Facebook
Twitter
Google+
YouTube
Blog
RSS Feed
අදහස් බූන්දි
"පශ්චාත් 1/2 උපාධි"
බූන්දි, 22:05:25
වසර කිහිපයකට පෙර බී. ඒ. ගෞරව උපාධියෙන් පළමු වැනි පන්තියේ සාමාර්ථයක් ලැබූ තවමත් ස්ථිර රැකියාවක් නැති, මාගේ දෙටු දියණිය එම්. ඒ. උපාධියක් කරන්නට සති අන්තයේ පන්ති වලට සහභාගි වන්නට තීරණය කළේ ස්ථිර රැකියාවකට එම්. ඒ. එකක් තිබීම වැඩිමනත් සුදුසුකමක් වන බවට තර්ක කිරීමෙන් පසුවය. වසරක් පමණ, විශ්ව විද්‍යාලයේ සති අන්ත දේශන වලට සහභාගි වූ ඇය කුමාරස්වාමි, කුමාරතුංග, වික්‍රමසිංහ-

හා පරණවිතාන ලියූ පොත පත ගැන විපරම් කරන්නට ගත්තේ ඒවා ගැන පැවරිම් ලියන්නට පැවරී ඇති බවට මැසිවිලි නගමිනි. පැවරුම් ලියන්නට හෝ මේ උගතුන්ගේ පොත්පත් ගැන සොයා බලන්නට ලැබීම සරසවි වරමක් ලැබීමක් යෑයි මා කී විට ඈ මට ද ගස්සා ගෙන ගියත් කොහෙන්දෝ සොයා ගත් පොත් දෙක තුනක් උදවු කර ගනිමින් පැවරුම් ද නියම වේලාවට බාර දුන් බව පස්වනක් ප්‍රීතියෙන් පිනා යමින් පැවසුවාය. ඉන් පසුව විභාගයට පාඩම් කරන්නට ගත්තේ පස්වැන්නේ ශිෂ්‍යත්වයට පෙනී සිටින දරුවකුටත් වඩා උනන්දුවෙනි. විභාගයට දින කිහිපයකට කලින් හොරගල් අහුලමින් මා වෙතට පැමිණි ඇය මගේ හිතමිත්‍ර කථිකාචාර්යවරයකුට කතා කර තමාට උදවුවක් ලබා දිය හැකි දැයි විමසුවාය. ඇයට පිළිතුරු අවශ්‍ය කර තිබුණේ අමුතු විදිහේ ප්‍රශ්නයකට බව මට පෙනී ගියේය. "සර් එම්. ඒ. එකෙයි එම්. එස්. සී. එකෙයි වෙනස තියෙන්නෙ උත්තර බලන විදිහෙද?" යනුවෙන් මගේ මිතුරු කථිකාචාර්යවරයා විමසූ විට ඇයට ඔහුගෙන් ලැබුණ පිළිතුර කුමක් වුවද, මම ඉන් පසුව ඇගෙන් ඒ ගැන විපරම් කර බැලුවෙමි.

"අපි කරන්නෙ එම්. ඒ. එකනෙ. ටික දෙනෙක් ඉන්නවා එම්. එස්. සී කරන. එම්. ඒ. අයගේ පේපර්ස් යන්තම් බළලා එම්. එස්. සී. පේපර්ස් හොඳට බලනවා කියලා ........... සර්රුයි, ........ සර්රුයි කිව්වා."

ඇය කිසියම් අන්ධභූතයක පැටලී සිටින බවක් මට පෙනී ගියේය.

"එම්. ඒ. හරි, එම්. එස්. සී. හරි කියන්නෙ මාස්ටර්ස් ඩිග්රි එකක්. ඕකෙ වෙනස කියන්නෙ අපේ විශ්ව විද්‍යාල වල එක අවුරුද්දෙ මාස්ටර්ස් තියෙනවා taught courses. පේපර්ස් ලියලා ඩිසටේෂන් එකක් කරන්න තියෙනවා. අවුරුදු දෙකේ රිසර්ච් මාස්ටර් එකේදි තියෙන්නෙ පේපර්ස් ලියලා රිසර්ච් ඩිසටේෂන් එකක් ලියන එක. ඒක සුපවයිසර් කෙනෙක් යටතේ කරන්න ඕනෙ." යි මේ ගැන විමසූ විට මගේ මිතුරු කථිකාචාර්යවරයා මට පහදා දුන්නේ ය.

"ඔය දෙකටම එකම පේපර් එක දෙනවද?" මම පැටලුම ලිහා ගන්නට තැත් කරමින් විමසුවෙමි.

"සමහර විට දෙන අවස්ථා තියෙනවා. එහෙම වුණහම ප්‍රශ්න පත්‍රයේ උපදෙස් දෙනවා අවුරුද්දෙ කෝස් එක කරන අය ප්‍රශ්න හතරකටයි දෙකේ අය ප්‍රශ්න පහකටයි ලියන්න කියලා. එහෙම නැත්නම් වෙනම වැඩිපුර කොටසක් ප්‍රශ්න පත්‍රයේ තියෙනවා. අවුරුදු දෙකේ කෝස් එක කරන අයට විතරක් පිළිතුරු ලියන්න දීපු."

ඒ හැරෙන්නට හොඳට බලා ලකුණු දෙන උපාධියක් හා යන්තමින් බලා පාස් කරන උපාධියක් කියා දෙකක් තමා නොදන්නා බව ඔහු මට සහතික ලෙස කියා සිටියේය.

එසේ නම් අපේ කෙලීට පැටලැවිල්ලක් වෙලා ඇතැයි මම හිත හදා ගත්තෙමි.

එහෙත් වැඩි හොඳට මේ ගැන සොයා බලන්නට මගේ හිත මට බල කළ බැවින් විශ්ව විද්‍යාල වල ලොකු තනතුරු දරන කිහිපදෙනකු හමු වී මේ පශ්චාත් උපාධි ගැන තව කරුණු දැන ගන්නට මට මඟක් පාදා ගත හැකි විය.

පශ්චාත් උපාධියක් යනු මුල් උපාධියෙන් නැත්නම් බැචිලර් උපාධියෙන් පසුව කළ හැකි උසස් විභාග ක්‍රමයකි. දැන් බොහෝ රටවල් එක අවුරුද්දේ එම්. ඒ, එම්. බී. ඒ, එම්. එස්. සී ආදිය දෙන්නේ නියමිත විෂය ඒකක ගණනක් හදාරා ප්‍රශ්න පත්‍ර කිහිපයකට පිළිතුරු ලියා ලබා ගන්නා ලකුණු අනුවය. තවත් සමහර රටවල් රිසර්ච් හෙවත් පර්යේෂණ සුදුසුකම් සලකා බලා උපාධි නිබන්ධයක් හෙවත් තීසීස් එකක් ලියවා පශ්චාත් උපාධි පිරිනමයි. ලංකාවේත් මේ ක්‍රම දෙකටම පශ්චාත් උපාධි ලබා ගත හැකිය.

පශ්චාත් උපාධි ලබා ගැනීමට යොමු වන අය කොටස් කිහිපයකට වර්ග කළ හැකිය. ඇතැම් අය විනෝදයට නැතිනම් ශාස්ත්‍ර කුතුහලයට පශ්චාත් උපාධි හදාරති. ඇතැම් වෛද්‍යවරුන් බෞද්ධ අධ්‍යයනයට අදාළ ආයතන වලින් පශ්චාත් උපාධි ලබා ගන්නා අවස්ථා මේ සඳහා නිදර්ශන වශයෙන් දැක්විය හැකිය. තවත් පිරිසක් සේවා උසස්වීම් සඳහා පශ්චාත් උපාධි සඳහා සූදානම් වෙති. ගුරුවරුන් මෙන්ම රජයේ ඉහළ නිලධාරීන් ද මේ ගණයේ ලා සැලකිය හැකිය. විශ්ව විද්‍යාල වල ආචාර්යවරුන් වශයෙන් සේවය කරන්නවුන් සඳහා ද පශ්චාත් උපාධි ලබා තිබීම අනිවාර්ය වෙයි. අවුරුදු 8 ක් 10 ක් සහකාර කථිකාචාර්යවරුන් වශයෙන් සේවය කර පශ්චාත් උපාධියක් නිම කර ගැනීමට නොහැකිව විශ්ව විද්‍යාල වලින් ඉවත් වන ආචාර්යවරු ද වෙති.

මේ බොහෝ දෙනාට පශ්චාත් උපාධි සුදුසුකම් ලබා ගැනීම සඳහා ශිෂ්‍යත්ව හා අධ්‍යයන නිවාඩු ආදිය හිමි වෙයි. ඒ සඳහා මහජන මුදල් වැය වන බැවින් මේ පශ්චාත් උපාධි වල තත්ත්වය ගැන කතා කිරීමට මහජනයාට අයිතියක් තිබේ. මේවායේ තත්ත්වය අපට දැක ගත හැකි වන අවස්ථා විරල ය. ඇතැම් ආචාර්ය මහාචාර්යවරුන් ජනමාධ්‍ය වලින් හා ප්‍රසිද්ධ සභා වලදී පවසන දෙයින් අපට ඔවුන්ගේ මට්ටම මැන ගත හැකි වෙයි. තවත් පිරිසක් තමන්ගේ උපාධි නිබන්ධන මුද්‍රණය කරවති. ඒවාහිද ඔවුන්ගේ මට්ටම පිළිබිඹු වෙයි.

මුද්‍රණය කරවන ලද මෙබඳු නිබන්ධන අතරින්, ඇතැම් ඒවා අති විශිෂ්ට ශාස්ත්‍රීය කෘති සේ පිළිගැනේ. වල්පොල රාහුල හිමියන්, නන්දදේව විඡේසේකර මහතා, ගුණපාල මලලසේකර මහතා හා ඊ. ඩබ්ලිව්. අදිකාරම් මහතා වැනි අය කිහිපදෙනකුගේ ආචාර්ය උපාධි නිබන්ධන 60 ගණන් වල මුල පටන් උගතුන්ගේ ප්‍රසාදයට පත් වී තිබුණු බව අපගේ මතකයේ පවතී. කොටගම වාචීස්සර හිමියන්ගේත්, ඇම්. බී. ආරියපාල හා හේම එල්ලාවල මහත්වරුන්ගේත් ආචාර්ය උපාධි නිබන්ධන ද 60 ගණන්වල අගදී ද, රණවීර ගුණවර්ධන මහතාගේ නිබන්ධනය 90 ගණන් වල මුලදී ද සිංහලයෙන් කියවන්නට ලැබිණි. මේවා පදනම් කර ගනිමින් ශිෂ්‍යයන් මෙන්ම ආචාර්යවරුන් ද පොත් හා ලිපි ලේඛන සෑහෙන සංඛ්‍යාවක් ලියා තිබීමෙන් ඒවායේ වැදගත්කම මැන ගත හැකිය. ඩී. වී. හපුආරච්චිගේ සිංහල නාට්‍ය ඉතිහාසයත්, විභාවි ශ්‍රී විජයවර්ධනගේ සිංහල භාෂා අධ්‍යයන ග්‍රන්ථත් මෑතදී පළවී තිබෙන හොඳ පශ්චාත් උපාධි නිබන්ධන දෙකක් බව මට පෙනී ගියේය.

ඒ අන්දමින් විශ්ව විද්‍යාල වලට ඉදිරිපත් කළ පර්යේෂණ මුද්‍රණය කර ඇති තවත් අවස්ථා කිහිපයක් මෑතදී දැකගත හැකි විය. ඉන් දෙකක් විශේෂයෙන් මගේ අවධානයට ලක් විය. එකක් සීගිරි චිත්‍ර පිළිබඳව ලියූවකි. (ගිරි බිතෙහි තී යනු ඒ පොතේ නමයි) එයට පී. එච්. ඩී. හෙවත් ආචාර්ය උපාධිය පිරිනමා ඇත. ශාස්ත්‍රීය අධ්‍යයනයකදී ඒ විෂය පිළිබඳව ලියවුණු වෙනත් ශාස්ත්‍රීය කෘති පදනම් කර ගැනීම මූල ධර්මයකි. එක පොතකින් පමණක් කරුණු ලබා ගනිමින් පොතක් ලිවීම සොරකමක් බව ද, පොත් ගණනාවකින් කරුණු ලබාගෙන ලියූ කල එය පර්යේෂණයක් බව ද කියන්නේ විහිළුවට නොවේ. එහෙත් මේ පොතට කරුණු ලබා ගෙන ඇත්තේ ශාස්ත්‍රීය ග්‍රන්ථවලින් නම් නොවේ. තරුණ ශිෂ්‍යයන් වෙසක් කලාප වලට ලියූ ලිපි ආදියෙනි. සීගිරි ගී ගැන මහාචාර්ය සෙනරත් පරණවිතාන මහතා ලියූ Sigiri Graffiti පොත නොබලන මේ පර්යේෂකයා පරණවිතාන මහතාගේ පොත් වලින් කරුණු ගනිමින් වෙනත් අය ලියූ පොත් මේ උපුටා දක්වයි. මෙය පිළිගත් පර්යේෂණ ක්‍රමය නොවන මෙතුමාට උපදෙස් දුන් ආචාර්ය මහාචාර්යවරුන්ට පවා පෙනී නැත. අනුරාධපුර යුගයේ පිරිවෙන් හා සංඝයා ගැන තොරතුරු ඇතුළත් සෙල්ලිපියක් වන මිහින්තලා පුවරු ලිපි දෙකින් කරුණු දැක්වීමට මේ පර්යේෂකයා යන්නේ ඒ ගැන පළ වී ඇති පුරාවිද්‍යා මූලාශ්‍ර වලට නොවේ. සංස්කෘතික දෙපාර්තමේන්තුවේ සඟරාවක පළ වුණු පිටු හත අටක ලිපියකටයි. මේ මගේ අවධානයට ලක්වුණු දෙතුන් පළකි.

සිංහල සාහිත්‍යයේ හා භාෂාවේ දියුණුවට 19 වන සියවසේදී මහත් දායකත්වයක් දැක්වූ ඡේම්ස් ද අල්විස් පිළිබඳව විශ්ව විද්‍යාලයක ආචාර්යවරියක විසින් ලියන ලද පොතක් ද මෑතකදී මට කියවන්නට ලැබිණි. (නූතන සිංහල සාහිත්‍යයේ පුරෝගාමියා ඡේම්ස් ද අල්විස්) එය පර්යේෂණ ග්‍රන්ථයක් බව කර්තෘවරිය මෙන්ම පසුවදන සැපයූ මහාචාර්යවරයා ද පවසා තිබූ බැවින් මම එය මිලදී ගත්තෙමි. එය පළ කිරීමට විශ්ව විදයාලයෙන් පර්යේෂණ ආධාර ද ලැබුණු බව සඳහන් කොට තිබිණි. මෙහි කර්තෘ සිංහල අංශයක ජ්‍යෙෂ්ඨ කථිකාචාර්යවරියක බව කියා තිබුණත් ඇගේ සිංහල දැනුම ගැන ද මට සැක පහළ වූයේ අක්ෂර වින්‍යාසය මෙන්ම උක්ත ආඛ්‍යාත සම්බන්ධය ද වැරැදි තැන් කීපයක්ම එහි තිබූ බැවිනි. පොත පළ වීමෙන් පසුව දැක ගැනීමට ලැබුණු නිසා හෝ නැත්නම් කවුරුන් හෝ පෙන්වා දුන් නිසාදෝ ඇතැම් වැරදි තැන් "ටිපෙක්ස්" ගා මකා පොත වෙළඳ පොළට දමා තිබූ බව පෙනී ගියේය. එහෙත් එහි ආ කරුණු වල වැරදි නම් ටිපෙක්ස් ගා මැකිය හැකි ඒවා නොවේ. එක් උදාහරණයක් නම් සිදත් සඟරාවට බටුවන්තුඩාවේ පඬිතුමා කළ සන්නසක් ගැන එහි සඳහන් වීමයි. මෙය එකම ඡේදයේ දෙපොළකම එන නිසා මුද්‍රණ දෝෂයක් විය නොහැකිය. සන්නසක් යනු රාජ මුද්‍රාව තැබූ ලියවිල්ලකි. එවැන්නක් දෙන්නේ රජු විසින් ගම්වරයක් පිරිනමනු ලබන අවස්ථාවකදීය. සිදත් සඟරාවට සන්නසක් ලියුවේ ඇයි දැයි පැහැදිලි නැත.

මෙහි ආ එක් රසවත් වාක්‍යයක් පාඨකයන්ගේ දැන ගැනීම පිණිස ඉදිරිපත් කරමි. "අල්විස් සිය පද්‍ය සාහිත්‍ය විචාරයට ක්‍රමයෙන් අවතීර්ණ වන්නේ යතෝක්ත සාහිත්‍යය පිළිබඳ හදවත පුරවා ගත් ප්‍රබල හැඟීමෙන් යුක්තවය." (107 පිටුව) පර්යේෂිකාව අල්විස්ගේ හැඟීම් ගැන අධ්‍යයනය කරන්නේ කෙසේද? "හදවත පුරවා ගත් ප්‍රබල හැඟීම්" යනු මොනවාද? හැඟීම් ඇතිවන්නේ හදවතේ යෑයි පවසන්නේ කවර මනෝවිද්‍යාඥයාගේ මතයක පිහිටාද? ඒ සියල්ලමට වඩා මෙහි ඇති ශාස්ත්‍රීය භාවය කුමක්ද?

මෙවැනි පොත් පශ්චාත් උපාධි පර්යේෂකයන්ට නම් වැදගත් වෙයි. ඒ පර්යේෂණ ග්‍රන්ථයක් නොලිය යුතු අන්දම ගැන මෙයින් උදාහරණ දැක්විය හැකි බැවිනි. පර්යේෂණයකදී ප්‍රාථමික මූලාශ්‍ර පරිශීලනය කළ යුතු යැයි ඉගැන්වෙයි. එහෙත් මේ ලේඛිකාව තමාගේ ප්‍රස්තුතයට අදාළව හෝ ප්‍රාථමික මූලාශ්‍ර පරිහරණය නොකරන බව පෙනේ. මේ කෘතිය ඡේම්ස් ද අල්විස්ගේ සිදත් සඟරා හැඳින්වීම ගැන අධ්‍යයනයකි. එහෙත් සිදත් සඟරා හැඳින්වීමෙහි ඡේම්ස් ද අල්විස් කියූ කරුණු ඇය ලබා ගන්නේ වෙනත් ලේඛකයන්ගේ පොත් වලිනි. මේ එවැනි එක් තැනකි. "අල්විස් ද මේ පුවත ඔහුගේ සිදත් සඟරා ප්‍රස්තාවනෙහි ගෙන හැර දක්වන බව විමල් බලගල්ලේ පෙන්වා දෙයි." (205 පිටුව)

තවත් තැනක් නම් ඡේම්ස් ද අල්විස් බුද්ධාගම ලක් පොළෝ තලයෙන් අතුගෑවී යන බව කියන තැනයි. කතුවරිය එය පළ වූ මුල් ස්ථානය නොදනී. තමාගේ අධ්‍යයනයට පාදක කර ගන්නා බව කියන පොතේ එය සඳහන් වන ස්ථානය නොදන්නා ඇය ඒ සටහනට අදාළව අධෝලිපියක් දක්වමින් මහාචාර්ය තිස්ස කාරියවසම් මහතා මිගෙට්ටුවත්තේ ගුණානන්ද හිමියන් ගැන ලියූ ලිපියක එය දැක්වෙන බව පවසයි. (33-34 පිටු)

මේ නිබන්ධනය සමෝධානය කරන අන්දම ද අපූරුය. මෙන්න ඡේම්ස් ද අල්විස් ගැන ඇගේ නිගමනය:

"ශත වර්ෂ එකහමාරක් ගතවී ඇතත් වත්මන සාහිත්‍ය අධ්‍යයනයක දී, කවර හෝ පාර්ශ්වයක් නියෝජනය කරන මහඟු මූලාශ්‍රයක් ලෙස අල්විස් තවමත් ජීවමාන බව සඳහන් කළ යුතුය."

මේ කියන "කවර හෝ පාර්ශ්වය" කුමක්ද? මෙය ශාස්ත්‍රීය නිගමනයක් වන්නේ කෙසේද? ඡේම්ස් ද අල්විස්ගේ දායකත්වය නූතන සාහිත්‍ය ක්ෂේත්‍රය සම්බන්ධ අධ්‍යයනයකදී නිශ්චිතව දක්වා ලීමට නොහැකි නම් මේ පර්යේෂණය කළේ කුමක් අරබයාද? මේ ප්‍රශ්න පාඨකයකු වශයෙන් මාහට ඇති ඒවාය.

කෙසේ වෙතත් මේ පොත් වලට විශ්ව විද්‍යාල වලින් උපාධි හිමිවී තිබේ. පර්යේෂණ ආධාරද ලැබී තිබේ. මේ "පර්යේෂණ" කරන කාලයේ ලැබුණු නිවාඩු වලටද රටේ දුප්පත් ජනයාගේ මුදල් වලින් වැටුප් ගෙවා තිබේ. මේ වා අවසන් කළ පසු උසස් වීම් හා වැටුප් වර්ධක ද ලැබෙන්නට ඇත. මුද්‍රණය කළ පොත් විකුණා ආදායමක් ද ලබා ගන්නට ඇත. මේ පොත් කොයි තරම් දුර්වල වූවත් දෙන ලද උපාධිය හෝ පර්යේෂණ ආධාර හෝ එකක්වත් ආපසු ගැනීමට විශ්ව විද්‍යාලයේ වැඩපිළිවෙළක් ඇත්දැයි අපි නොදනිමු. මේ අයගේ පර්යේෂණ වල තත්ත්වය මෙයාකාර නම් පිළිතුරුපත් හොඳින් බලා, එම්. එස්. සී. ද යන්තමින් බලා, එම්. ඒ. ද දෙනු ඇත්තේ මෙවැනිම ආචාර්ය - මහාචාර්යවරුන් විසින් විය යුතුය. විශ්ව විද්‍යාල අධ්‍යාපනයේ ගුණාත්මක භාවය ඉහළ නැංවීමට කතා කරන උසස් අධ්‍යාපන ඇමැතිතුමාගේ මෙන්ම ගරු ජනාධිපතිතුමාගේද අවධානය මේ "පශ්චාත් 1/2 උපාධි" දෙන්නන් හා ඒවා ලබා ගෙන වැජඹෙන්නන් කෙරෙහිද යොමු නොකළ හොත් රටේ අධ්‍යාපන මට්ටම ගැන කතා කිරීමට යමක් ඉතිරි නොවන දිනය වැඩි ඈතක නොවේ.
මේ වියමන ඔබේ මූණු පොතට එක් කරන්න-
Tags- Postgraduate Degrees in Sri Lankan Universities
පැරණි මාදිලියෙන් ලැබුණු ප්‍රතිචාර-
කදිරා මෙහෙම කියනවා :
මැසි මදුරුවන් ඇතිවිට එළවා ගන්ට
ඕනෑ උන විටදි පිටමැද කහගන්ට
සූස්තියක බෝක්කුවට දාගන්ට
කාටද ඕනෙ මගෙ ඩිග්රිය ආ.. ගන්ට


කිවුව වෙලාව- 2011-08-11 23:20:18
දුලෝචනා මෙහෙම කියනවා :
අපේ ගංගානාථ් සර්ර්ට මුකුත් කියන්න එහෙම එන්න එපා. එයා හරීම සුන්දර මනුස්සයෙක්. ඔය තමන්ට සර් කෙනෙක් එකක් යාලූවෙන්න බැරිවෙච්ච අය ඉරිසියාවට කියන කතා

කිවුව වෙලාව- 2011-06-20 10:35:26
Sunil Gangaanaath මෙහෙම කියනවා :
ජපුරෙ සින්හල අන්ශෙ ගැන මාත් ටිකක් දන්නව. මගෙ නෑයෙක් එතන මාස් කොමියුනිකේෂන් කලා.
ඔය කියන මාලා කාරිය ඉතරක් නෙමෙයි සින්දු කාරයට කොත්තමල්ලි පොවන්න බලාගෙන ඉන්න කන්කානම් නෝනත් ආවෙ තරගෙට රෙදි ගලෝලයි.
මුන්ට පර්ස්ට් ක්ලාස් දීපු හැටියි ස්ටාප් එකට ගත්තු හැටියි. එම් ඒ කරපු හැටියි දැන් මුලු රටම දන්නව. මාලගෙ එම් ඒ එක ලියල දුන්නෙ සිල් රෙදි පොරවගත්තු ගොයියෙක්. ඒක පාස් කරල දුන්නෙ එස් එම් ද මැල්. දැන් මැල් හැලිල.
ටී වී මනමාලය් නාකි කම වහගන්න පුදුම දුකක් විදිනව. දුලෝචනාගෙ තොල් ගැන පැනි වලලු වලට ලියනව. මේ මිනිහට දුලෝචනාගෙ වයසෙ දූරුත් ඉන්නව.
වැඩ කරන්න පුලුවන් එකෙක්වත් ඔතෙන්ට ගන්නෙ නැහැ. මාස් කොම් වලට ඉන්නෙ සේනානි සර් විතරයි, ටී වී මෑන් දන්න ජන සන්නිවේදනයක් නැහැ. ඕකෙ ජන සන්නිවේදනෙ කරන ලමයින්ට මරන දැන්වීමක්වත් කියගන්න බැහැ.
මේ පශ්චාත් භාග පොතත් කියන්නෙ එතන ඉන්න තවත් ඉස්තිරී පරනයක් ලියපු එකක්. මුන්ට ලක්ෂ ගනන් පඩි දෙන එක අපරාධයක්. අල්ලල ඇන ගහන්න ඕනෙ මේ වගේ පරට්ටියන්ටයි උන්ව ගත්තු මහචාර්ය පරයින්ටයි


කිවුව වෙලාව- 2011-06-18 11:56:07
ahinsaka මෙහෙම කියනවා :
japura gena kumana kathada? appata siri ara sindu mahattayala, TV mahattayala inna naraaaaaaa wala thamai oke podu wesikiliya. 1st clz gahapu kollo gedara iddi 2nd clz gahapu maalaakkaariyo athulata wela inne gurukamatath ninda kara karane. gurek kiyanne wetila wadhinna puluwan uththamayo kiyala pothe thibbata ehe inne maradaane pavement eken behepu badu keeli. kaata hari naakiyekuta redda ussala 2.50 pothak liyala paschath upadiyak gaththama un hithanne kiren newunu hansayo kiyala


කිවුව වෙලාව- 2011-06-17 11:15:41
sulochana ruwanmaala මෙහෙම කියනවා :
ehema kiyana eka weradiy mama hithanne. japure sama(harak) mahaachharyalata nam padiya laksha 2kuth deelamadiy. mokada samahara gangaawak wage tharunakama berena nnaki mahaaachaarya kenek me dawaswala eyage golayek(ekata nidagaththa) bandala denna dewedda hadanawa. e wage seehena shastheeya weda eyalata thiyeddi me salariya mak karannada?


කිවුව වෙලාව- 2011-06-17 11:02:44
kalabara මෙහෙම කියනවා :
oya jayawardhana pura wishwa widhyaalee eewa genane kiyanne. eekee oonee kenekuta (female!) 1st class ganna puluwan leesima widhiha thamayi Sunil Ariyarathnayi Ganganath Dissanayakeyi ekka nidhaaganna eka. meewath ehema gaththu eewa wenda ethi.

කිවුව වෙලාව- 2011-06-06 01:20:54
Harry Potter මෙහෙම කියනවා :
මේව ගැන කරදර වෙන්ඩ එපා. මේ වගෙ උපාදි පශ්චාත් උපදි නෙමෙයි සන්සර්ග උපාදි. මේව ගන්ඩ මහන්සි වෙන්න ඕන්නැහැ. හාන්සි උනාම ඇති. පශ්චාත් බාග කියන නම නියමයි.

කිවුව වෙලාව- 2011-06-03 14:17:23
Gamini Saramanayake මෙහෙම කියනවා :
එයා එහෙම කෙනෙක් වෙන්න ඇති. මම ගාමිණී සරමනායකඑයා එහෙම කෙනෙක් වෙන්න ඇති. මම ගාමිණී සරමනායක

කිවුව වෙලාව- 2011-05-26 20:00:18
Basarov මෙහෙම කියනවා :
ගාමිනි සමරනායක කියන්නෙ දේශපාලන විද්යාව පිලිබද මහචාර්යවරයෙක්ද? පුලුවන්නම් කවුරුහරි පහදිලි කිරීමක් කරන්න. ලොකු උදව්වක්.

කිවුව වෙලාව- 2011-05-26 05:13:38
Ravipriya මෙහෙම කියනවා :
asaaarthaka uthsaahaya me lipiya nove. oya kiyana pashchath upaadhi thamayi asaarthaka.
meka hondha helidharavuvak.


කිවුව වෙලාව- 2011-05-25 10:59:59
Chandana Dematadeniya මෙහෙම කියනවා :
'කියවූවෙක්' කියල ලියා තිබුනාට ඒ කෙනා මේක කියවලා නැති බව පේනව.
කරුනු සත්‍යය නම් තව කවර කතාද?
අල්ල ගත්තෙ වැරදි තැනින් කියල නම් මටත් හිතෙනව.
අල්ල ගන්න ඔනැ මේ විදියෙ උපාදි දෙන ප්‍රොපාලගෙයි මේ වගේ පල් හෑලි ලියල එම් ඒ පී එච් ඩී ගන්න අවජාතක පරයින්ගෙයි බෙල්ල මුලින්ම තමයි.


කිවුව වෙලාව- 2011-05-25 02:15:49
කියවූවෙක් මෙහෙම කියනවා :
මොහු ඉදිරිපත් කරන කරැණු වල සත්‍යයක් පවතින නමුදු ඔහු එය නිවැරදි තැනින් අල්ලාගෙන නැත. තාර්කික ලිපියක් නොවේ. අසාර්ථක උත්සාහයක්.

කිවුව වෙලාව- 2011-05-24 23:00:26
Asarana මෙහෙම කියනවා :
gobbayoth 'aachchaarya' wena rataka mewath wadada!

කිවුව වෙලාව- 2011-05-24 12:28:22
Gamini Saramanayake මෙහෙම කියනවා :
me poth hoyaganna puluwan thenak dhannawadha? mata kiyawala balanna hithenawa. thawa mee wage rasa keeli ethi nedha?

කිවුව වෙලාව- 2011-05-24 12:10:20
Anaconda මෙහෙම කියනවා :

ගරු උසස් අධ්‍යාපන ඇමැති තුමෝ, මෙන්න කරනවනම් වැඩ. මේ වගේ ගොන් උපාධි දෙක තුනක් ආපහු ගන්න. හොර මහචාර්‍ර්‍යකම් දෙක තුනක් අල්ලල රස්සවෙන් අයින් කරලා දාන්න. ඔබ තුමා ලක්ශ 2ක් දෙනව කියල කට වරද්ද ගත්තු එකේ කරදරෙන් ගැලවෙන්න මෙන්න වෙලාව


කිවුව වෙලාව- 2011-05-24 11:47:11
asadrusha මෙහෙම කියනවා :


කිවුව වෙලාව- 2011-05-24 04:08:34
lakindu මෙහෙම කියනවා :
පශ්චාත් 1/2 උපාධි

කිවුව වෙලාව- 2011-05-24 00:29:47
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ආරියනන්ද සමරසිංහගෙන් තවත් වියමන්
අදහස්
අහෝ... "සරසවි දේවී...!"
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
එලී වියෙසෙල් කියයි.
අප සෑම විටම පැත්තක් ගත යුතුම ය. මධ්‍යස්ථභාවය උපකාර කරනුයේ පීඩාවට ගොදුරු වන්නන්ට නොව පීඩකයාටම ය. නිහැඬියාව දිරි ගන්වන්නේ වධකයා මිස වධයට පාත්‍ර වන්නා නොවේ.... [More]
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook