Facebook
Twitter
Google+
YouTube
Blog
RSS Feed
අදහස් බූන්දි
බුදුන් උපන් දේශය ලංකාවයැයි කීම සැබවින්ම මිථ්‍යාවක්
බූන්දි, 09:09:44
'රාවනා සොයුරෝ' වෙබ් අඩවියේ සහ 'janbuddeepaya' වෙබ් අඩවියේ පළවන ඇතැම් අදූරදර්ශී ප්‍රකාශයන්හි ව්‍යාජබව සාධක සහිතව ඔප්පු කර පෙන්වීම මෙම ලිපියේ අරමුණයි. ජාත්‍යාලයට, අන්තවාදි ආගමික මාවතකට මැදි නොවී ඉතිහාසයේ සිදුවූ සිදුවිම් සාක්ෂි සහිතව විද්‍යාත්මක අයුරින් අධ්‍යයනය කරන්නාවු ප්‍රවේශයක් එහි ලා අනුගමනය කරන්නට අපේක්ෂා කරමි. එසේම මුලික උපන්‍යාසයක් (Hypothasis) මත පිහිටා තම මතය විදහා දැක්විම විද්‍යාත්මක විෂයයන් කෙරෙහි පමණක් මිස මෙවන් ක්ෂේත්‍ර සඳහා කිසිසේත් යෝග්‍ය නොවන බව මතක් කර දෙනු කැමැත්තෙමි.

janbuddeepaya වෙබ් අඩවිය, බුදුන් වහන්සේ ලංකාවේ උපන් බව අනේකවිධ සාධක මවා පාමින් සිය වෙබ් අඩවියේ දක්වා තිබේ. සිනහ උපදවන සාධකය නම් තම බ්ලොග් අඩවියේ නම පවා වැරදි ලෙස මොවුන් දක්වා තිබිමයි. අප "ජන්බුද්දිපයක්" පිළිබඳව නොදන්නෙමු. දන්නේ "ජම්බුද්විපයක්" ගැන පමණි. ජම්බු යනු දඹ යන්නයි. දඹරන් කියනුයේ දඹදිවින් ගෙන ආ රන් වලටයි. ජම්‍බුකෝළපට්ටන දඹකොළපටුන වුවා සේ ජම්බුද්දිප දඹදිව ලෙස භින්න වී ඇත. උක්ත බ්ලොග් අඩවියේ පළකර ඇති, මා හට මෙම ලිපිය ලිවිමට ප්‍රස්තුත වු ලිපියෙහි දක්වා ඇත්තේ ජම්බුද්දිප යනු ඉන්දියාව නොවන බවයි. (මෙහිදි ඉන්දියාව යනු කුමක්දැයි විස්තර කිරිමට මම උත්සුක නොවෙමි. මන්ද ඉන්දියාවේ වැසියන්ට පවා නියම ඉන්දියාව කුමක්දැයි හඳුනා ගැනිම මහා අරගලයක් වි ඇති හෙයිනි.) කෙසේ වෙතත් උක්ත ලිපියේ ලංකාවට ජම්බුද්දිපය යැයි පවසන්නේ කවර සාධක මුල් කොට ගෙනදැයි නො දනිමි. මෙහි බ්ලොග් අඩවියේ නමේ පටන් සියල්ලක්ම, එහි කතුවරයා විසින් පටලවා ගෙන ඇති හෙයින් පිළිතුරු ලිපිය ලිවිමට පෙරාතුව මෙවන් සාධකද හුවා දැක්විමට සිදුවිම මහත් අභාග්‍යයකි. ravanabrothers.com දක්වන පරිදි දඹදිව යනු දිවයිනක් (දූපතක්) මිස අර්ධද්විපයක් නොවේ කී පමණින් දඹදිව යනු ලංකාව වන්නේද නැත. අද්‍යතන දෘෂ්ටියෙන් බලා ක්‍රි.පූ. යුගයේ පැවති සමාජයක් විනිශ්වයට යාමේදී මෙම අඩවි ද්වයේම කතුවරුන් ඉතිහාසය අච්චාරු කොටගෙන ඇති බව ඉතා පැහැදිලිය.

මෙහි කර්තෘගේ උපන්‍යාසය මෙයයි. ඔහු අපේක්ෂා කරනුයේ අන්තවාදි බෞද්ධයන් සුළුතරයකගේ හිතසුව පිණිස බුදුන් උපන්නේ ලංකාව තුළ යැයි පැවසිමයි. මේ සාධක විග්‍රහ කිරිමට ඔහු උපයුක්ත කර ගන්නේද පශ්වාත්කාලින බෞද්ධ සාහිත්‍ය මූලාශ්‍රයන් ය. ඒ ද ඉන්දිය සම්භවයක් ඇති භික්ෂූන් යැයි කියා එම ග්‍රන්ථ කතුවරුන්ට බැණ වදිමිනි.

ලංකාවේ පූර්ව බ්‍රාහ්මි සහ අපර බ්‍රාහ්මි ශිලා ලේඛණ ද මොවුන් උදාහරණයට ගෙන ඒවා තම මතය සාක්ෂාත් කරනු වස් අපුරු ලෙස ගලපා ඇත. නමුත් සිය කල්පිතයන් නිරවද්‍ය සිදුවිම් ලෙස ජනතාව අතරට මෙලෙස ගෙනවිත් තිබිම සැබවින්ම අදූරදර්ශී ක්‍රියාවකි. (ඔබගේ දැණුවත්වීම පිණිස මා හට කියවාගත හැකිවූ එවන් ශිලා ලිපි කිහිපයක් මෙහි ගෙනහැර දක්වමි.)

මින් එකක දැක්වෙන්නේ "ශගශ ගහශ දර" ලෙසයි. මේ වාක්‍ය ඛණ්ඩයක් පෙන්වමින් මේ බුදුන්‍ උපන් දේශය බවට සපථ කිරිමට කවර අදහසක් ගෙනහැර දක්වන්නට උත්සාහ කළේදැයි නො දනිමි. මෙහි ශගස යන වචනය අර්ථ දක්වන්නේනම්, පැරණි ලක්දිව පූර්ව සහ අපර බ්‍රාහ්මි ශිලා ලිපි වල සේම ඉන්දිය ජෛන ලෙන් විහාර වලද දක්වා ඇති ශිලා ලේඛනයන්හි මෙම වචනය දක්වා ඇත. ශග යනු සංඝ යන්නයි. සංඝ යනු ගණ හෙවත් කණ්ඩායම යන අර්ථය ගෙන දෙන වචනයකි.

ශගශ යනු සමුහයාට යන අර්ථය ගෙන දෙන්නකි. මෙය පොදුවේ අප සලකන්නේ සංඝයාට ලෙසිනි. නමුත් උක්ත ලිපියේ කර්තෘ මෙම වචනය මුල් කොට ගෙන මහා පරිමාණ කල්පිතයක් ගොඩ නගා එය සැබෑවක් ලෙස ජනතාව හමුවට ගෙන එයි. ඔහු සිය කල්පිතය අප හමුවේ තබන්නේ නිගමනයක් ලෙසිනි. නිවැරදිම සාධක නොමැති ඉතිහාසය තුළ කිසිවිටෙකත් අපට නිගමන ඉදිරිපත් කළ නො‍හැක. මේ ප්‍රෝඩාව තව දුරටත් ඔහුගේම සාධක තුළින් බිඳලිය හැකිය.

ravanabrothers.com හි දක්වා ඇති තවත් ශිලා ලිපියක් කියවිමට මම උත්සාහ කළෙමි. එහි දැක්වෙන්නේ "අනද තෙර ශශදිවි _ රියන ලෙ _" යනුවෙනි. ravanabrothers.com මෙයට දෙන නිර්වචනය වන්නේ "ලංකාවේ තිබූ සැබෑ අනෝතත්ත විල අසළ පිහිටි ලෙණකි මේ" යන්නයි. මෙවන් කල්පිත තුළ පිහිටා මෙවන් මන්ද මානසික ප්‍රකාශ කිරිම සැබැවින්ම අප වැන්නවුන් තර්කනයට ලක් කළ යුතු දේවල්ද නොවේ. නමුත් මෙවන් දුර්මත තුළින් සමාජයට වෙන අවැඩ යම් තරමකින් හෝ වලක්වාලිය හැකිනම් එය අන්තවාදි නොවන කාගේත් හිතසුව පිණිස වනු ඇත. සැබැවින්ම පූර්ව බ්‍රාහ්මී ලිපි තුළින් අපට දීර්ඝ අර්ථකථන ඉදිරිපත් කළ නොහැක. මන්ද එම යුගය එනම් ක්‍රි. පූ. 3 වන සියවසෙන් මෙපිට කාලය තාක්ෂණය අතින් ඉතාමත්ම සරළ වු යුගයක් වීමත්, ලෙන් පූජා කළ ඇත්තන් හැකි සරලම ආකාරයෙන් සිය කර්තව්‍යයේ අර්ථය සදහන් කර තැබිමත් නිසාවෙනි. ravanabrothers.com අර්ථ දක්වන පරිදි දීර්ඝ වූ සාධක සටහන් ලංකාව තුළ ලැබෙන්නේ මින් වසර 300කට පමණ පසුවයි. බුද්ධොත්පත්තියේ සිට බැලුවහොත් ඒ ඉන් වසර පන්සියයකටත් පසු අවධියකදිය. එබැවින් මෙම ගෙනහැර දක්වන ශිලා ලිපි විහිළුවකට කරුණක් සේ දකිමි.

එවැනි තවත් ශිලා ලිපියක් වන්නේ "අනද තෙරහ ලෙණෙ ශගශ" යන්නයි. මේ සදහා ravanabrothers.com දෙන නිර්වචනය වන්නේ "අනඳ තෙරුන්ගේ සිද්ධිවිහාරික භික්ෂූන්වහන්සේලාට පිදූ ලෙණකි මේ" යන්නයි. මෙය නම් ඉතාමත්ම අදූරදර්ශී මුග්ධ ප්‍රකාශයකි. සැබැවින්ම මේ ලිපියේ කියවෙන්නේ "අනඳ තෙරුන්ගේ ලෙණ සංඝයාට" යන්නයි. සිද්ධිවිහාරික භික්ෂූන්වහන්සේලාට යන ප්‍රකාශයක් මේ සෙල් ලිපිය තුළ කෙසේවත් හඳුනාගත නොහැක. ravanabrothers.com වෙත කාරුණිකව කියා සිටින්නේ මෙවන් අත්තනෝමතික ප්‍රකාශ තුළින් ජනතාව මුළා කිරීමෙන් වැලකී සිටින ලෙසයි.

ඔවුන් මෙයින් බලාපොරොත්තු වු අනඳ තෙරුන්, ආනන්ද මහ රහතන් වහන්සේ වූයේද යන්න නො දනිමි. නමුත් ඔවුන් එසේ සිතුවේ නම්, මෙය කිසිසේත් ඔප්පු කිරලිමට සාධක ‍මෙහි නොමැති බව පෙන්වා දෙනු කැමැත්තෙමි.

තවත් එක් ස්ථානයක බුදුන් වහන්සේ ව්‍යග්ගපජ්ජ සුත්‍රය දෙසා වදාළ ව්‍යග්ග හෙවත් දීඝජානුගේ පුත්‍රයාගේ ලෙන් පුජාවක් ලෙස එක් ලිපියක් ravanabrothers.com අර්ථ දක්වා ඇත. මෙම නිදර්ශනයේ ඔවුන් දක්වන ලිපියේ එක මත ලිපි ද්විත්වක් සටහන් කර ඇත. ඉන් කොටසක "ගමික පරුමක වශිම _ පුත _ _ ණය ලෙණෙ_ _...." යන සදහන දැක්වේ. මෙම ලිපිය උපයුක්ත කොට ගෙනද ravanabrothers.com ඉහත දක්වන අන්වර්ථයන් කිසි සේත් දිය කොහැක් බව කිව යුතුය. මෙම කථාකරන අවධියෙහි ගමික, පරුමක වරු යනු අප ලංකාවේ සිටි යම් තනතුරු දැරූ පුද්ගලයින් පිරිසක් ලෙස හඳුනාගනු ලැබේ. එමනිසා උක්ත ශිලා ලිපිය සෙසු එවන් ශිලා ලිපිවල මෙන් එක සමාන වැදගත්කමක් පමණක් දරණ බව පැහැදිලිය. මෙය "බුදුන් වහන්සේ ව්‍යග්ගපජ්ජ සුත්‍රය දෙසා වදාළ ව්‍යග්ග හෙවත් දීඝජානුගේ පුත්‍රයාගේ ලෙන් පුජාවක් ලෙස එක් ලිපියක්" ලෙසනම් අර්ථ දැක්විය නොහැක. එවන් සදහනක් මෙම ලිපියේ ඇත්තේද නැත.

janbuddeepaya.blogspot.com දක්වන පරිදි ලංකාව තුළ ලුම්බිණිය, ගයාව, ඉසිපතනය, කුසිනාරාව දැනට සොයා ගෙන ඇත්නම්, ඉන්දියා‍ව තුළ ක්‍රි. පූ. 3 වන සියවසටත් එපිට යුගයක සිට හමුවන එවන් ‍ක්ෂේත්‍ර අලලා බිහිවුණු පුරාවිද්‍යාත්මක ස්මාරක, කැටයම්, ශිලා ලේඛන ව්‍යාජයක් දැයි අසනු කැමැත්තෙමි. භාර්හුත්, සාංචි, අමරාවතී, නාගර්ජුනිකොණ්ඩ ස්මාරක, කැටයම් අපට ඉවතලිය හැකිද? ඒවා අව්‍යාජ ඒවා නම්, එවන් ප්‍රෝඩාවක් මත එතරම් වටිනා කලාවක් බිහි වනු ඇත්ද? ප්‍රෝඩාවක් මත පිහිටා සිරස්, තිරස් සංස්කෘතික ප්‍රවාහයන් ඒ ඒ යුගයන්හි එළි දකිනු ඇත්ද? ලංකාව තුළ අපට හදුනා ගත හැක්කේ මින් කවර ප්‍රමාණයක්ද? මිහිඳු හිමි ඇතුළු පිරිස මෙහි පැමිණි බව පැවසෙන මිහින්තලා සෙල් ලිපිය ව්‍යාජ වූ එකක්ද? මෙරට තුළ බුදුන් පහළ වූයේ නම් බුදුන් උපන් දේශයට ම නැවත බුදුන්ගේම ධර්මය ගෙන ආ යුතුද? janbuddeepaya.blogspot.com වෙතින් මෙම කරුණු සදහා පිළිතුරු අපේක්ෂා කරමි.

කැළණියේ ගෝතම තොට පිළිබඳව ravanabrothers.com දක්වා ඇති අදහස ද විකාරයකි. එකම නාමය ඕනැම ස්ථානයක කිහිප තැනක භාවිත කළ හැකිය. බුදු රදුන් රජගහනුවරට ඇතුළු වුත් පිට වූත් තොටුපළවල් එදා ගෝතම තිත්ත, ගෝතම ද්වාර ලෙස නම් කෙරුණු බව කියැවේ. එසේ නම් ලංකාව තුළද මෙවන් නම් ව්‍යවහාර කිරිමේ නැමියාව පවතී. (තම්බපණ්ණි, කල්‍යාණි නාමයන් ඉන්දියාවේ මෙන්ම ලංකාවේද හදුනා ගැනිම සාමාන්‍ය කරුණකි.) නමුත් මෙම උපකල්පන මත පිහිටා ප්‍රත්‍යක්ෂ වශයෙන්ම මෙකි සිදුවීම් සිදු විනැයි සදහන් කිරිම ඉතාමත්ම මුග්ධ ක්‍රියාවකි. මින් ජනතාව මුළා වීමේ ප්‍රවණතාව බෙහෙවින් වැඩිය.

ටෙනන්ට් මෙන්ම නොක්ස් ද ලංකාව දඹදිව ලෙස හැදින්වූ බව ඉහත කතුවරු සදහන් කර තිබේ. නැවතත් මතක් කරනුයේ අද්‍යතන මිම්මේ සිට ඉතිහාසය අර්ථ දැක්විමට යාම ඉතා අදූරදර්ශී ක්‍රියාවක් වන බවයි. මෙ සදහා විවිධ විද්‍යාත්මක වු ක්‍රම ශිල්පයන් ඇත. ඒවා පිළිබද හසරක් නොදැන පරිකල්පනාත්මක දෘෂ්ටිය තුළින් නිගමන ඉදිරිපත් කිරිමෙන් විහිළුවට ලක් වන්නේ මෙම නිගමන ඉදිරිපත් කරන්නාවු අයයි. සාධු නාදෙන් හැමෙකක්ම එහෙයි කියා පිළිගන්නාවූ අයට නම් මේවා ඇත්‍ත වේවා බොරු වේවා ඉන් පලක් නැත. නොක්ස් කියන්නාවු සෑම දෙයම ravanabrothers.com පිළිගන්නේනම්, නොක්ස් පවසන පරිදි ලංකාවේ කාන්තාවන් කන්‍යාබව පිළිබදව බිදක් හෝ සැලකිල්ලක් නො දැක්වු බවත්, බුද්ධ නම් දෙවියෙක් ලංකාවේ වැසියා ඇදහූ බවත් තවත් නොක්ස් දක්වන බොහෝ එවන් සාධකත් එහෙයි කියා පිළිගන්නේදැයි අසනු කැමැත්තෙමි. මූලාශ්‍ර පරිහරණයේද යම් විධික්‍රමයක් ඇත. ravanabrothers.com සහ janbuddeepaya.blogspot.com මේ සැම මූලාශ්‍රයක්ම පරිහරණය කර ඇත්තේ තම මතය සනාථ කර ගැනීම මතම පිහිටියා වූ ඉතා පටු චේතනාවක සිට බැව් පෙනී යයි.

උක්ත ලිපි මගින් දැක්වෙන්නේ ඉතාමත් මුග්ධ ප්‍රකාශයන් බව දැක්වීමට මම මගේ නිදර්ශන තවදුරටත් ගෙනහැර දක්වනු කැමැත්තෙමි.

පිප්‍රාවා ධාතු කරඬු ලිපිය

1. ඉයං සලිල නිධනෙ බුධස භගවතො සකි(යානං) සුකිති භතිනං සභගිනිකනං සපුත දලනං

‍අර්ථය :
1. මෙම ශරීර නිධානය/තැන්පත් කළ දෙය, භාග්‍යවත් වූ ශාක්‍ය බුදුන්ගේ ය, සහෝදරයන්ගේ ය, සහෝදරියන්ගේ ය, පුත්‍රයන්ගේ ය, භාර්යාවන්ගේ ය.

මෙම ලිපිය ක්‍රි. පූ. 3වන සියවසට වඩා පැරණි බව සැලකේ. ඊට හේතුව වන්නේ මෙම ලිපිය මගින් අශෝක යුගයටත් වඩා පෙර පැවති කරුණු පිළිබඳ සාධක හෙළිවන බැවිණි. විද්වත් මතය වන්නේ මින් කියවෙන්නේ මෙම ලිපිය සහිත ධාතු කරඬුව තුළ ශාක්‍ය බුදුන්ගේ, එම පරම්පරාවේ පුද්ගලයින්ගේ ධාතු අඩංගු වන්නට ඇති බවයි. උතුරු ඉන්දියාවේ පිප්‍රාවාහි තිබි හමුවූ කරඬු තුනක් අතුරින් එකක පිට පැත්තේ මෙම ලිපිය සටහන් කර තිබිණි. ප්‍රාකෘත භාෂාවෙන් පූර්ව බ්‍රාහ්මි අක්ෂරවලින් මෙම ලිපිය ලියා තිබේ. දැනට මෙය නවදිල්ලි කෞතුකාගාරයේ විශේෂ තැනක ප්‍රදර්ශනය කරයි.

බුදුන්ගේත් එම ශාක්‍ය පරපුරේත් පුද්ගලයින්ගේ භෂ්මාවශේෂ මෙම කරඬුව තුළ තිබුණේ නම්, ලංකාව තුළ පිහිටි ලෙන් ලිපි කිහිපයකට පටු ලෙස සිමා වී සුරංගනා ලෝක මවා නව පරිකල්පන දැක්විම යුක්තියුක්තදැයි අසනු කැමැත්තෙමි.

‍තවත් නිදර්ශනයක් ‍වන්නේ අශෝක රජු විසින් කරවු ලිපියකි.

රුමින්දෙයි ටැම් ලිපිය

1. දෙවාන පියෙන පි‍යදසින ලාජින වීසති වසාභිසිතෙන
2. අතනආගාච මහීයිතෙ හිදබුධෙජාතෙ සක්‍යමුනීති
3. සිලාවිගඩභීචා කාලාපිත සලාථභෙච උසපාපිතෙ
4. හිදභගවංජාතෙති ලුංමිනිගාමෙ උබලිකෙකටෙ
5. අඨභාගියෙච

නේපාලයේ ලුමිබිණි හෙවත් රුමින්දෙයිහි පිහිටුවා ඇත. මෙහි ඇති අශෝක රජු විසින් කරවූ කුළුණෙහි මෙම ලිපිය ලේඛණගත කර තිබේ. බුදුන් වහන්සේ පිළිබද දැක්වෙන ප්‍රබල සාධකයකි. අක්ෂර පැරණිතම ලක්ෂණ පෙන්වයි. ක්‍රි. පූ. 3වන සියවසට අයත් වේ.

පරිවර්තනය :

1. දෙවියන්ට ප්‍රිය වු ප්‍රියදර්ශි රජුගේ විස්සක් වර්ෂ අභිශේකයෙන්
2. තමාම පැමිණ වඳින ලදි මෙතන බුදුන් ඉපදුනාවු ශාක්‍යමුණි
3. ගලින් වෙනස් කරන ලද බිත්තියක් කරවන ලදි ශිලා ස්ථම්භයක්ද ඔසවන ලදි
4. මෙතන භාග්‍යවතුන් ඉපදුනා වූ ලුම්මිනි ග්‍රාමයෙ නිදහස් කළා දුන්න බදු
5. අටෙන් එකක් ද කළා

අර්ථය :

"දෙවියන්ට ප්‍රිය වු ප්‍රියදර්ශී රජුගේ අභිශේකයෙන් විසි වැන්නේ ශාක්‍යමුණි බුදුන් ඉපදුනාවූ මෙතන තමාම පැමිණ වඳින ලදි. කැටයම් කරන ලද ගල් බිත්තියක්ද කරවන ලදි. ගල් කණුවක්ද ඔසවන ලදි. බුදුන් ඉපදුනාවු ලුමිබිණි ග්‍රාමය බදුවලින් නිදහස් කර බද්ද අටෙන් එකක් කරන ලදි / භෝග අටක් වවන ප්‍රදේශයක් කරන ලදි."

මෙම නිදර්ශන කිසිසේත් සාවද්‍ය බව ප්‍රකාශ කළ නොහැක. මේවා සාවද්‍ය යැයි කියන්නේ නම්, මීට වඩා ප්‍රබල නිදර්ශන ඒ සදහා ඉදිරිපත් කළ යුතුය. එසේ නොකර ලෙන් ලිපි කිහිපයක් අල්ලාගෙන ඒවා කෙරෙහි සුරංගනා කථා ආදේශ කරමින් කතාන්දර කීම සාධාරණ නොවේ. විද්‍යාර්ථීන් වශයෙන් එවන් කරුණු ගොඩනැගීම ද උපහාසයට හේතුවකි. මෙම පිළිතුරු ලිපියට තේමා වු ලිපි තුළ අන්තර්ගත සාධක කිසිදු අයුරකින් හෝ ජාත්‍යන්තරයට ගෙන යාමට ප්‍රමාණවත් නොවේ. එම සාධක සියල්ල හේතු රහිත නිශ්ඵල ප්‍රකාශයන් ය. අප නිරතුරුව අවධාරණය කළ යුත්තේ ලංකාව තුළ අපි හුදෙකලා ජාතියක් නොවන බවයි.

හුදු හීන ලෝකයක සිට අන්තවාදි ආකල්ප ප්‍රචාරය කරනු වෙනුවට නියම බෞද්ධ සාරධර්ම මත පිහිටා කටයුතු කිරිම ඔබටත්, සමාජයටත් හිත සුව පිණිස නො වන්නේද?

බුදුරදුන් කොතැනක ඉපදුනත්, බුද්ධ දේශනාව අනුව වැදගත් වන්නේ එහි අක්මුල් සොයා යෑම නොව නිවැරදි ශීලයෙහි පිහිටා බෞද්ධ චින්තනය අනුව ජිවත් වීම යැයි සිතමි.

උක්ත අඩවිවල කර්තෘන්ගෙන් කාරුණිකව ඉල්ලා සිටින්නේ මෙවන් මුග්ධ අදහස් වපුරා ජනතාව මුළා කිරිමෙන් වළකින ලෙසයි.
මේ වියමන ඔබේ මූණු පොතට එක් කරන්න-
Tags- Lord Buddha, King Ravana, Demon God, Sri Lankan History, Indian History, Inscription Stone, Caves, Brahmi Letters, බ්‍රාහ්මී අක්ෂර, Sutra, Robert Knox, Buddhist Culture, Mihindu Thero, Lumbini, Buddha Gaya, Isipathana, Kusinara
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තිළිණි ෂැල්වින්ගෙන් තවත් වියමන්
කතන්දර
මාතෘ දේවතා
කවි
නොකලට පිබිද වූ කැකුලිය, කිරි ‍නොවැදි වියැටය - ඇය
කවි
පතකි නිදිකුම්බා
කතන්දර
ලේ
කවි
වීනස්
තවත් අදහස් බූන්දි
විරහවේ නොස්ටැල්ජියාව, ආදරය සහ කවිය
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
BoondiLets
බ්‍රෙෂ්ට් කියයි.
"අඳුරු යුගයේදී කවි ගී ලියවේද?
ඔව්....
ඒ, අඳුරු යුගය ගැනයි!"

"In the dark times
Will there also be singing?
Yes, there will also be singing
About the dark times."
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook