය උඩු යටිකුරු කිරීමත්, සමාජයේ සුදු චරිත කලු චරිත ලෙසින් පාඨකයාට වටහා ගැනිමට ඉඩ හැරීමත් අනුරගේ චිත්‍රකතා කලාව තුළ මෙන්ම කාටූන් සිතුවම් වල ද දකින්නට තිබේ. ඔහුගේ තෙළිතුඩෙහි රැඳුණු රැඩිකල් බව විටෙක මේ සමාජයේ තබා ඇති සුදු පැහැති තිරය පසුපස සැඟවූ කලු පැහැය පාඨක ඇසට යොමු කරයි. ඒ කණපිටෙහි නො පෙනෙන, ගැඹුරු පත්ලෙහි සැගව ඇති දේ සියුම් ලෙස එහි ගැඹුරු පත්ලටම කිඳා බැස එහි ඇති අරුත සොයා යන චිත්‍ර කතා කලාව සහ කාටූන් කලාවක් තුළ ඔහුගේ තෙළිතුඩ රැඳී ඇත. මා ආදරය කරන්නේ අනුරගේ ඒ කලාවටය.

ඒ නිසා ම වර්තමානයේ චිත්‍රකතා පත්තර කෙරෙහි පාඨක නැඹුරුවක් නැතත් තිස්තුන් වසරක් පුරා ඔහු විසින් අඳින ලද චිත්‍ර කතා අතරින් "චූටි පුතාගෙ ලොකු කතා", "එන්න එපා කෝච්චිය", "ඉස්කෝලේ යන්න පුතේ", "පිස්සු නැත්තං ෂෝක් පුතා", "Cellපෝං" ආදී චිත්‍ර කතා නැවත පොත් වශයෙන් ප්‍රකාශයට පත් කර ලංකාවේ චිත්‍ර කලාව නැවත පාඨක අවධානයට යොමු කරවන්නේ සැඟව ගිය චිත්‍රකතා කලාව නැවත පාඨකයා වෙත කැඳවීමට ය. කෙසේ වුවද අනුරගේ චිත්‍රකතා සහ කාටූන් සිතුවම්වල තිස්තුන් වසරක් තිස්සේ පිළිබිඹු වන පීඩිත ජනතාවගේ වේදනාකාරී ජීවිත සමාජයට මුදාහැර චිත්‍ර කතා කලාවේ මිහිර නැවත නූතන පරපුරට බෙදා දෙමින් කලාව තුළ සැගව ගිය චිත්‍රකතා මාවත නැවත එළිය කළේය. අනුර ශ්‍රීනාත්ගේ "අනුරාලෝකය" සිතුවම් දැක්ම නූතනයට වැදගත් වන්නේ ඒ නිසාය.





මේ වියමන ඔබේ මූණු පොතට එක් කරන්න-
Tags- Anura Srinath, Anuralokaya, Sri Lankan Art Stories, Illustrator, Cartoonist, Painter, Storyboard and Comic Artist.
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් සිත්තර බූන්දි
ගුවෙර්නිකා යථාර්ථය!
"දූපතෙන් එහා කලාව ගැන අවදියෙන් ඉන්න වෙනවා!"- ප්‍රගීත් රත්නායක
සිබිල්ලන්තයේ විශ්මය හෙවත් වියපත් නොවන සිඟිත්තිය
"මම අඳින්නෙ මිනිස් හැඟීම්"- හෂිනි චන්ද්‍රසිරි
"දිව-ලොප්" ජාතියක් ඇතිවෙලා...!- චන්ද්‍රගුප්ත තේනුවර
BoondiLets
මරා කියයි.
වැදගත්ම දේ මෙන්න මේකයි. තමාගේම කෙස් වැටියෙන් අල්ලා ඇද කොට්ට උරයක් මෙන් සිරුර කණපිට පෙරළලා අළුත් ඇහැකින් ලෝකය දිහා බලන එකයි.
-මරා

[මරාසාද්. Peter Weiss]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook