Facebook
Twitter
Google+
YouTube
Blog
RSS Feed
අදහස් බූන්දි
ප්‍රජාතන්ත්‍රවාදයේ අසංවර දේශපාලනය| පාඩු ලබන ව්‍යාපාර රජයට පවරා ගැනීමේ පනත
බූන්දි, 16:35:16
රටේ මැතිවරණ ක්‍රියාවලිය, රජයේ සහ පෞද්ගලික මාධ්‍යය, රාජ්‍ය ආයතන, ත්‍රිවිධ හමුදාව සහ පොලීසිය පමණක් නොව මෙතෙක් කල් යම් ස්වාධීනත්වයක් ආරක්ෂා කරගෙන සිටි අධිකරණයත් දේශපාලනීකරණයට ලක්කළ වර්තමාන ආණ්ඩුව, ව්‍යාපාරික ලෝකයත් තමන්ගේ පෞද්ගලික අණසක යටතට ගැනීමට ඉකුත් නොවැ. 9 දා පියවර ගත්තේය. ඒ අනුව, පාඩු ලබන ව්‍යාපාර වශයෙන් ආණ්ඩුව විසින් නම් කරන ලද ව්‍යාපාර දේපල තිස් ගණනක් රජයට පවරා ගැනීමේ පනතත් පාර්ලිමේන්තුවේ දී සම්මත කරගන්නා ලදි.

ජනසතු ව්‍යාපාරය යනු සමාජවාදය යැයි ගත් කාලයක් ලංකාවේ තිබුණි. පෞද්ගලීකරණය යනු ධනවාදය යැයි එවිට අර්ථකථනය කෙරුණි. ජනසතු ව්‍යාපාර වෙනුවෙන් පෙනී සිටියවුන් සමාජවාදීන් වූ අතර පෞද්ගලීකරණය වෙනුවෙන් පෙනී සිටියවුන් දක්ෂිණාංශිකයන් හෝ ධනපතියන් වශයෙන් සැළකුණි. 1956 බණ්ඩාරනායක ආණ්ඩුවෙන් දියත් කළ සාර්ථක ජනසතු ව්‍යාපාර කිහිපයක් හැරුණු කොට, පසු කලෙක ලංකාවේ සමාජවාදීන් බොහොමයක් ජනසතු ව්‍යාපාර දියත් කෙළේ පටු දේශපාලන පරමාර්ථ පෙරදැරිව බව පෙනේ. ඒ කෙතෙක් ද යත්, බුරියානි බත් කඩයක් වූ මරදානේ බුහාරි හෝටලයත් ජනතා සන්තකයට පත්කළ යුතු යැයි සිරිමා බණ්ඩාරනායක ආණ්ඩුව තීරණය කෙළේය.

එක්සත් ජාතික පක්ෂය කවදත් පෙනී සිටියේ ජනසතුවට ප්‍රතිපක්ෂව, පෞද්ගලීකරණය වෙනුවෙනි. මෙය වඩාත් කැපී පෙනුණේ, 1977 දී බලයට පත් එක්සත් ජාතික පක්ෂ ආණ්ඩුවෙනි. ජේ. ආර්. ජයවර්ධන ජනාධිපතිවරයා, රජයේ ලාබ ලබන හෝ ලාබ ලැබීමේ විභවයන් සහිත ආයතන එදා පෞද්ගලීකරණය කෙළේය. එනම්, ජනතාවට සෘජු වාසියක් සැලසුණු රජයේ ආයතන බොහොමයක් ව්‍යාපාරිකයන්ට ලාබ ඉපැයිය හැකි ඉල්ලම් කර ගැනීමට ධනපති පංතිය වෙත ඉතා අඩු මිළ ගණන්වලට භාර දුන්නේය. එසේ නොවන ඇතැම් අවස්ථාවක, ලාබ ලබමින් පැවති රජයේ ව්‍යාපාර තුළට මුලින්ම දේශපාලනික පරිපාලනය ඇතුළත් කොට ඒවා පාඩු ලබන ව්‍යාපාර බවට පත් කිරීමෙන් අනතුරුව, එම "අකාර්යක්ෂමතාව" සහ "අලාභය" අවසරයක් කර ගනිමින් එකී රජයේ ව්‍යාපාර පෞද්ගලික අංශයට පැවරුවේය. එම්. එච්. මොහොමඩ් ඇමතිවරයා යටතේ පැවති ලංකා ගමනාගමන මණ්ඩලය ඊට හොඳ උදාහරණයකි.

වර්තමාන ජනාධිපති මහින්ද රාජපක්ෂගේ ආණ්ඩුව අද කරන්නේ, පාඩු ලබන පෞද්ගලික ආයතන ජනතා අයිතියට පවරා ගැනීමයි. එය ද, ජේ. ආර්. ජයවර්ධනගේ දේශපාලනයට මොන විදිහකින්වත් දෙවෙනි නැත. මන්ද යත්, මෙසේ පවරා ගන්නේ පාඩු ලබන ආයතන නිසා, එකී පාඩුව මින් පසු ජනතාවගේ කර මතට පැටවීම සිදුවන බැවිනි. එනම්, මෙතෙක් කල් ව්‍යාපාරිකයන් කිහිප දෙනෙකුගේ සාක්කුවෙන් පියැවූ පාඩුවක වියදමක් මින් පසු රටේ ජනතාවගේ සාක්කුවෙන් පියැවිය යුතු යැයි මේ ආණ්ඩුව තීරණය කොට ඇති බවයි. ලාබ ලබන ආයතන පෞද්ගලිකරණය කිරීම සේම, පාඩු ලබන ආයතන ජනතාකරණය කිරීමත් එකම මාදිලියේ ආර්ථීක කොල්ලයකි. ජනතා අයිතියකට අවශ්‍ය කරන්නේ, ලාබ ලබන ආයතන මිස පාඩු ලබන ආයතන නොවන බව මතුපිටින්වත් අප පිළිගන්නේ නම්, ජේ. ආර්. ජයවර්ධන සහ මහින්ද රාජපක්ෂ යන දෙන්නාම කොල්ලකාරී ධනවාදීන් වශයෙන් හඳුනා ගැනීමට කෙනෙකුට සිදුවෙයි. එක් කෙනෙක් එදා ලාභය පෞද්ගලීකරණය කෙළේය. අනෙක් කෙනා අද පාඩුව ජනසතු කරන්නේය.

ජේ. ආර්. ජයවර්ධනට සැබෑ ඒකාධිපතියෙකු වීමට කාලය මදි විය. අවුරුදු දොළහකින් යුත් වාර දෙකක් ඊට නොසෑහුණි. වැඩියත්ම, ඔහු නිර්මාණය කළ විධායක ජනාධිපති ක්‍රමය එදා ඉතා ළදරු මට්ටමක පැවති නිසා ඔහුගේ සිහිනය කුමක් වුවත් එය යථාවක් වුණේ නැත. මහින්ද රාජපක්ෂ යනු, ජේ. ආර්. ජයවර්ධනට වැරදුණු තැන් තමන්ට හැකි පමණින් හරිගස්සමින් සහ පිළිසකර කරමින් ඉදිරියට යන ටින්කර් රාජ්‍ය නායකයෙකු වශයෙන් හඳුනාගත යුතුව ඇත. එහෙත් මේ "හරි ගැස්සීම" කරන්නේ ජනතා සුභසිද්ධිය සඳහා නොව, රාජ්‍ය බලය තනි හස්තයක ස්ථාපිත කර ගැනීම සඳහා බවත් ඒ සමගම අප තේරුම්ගත යුතුය.

ජේ. ආර්. ජයවර්ධන තමන්ට අවශ්‍ය විනිශ්චයන් අධිකරණයෙන් ලබා ගැනීමට නොහැකි වූ විට එම විනිසුරන්ගේ ගෙවල්වලට ගල් ගැස්සුවේය. මහින්ද රාජපක්ෂ ජනාධිපතිවරයා එවැනි "ඔලමොට්ටල" වැඩ (දැනට) නොකරයි. ඒ වෙනුවට, විනිශ්චයකාරවරයෙකුගේ ඥාතියෙකුට [දරුවෙකුට, බිරියකට, සැමියෙකුට, ලේලියකට, බෑනෙකුට] රජයේ හෝ විදේශ සේවයේ ඉහළ තනතුරක් ප්‍රදානය කිරීම මොන තරම් "ශිෂ්ට සම්පන්න" ද? මොන තරම් ප්‍රතිඵලදායක ද? අගවිනිසුරුවරයෙකු විශ්‍රාම ගිය විට ඔහුව ජනාධිපති නීති උපදේශකයෙකු කර ගැනීම මොන තරම් "දූරදර්ශී" ද? අනිත් අතට, එවැනි වරදාන මාර්ග නොසෑහෙන විට, පාර්ලිමේන්තු තේරීම්කාරක සභාවක් පත්කොට තවත් හිටපු අගවිනිසුරුවරයෙකු අතීතයේ කළ වැරදි සම්බන්ධයෙන් විත්ති කූඩුවට නැංවිය හැකිය. (හිටපු අගවිනිසුරු සරත් නන්ද සිල්වා සම්බන්ධයෙන් මේ රටේ ශිෂ්ට සම්පන්න නීතිය සහ යුක්ති ධර්මය මීට කලින් ක්‍රියාත්මක නොවුණේ මන්ද යන්න, පාර්ලිමේන්තු දෝෂාභියෝග දෙකක් ඉදිරිපත්ව තිබියදීත් විවිධ අවසරයන් යටතේ ඔහු එදා නීතියෙන් 'නිරුපද්‍රිත' වුණේ කෙසේ ද යන්න ආපස්සට සොයාගෙන ගියොත්, නීතිය යනු කන්‍යාවකට වඩා වෛශ්‍යාවක් වශයෙන් හැසිරී ඇති බව පෙනී යනු ඇත. එය වෙනම කතාවකි.)

මෙවැනි අනියම් ක්‍රියාවන්ට අමතරව වර්තමාන ජනාධිපතිවරයා ව්‍යවස්ථාවෙන්මත් කළමනා සම්පාදනය කරයි. ජේ.ආර්. ජයවර්ධනගේ පාලනයේ තිබූ වඩාත් බරපතල නපුරක්, 17 වැනි ව්‍යවස්ථා සංශෝධනය මගින් යම් තාක් නිවැරදි කර ගැනීමට මීට කාලයකට පෙර මේ රටේ ප්‍රගතිශීලී ප්‍රජාව සමත් වූහ. මහින්ද රාජපක්ෂ එය ද ආපස්සට හැරෙව්වේය. ජේ.ආර්. ජයවර්ධනට ජනාධිපති පදවියේ වාර දෙකක් ඔහුගේ අධිකාරීවාදී සිහිනය සැබෑ කර ගැනීමට ප්‍රමාණවත් නොවුණු බව දැන සිටි වර්තමාන ජනාධිපතිවරයා කෙළේ, මුලින්ම ඒ වාර දෙකේ සීමාව කටුගා දැමීමයි. 17 කටුගා දමා ඇති කරගත් 18 වැනි ව්‍යවස්ථා සංශෝධනය අනුව, මුළු රාජ්‍යය පද්ධතියම අද වන විට ජනාධිපතිවරයාගේ නින්දගමක් බවට පත්ව ඇත. රාජ්‍ය තන්ත්‍රයේ සකලවිධ උසස් නිලතල ප්‍රදානය කරන්නා ඔහු ය. අවශ්‍ය වූ විට ඒවා ඉවත් කර ගැනීමට බලය ඇත්තේ ද ඔහුට පමණි.

ජනසතු කිරීම "සමාජවාදී" පියවරක් වශයෙන් සැළකීමේ වරදක් නැත. එහෙත් ඒ, එකී ජනසතුව රටේ ජනතාවගේ අභිවෘද්ධියට දායක වේ නම් පමණි. පෞද්ගලික ව්‍යාපාරිකයෙකු සන්තකයේ ඇති යම් වෙළඳාමක් හෝ වෙනත් සේවාවක්, පාඩු ලබන්නේ නම් එය ජනතා සන්තකයට පත්කිරීමේ අර්ථය කුමක් ද? එක පැත්තකින්, එම ව්‍යාපාරය වඩාත් සමාජ ලාභයක් අත්කරදෙන ලෙසින් ප්‍රතිව්‍යුහගත කිරීමක් තමන් අපේක්ෂා කරන බව, නිදහසට කාරණයක් වශයෙන් රජයට කිව හැකිය. එය බැලු බැල්මට වලංගු තර්කයකැ යි පෙනේ. එහෙත් තමන්ට ඒ සඳහා හැකියාව සහ නිපුණත්වය ඇතැ යි ආණ්ඩුව ප්‍රදර්ශනය කළ යුතුය. ඒ සම්බන්ධයෙන් රජයේ 'කැරැට්ටුව' කෙසේ ද? ඉතා කෙටියෙන් කිවහොත්, ප්‍රධාන ව්‍යාපාරික රාජ්‍ය ආයතන තුනක මසක පාඩුව රුපියල් බිලියන ගණන් ඉක්මවයි. ලේක්හවුස් ඇතුළු රජයේ මුද්‍රිත සහ විද්‍යුත් මාධ්‍ය ආයතනවලින් පටන්ගෙන, ලංකා ගමනාගමන මණ්ඩලය, දුම්රිය දෙපාර්තමේන්තුව, විදුලිබල මණ්ඩලය, තෙල් සංස්ථාව ආදී ප්‍රධාන පෙළේ සෑම රාජ්‍ය ආයතනයක්ම අර්ථවත් මට්ටමකට දියුණු කිරීමට මේ දක්වා ආණ්ඩුව අපොහොසත්ව සිටී. මේ සියළු ආයතන, එක්තරා කාලයක ප්‍රශස්ත ලාබ ලැබූ සාර්ථක රාජ්‍ය ව්‍යාපාරයන්ය. කලක් කෝටි ගණන් ලාබ ලැබූ ශ්‍රී ලංකන් ගුවන් සේවය දැන් කෝටි ගණන් පාඩු ලබද්දී, මිහින් ලංකා නමින් අළුත් ගුවන් සේවයක් ආරම්භ කොට තවත් කෝටි ගණනක පාඩුවක් මේ ආණ්ඩුව මාස්පතා ජනතාවගේ ණය බරට බැර කරයි. එසේ තිබිය දී, පාඩු පිට පවත්වාගෙන යන්නේ යැයි ආණ්ඩුවම කියන තවත් ව්‍යාපාර 37 ක බරත් අද පටන් ජනතාවට දරන්නැ යි ආණ්ඩුව කියද්දී පුරවැසියන් එය බාරගත යුත්තේ කෙසේ ද?

මහින්ද රාජපක්ෂ පාලනය බූවෙල්ලෙකු වැනි ය. අඩුපාඩු නැති තැනක් හොයාගන්නට නැත. අන්තර්ජාලයේ විද්‍යුත් අවකාශය, සාමාන්‍ය ආයතනයක් හෝ ගොඩනැගිල්ලක් වැනි කෙනෙකුට භෞතිකව ස්පර්ශ කළ හැකි තැනක් නොවෙතත්, එය පවා වර්තමාන ආණ්ඩුවේ අඬුපඬුවල ග්‍රහණයට යට වන්නේය. ඒ අන්තර්ජාල අවකාශය පවා තමන්ගේ පවුල් දේශපාලනයට අනුගත විය යුතු යැයි මේ ආණ්ඩුව විශ්වාස කරයි. නිදහසට කිසි තැනක නිදහසේ ඉන්නට ඉඩ නොදෙන ප්‍රතිපත්තියක් අද රාජ්‍ය ප්‍රතිපත්තිය බවට පත්ව ඇති බව අපට පෙනේ.

අවාසනාව වන්නේ, රටක නායකයෙකු ප්‍රජාතන්ත්‍රවාදය පාවිච්චි කරමින් ඒකාධිපති අඩිපාරක ගමන් කරන අවස්ථාවේ දී එම ගමන ප්‍රජාතාන්ත්‍රීය මාර්ගවලින් අඩාල කිරීමට සහ අධෛර්යමත් කිරීමට උත්සාහ නොගන්නා හෝ එසේ උත්සාහ කොට අසමත් වන ජාතියකට, එම නායකයා ඒකාධිපති අඩිපාරේ සිට යම් දවසක අධිවේගී මාර්ගයට පිවිසීමෙන් පසු එය ආපසු හැරවීම සඳහා ප්‍රචණ්ඩකාරී මාර්ගවලට අවතීර්ණ වීමට සිදුවිය හැකි වීමයි. එය විනාශකාරී ප්‍රතිඵල ගෙන දිය හැකි බියකරු අනාගතයකි. විනාශයේ පරිමාණය අතින් ගත් කල, ලිබියාවේ ගඩාෆිගේ අද පුර්වාදර්ශය පවා එවැනි අනාගතයක දී ඛෙහෙවින් යල්පැන ගොස් තිඛෙනවා වන්නට පිළිවන. ගඩාෆි යනු, මහින්ද රාජපක්ෂ සමග සන්සන්දනය කරන විට ශාන්තුවරයෙකැ යි එවැනි දවසක කෙනෙකුට හැඟෙන්නටත් පිළිවන.

(අවරදිග ආවර්ජනා. රාවය. 2011.11.13)
මේ වියමන ඔබේ මූණු පොතට එක් කරන්න-
Tags- Revival of the Under performing and Under utilised Assets Bill, Sri Lanka, J.R. Jayawardena, Mahinda Rajapaksha
පැරණි මාදිලියෙන් ලැබුණු ප්‍රතිචාර-
Dewadaththa මෙහෙම කියනවා :
kene raja wunu gamanma parawal hadanna patan gaththoth eke theruma eka horek kiyana ekai. mokada horunta horabadu katath hora - horenma prawahanaya karanna loku marga paddathiyak oni. etapasse hora atha thiyanne prawahana sewayan walata. thamagema prawahana sewa patan gannawa. ethakota horata horakama thawa lehesi ne. etath passe banku walata athagahanawa. mehema boowalu net ekak goda nagenawa. anthimata maharajage boowalu net eke api okkoma hira wenawa. katussoth maharaja wagema horakamata abbahi wenawa, anthimata maharaja sita higanna dakwa mulu ratama horunge paradisiyak wenawa. awasanayata Gamini mahaththayo api husmaganna wathayath mun horakam karai.

කිවුව වෙලාව- 2011-11-28 09:13:12
pension karaya මෙහෙම කියනවා :
monawaa karannada Gamini ! ape evun thawama inne 2009 ginikan vatunu vidiyatamai.munge snaayu vada karanna ganne thawa paramparaa 2 k wath paarata vatunaata psuwai.

කිවුව වෙලාව- 2011-11-20 10:08:11
Lakmal මෙහෙම කියනවා :
Solutions ??????

කිවුව වෙලාව- 2011-11-14 02:27:49
TKB මෙහෙම කියනවා :


කිවුව වෙලාව- 2011-11-14 01:41:08
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ගාමිණී වියන්ගොඩගෙන් තවත් වියමන්
පොත්
පොල්පොට්ගේ 'මාක්ස්වාදය' සහ කෙමරූජ් භීෂණය
අදහස්
සිංහල-බෞද්ධ හරක් මස් වෙනුවට බටහිර ක‍්‍රිස්තියානි හරක් මස් වැළඳීම
අදහස්
තණකොල සහ පුන්නක්කු
අදහස්
රජයේ නීතිපතිවරයෙකු වෙනුවට ආණ්ඩුවේ නීතිපතිවරයෙකු ආදේශ වීම
අදහස්
බොදුබල සේනා ෆැසිස්ට්වාදය හිස එසැවීම
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
මයිකල් මුවර් කියයි.
ධනවාදය, අප විශ්වාස කරන සාධාරණත්වය, තෝරාගැනීමේ නිදහස, ප්‍රජාතන්ත්‍රවාදය බඳු සියළු දේවලට එරෙහිය. එය ඇත්තේ, ධනවතුන් රැකීමටත් බඩජහරිකම නීත්‍යානුකූල කොට පවත්වා ගැනීමටත් ය. කෑදරකම අපගේ ආර්ථික... [More]
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook