Facebook
Twitter
Google+
YouTube
Blog
RSS Feed
වෙසෙස් බූන්දි
ගඩාෆිගෙන් සප්පායම් වු බටහිර බුද්ධිමත්තු
බූන්දි, 00:49:10
පසු ගිය දා බැසිල් රාජපක්ෂ 'දි ඉකොනොමිස්ට්' සඟරාවට සම්මුඛ සාකච්ඡාවක් දෙමින්, නූතන ලංකාවේ රාජාණ්ඩු ක්‍රමයක ඇති අවශ්‍යතාව ගැන 'ප්‍රසිද්ධියේ' කතා කර තිබුණි. මෙය බටහිර ලෝකයා බෙහෙවින් කියවන සඟරාවකි. එහි දී ඔහු කියා තිබුණේ, ලංකාව වැනි රටකට රාජාණ්ඩු ක්‍රමයක් තව දුරටත් ගැළපෙන බවයි. ප්‍රසිද්ධියේ යන වචනය පෙරලූ කොමා සළකුණු යටතේ සටහන් කෙළේ, එවැනි කතාවක් රහසින්වත් කීම අශෝභන යැයි සැළකෙන ශත වර්ෂයක අප ජීවත් වන නිසා ය.

ලංකාවේ එකම සමාගමේ සිංහල සහ ඉංග්‍රීසි පුවත්පත් සිය පාඨකයාට දෙයාකාරයකට කරුණු ගෙනහැර පාන බව භාෂා ද්වයෙන් පුවත්පත් කියවන පාඨකයෝ දනිති. සිංහල ජාතිවාදයට වැඩියෙන්ම උඩගෙඩි දෙන සිංහල පුවත්පතක් සතු සමාගමෙන්ම මුද්‍රණය කරන ඉංග්‍රීසි පුවත්පතක් බොහෝ විට ජාතිවාදය කරපින්නා ගන්නේ නැත. මෙසේ සිදු වන්නේ, භාෂාව ප්‍රමුඛ කර ගත් වෙළඳපොළ යාන්ත්‍රණයක් මේ ජාතිකත්වය අස්සේම ක්‍රියාත්මක වන නිසාය. (ජාතිවාදයක් කෙරෙහි කෙනෙකු දක්වන නැමියාව සහ එම තැනැත්තා එම භාෂාවෙන් පමණක් ලෝකය දකින්නෙකු වීම අතර ප්‍රතිලෝම සම්බන්ධයක් තිබේ). බැසිල් රාජපක්ෂ යනු පත්තරයක් හෝ සඟරාවක් විකුණා ගැනීම ගැන උත්සුක වන්නෙකු නොවේ. ඔහුගේ එල්ලය වන්නේ, තමාට ලෙයින් සම්බන්ධයක් දක්වන අවශ්‍යතාවක් මතවාදී තලයක 'විකුණා' ගන්නටයි. සාමාන්‍ය වෙළඳපොල තර්කණය මෙහි දි තාවකාලිකව අත්හිටවෙයි. ඒ නිසා, බැසිල් රාජපක්ෂ ලංකාවේ සිංහලයන්ට කියන දෙයම බටහිර ප්‍රජාවටත් ඉංග්‍රීසියෙන් පැවසීම තුළ එක්තරා අව්‍යාජත්වයක් පෙනුණොත් එය අපූර්වත්වයක් වශයෙන් බාර ගත යුතු නැත. අනිත් අතට, එය සත්තකින්ම ඔහුගේ අව්‍යාජත්වය කියා පාන්නක් වුණත්, ඒ හේතුව නිසාම ඔහු කියන දෙය අසන්නාගේ හෝ කියවන්නාගේ ප්‍රසාදයට හේතු වන්නේ ද නැත. බැසිල් රාජපක්ෂ සිංහලෙන් කීවේ නම් නිතැතින්ම ඇතැම් (ජැක්සන් ඇන්තනි වැනි) සිංහලයන්ගේ ඉමහත් අමන්දානන්දයට හේතු විය හැකි එම කතාව, බටහිර පාඨකයා ඉදිරියේ ඉංග්‍රීසියෙන් පැවසූ විට ජනිත කරවන්නේ ජුගුප්සාව සහ හාස්‍යයම පමණි.කටට කාරම් ඇඹුලක් දනවන මෙවැනි නීරස අවශ්‍යතා පුළුල් පාඨක පිරිසක් අතරට ගෙනයාම සඳහා නූතන ලෝකයේ බුද්ධිමය මෙවලම් තනා තිබේ. ඒ මෙවලම් පාවිච්චියට ගන්නා පිරිස් ඒවා 'පොල්ලෙන් ගැසුවා සේ' නොකියති. ඒ වෙනුවට, එම පුද්ගල අවශ්‍යතාව ලස්සණට වෙළා, සිත් ගන්නා ඇසුරුමක බහා පාඨකයාට ඉදිරිපත් කිරීමට ඔවුහූ වගබලා ගනිති. එවිට, අර කී ජුගුප්සාව සහ හාස්‍යය ජනිත කෙරෙන්නේ නැත. එපමණක් නොව, තරමක් නතර වී, අදාළ කාරණය ගැන නැවත සිතා බලන්නට ද එහි දී පාඨකයා පෙළැඹිය හැකිය. මේ විශේෂඥ උපදේශකත්වය හරහා රාජ්‍ය නායකයන්ගේ පුද්ගල ප්‍රතිරූප ගොඩනැගීම සඳහා විශේෂ සමාගම් ද ඇත්තේය. ලංකාවේ පුවත්පත් පසු ගිය කාලයේ වාර්තා කළ අන්දමට, මහින්ද රාජපක්ෂ රජයේ කීර්ති නාමය බටහිර ලෝකයා ඉදිරියේ පිම්ඹීම සඳහා එංගලන්තයේ සමාගමකට වසරකට ඩොලර් මිලියන ගණනක් මහජනතාවගේ සල්ලිවලින් අපේ ආණ්ඩුව තවමත් ගෙවමින් සිටී.

එවැනි පුද්ගලික සමාගම් හැරුණු කොට, 'ස්වාධීන' බුද්ධිමතුන් සහ 'ස්වාධීන' ඥාන මණ්ඩල (විශ්ව විද්‍යාල වැනි) ද මේ කාර්යය සඳහාම යොදා ගැනේ. ඉහතින් කී, විශේෂිත වෙළඳ සමාගම් මාර්ගයෙන් පිම්ඹෙනු වෙනුවට ලෝකයේ නම ගිය බුද්ධිමතෙකුගේ ශ්‍රී මුඛයෙන් පිට වෙන වචනයක් හරහා යමෙකුගේ ප්‍රතිරූපය ගොඩනැගෙයි නම් එය තුළ මිළ නොකළැකි ගුණාත්මක වටිනාකමක් අඩංගු වන්නේය. උදාහරණයක් වශයෙන්, ''ඉතිහාසයේ අවසානය සහ අවසාන මිනිසා'' නැමැති සුප්‍රකට ග්‍රන්ථය ලියූ ෆ්‍රැන්සිස් ෆුකුයාමා වැනි විද්වතෙකුගේ කටින් තමන් පිළිබඳ වර්ණනාවක් ප්‍රචාරය කර ගැනීමට ලැබුණොත් ගඩාෆි වැන්නෙකුට එය මොන තරම් වටිනා දේශපාලනික ප්‍රාග්ධනයක් විය හැකි ද? මෙවැනි බුද්ධිමතුන්ගේ හුවාදැක්වීම් තුළ ගඩාෆි ප්‍රජාතන්ත්‍රවාදියෙකු වශයෙන් කෙලින්ම හඳුන්වා දෙනු නොලැබේ. ඒකාධිපති පාලන ක්‍රමයක් හෝ ඉස්සර කාලේ රාජාණ්ඩු ක්‍රමයක් නූතන ලෝකයට සෙතක් ශාන්තියක් ගෙන දෙතැ යි ද ඔවුහූ විහිළුවටවත් නොකියති. ඒ වෙනුවට ඔවුන් කරන්නේ, රාජ්‍ය තාන්ත්‍රික මට්ටමින් නිවැරදිව ගණුදෙනු කළහොත්, ගඩාෆි හරහා පවා අරාබි ලෝකය තුළ ප්‍රජාතන්ත්‍රවාදී අවකාශ නිර්මාණය කර ගැනීමේ ශක්‍යතාවක් ඇතැ යි බටහිර ලෝකයාට ඒත්තු ගැන්වීමට තැත් කිරීමයි. ඒ 'විශේෂඥ බුද්ධිමය උපදේශකත්වය' බටහිර ලෝකයා ඉදිරියේ සමාජගත කරනු වස් ඔවුන් ගඩාෆිගෙන් ලබා ඇති වැඩ කුලිය ඩොලර්වලින් මිලියන ගණන් ඉක්මවයි. මෙහි දී මේ කියන පිරිස හුදෙක් තනි තනි පුද්ගලයන් වශයෙන් පමණක් නොව, ඔවුන් නියෝජනය කරන සම්භාව්‍ය ශාස්ත්‍රාලීය ආයතන වශයෙන් ද ගඩාෆිගේ සල්ලිවලින් කඩේ ගොස් තිබීම තුළ, බැසිල් රාජපක්ෂ වැන්නෙකු සිය සහෝදරයා වෙනුවෙන් අහිංසක ආකාරයෙන් පෙනී සිටීම සමහර විට බරපතල දේශපාලනික අකුසලයක් නොවිය හැකිය.

බටහිර ලෝකයේ රාජාණ්ඩු ක්‍රමයක් හෝ ඒකාධිපති ක්‍රමයක් ගැන කතා කිරීමට අද ඉඩක් නැත. එම ලෝකයෙන් පිටස්තර කළාපවල දී පවා, බලය දරන්නේ තමන්ගේ හිතෛෂී පාලකයෙකු නම් මේ කියන බුද්ධිමත්තු අදාළ රටේ රාජාණ්ඩු ක්‍රමයේ හෝ ඒකාධිපති ක්‍රමයේ දුර්ගුණ ගැන වහෙන් ඔරෝ භාෂාවෙන් මිස කෙලින් කිසිවක් නොකියති. (සවුදි අරාබිය). අනිත් අතට, ඔවුන්ගේ සතුරු රාජ්‍යයන්හි සිටින ඒකාධිපතියන් සහ රාජාණ්ඩු ක්‍රම ගැන, (උදාහරණයක් වශයෙන්, එදා පැවති නැගෙනහිර යුරෝපීය සෝවියට් පාලන තන්ත්‍රයන් ගැන) කතා කරද්දී, තිස්තුන් පැයේම හුවා දක්වන්නේ ප්‍රජාතන්ත්‍රවාදයේ හාස්කම් ය. එසේම, අවශ්‍ය වෙතොත් කෙලින්ම එම රටට ගොස්, (ඉරාකයේ දී මෙන්) 'ප්‍රජාතන්ත්‍රවාදයේ නාමයෙන්' එම පාලකයන්ව කුදලාගෙන එන්නටත් නොපසුබට වෙත්. බටහිර ලෝකයේ මේ දෙබිඩි පිළිවෙත මොන විදිහකින්වත් ඒකාධිපතියන්ගේ සහ අත්තනෝමතික පාලකයන්ගේ පාලන තන්ත්‍ර සුජාත කිරීම සඳහා අවසරයක් වශයෙන් යොදා ගත යුතු නැතත්, මුළු ලෝකයාම අහ්ලාදයෙන් යුතුව ප්‍රජාතන්ත්‍රවාදී සිහින දකිමින් සිටින ලෝකයක එවැනි දෙබිඩි ප්‍රතිපත්ති ගැන ප්‍රශ්න කිරීම නරක නැත.

'ලන්ඩන් ස්කූල් ඔෆ් ඉකොනොමික්ස්' (ලන්ඩන් ආර්ථීක විද්‍යා සරසවිය) යනු ලෝකයාගේ ඉමහත් සම්භාවනාවට පාත්‍ර වන ප්‍රමුඛ පෙළේ ජාත්‍යන්තර ශාස්ත්‍රාලයකි. (මගේ මතකය නිවැරදි නම්, සුප්‍රකට දේශපාලන ආර්ථීක විද්‍යාඥ හැරල්ඩ් ලැස්කි යටතේ එන්.එම්.පෙරේරා සිය ආචාර්ය උපාධිය නිමා කෙළේ ද මේ සරසවියේය). පසු ගිය දා ඇතැම් විචාරකයන් විසින් මෙය 'ගඩාෆි ස්කූල් ඔෆ් ඉකොනොමික්ස්' (ගඩාෆිගේ ආර්ථීක විද්‍යා සරසවිය) වශයෙන් අවමානයෙන් භෞතීස්ම කරන ලදි. ගඩාෆිගේ පුත් සයිෆ් අල් ඉස්ලාම් කළමනාකරණය කරන ගඩාෆි පවුලේ අරමුදලකට අයත් ස්ටර්ලින් පවුම් මිලියන 2.2 ක මුදලක් ලබා, ගඩාෆි පාලනයට ගැති ලිබියානු සිවිල් සේවකයන් සහ ලිබියානු වෘත්තිකයන් පිරිසක් මේ කියන ලන්ඩන් ආර්ථීක විද්‍යා සරසවිය මගින් පුහුණු කැරැවීමට එම ආයතනයේ බලධාරීන් විසින් මීට වසර කිහිපයකට පෙර බාරගෙන තිබේ. ඒ මුදලින් සතයක්වත් එම ශාස්ත්‍රාලයේ ප්‍රධානී ශ්‍රීමත් හොවාර්ඩ් ඩේවිස් තමන්ගේ පෞද්ගලික ලාබ ප්‍රයෝජනයට යොදාගෙන ඇති බවට සාක්ෂි නැත. ඇත්තෙන්ම එම මුදල වැය කොට ඇත්තේ, ශාස්ත්‍රාලීය කටයුතු වෙනුවෙන්ම විය හැකියි. එහෙත්, ගඩාෆි වැනි ඒකාධිපති පාලනයකින් එසේ මුදල් ලබා ගැනීම මගින් එම දුර්දාන්ත පාලනය යුක්ති සහගත කිරීමක් සිදුව ඇතැ යි පිළිගත් එම අධ්‍යක්ෂවරයා පසු ගිය සතියේ සිය ධුරයෙන් ඉල්ලා අස් විය. ඔහු පමණක් නොව, එම විශ්ව විද්‍යාලයේ සමස්ත පාලක මණ්ඩලයම ඉල්ලා අස්විය යුතු බවට අද එහි ශිෂ්‍යයෝ ඉල්ලා සිටිති.

ගඩාෆිගේ පුතා මීට අවුරුදු තුනකට පෙර සිය ආචාර්ය උපාධිය අවසන් කොට ඇත්තේ ද මේ සරසවියේමයි. ඒ සඳහා ඔහු ඉදිරිපත් කළ ශාස්ත්‍රීය නිබන්ධනය පවා ලියා ඇත්තේ, වෙනත් අයවළුන් සතු මූලාශ්‍රයන්ගෙන් හොරෙන් සපයා ගත් තොරතුරු මත බවට චෝදනා එල්ල වෙයි. එපමණක් නොවේ, මේ ගඩාෆි පුතාගේ නිබන්ධනය අධීක්ෂණය කළ බුද්ධිමතුන් පවා, ගඩාෆි පවුලේ සල්ලිවලින් සප්පායම් වී ඇති බවට අළුත් තොරතුරු මේ වන විට හෙළිදරව් වෙමින් තිබේ.

තවත් උගත්තු ශ්‍රීමත් හොවාර්ඩ් ඩේවිස් තරම් සෘජු නැත. කළ වරදක වගකීම බාර ගැනීමට තරම් අවංක නැත. ගඩාෆි වෙනුවෙන් ඔවුන් බාරගෙන සිටි 'කොන්ත්‍රාත්තු' විවිධ නම් වාසගම් යටතේ අදටත් ඔවුහු යුක්ති සහගත කරති. එයින් කෙනෙකු වන, හාවර්ඩ් කෙනඩි සරසවියේ මහාචාර්ය ජෝසප් නෙයි, මේ ඒකාධිපතියා 'සෘජු ප්‍රජාතන්ත්‍රවාදය' වෙනුවෙන් උනන්දුවෙන් පසු වන බව වරක් 'නිව් රිපබ්ලික්' පුවත්පතට ලිපියක් ලියමින් කියා සිටියේය. ලන්ඩන් ආර්ථීක විද්‍යා සරසවියේ මහාචාර්ය ඇන්තනි ගිඩන්ස් ලිබියාව වර්ණනා කරමින්, එම රට යම් දවසක 'අප්‍රිකාවේ නෝර්වේ දේශය' බවට පත් වන බව 'ගාර්ඩියන්' පුවත්පතට ලියමින් කියා ඇත. රුට්ගර්ස් සරසවියේ මහාචාර්ය බෙන්ජමින් බාබර් 'වොෂින්ටන් පෝස්ට්' පුවත්පතට ලියමින් 'ගඩාෆිගේ පාලනය යටතේ පවතින ලිබියාව යම් දවසක අධිකාරීවාදී නොවන, ස්ථාවර ආණ්ඩුවක් බවට සාමකාමීව පරිවර්තනය වන ප්‍රථම අරාබි රාජ්‍යය' වන බව ලියා ඇත.

බෙන්ජමින් බාබර් යනු, "පරිභෝජනය: වෙළඳපොළ විසින් දරුවන් දූෂණය කරනු ලබන්නේ කෙසේද?", "ළදරු වැඩිහිටියෝ" හා "පුරවැසියන්ව එක කටට ගිලීම" වැනි, ප්‍රජාතන්ත්‍රවාදයේ උත්කෘෂ්ටත්වයත්, සමාජ සාධාරණත්වයේ හදිසි අවශ්‍යතාවත් වෙනුවෙන් ජනප්‍රිය පොතපත ලියූ මහාචාර්යවරයෙකි. මේ සියල්ලන්ම සැළකෙන්නේ ප්‍රතිගාමී දක්ෂිණාංශිකයන් වශයෙන් නොව, ලිබරල් මතධාරීන් වශයෙනි. කෙසේ වෙතත්, මේ සියළු විද්වත්තු එසේ ලියා ඇත්තේ නිකම් අත ලෙවකන්නට නොවේ. ඒ සඳහා ගඩාෆිගෙන් ඩොලර් කන්දරාවක කුලියක් ඔවුන් අය කොට ඇත. මේ වන විට සොයාගෙන ඇති තොරතුරුවලට අනුව එම කුලිය වසරකට ඩොලර් මිලියන 3 ද ඉක්මවයි.

වෙස්පේසියන් නැමැති රෝම අධිරාජයා රෝමයේ කුණු කාණුවල එක්කාසු වන මළ මූත්‍ර සුද්ද කිරීම වෙනුවෙන් රට වැසියන්ගෙන් බද්දක් අය කෙළේය. එවැනි බද්දක් අය කිරීම ගැන විරෝධය පෑ ඔහුගේ පුතා එය ගඳ ගහන ආදායම් මාර්ගයක් බව වරක් පියාට කීවේය. එවිට පියා කෙළේ, බදු ආදායමෙන් උපයා ගත් රත්තරන් කාසියක් අතට ගෙන එය පුතාට පෙන්වා එහි කිසියම් ගඳක් ඇත් දැ යි ඔහුගෙන් ප්‍රශ්න කිරීමයි.

[රාවය| 03.2011| අවරදිග ආවර්ජනා]
මේ වියමන ඔබේ මූණු පොතට එක් කරන්න-
Tags- The London School of Economics, Col Muammar Gaddafi, Basil Rajapakshe, The Echonomist, Awaradiga Awarjana, N.M. Perera
පැරණි මාදිලියෙන් ලැබුණු ප්‍රතිචාර-
niluuka මෙහෙම කියනවා :
Gamini ,
Raawaye dutu lekhakayek se mama obata aadharaya karami;eya, yovun aadharaya novana bawa vatahaa geneemata tharam oba buddhimath bawada danimi. namuth, Fukuyama, End of History dutu seti artha kathanaya kala aya boho bawa mama danimi. Maha Rajuta edawasa mamada eeta sahaaaya dunumi; ada mama ehi papaya gewami. oba deevi basin dina apada ethena ethi bawa pamanak kiyami
Jaya!
-niluuka


කිවුව වෙලාව- 2011-10-28 23:54:57
Kumar Thissera මෙහෙම කියනවා :
Gamini Viyangoda Oba vani Hathuwaadiyekuta Vitharai mea vidihata liyanna puluwankama thiyenne Obe savimath pita kondata Ape acharaya.

කිවුව වෙලාව- 2011-07-16 22:57:05
nauzer මෙහෙම කියනවා :
අපි එක එක් කෙනාට ඈගිල්ල දික්නොකර සෑවොම එක්වෙලා රට හදමු

කිවුව වෙලාව- 2011-05-02 11:07:41
ATX මෙහෙම කියනවා :


කිවුව වෙලාව- 2011-03-30 05:08:40
Sumathi මෙහෙම කියනවා :
@@[Jana Asna]

ලOකාවෙ ඉන්න ෆොපාලගෙන් 99%ක්ම වගේ මහින්දගෙන් තම ජීවත් වෙන්නෙ... කලාකාරයො 200%ක්ම උගෙ පිළිකන්නෙ වලන් හෝදනවා....


කිවුව වෙලාව- 2011-03-27 21:04:45
Jana Asna මෙහෙම කියනවා :
කව්ද මහින්දගෙන් සප්පායම් වෙන බුද්ධිමතුන්?

කිවුව වෙලාව- 2011-03-25 08:26:54
Mervin Silva මෙහෙම කියනවා :
@ athula

කිවුව වෙලාව- 2011-03-24 03:10:40
Athula මෙහෙම කියනවා :
එහෙම වෙලා නැහැනෙ.... එහෙම වෙනකල්වත් මෙහෙම ලියන්න වියන්ගොඩ ඉතුරු වෙලා ඉන්නවනෙ තාම.. ඒක ගැන සතුටු වෙමු

කිවුව වෙලාව- 2011-03-23 04:11:41
සස මෙහෙම කියනවා :
ගාමිණි වියන්ගොඩටත් මහින්දගෙන් සප්පායමක් ලැබුණ නම් මෙහෙම ලියන්නේ නෑ.

කිවුව වෙලාව- 2011-03-23 03:27:24
nihal මෙහෙම කියනවා :
@ගාමිණී වියන්ගොඩ


@Michael Corleone


කිවුව වෙලාව- 2011-03-23 03:23:30
Michael Corleone මෙහෙම කියනවා :
Rajapakse gen Sappayam wena Lankawe Buddhimathun genath meken igenaganna puluwan. Sumanasiri Liyanage, Dhamma Disanayake, Laksiri Fernando, Gamini Sumanasekara (meya nam moda pahe Buddhimathek, Nalin de Silva, wasudeva Nanayakkara, Victor Ivon wage aya gena liyana eka harima kalochithai. Mun thamai ekadhipathiwadayata janathawadi salu pili andawanne.

කිවුව වෙලාව- 2011-03-23 03:09:48
kal මෙහෙම කියනවා :


කිවුව වෙලාව- 2011-03-23 02:46:38
perera මෙහෙම කියනවා :
godak hodai

කිවුව වෙලාව- 2011-03-23 02:38:48
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
ගාමිණී වියන්ගොඩගෙන් තවත් වියමන්
පොත්
පොල්පොට්ගේ 'මාක්ස්වාදය' සහ කෙමරූජ් භීෂණය
අදහස්
සිංහල-බෞද්ධ හරක් මස් වෙනුවට බටහිර ක‍්‍රිස්තියානි හරක් මස් වැළඳීම
අදහස්
තණකොල සහ පුන්නක්කු
අදහස්
රජයේ නීතිපතිවරයෙකු වෙනුවට ආණ්ඩුවේ නීතිපතිවරයෙකු ආදේශ වීම
අදහස්
බොදුබල සේනා ෆැසිස්ට්වාදය හිස එසැවීම
තවත් වෙසෙස් බූන්දි
මැදියම් රැයේ වාහනවලට අතවනන සුදු හැඳි ගැහැනිය
වාලම්පුරි- වාසනාව, විහිළුව සහ මිත්‍යාව
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
දත්තවාදී යුගයේ විප්ලවවාදින් හඳුනාගනිමු!
BoondiLets
මාටින් ලූතර් කිං (කණිෂ්ඨ) කියයි.
තමන් ගමන් කළ යුත්තේ, නිර්මාණාත්මක පරාර්ථකාමීභාවයේ ආලෝකය තුළින් ද, නොඑසේනම්, විනාශකාරී ආත්මාර්ථකාමීභාවයේ අඳුර තුළින් ද යන්න, සෑම මිනිසෙකුම තීරණය කළ යුතුය.
What's New | අලුතෙන්ම
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook