BOONDI.LK| වෙසෙස් බූන්දි| Pussy Riot | ගිටාර් සන්නද්ධ අරගලය!
Home
Currents
Raha
Sookiri
Kavi
Dosi
Music
Plus
    

කියයි ඔබ වැස්සට පෙම් බඳින බව -
එහෙත් වහින විට අවැසිමය කුඩයක් ඔබට
කියයි ඔබ හිරුට පෙම් බඳින බව ....
|බොබ් මාර්ලේ කියයි.
|Personal Quotes
ප්‍රතිචාර[2]
Sinhala Tamil Unicodes
සැරිසරන්න  
  වෙසෙස්  
  ගී කිය(ව)මු  
  කතා-බස්  
  රහක් ඇති Music  
  ඔත්තු  
  BoondiLets  
ෆන්සල (Funsala) [රේඩියෝ...
සාගර ජලය මදි...
ලේ...
නාලන්ද මේ මම.....
හිස්බුල්ලා, බොදු බල...
සිසිරයේ රැයක මඟියෙකු......
වේටරු...
පරම සත්‍යය...
  තවත් වෙසෙස්
තාප්පයෙන් පනින්නට මොහොතකට පෙර- 'ස' සමාප්තිය | මාලතී කල්පනා ඇම්බ්‍රෝස්
ප්‍රතිචාර[18]
බුද්ධාගම හා සංගීතය | සී.ද.එස්. කුලතිලක
ප්‍රතිචාර[0]
Hotel California: What the Song is About | රුවන් එම්. ජයතුංග
ප්‍රතිචාර[5]
අජිත් කුමාරසිරි නම් ක්‍රම විරෝධියා පිළිබඳ ඇත්ත හෙවත් නෝ මෝ රොක් අජිත් | චන්දරේ
ප්‍රතිචාර[8]
ජිප්සීස් සුනිල්- 'සොමිය' ගෙන ආ සොමිකාරයා | විනූෂා විජේවික්‍රම
ප්‍රතිචාර[5]
ජෝන් ලෙනන් | ලොව සලිත කල විප්ලවීය ගාන්ධර්වයා | දර්ශන මේදිස්
ප්‍රතිචාර[3]
සුනිල් එදිරිසිංහගේ "මල් වැහි පොද" වැටුණු දා | රාජ් සෝමදේව
ප්‍රතිචාර[0]
ඔහු යුගයක් විය. මයිකල් ජැක්සන්...... | වින්ධ්‍යා විතාන
ප්‍රතිචාර[0]
චාමින්ද රත්නසූරිය| නූතන ගී පද සාහිත්‍යයේ රොමාන්තිකයා | ලක්සිරි හේවගේ
ප්‍රතිචාර[6]
සිංහල ජනප්‍රිය සංගීතයේ බැස නොගිය සුපිරි තරුව| එච්.ආර්.ජෝතිපාල | සඳුන් ප්‍රියංකර විතානගේ
ප්‍රතිචාර[0]
BOONDI • Music • •
  වෙසෙස් බූන්දි  
බූන්දි| | 21:20:14
අවසානයේදී, නියමිත ව තිබූ පරිදිම එය සිදු විය. ඉකුත් අගෝස්තු 17 වන සිකුරාදා පස්වරු 3.00 ට පැවති අවසන් නඩු විභාගයේදී "පුසි රයට්" පන්ක් රොක් විරෝධතා සංගීත කණ්ඩායමේ සාමාජිකාවන් තිදෙනාට රුසියානු අධිකරණය විසින් වසර දෙකක සිර දඬුවම් නියම කෙරිණි. ආගම කෙරෙහි වූ ද්වේශ සහගත පෙළඹවීම මත පල්ලියේ ආචාරධර්ම උල්ලංඝනය කිරීම ඔවුන්ට එරෙහිව පවරා තිබූ චෝදනාවයි.

"පූසි රයට්" යනූ අද වන විට ලොව වටා මහත් ආන්දෝලනාත්මක ලෙස කතා බහට ලක් වෙමින් තිබෙන රුසියානු කාන්තා පන්ක් රොක් සංගීත කණ්ඩායමයි. පසුගිය පෙබරවාරි මාසයේ රුසියානු ජනාධිපති ව්ලදිමීර් වී. පුටින් සහ රුසියානු ඕතොඩොක්ස් නිකායේ ප්‍රධාන පූජකයා වන ක්රිල් අතර වන අශුද්ධ සන්ධානයට එරෙහිව විරෝධය පෑම සඳහා මොස්කව් නුවර ප්‍රධාන දේවස්ථානයට ගොඩ වැදී තත්පර 41 ක විරෝධාකල්පමය ගීතමය යාඥාවක් [Punk-Prayer "Virgin Mary, Put Putin Away"1] ඉදිරිපත් කිරීම, මොවුන් අත්අඩංගුවට ගෙන පසුගිය මාර්තු මස සිට මාස පහක කාලයක් සිරගත කොට තැබීමට හේතු විය.

පූසි රයට් අත්අඩංගුවට ගැනීම සහ නඩු විභාගය ඇරඹීමත් සමග රුසියාව තුල පුටින් විරෝධීන්ගේ සංඛ්‍යාව තව දුරටත් ඉහළ ගියේය. පුටින් සහායක කණ්ඩායම් සහ ඕතොඩොක්ස් සහායෝගි පිරිස් අතර "පූසි රයට්" යනු අශීලාචාර, නින්දිත කාන්තා කණ්ඩායමක් ලෙස ලේබල් වෙද්දී, ප්‍රජාතන්ත්‍රවාදය අගය කරන රුසියානු සහ ලොව වටා විරෝධාකල්ප සංස්කෘතික කණ්ඩායම් අතර, "පූසි රයට්" යනු පුටින් ගේ මර්දනකාරී පාලනයට එරෙහිව නැගී සිටි වීරවරියන් බවට පත් වූහ. නැග එන මහජනතා ප්‍රතිරෝධය කෙතරම් වී ද යත්, සර්වබලධාරී පුටින් කල් තියාම මෙසේ කීවේය. "පූසි රයට් විරෝධතා යාඥාව ඉතාම නින්දිත ක්‍රියාවක් වුවත් ඔවුන් පිළිබඳ ඒතරම් සැහැසි තීන්දුවක් ලබා දීම අනවශ්‍යයි."

පසුගිය ජනවාරි 20 වනදා ප්‍රථම වරට "පූසි රයට්" විරෝධතා සංගීත කණ්ඩායමේ තරුණ ගැහැණු අට දෙනෙකු වර්ණවත් ඇඳුම් සහ බැලක්ලාවා (මුහුණු ආවරණ) හැඳ රතු චතුරශ්‍රයේදී ඔවුන්ගේ නිර්භීත සංදර්ශනය ඉදිරිපත් කොට තිබුණේ "ලිංගවාදී රෙජීමය" ලෙස හඳුවමින් ප්‍රසිද්ධියේ පුටින්ගේ පාලනයට විරෝධය පළකරමිනි. එම අවස්ථාවේ පොදු නීතිය උල්ලංඝනය කළේ යයි කියමින් පුටින් රෙජීමය රූබල් 500 ක දඩයක් බැගින් අයකරගනිමින් මෙම තරුණ කාන්තාවන් මුදා හැර තිබේ.



ඉන් හරියටම මසකට පසු ගිටාරයක් අතැතිව රුසියාවේ ප්‍රධාන පල්ලියට කඩා වැදුණු ඔවුහු අල්තාරය මත නැගී "කන්‍යා මරියතුමියනි, පුටින් පළවා හරින්න, පුටින් පළවා හරින්න..." යැයි කියමින් විරෝධතා ගීයක් ගයමින් රංගනයේ යෙදුනහ. යාඥාවක් සේ ඇරඹි මෙම ගීතය පසුව ඉතා වේගවත් සංගීතයෙන් සහ උද්වේගී ස්වරයෙන් ගායනා කරමින් ඔවුහු පුටින් පාලනය සහ කිතුණු ඕතොඩොක්ස් ආගම අතර වූ සන්ධානයට සිය අප්‍රසාදය පල කර සිටියහ. පල්ලියේ ආරක්ෂක නිළධාරීන්ගෙන් වන බාධා පවා නොසලකා හරිමින් එම ඉදිරිපත් කිරීම රූගත කළ ඔවුහු එය අන්තර්ජාලයට මුදා හැරියහ. ඒ අනුව ඕතොඩොක්ස් පල්ලියේ ඉල්ලීම පරිදි මේ සාමාජිකාවන් තිදෙනා අත්අඩංගුවට ගැනීමට ක්‍රෙම්ලීනය තීරණය කළේය.



මෙසේ සිය විරෝධතා යාතිකාව වෙනුවෙන් අත්අඩංගුවට පත් වූයේ නදෙෂ්දා තොලොකොනිකෝවා(22), මාරියා අල්යොකීනා(24) සහ යෙකතරිනා සමුත්සෙවිෂ්(30) යන "පූසි රයට්" සාමාජිකාවන් තිදෙනායි.

කිතුණු ඕතොඩොක්ස් පල්ලියේ ප්‍රධාන පූජක තැන වන කිරිල් දිගින් දිගටම දේශපාලන මැදිහත් වීම් කරමින් සිටි අතර මාර්තු 4 වන දින ජනාධිපතිවරණයට පෙර ඔහු රුසියානු ජනතාව අමතා කියා සිටියේ පුටින් යනූ "දෙවියන්වහන්සේ ගේ මහා ප්‍රාතිහාර්යයක්" බවයි! (කරුණාකර ඒකාධිපතියා වෙනුවෙන් අහවල් එක පමණක් නොව දිවි වුවද දීමට පෙරුම් පුරන චීවරධාරීන් සහ ලෝගුධාරීන් ඉන්නා ඉන්නා වෙනත් රටවල නම් සිහියට නැගීමෙන් වලකින්න!) "පූසි රයට්" බිහි වූයේ පසුගිය වසරේදී ය. එයට හේතු වූයේ දැනටමත් අර්ධ ඒකාධිපති පාලනයක් ගෙන යන පුටින් නැවත වරක් එරට ජනාධිපති ධූරයට පත්වීමට කටයුතු කරන බව ප්‍රකාශයට පත් කිරීමයි. "සංගීතය විරෝධතා කලා මාධ්‍යයක් ලෙස යොදා ගැනෙන්නේ ඉතාමත් අඩුවෙන්. ඇත්තෙන්ම අපට ඕනෑ වුණේ මේ කලා මාධ්‍ය භාවිතාව ඔස්සේ මිනිසුන් අවදි කිරීමටයි." ඔවුහු කියති.

සාමාජිකයක් 10 දෙනෙකු ගෙන් සමන්විත, මෙම තරුණ කාන්තා පන්ක් සංගීත කණ්ඩායමේ පරම අභිප්‍රාය වනුයේ කෙමෙන් උග්‍ර වන රාජ්‍ය මර්දනයට අභිමුඛ වෙමින්, රැඩිකල් දේශපාලන විරෝධතාවක් ගොඩනැගීමයි. 1990 කාලයේ තිබූ "රයට් ගර්ල්" නම් අමෙරිකානු ස්ත්‍රීවාදී විරෝධතා ව්‍යාපාරයෙන් අභිප්‍රේරණය ලද ඔවුහු සිය අනන්‍යතාව රැකගැනීම සඳහා බැලක්ලාවා (මුහුණු ආවරණ) පැළඳීමත්, සමාජිකාවන් එකිනෙකා සඳහා අන්වර්ථ නම් භාවිතාවත් සිදු කරයි. එක් වරම ජනාකීර්ණ ප්‍රසිද්ධ ස්ථාන වලට රැස්වන ඔවුහු සංදර්ශනය පැවැත්වූ වහා අතුරුදන් වෙයි.


Maria Alyokhina


Nadezhda Tolokonnikova


Yekaterina Samutsevich

"කාටවත් අපි හැමෝම එකවර අත්අඩංගුවට ගන්නට බැහැ. මොකද තව තවත් පූසි රයට් සමාජිකාවන් බොහේ ගණනාවක් ඉන් බිහිවෙනවා." US Magazine සඟරාවට සම්මුඛ සාකච්ඡාවක් ලබා දෙමින් දැනට භූගතව සිටින "බට්න්" නමැති පූසි රයට් සමාජිකාව කියා සිටියාය.

මේ වන විටත් රුසියානු බලධාරීහු, විරෝධතාකරුවන්ට නියම කෙරෙන දඩ මුදල් ඉහල දමමින් ද, නව නීති පනවමින් ද, විරෝධතා ව්‍යාපාර සංවිධානය කෙරෙන අන්තර්ජාල වෙබ් අඩවි වලට බාධක පමුණුවමින් ද ඒවා පාලනය කරමින් ඒවාට දැඩි නීති පනවමින් ද අදහස් ප්‍රකාශ කිරීමේ අයිතිය සහ විරෝධය පෑමේ මූලික මිනිස් අයිතිවාසිකම් උල්ලංඝනය කරමින් මර්දනකාරි පිළිවෙතක් අනුගමනය කරමින් සිටිති.

"පූසි රයට්" සාමාජිකාවන් ට සහයෝගය පළ කිරීම සඳහාත්, අදහස් ප්‍රකාශයට ඇති අයිතීන් දිනෙන් දිනම රුසියාව තුල අහෝසි වී යාමත් සංකේතවත් කරමින් ජනප්‍රිය රංගන ශිල්පියකු වන ප්යොතර් පවුලෙන්ස්කි සිය දෙතොල් රතු නූලකින් මසා ගෙන විරෝධතාවයක් පැවැත් වීය. ඒ අතර රුසියාවේ සංගීත ප්‍රසංගයක් සඳහා සහභාගී වූ සුප්‍රකට පොප් රැජින- මැඩෝනා, "වීර කාන්තාවන්ගේ නිදහස" පතා විනාඩියක නිශ්ශබ්දතාවක් ප්‍රකාශයට පත් කල අතර, "පූසි රයට්" ලෙස මුද්‍රිත උඩුකය වැස්මක් සහ බැලක්ලාවා පැලැඳ ඔවුන්ට සහයෝගය පල කර සිටියාය. ඊට ප්‍රතිචාර වශයෙන් පුටින් අනූගාමිකයකු වන නියෝජ්‍ය අග්‍රාමාත්‍යවරයා පසු දිනම නිකුත් කල ට්විටර් පණිවුඩයක සඳහන් කොට තිබුණේ "මැඩෝනා යනු ගණිකාවක්" බවයි! (කරුණාකර ඒකාධිපතියා වෙනුවෙන් අහවල් එක පමණක් නොව දිවි වුවද දීමට පෙරුම් පුරන ඇමතියෝ ඉන්නා වෙනත් රටවල නම් සිහියට නැගීමෙන් වලකින්න!)

මැඩෝනා ගත් මගම යමින්, ලොව වටා දේශපාලකයන් කලාකරුවන් සහ සංගීතවේදීන් බොහෝ ගණනක්, පූසි රයට් වෙනුවෙන් ඔවුනට සහය පළ කරමින් පෙළ ගැසෙන්නට විණි. (ඔවුන්ගේ දීර්ඝ ලැයිස්තුව- ඇමිණුම බලන්න.2)

ඉකුත් කාලය මුළුල්ලේම, පුටින් රෙජීමයට එරෙහි විවිධ ක්‍රියාකාරකම් රුසියාව පුරා පැන නැගුණ නමුත් ඒ කිසිවක් පූසියන්ගේ කැරැල්ල තරම් ලෝක අවධානයට පාත්‍ර වූයේ නැහැ. ඔවුන් මෙතරම් ජනප්‍රසාදයට පත් වීමට බලපෑ එක් කරුණක් නම් ඔවුන්ගේ සමාජිකාවන් දෙදෙනෙකුම මව්වරුන් වීමයි. එසේම සංගීතය ඔවුන්ගේ විරෝධතා කලා මාධ්‍යය ලෙස භාවිතා කිරීමයි.




Petr Pavlensky

"මේ ඔබගේ උසාවිය කියන තැන දුන් වංචාකාරි තීන්දුවට මං කොහෙත්ම බය වෙන්නේ නැහැ. මොකද ඒකෙන් ඔබට කොහෙත්ම බැහැ විමුක්තිය වෙනුවෙන් කටයුතු කරන්නට තියෙන මගේ අයිතිය උදුරා ගන්න.” 24 හැවිරිදි මාරියා අල්යෝකීනා සිය තීන්දුව ලැබීමෙන් පසු මහෙස්ත්‍රාත් වරිය අමතා කියා සිටියාය.

ඔවුන් වෙනුවෙන් අධිකරණයේ පෙනි සිටි නීතිඥයන් කියා සිටියේ, ඔවුන්ට අපක්ෂපාති සර්ව සාධාරණ නඩු විභාග කිරීමක් නොලැබුණු බවයි. එසේම නඩු විභාගය සහ තීන්දුව ප්‍රකාශ කිරීම හා සම්බන්ධ සියළු තීරණ ඒක්පාර්ශ්වික ලෙස ක්‍රෙම්ලීනය හා බැඳි ඇති බවයි.

ඔවුන්ට හිමි දඬුවම ප්‍රකාශයට පත කළ මොහොතේ ඔවුහු එකිනෙකා දෙස බලා ඉඟිමරා ගනිමින් මඳ සිනා පෑහ. තීන්දුව කුමක්ද යන්න පිළිබඳ ඔවුහු පෙර සිටම දැන සිටියා නොඅනුමානය. පෙරටත් වඩා ඔවුන්ගේ දෙනෙත් තුල වූයේ එඩිතර බවේත් නොසැලෙන ආත්මාභිමානයේත් ජයග්‍රහණයේත් දීප්තියයි. ඔවුහූ ප්‍රීතිමත්ය. ජීවයෙන් පොහොසත්ය. අතොරක් නැතිව කැමරා කාච තුල සේයා සටහන් තබන මාධ්‍ය කරුවන් අමතා නදේෂ්දා තොලොකොනිකෝවා කීවේ, "අපිට සතුටුයි. මොකද නුදුරු දිනක ඇති වෙන්නට තිබූ විප්ලවය බොහොම ඉක්මනින් කැඳවන්න අපිට පුළුවන් වුණා. අපි ඒක කළා!" යනුවෙනි.

උසාවියෙන් එළියේ පූසි රයට් සාමාජිකාවන් තිදෙනා නිදහස් කරන්නැයි ඉල්ලමින් දහස් ගණන් විරෝධතාකරුවන් මාවත් පුරා අතුරු සිදුරු නැතිව පිරී සිටි අතර පුටින් තම නිර්ලජ්ජිත මර්දනය ලෝකය අබිමුව නැවත නැවත සනාථ කරමින් විරෝධතාකරුවන් දහස් ගණනක් අත්අඩංගුවට ගත්තේය. විරෝධතා ක්‍රියාකාරියෙකු වූ රුසියාවේ හිටපු චෙස් ශූර ගැරී කස්පරෝව් පොලීසියේ පහර කෑමට ලක් වූ අතරම ඔහුව ද අත්අඩංගුවට ගැනිනි.







සමුත්සෙවිෂ් මහතා (යෙකතරිනා සමුත්සෙවිෂ් ගේ පියා) කියා සිටියේ පාලන තන්ත්‍රය සහ පල්ලිය අතර ගොඩ නැහෙන මිත්‍ර සන්ධානයේ අති උත්කෘෂ්ට ප්‍රතිඵලයක් වන රුසියානු මර්දනයේ ඵලයන් පූසි රයට් සාමාජිකාවන් තීදෙනා අත්විඳිමින් සිටින බවයි. "මේක හැම පරම්පරාවකට අත්විඳින්න සිද්ද වුනු දෙයක්. කොයි ආණ්ඩුව යටතෙත් සිදු වුණේ අපේ මිනිස්සු සිරගත කරන එක තමයි. මේ සිදුවීමෙන් පෙනෙන්නෙ ආගමික නීතිය කඩකිරීම නිසා මිනිසුන් බන්ධනාගාර ගත කරන ඉරානය හෝ සවුදි අරාබියාව ආදර්ශය ලෙස ගෙන පුටින් පාලනය කටයුතු කරන බවයි. ඇත්තටම රුසියාව තුල අපි අත් දකින්න ඕනෙ එය ද?" ඔහු තව දුරටත් ප්‍රශ්ණ කර සිටියි.

පූසි රයට් සිය පළමු පුටින් විරෝධී ගීතය සහ විඩීයෝව මුදා හැර තිබුණේ 2011 නොවැම්බර් 07 වෙනි දිනය. එනම් 1917 බොල්ෂෙවික් විප්ලවයේ සංවත්සරය යෙදී තිබූ දිනය. එම ගීතයේ අපූරුම කොටස නම් 2011 හොස්නි මුබාරක් පාලනය පෙරලා දැමූ ඊජීප්තු විප්ලවය සිහියට නගමින් ලියා තිබූ ගී ඛණ්ඩයයි;

"ඔබේ පෙනහළු වලට
ඊජිප්තුවේ සුළඟ හිතකරයි
හරවන්න රතු කොටුව
ටහ්රීර් සතරැසියට"3

ඉන්පසු ඔවුන්ගේ දෙවන ගීතය සහ විඩීයෝව දෙසැම්බර් 1 වන දා පාර්ලිමේන්තු මැතිවරණයට දින තුනකට පෙර නිකුත් කෙරුණු අතර එය රුසියානු බිඳ වැටීමෙන් පසු ඇති වූ දැවැන්ත සිවිල් විරෝධතා රැලියේ ක්‍රියාරම්භකය වූයේය. "ක්‍රෙමිලීනයේ අවලමුන් පෙරලා දැමීම" සහ "සිපිරි ගෙයට මරණය! - විරෝධයට නිදහස!"4 යන්න එහි උද්ධෘත පාඨය විය.



"පුටින් විප්ලවයට ගිනි අවුළුවයි...."5 යන ගීතය "පූසි රයට්" පන්ක් රොක් කණ්ඩායමේ මේ වන විට සැඟව සිටින සාමාජිකාවෝ මහේස්ත්‍රාත්වරිය විසින් තීන්දුව ප්‍රකාශය පත් කරමින් සිටි අධිකරණ පරිශ්‍රය ඉදිරිපිට වූ සුවිසල් ගොඩනැගිල්ලක සිට පසුගිය අගෝස්තු 17 වෙනිදා ඉදිරිපත් කලහ. එසේම එම ගීතය තැටිගත කර මග දෙපස රැස් කමින් සිටි "පූසි රයට්" සහයෝගි විරෝධතා පිරිස් වෙත වීසි කළහ. ඒවා අහුලා ගත් වර්ණවත් බැල්ක්ලාවා හැඳ සිටි විරෝධතාකරුවෝ එය වාදනය කරමින් ද රඟමින් ද අධිකරණ භූමිය වටා රැස්ව සිටියහ.

"රෙජීමයට ගුඩ්බායි කියන්න
රුසියාව එන්න, පාරට බහින්න"











පාද සටහන්-

1.
Punk-Prayer "Virgin Mary, Put Putin Away"

(choir)

Virgin Mary, Mother of God, put Putin away
Рut Putin away, put Putin away

(end chorus)

Black robe, golden epaulettes
All parishioners crawl to bow
The phantom of liberty is in heaven
Gay-pride sent to Siberia in chains

The head of the KGB, their chief saint,
Leads protesters to prison under escort
In order not to offend His Holiness
Women must give birth and love

Shit, shit, the Lord's shit!
Shit, shit, the Lord's shit!

(Chorus)

Virgin Mary, Mother of God, become a feminist
Become a feminist, become a feminist

(end chorus)

The Church’s praise of rotten dictators
The cross-bearer procession of black limousines
A teacher-preacher will meet you at school
Go to class - bring him money!

Patriarch Gundyaev believes in Putin
Bitch, better believe in God instead
The belt of the Virgin can’t replace mass-meetings
Mary, Mother of God, is with us in protest!

(Chorus)

Virgin Mary, Mother of God, put Putin away
Рut Putin away, put Putin away

(end chorus)


2.
Bryan Adams, The Beastie Boys, Bjork, Jarvis Cocker, Corinne Bailey Rae, Cornershop, Die Antwoord, Faith No More, Stephen Fry, Peter Gabriel, Genesis, Jón Gnarr, the Mayor of Reykjavík, Kathleen Hanna, Peter Hammill, Zola Jesus, The Joy Formidable, Alex Kapranos of Franz Ferdinand, Warren Kinsella, Mark Knopfler, Courtney Love, Madonna, Johnny Marr, Ana Matronic, Paul McCartney, Kate Nash, Yoko Ono, Peaches, Red Hot Chili Peppers, Iiro Rantala, Rise Against, Patti Smith, The Squids, Sting, Neil Tennant of the Pet Shop Boys

3.
Raze the Pavement

The Egyptian air is good for the lungs
Do a Tahrir on the Red Square
Spend a violent day among strong women
Look for scrap on the balcony, raze the pavement

It is never too late to become a dominatrix
The bludgeons are loaded, screams get louder,
Stretch the muscles of your arms and legs
The cop is licking you between the legs

The toilets are clean, chickens are in their civvies,
Specters of Zizek washed away in the toilets
Khimki Forest plundered, Chirikova banned from elections,
And the feminists sent home on maternity leave.

4.
Death to Prison, Freedom to Protest

The joyful science of occupying squares
The will to everyone’s power, without damn leaders
Direct action – the future of mankind!
LGBT, feminists, defend the nation!

Death to prison, freedom to protest

Make the cops serve freedom,
Protests bring on good weather
Occupy the square, do a peaceful takeover
Take away the guns from all the cops

Death to prison, freedom to protest

Fill the city, all the squares and streets,
There are many in Russia, beat it,
Open all the doors, take off the shoulder straps
Taste the smell of freedom together with us

Death to prison, freedom to protest

5.
'Putin Lit Fires'
[Google translation of the lyrics into English.]

State more time in prison
The more arrests - more happiness
And every arrest - with a love of sexist
After swinging his cheeks, as the chest and abdomen

But we can not be resealed in the box
Security officers overthrew the better and more

Putin ignites the fires of revolution
He was bored and frightened people in the silence
Whatever punishment he had - that rotten ash,
With no time in many years - the subject for wet dreams

Chorus.
The country is, the country goes to the streets with audacity
The country is, the country is going to say goodbye to the regime,
The country is, the country is a wedge of feminist
And Putin is Putin goes, leave cattle

Arrested on May 6 the whole city
7 years we have little, give me 18
The ban yelling, slander, and walk,
Take his wife's dad Lukashenko

Chorus 2 times.
[SEO Tags] Pussy Riot, Russian feminist punk-rock band, Nadezhda Tolokonnikova, Yekaterina Samutsevich, Maria Alekhina, Vladimir Putin, Russia , www.boondi.lk, Sri Lankan News and Reviews, Arts, Literature, Politics
  ප්‍රතිචාර ද්වාරය  
5 Comment(s)| ප්‍රතිචාර
මාර්කේස්ගේ සමුගැනීමේ ලිපියෙන්.| Personal Quotes
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප ගන්නා දුෂ්කර ක්‍රමවේදය හරහා බැව් බොහෝ දෙනා නොදනිති.