|
|
|
|
 
|
| ක්ලෝප්රොමයිසින් තීන්ත කුප්පිය |
| |
 |
|
"මම උඹව දික්කසාද කරන්නේ නැහැ. පුළුවන් දෙයක් කරපං."
ඔහු දුරකතනය විසන්ධි කළේය. ඩිස්පෙන්සරියේ දොරගුළු ලෑවේය. මෝටර් රථය තුළට වන්නේය.රිය පණ ගැන්විණි. මොටෝරිය සීඩී ධාවකයේ තැටිය මතින් සීටී ප්රනාන්දු සිය මධුර ස්වරය අවදි කරයි. තාර පාරේ අඳුරු වාටි අස්සෙන් සීටී ගේ රුව මතුවෙයි. සුමධුර හඩ රිය ඇතුළ සනීප කුෂන් මතුපිට හැපෙමින් කන් පුරවයි.
"මා කුඹුරේ සිට මුළු දවසේ - දෑත දෙපා වෙහෙසී
පැලට යන්නෙමි මම මගේ - සැන්දෑ වුනා සුහදේ"
ගීතය මාරු වේ. |
|
|
|
|
"සාගරිකා ඔයා අද ඩියුටි ද? ඔන් කෝල් ද ආ...නැද්ද? හරි....ආ එහෙනම් ඔයා එන්න ෆුඩ් සිටි එකට. මම එනවා එතනට. මට විනාඩි හතලිස් පහක් දෙන්න..."
සැන්දෑව අහසේ දළුලමින් වැඩෙයි.
"අමතන්නට හැකි බසක් සොයා - හැඟුම් කියන්නට වදන් සොයා
ඇවිදින විටදී දිවි කතරේ - ඊයේ දුටු ලොව වෙනස් වෙලා
බාල වියේ දුටු කුරුල්ලන් කෝ - බාල වියේ දුටු හඳ තරු කෝ
ඒවා කොතැනක සැඟවී දෝ - මා සිත රන් රූ කෝ"
"මචං ජීවිතේ මට එපා වෙලා... කිසිම දෙයක් කරගන්න හිතට නිදහසක් නැහැ. අරකි අදත් ෆෝන් එකෙන් වලි. ඩිවෝස් ඉල්ලනවා... බලහං මගේ එක්සෑම් එකත් ඇනිලා ...කවද මේ කරුම විභාග ඉවර කරගන්නද මචං... මම පීපී එකත් වහල දැම්මා.
 |
|
|
 හකාවතී |
|
Updated on : 2010-07-28 23:21:18 | [Tags] Sri Lankan Short Stories, Sinhala Short Stories |
|
|
|
|
|
'හොත් පොර'(ණ) ඇදුරු වත|
මහාචාර්යවරු හිටගෙන කරන විට චූලාචාර්යවරු දුව දුව කරති!! |
| |
 |
|
මෙලොවෙහි කිසිදු අලුත් දෙයක් නැත. ඇත්තේ එකම පරණ ලෝකයයි. එහෙත් එය අලුත් ආකාරයකින් දැකීමට ඇතැමුන්ට හැකියාව ලැබී තිබේ. එසේ දැකිය යුත්තේ තමන්ගේම ඇසින් විනා අනිකකුගේ ඇසින් නොවේය යනු කලා නිර්මාණ හා සාහිත්යය සම්බන්ධයෙන් පවතින ප්රචලිත අදහසකි. අනුන්ගේ ඇසින් ලොව දකින්නා කවියෙක් නොවේ. ඔහු කුකවියෙකි යනුවෙන් කුමාරතුංග මුනිදාස මහතා පැවසූයේ ශ්රී රාහුල හිමියන් කාව්යශේඛරය ලිවීමේදී එකල ප්රසිද්ධ ලේඛකයන්ගේ පොත්වල ආ අදහස් ඒ ආකාරයෙන්ම උපුටාගෙන ඇතැයි පෙන්වා දෙමිනි. "එක පොතකින් කරුණු ගැනීම සොරකමකි. පොත් ගණනාවකින් ගැනීම පර්යේෂණයකි" යනුවෙන් පැවසෙන කියමනක් ඉංග්රීසි උගතුන් අතර තිබේ. මක්නිසාද යත් බොහෝ පොතපත කියවා කරුණු උකහා ගැනීමෙන් අලුතින් තර්ක ගොඩ නැගීමට මග පෑදෙන බැවිනි.
Plagiarism හා academic dishonesty යන යෙදුම් ලොව පුරා අධ්යාපන ක්ෂේත්රයෙහි භාවිතා වන බැවින් ඒවා නොදන්නා අය අධ්යාපන ආයතනවලින් බලාපොරොත්තු විය නොහැකිය. මේ යෙදුම් දෙකින්ම අදහස් වන්නේ ලිපිලේඛන හා පොත්පත් පළ කිරීම්වලදී අපේක්ෂා කරන ගුණධර්මයකි. එනම් නව අදහස් මතවාද පැවසීමට තමන් කියවූ පොතපත මොනවාදැයි අවංකව ලොවට හෙළිකිරීමයි. |
|
|
|
|
එහෙත් මේ වචනවල තේරුම් නොදන්නා අය හමු විය හැක්කේද ශ්රී ලංකාවේ විශ්ව විද්යාලවලින් පමණක් වීම හාස්යජනකය. විශ්වවිද්යාල ආචාර්යවරුන් අතර පමණක් නොව ලේඛකයන් හා ගත්කතුවරුන් අතරද මේ අවංකභාවයෙන් තොරවූවන් සිටින අන්දම වරින් වර වාර්තා වෙයි. මේ සම්බන්ධ ප්රකට නඩු තීන්දු කිහිපයක්ද තිබේ. මලල්ගොඩට එදිරිව විඡේසුරේන්ද්ර ලොකුගේ යන නඩු තීන්දුව ඒ අතරින් ප්රසිද්ධය.
|
|
|
|
සුනෙත් ප්රියදර්ශණ |
|
Updated on : 2010-07-28 00:37:49 | [Tags] Sri Lankan Universities, Sri Lankan Professors, Plagiarism and Acasemic Dishonesty of Sri Lankan University teachers |
|
|
|
|
|
|
සිහිනයත් අප සමග
මිය ගියා නොවේද? |
| |
 |
|
බාර් එකේ හුළං කට පැත්තට මුහුණ හරවා ක්රිෂ් ඈනුමක් ඇරියා. කෝලි ෂර්ට් එකේ බොත්තම් ගලවගෙන පූහ්-පූහ් ගගා පිඹිමින් අත් දෙකෙන් පවන් සලා ගත්තා. පතෝ එම්.එස්. ගේ සිංදුවක තාලෙ අල්ලන ගමන් බිමට සවිකර ඇති ලී පටිවලට පයින් අනින්නේ මේසය උඩ තියෙන වීදුරුත් ටක-ටක ගා සිංදුවෙ තාලෙට සොලවමින්. සූසා මනෝ ලොකෙ ගුලි ගැහිල. අපි ඉඳගෙන ඉන්න පසුබිමේ ඔලුගෙඩි සයිස් අකුරෙන් තියෙන ''මෙතන හුජ්ජ කිරීම බල්ලන්ට පමණයි''- |
|
|
|
|
-කියලා ලියපු බෝඩ් එක දිහා බලාගෙන කෝලි මුල්ලක් අල්ලා පම්ප් කරන්න ගත්තා. ''අඩෝ වල් බල්ලනේ තොපි අද යන්නෙ කන් සාක්කුවෙ දාගෙන'' සූසා අතපය දිගෑරල කෑ ගහල කිව්වා. එතකොටම පතෝ පටන් ගත්ත,
"බෝතලෙ ගනිං මචං
අඩියක් ගහමු මචං
බයිට් එකක් ගෙනෙං මචං
සිගරට් එකක් දියං මචං
එහෙනං මචං-ගහමු මචං
චියර්ස් මචං-චියර්ස් මචං...."
ධර්මෙ අයිය දෙවෙනි බෝතලෙත් ගෙනත් තිබ්බා.
|
|
|
|
සංජීව මූණමල්පෙ |
|
Updated on : 2010-07-27 03:21:49 | [Tags] Sri Lankan Short Stories, Sinhala Short Stories |
|
|
|
|
|
'ෂිරින්'- චිත්රපටයක් නැති චිත්රපටයක්|
කියරොස්තාමි නම් වූ සංකේතීය පීඩකයා |
| |
 |
|
ඉරාන සිනමා පතාකයෙක් වන අබ්බස් කියරොස්තාමිගේ ෂිරින් සිනමා පටය එවැනි සිනමා ආකෘතියක් නියෝජනය කරන එම වංශයේ එකම සහ ප්රථම කෘතිය ලෙස මට දැනේ. 1975 ඉන්ග්මාර් බර්ග්මාන් ගේ ද මැජික් ෆ්ලූට් නම් වූ සිනමා සිත්තමේ කිසියම් ඡායාමය අත්දැකීමක් හෝ අනුභූතියක් හේතුවෙන් කියරොස්තාමී ෂිරින් නිර්මාණය උදෙසා ආභාෂයක් ලබන්නට ඇතැයි යන අනුමානය මේ සිනමා කෘති එක ළඟ තබා බැලූ විට පෙනී යයි. සැබැවින්ම ෂිරින් සිනමා කෘතියේ අන්තර්ගතය වන්නේ ඉරානයේ සුප්රකට පුරාණෝක්තිගත අතිශය රමණීය ප්රේම වෘතාන්තයක් වන කොෂ්රොව් සහ ෂිරින් පෙම් පුවතය. |
|
|
|
|
මෙම පෙම්පුවත ළගන්නා සුළු කාව්යයක් බවට පත්වන්නේ ප්රකට ඉරාන කවියකු වන නේසාමි ගන්ජාවි [1141-1209] අතිනි. පෙම්පුවත කොතරම් මනරම් වුවද ෂිරින් සිනමා පටයේ ප්රේක්ෂකයාට දැක ගත හැක්කේ එම ප්රේම වෘතාන්තය කේන්ද්රීය වූ නාට්යයක් නරඹමින් සිටින එකසිය ගණනක් වූ ප්රේක්ෂිකාවන්ගේ මුහුණුය. කියරොස්තාමිගේ ෂිරින් සිනමා පටයේ ආරම්භක රූප රාමුවේ සිටම දැකිය හැකි වන්නේ විවිධාකාර වූ නාට්යමය අවස්ථා උදෙසා සිය චිත්තාභ්යන්තරයේ හට ගන්නා සංවේදනයන් මුහුණින් පළ කරමින් සිටිනා ප්රේක්ෂාගාරයක සමීප මුහුණු දසුන්ය.
ෂිරින්ගේ පෙම්පුවත තිරය මත දිගහැරෙන්නේ එහි නාට්යමය හඩපටය ලෙසිනි. එම හඩපටය ඔස්සේ සිදුවීම් චැනලයක් නිර්මාණය කරන අතර එම ශාබ්දික සිදුවීම් ඔස්සේ ස්ත්රී මුහුණු තුළින් පරාවර්තනය වන හැඟුම් විසින් දෙවන චැනලයක් නිර්මාණය වෙයි. මෙම චැනල දෙක හරහා ප්රේක්ෂකයා එම පෙම්පුවත මනසින් නිර්මාණය කර ගැනීමේ අභ්යාසයකට යොමු කරවයි.
|
|
|
|
ඊ ඒ ඩෝසන් ප්රීති |
|
Updated on : 2010-07-26 23:24:16 | [Tags] Shirin 2008, Film by Abbas Kiarostami, Iranian Cinema |
|
|
|
|
|
අපිව බිහි කරන්නෙ වාමාංශික මතවාද...|
මහාචාර්ය එම්. ඒ. නුහ්මාන් සමග කතාබහක්
|
| |
 |
|
ජාත්යන්තර මට්ටමේ දෙමළ කවියකු ලෙස අවිවාදයෙන් පිළිගැනෙන මහාචාර්ය එම්. ඒ. නුහ්මාන් කවියෙක්, කෙටිකතා කරුවෙක්, විචාරකයෙක් මෙන්ම ප්රමුඛ පෙළේ විද්වතෙක් ද වේ. පේරාදෙණිය විශ්වවිද්යාලයේ දෙමළ භාෂාධ්යනාංශයේ අංශාධිපතිව සිට ඉතා මෑතක විශ්රාම ගත් මහාචාර්ය නුහ්මාන්, මේ වන විට ආරාධිත මහාචාර්යවරයකු ලෙස පේරාදෙණිය විශ්වවිද්යාලය ඇතුළු ආයතන රාශියක් තුළ කටයුතු කරමින් ස්වකීය වගකීම් නොපිරිහෙළා ඉටු කරමින් සිටියි. හැත්තෑව දශකයේ සිට දෙමළ කවි කෙත පෝෂණය කරමින් ඔහු විසින් ලියන ලද පද්ය සංග්රහයන් අතර, ''තාත්තාමාරුම් පේරර්හලුම්'' (සීයාවරු සහ මුණුබුරෝ),- |
|
|
|
|
-''ආලියා නිළල්හල්'' (නොමැකෙන සෙවණැලි) සහ ''මාලෙයි නාට්කල් වරුම්'' (වැසි දවස් පැමිණේවි) යන කෘතීන් කැපී පෙනේ. සමාජවාදී චින්තනය ස්වකීය නිර්මාණකරණය සඳහා මුඛ්ය අනුභූතිය කොටගත් මහාචාර්ය නුහ්මාන් අතින් පරිවර්තිත සටන්කාමී පලස්තීන කවි රාශියක් ද දෙමළ සාහිත්ය සඳහා දායාදව ඇත. පොදුවේ සමස්ත දෙමළ කවිය පිළිබඳවත්, ශ්රී ලාංකීය දෙමළ කවිය පිළිබඳවත් පෞද්ගලික වශයෙන් ඔහුගේ කවිය පිළිබඳවත් මහාචාර්ය එම්. ඒ. නුහ්මාන් සමඟ ප්රසාද් නිරෝෂ බණ්ඩාර රාවය වෙනුවෙන් කළ සංවාදයකි මේ.
•''තොල්කාප්පියම්'' වැනි ග්රන්ථයන්හි නිර්දේශිත, වීරත්වය හා ශ්රේෂ්ඨත්වය නිරූපණය කෙරුණු පද්ය රචනා විශේෂයක් වූ ''පුරම්'' කාව්යන්ගෙන් සහ ප්රේමය හා කාමය නිරූපණය කෙරුණු පද්ය රචනා විශේෂයක් වූ ''අකම්'' කාව්යයෙන්ගෙන් සංගෘහිත සංගම් සාහිත්යයෙන්ද, සංස්කෘත කාව්යාභාසයන් රැගෙන බිහි වුණු උපදේශ හා මහාකාව්යාකෘතීන් ද පදනම් කොටගත් දෙමළ කවියේ කාව්යානුභූතීන් ඉන් විතැන්ව තත්කාලීන සමාජ දේශපාලනික යථාර්ථයන් පිළිබිඹු කිරීම සඳහා හැඩගැහෙන්නෙ කොහොමද?
දෙමළ කාව්යයේ ඉතිහාසය දිහා බලනකොට පේන්න තියෙන දෙයක් තමයි , එය අවුරුදු එය දෙදහසක් ඉක්මවා ගිය දිගු ඉතිහාසයකට උරුමකම් කියන එක. එතනදි ඔබ කියූ ඔය ''අකම්'' සහ ''පුරම්'' යන වෙනස්කම් එක්තරා අතකට දෙමළ කවියේ නිර්දේශයන් ලෙස සලකනවාට වඩා ඒවා කවිය හදාරන්නන් විසින් කවියෙහි ඇති සියුම් ලක්ෂණ දෙස බලලා කළ බෙදීමක් කියලා සලකන එක වඩාත් හොඳ බවයි මගේ හැඟීම. ඒ අනුව, ලිංගිකත්වය කාමය ආදිය පදනම් කොටගත් කවි මූලික යුගයන් තුළ අකම් ලෙස හැඳින්වුණ අතර යුද්ධය සහ වීරත්වය වැනි කරුණු පදනම් කොටගත් නිර්මාණ පුරම් කාව්ය ලෙස හැඳින් වුණා. මේවා තවත් අතකට අභ්යන්තරික හා බාහිර සංකල්පයන් ලෙසත් හඳුනා ගන්න පුළුවන්.
|
|
|
|
ප්රසාද් නිරෝෂ බණ්ඩාර |
|
Updated on : 2010-07-26 21:51:21 | [Tags] An interview with Professor M. A. Nuhman, Sri Lankan Tamil Poetry, Sri Lankan Tamil Literature |
|
|
|
|
|
|
"අමුතු ඉලන්දාරියා"|
ෂ්යාම් සෙල්වදුරයි සමග කතාබහක් |
| |
 |
|
සුගතපාල ද සිල්වා "අමුතු ඉලන්දාරියා" නමින් සිංහලයට නැගූ ෂ්යාම් සෙල්වදුරයි ගේ "ෆනී බෝයි" [Funny Boy - 1994] ලෝ පුරා සහස් සංඛ්යාත පාඨක ජනයාගේ අවධානයට පාත්ර වූ නවකතාවකි.
පසුගාමී සංස්කෘතික කතිකා තුළ කෙවිටෙන් ගෙන බැහැර කෙරෙන "ගැරඬි කුණක්" වූ, සමලිංගිකත්වය පිලිබඳ මානුෂික විවරණයක් ගෙන එන මේ කෘතිය, ඒ හා සමාන්තරව ලංකාවේ දෙමළ ජනතාව අසූව දශකයේ මුල භාගයේ ලාංකේය පොළව මත මුහුණ දුන් බිහිසුණු ඉරණම ගැන ද කතා කරයි. |
|
|
|
|
පහත එන්නේ, 1996 දී Ray Deonandan විසින් ෂ්යාම් සෙල්වදුරයි සමග India Currents Magazine වෙනුවෙන් පවත්වන ලද කතාබහක සංක්ෂිප්ත පරිවර්තනයකි.
• "ෆනී බෝයි" කෙතරම් දුරකට ස්වයං ලිඛිත චරිතාපදානයක් ද?
මම සමකාමියෙක්. පොතේ චරිතය- 'අර්ජි' කියන්නෙත් සමකාමියෙක්. මම ශ්රී ලාංකික දෙමළ සහ ඔහුත් එහෙමයි. අපි කැනඩාවට ආවා; පොතේ අවසානයට ඔවුනුත් කැනඩාවට එනවා. සමානකම් ලෙස දැක්විය හැක්කේ ඒ දේවල් තමා.
• ඔබේ පවුලේ තත්ත්වය මේ පොතේ කතානායකයාගේ පවුලේ තත්ත්වයෙන් වෙනස් වුනා ද?
ඔව් මුළුමනින් වෙනස්. මගේ පවුල මේ තරම් ගතානුගතික පවුලක් නොවෙයි. ඇත්තටම මගේ පවුල ටිකක් අසාමාන්ය පවුලක්. අපි මිශ්ර විවාහයක දරුවෝ. මගේ පියා දෙමළ සහ මගේ මව සිංහල. එනිසා එක්තරා විදිහක විශේෂයක් තිබුණා; අපි දැන ගෙන හිටියා අපේ වයසෙ අනෙක් ළමයින්ට වැඩිය අපි වෙනස් බව.
|
|
|
 පරිවර්තනය - කූඹියා |
|
Updated on : 2010-07-25 23:01:54 | [Tags] Funny Boy (1994), Shyam Selvadurai, Sri Lankan Canadian novelist, Interview by Ray Deonandan, India Currents Magazine |
|
|
|
|
|
| ශක්තිකගේ කළු මකරා- විමසුමක් |
| |
 |
|
ශක්තික සත්කුමාර සිය දෙ වන කෙටිකතා සංග්රහය කළු මකරා නමින් එළිදක්වා ඇත. ඔහු කැලණිය විශ්ව විද්යාලයේ විශේෂවේදී සිංහල විෂය හදාරමින් සිටින තෙවන වසර ශිෂ්යයෙකි. මෙම තරුණ කලාකරුවා සිය නිර්මාණය දෙස බලන අයුරු කෘතියේ සංඥාපනයෙහි මෙසේ දක්වා තිබේ: “මේ මාගේ නිර්මාණ දිවියේ අභ්යාස කාලයයි. “සිව්වන පරපුර” මෙන් ම “කළු මකරා” ද ඒ අභ්යාසවල ප්රතිඵල පමණි.” සාහිත්යය සම්බන්ධයෙන් බරපතළ අධ්යයනයක අවශ්යතාව ගම්ය කෙරෙන එම ප්රකාශය කලාකරුවාගේ නිහතමානීත්වයට දෙස් දෙන මුත් එකී ප්රකාශය න්යායික දෝෂයකින් කැලැල් ව ඇත. සාහිත්යකරුවකුගේ නිර්මාණ ජීවිතය “අභ්යාස කාලය” සහ “පරිණත කාලය” ලෙසින්- |
|
|
|
|
-ඛණ්ඩනය කළ නො හැකි ය. මන් ද ඔහුගේ සෑම නව නිර්මාණයක් ම නව්ය අභ්යාසයක් බැවිනි. ඔහු තමාට අභිමුඛ වන නව්ය අන්තර්ගතයන් විනිවිද දකින්නට ප්රයත්න දරයි; එම අත්දැකීම් කලාත්මක ව ප්රකාශයට පත් කරනු වස් පවතින කලාත්මක තාක්ෂණය සමතික්රමණය කරයි. එහෙයින් කලාකරුවකුගේ නිර්මාණ අභ්යාසයට නැවතුමක් නැත. එය එක ම දීර්ඝ අභ්යාසයකි. ඔහු තමාගේ ම පූර්ව නිර්මාණ ද තත්කාලීන ලෝක සාහිත්ය නිර්මාණ ද ඇසුරු කරමින් ඒවා ඉක්මවා යෑමට අඛණ්ඩ ව වෙර දරන්නෙකි. මේ කරුණ ඉස්මතු කිරීම අවශ්ය වනුයේ කලාකරුවකු සිය කෘතිය තම අභ්යාස කාලයට අයත් එකක් ලෙස සංලක්ෂණය කර ගැනීමේ බරපතළ අනතුරක් ඇති බැවිනි. ඒ අනතුර නම් සිය කෘතියේ ගුණාත්මක භාවය පිළිබඳ ව අත්යවශ්ය වූ බරසාර ආකල්පයක් නො ගෙන එය සැහැල්ලුවෙන් සැලකීමට ඉන් ඉඩ හසර පෑදීමයි. එය කලාකරුවා අගාධයකට ඇද දමයි.
|
|
|
|
ජස්ටින් පියරත්න |
|
Updated on : 2010-07-25 22:00:12 | [Tags] "Kalu Makara" a collection of Sinhala Short Stories by Shakthika Sathkumara |
|
|
|
|
|
VIVA CHE! [2 කොටස]
ඉතිහාසය වෙනස් කළ සයිකල් සවාරිය |
| |
Andrew Sinclair විසින් සංස්කරණය කරන ලද, VIVA CHE! [The Strange Death and Life of Che Guevara] කෘතියෙහි පරිවර්තනය |
පළමු කොටසට මෙතනින් යන්න. |
|
|
 |
|
ඇල්බර්ටෝ ග්රෙනාඩෝස් [ALBERTO GRANADOS] මෙසේ කියයි:
අර්නෙස්ටෝ සහ අප අතර තිබූ ප්රධානතම සමානකමක් වූයේ ක්රීඩාශීලීත්වයයි. මුළු ජීවිත කාලය පුරාම චේ ඇදුම රෝගයෙන් පීඩා විඳි බව ප්රකට කරුණක්. එසේ තිබියදී පවා ඔහු ක්රීඩාවට ඇලුම් කළා. කාව්ය සහ ක්රීඩාව අතර දෝලනය වූ අධ්යාපනය මගින් ඔහුට අධ්යාත්මික උත්තේජනයක් ලැබුනා. එයින් ඔහු ශාරීරිකව ශක්තිමත් වුනා. අර්නෙස්ටෝ තුළ තිබුණු සංචාරයටත් අනතුරුදායක ක්රියාකාරකම් වලටත්- |
|
|
|
|
-වූ ගිජුකම මේ ක්රීඩාශීලීත්වයේම දිගුවක්. ඔහු උසස් විද්යාලයේත් මම විශ්ව විද්යාලයේත් ඉගෙන ගනිමින් සිටි නමුත්, කෙමෙන් අප එකිනෙකාගේ සමාගමය ප්රිය කරන මිතුරන් බවට පත් වුනා. ඔහුගේ බුද්ධිමත්බව සහ දැනුම හඹා යාමේ ලොල් බව නිසා අපි සියල්ලෝ ඔහුව ප්රිය කළා. මම අර්නෙස්ටෝගේ සහෝදරයාගේ පුස්තකාලයට නිතර නිතර ගියා. බොහෝ පොත්වල පළමු කියවන්නා වූයේ අර්නෙස්ටෝ. දෙවැනි කියවන්නා වූයේ මමයි. හැම ආකාරයකින්ම සුවිශේෂී වූ අනාගත ජීවිතය වෙනුවෙන් කිසියම් වූ බුද්ධිමය ඉවක් චේ ළඟ තිබුනාය කියා මට හිතෙනවා.
ඔහු අපිත් එක්ක රට තුළට ගියපු සංචාර වලින් සතුටු වුනා. ඉගෙන ගත්තා. පස්සෙ කාලෙක අපි දෙන්නා මහාද්වීපය හරහා ගිය ප්රකට මෝටර් සයිකල් සංචාරයට මේ හැම මුල් කාලීන අත්දැකීමක්ම උදවු වුනා. ඊටත් අවුරුදු ගානකට පස්සෙ සටන් බිමේ ගරිල්ලාවෙකු විදිහට චේ කළ වැඩ කොටසෙදි වුනත් මේ සවාරි වලින් ලැබුණු පන්නරය වැදගත් වුනා. උදාහරණයකට, ඉතාම අඩු ආම්පන්න ගණනකින් ටෙන්ට් එකක් (කූඩාරමක්) අටවා ගන්නා විදිහ ගැන මුල්ම පාඩම අපි ඉගෙන ගත්තේ මේ සංචාර වලින්. ඒවා ඒ දිනවල හුදෙක් එකාකාරී එදිනෙදා නාගරික ජීවිතයෙන් පළා යන්න කරපු ''කොලු වැඩ'' වුනත්, අපිත් නොදැනුවත්වම අපේ ඉලක්ක වලට යන්නට ඒවා උදවු වුනා.
|
|
|
|
පරිවර්තනය - කූඹියා |
|
Updated on : 2010-07-22 22:13:29 | [Tags] Ernesto Che Guevara, Alberto Granado, Travelling with Che Guevara: The Making of a Revolutionary, |
|
|
|
|
|
|
| 'Gang of Seven' කොල්ලන්ගේ චිත්රපට පිස්සුව |
| |
 |
|
උසස් පෙළ පන්තියේ සිටියදී මගේත් මගේ මිත්රයා උදය ලක්ෂ්මන් ගේ ත් ඒකායන බලාපොරොත්තුව වූයේ චිත්රපටයක් තැනීමය. අපි චිත්රපට පිස්සෝ වූයෙමු. එයට බලපෑ ප්රධානම කාරණයක් වූයේ උදය ප්රවීණ කැමරා ශිල්පියකු නිෂ්පාදවරයකු හා අධ්යක්ෂවරයකු වූ එම් එස් ආනන්දන් ගේ බෑණා වීමයි. ඒ කාලයේ ජනප්රිය ළමා නිළියක වූ ශ්යාමා ආනන්දන් උදයගේ නෑනා විය. |
|
|
|
|
ඒ කාලයේ ඔවුන් පදිංචිව සිටියේ මරදානේ යුනියන් ප්ලේස් හි ය. ඔවුන්ගේ වින්ජය මෝටර්ස් නම් වූ වාහන අමතර කොටස් වෙළඳ ව්යාපාරය පවත්වාගෙන ගිය ගොඩනැගිල්ලේ උඩු මහලේ වූ ඔවුනගේ නිවසට මා උදය සමඟ ගියා තවමත් මතක ය.
එම් එස් ආනන්දන් අති දක්ෂ කැමරා ශිල්පියකු වුව ද ඔහු තැනු චිත්රපට ජනප්රිය ගණයේ ඒවා විය. ඔහුගේ චණ්ඩි ශ්යාමා වැනි චිත්රපට ඒ යුගයේ ආදායම් වාර්තා තැබුවේ ය. චිත්රපටයක් මුල් වටයේ ප්රදර්ශනය වන විට ප්රධාන සිනමා ශාලාවෙන් එය ගැලවී යාම වැළැක්වීම සඳහා නිෂ්පාදක වරයාම මුදල් යොදවා ප්රවේශපත්ර මිලට ගෙන දන්නා හඳුනන අයට බෙදා දීම එදා ද සිදුවිය. ඒ නිසා අපි මරදානේ එල්පින්ස්ටන් සිනමා ශාලාවේදී චණ්ඩි ශ්යාමා චිත්රපටය කීපවාරයක්ම නැරඹීමේ අවස්ථාව ලද්දෙමු.
අපේ අම්මාගේ අයියා වූ නැසී ගිය ස්ටීවන් ගුණතිලක මාමා අති දක්ෂ චිත්ර ශිල්පියකු විය. (චිත්ර ශිල්පයේ අයන්න මට ඉගැන්නුවේ ඔහු ය. ඒ ගැන සදා ඔහුට කෘතවේදී වෙමි) ඇල් ඇම් පෙරේරා අධ්යක්ෂණය කළ හතර කේන්දරේ හතර පෙරළිය හතර මහා නිධානය වැනි චිත්රපට වලත් කේ ඒ ඩබ්ලිව් පෙරේරා අධ්යක්ෂණය කළ බොහෝ චිත්රපට වලත් කලා අධ්යක්ෂ වරයා වූයේ අපේ මාමා ය.
|
|
|
|
ජගත් ඡේ එදිරිසිංහ |
|
Updated on : 2010-07-21 21:40:01 |
|
|
|
|
|
|
| මනෝ චිකිත්සක උපදේශනයේ ඛේදවාචකය |
| |
 |
|
පසුගිය වසරේ මගේ මිත්රයෙක් ඔහුගේ බෑණාට රැකියාවක් සොයා දෙනමෙන් මගෙන් ඉල්ලීමක් කළේය. ඔහුගේ ජිව දත්ත සටහන අනුව මට පෙනීගියේ ඔහු වැඩි උගත්කමක් නැති අ.පො.ස.(සා.පෙළ) පමණක් සමත් අයෙකු බවය. කෙසේ වෙතත් ඔහුට උපකාරයක් කිරීමේ අභිලාශයෙන් යුතුව මම ඔහුව දන්නා හඳුනන ව්යාපාරිකයෙකුට යොමුකොට විකුණුම් නිලධාරියෙකු ලෙස පත් කිරීමට කටයුතු කරමෙන් ඉල්ලීමි. රැකියාව ලැබුනත් ඔහුට එය වැඩි කල් පවත්වාගෙන යාමට නොහැකි විය. අකාර්යක්ෂමතාව හේතුවෙන් ඔහුව රැකියාවෙන් නෙරපන ලදී. කණගාටුවට පත්වූ මා පරිගණක පාඨමාලාවක් හදාරා තව තවත් සුදුසුකම් සපුරාගන්නා ලෙස ඔහුට අවවාද කලෙමි. |
|
|
|
|
මෑතකදී බලාපොරොත්තු රහිත ලෙස මට ඔහු මුණගැසුණු අතර මගේ අවවාද අනුව කටයුතු කලේදැයි විමසා සිටියෙමි. ඔහුගේ පිළිතුර වුයේ, ඔහු දැනට මනෝ චිකිත්සක උපදේශකයෙකු ලෙස සේවය කරන බවත්, ඔහුගේම මනෝ චිකිත්සක ආයතනයක් පවත්වා ගෙන යන බවත්ය. මෙම ප්රකාශයෙන් අතිශය පුදුමයට පත් මා, මනෝ චිකිත්සක උපදේශන සඳහා පුහුණු වුයේ කෙසේදැයි ප්රශ්න කෙළෙමි. ඔහු මට පවසා සිටියේ ඔහු ඩී. එස්. රණවක මහතා යටතේ ශ්රී ලංකා වෘත්තීය මනෝ චිකිත්සන උපදේශක ජාතික ආයතනයේ පුහුණු පාඨමාලවක් හැදෑරූ බවත්, එහිදී ලද සහතිකය යටතේ ඔහු පුද්ගලික උපදේශන සේවයේ යෙදෙනබවත්ය. තවදුරටත්, ඔහු මහත් අභිමානයෙන් කියා සිටියේ දිනකට රෝගීන් 15-20 අතර ප්රමාණයකට ප්රතිකාර කරන බවත්, ඉන් සැහෙන ආදායමක් ලබන බවත්ය.
|
|
|
|
වෛද්ය ලලිත් පෙරේරා |
|
Updated on : 2010-07-20 23:18:52 | [Tags] Counselling or playing with mental health in Sri Lanka, D. S. Ranawaka, Thimbiriyagama Bandara, Ravaya |
|
|
|
|
|
|
| පිටුවහලේ ලේඛකයා| ජයසේන ජයකොඩි |
| |
 |
|
නූතන ලාංකීය බෞද්ධ සාහිත්යයේ ප්රඥා මාර්ගය අනුදත් සයිමන් නවගත්තේගම මින් වසර කීපයකට පෙර සිය ආයුසංස්කාරය අත් හලේය. එලෙසම නූතන ලාංකීය බෞද්ධ සාහිත්යයේ භක්ති මාර්ගය අනුදත් ජයසේන ජයකොඩි මින් දින කිහිපයකට පෙර සිය ආයුසංස්කාරය අත්හලේය.
සුජිත් අක්කරවත්තට අනුව සයිමන් ශ්රී රාහුල හිමියන් සේ නූතන ජයවර්ධනපුර ස්ථානගත විය. ජයසේන ජයකොඩි වීදාගම හිමියන් සේ හොරණ ස්ථානගත විය. මේ දෙදෙනා ම සරාගිකත්වය මිනිස් මනස මඩින ආකාරය විවරණය කළෝය. 70 දශකය වන විට සිංහල යතාර්ථවාදී නවකතාවේ වියළිභාවය ඉස්මුරුත්තාවට අවුත් තිබිණි. එයට ඇරුමැසිවාදී ළතෙත් බවක් එක් කළේ ජයසේන ජයකොඩිය. ඔහු ජී.බී.ගේ සාහිත්ය ව්යාපාරයේ ස්ර්පිලාකාර වූ වර්ධනීය අවස්ථාවක් සනිටුහන් කළේය. |
|
|
|
|
ඔහුගේ ගමන් මඟ ගැන විවිධ වූ විවරණ ඇතත් එවැන්නකට මේ කාලය හෝ දීපය නොවේ. එබැවින් එවන් විවරණයකට මා තුළද සූදානමක් නැත.
තමා සමඟ සම්මුඛ සාකච්ඡාවකට ජී.බී. ඒ කාලේ රුපියල් 300 ක් මිළ නියම කළේය. එහෙත් ජයසේන ජයකොඩිට තමාගේ මිළ නියම කළ නොහැකි විය. ඔහුගේ පොත් බුරුතු පිටින් ප්රකාශ වූවද . පාඨකයෝ ඒ වටා රොද බැන්ද ද, ඒවා විදේශ භාෂාවන්ට පරිවර්තනය වූවද ඔහුට නම් සෙතක් නොවීය. ඔහුගේ මෘත ශ්රමයෙන් සංකේත ප්රාග්ධනයෙන් තර වූයේ ඔහුගේ මඩිය නොවේ. ප්රකාශකයාගේ මඩිය තරවීම පසෙක තබා පූජනීය දේශපාලනයක් කරා යන සටන් පාඨය ඔස්සේ ඔහුගේ සාහිත්ය ව්යාපාරය අද්යතන මූලධර්මවාදී රැල්ලට කරබදු විය.
|
|
|
|
කේ කේ සමන් කුමාර [සර්පයා] |
|
Updated on : 2010-07-20 03:44:24 | [Tags] K K Saman Kumara on Jayasena Jayakody, Sarpaya |
|
|
|
|
|
|
හිසට පිටුපසින් වෙඩි තැබීම|
නරුම ඊශ්රායලයේ මුහුදු මංකොල්ලය [2] |
| |
|
මෙම ලිපියේ මුල් කොටස කියවන්න මෙතනින් යන්න. |
|
|
 |
|
වෙඩි තැබීමකින් සිදුවූ මනුෂ්ය ඝාතනයක ස්වභාවය නිවැරදිව තේරුම් ගැනීමට නම් ශරීරයෙහි වෙඩි වැදුණු ස්ථානය, තබන ලද වෙඩි ප්රහාර සංඛ්යාව, ඝාතකයා සහ ඝාතනයට ලක්වූ තැනැත්තා අතර වූ දුර මෙන්ම වෙඩි වැදී ඇත්තේ ශරීරයේ කුමන දිශාවෙන් ද යන්නත් නිවැරදිව විමසා බැලීම අත්යාවශ්ය කරුණකි. එමඟින් එම මරණය අවිඥාණිකව අත් වැරදීමකින් සිදුවූයේ ද,- |
|
|
|
|
-ආත්මාරක්ෂාව සදහා සිදුකරණ ලද්දේ ද එසේ නැතිනම් ඝාතනය කිරීමේ සාහසික අරමුණින්ම සිදුකරන ලද්දේ ද යන්න නිවැරදිව විශ්ලේෂණය කළ හැකිය. එහෙත්, දෙපා වලට ඉහලින් ශරීරයේ ඕනෑම තැනකට ඉතා මෑත දුරක සිට එල්ලකරන ලද, එකකට වඩා වැඩි වූ වෙඩි තැබීමක් සිදුකරන්නේ ආත්මාරක්ෂාව සදහා නොවන බවත් එය ඝාතනයට ලක්වූ තැනැත්තාගේ පිටු පසින් එල්ල කරන ලද්දේ නම්, එවිට එය උවමනාවෙන් කරන ලද සාපරාධී මනුෂ්ය ඝාතනයක් බවත් තේරුම් ගැනීමට ඒ පිලිබද විශේෂඥ දැනුමක් අවශ්ය නොවේ.
ඒ අනුව ඇසින් දුටු සාක්ෂි වලට අමතරව, මධ්යධරණී මුහුදේ දී ඊශ්රායල් කොමාන්ඩෝවරුන්ගේ ප්රහාරයෙන් මියගිය පලස්තීනයේ ගාසා නුවර වෙත සහනාධාර සැපයීමේ ‘ෆ්රීඩම් ෆ්ලොටීලා’ නැව් කණ්ඩායමේ ස්වේච්ඡා සේවකයින් නව දෙනාගේ පශ්චාත් මරණ පරීක්ෂණ වාර්තාව පසුගිය දා නිකුත් වූයේ, එය ඊශ්රායලය විසින් කරන ලද ම්ලේච්ඡ සමූල ඝාතනයක් බවට අවශ්ය සියළුම සාක්ෂි සපයමිනි.
|
|
|
|
(2010 ජූලි 17 දා රාවයේ පළ වූයේ මෙම ලිපියේ සංක්ෂිප්ත සටහනකි) |
|
|
|
මහේෂ් මුණසිංහ |
|
Updated on : 2010-07-18 23:10:36 | [Tags] Furkan Dogan, Rachel Corrie, Gaza Flotilla Attack |
|
|
|
|
|
|
| "සීගිරි ගලේ කවි ලිව්වේ ඩෝල්ටන්" |
| |
 |
|
ගාථා, බණ දහම් හා ජන ව්යවහාර පමණක් නො වේ, වත්මන් නිබන්ධන ද රංචාගොඩ ළමයාට උපයෝගී වෙයි. 'ඩෝල්ටන් කවිය' මීට නිදසුනකි. 'ඩෝල්ටන් කවිය' රංචාගොඩ ළමයා තුළ නිර්මාණය වූයේ සීගිරි ගලේ කවි ලීවේ නුඹයි පුතේ - සාගර මහා වැව් බැන්දේ උඹයි පුතේ ආදී වශයෙන් ගායනය වන පබැඳුමක් ප්රේමදාස සූරීන්ගේ රචනයක් ය යි ගුවන් විදුලියෙන් නිතර ම පාහේ ප්රචාරය වෙමින් තිබුණු දවස්වල ය. ඒ රචනය ඇසෙන හැම විට ම රංචාගොඩ ළමයාට මතක් වූයේ ඩෝල්ටන් අල්විස් කවියා ම ය. රචන ශෛලිය කරණකොට ගෙන ය. |
|
|
|
|
'ප්රේමදාස සූරීන්' ගේ 'ගොළු මුහුද' නව කතාව කියවන විට අරිසෙන් අහුබුදු මතක් වන ලෙසට ය. රංචාගොඩ ළමයා තුළ 'ඩෝල්ටන් කවිය' නිර්මාණය වූයේ ගුවන් විදුලියෙන් ප්රචාරය වූ රචනයේ 'උඹයි පුතේ' යන වචන වෙනුවට ඩෝල්ටන් නම අනුයුක්ත වීමෙනි.
මෙසේ ය,
සීගිරි ගලේ කවි ලිව්වේ ඩෝල්ටන්
සාගර මහා වැව් බැන්දේ ඩෝල්ටන්
දාගැබ් පිළිම ඉදි කෙරුවෙත් ඩෝල්ටන්
පැදුරේ මෙදා නිදියන්නෙත් ඩෝල්ටන්
රචනයේ අග පද්යය හෙවත් විවරණය, පද්යය මෙ සේ රචනය වී දින ගණනාවක් ගත වන තෙක් 'ඇත්ත විශේෂාංගයට ඇතුළු නොවී තිබිණි. "ඇත්ත' විශේෂාංගයට මෙය ඇතුළු වූයේ පුද්ගලයන් වශයෙන් ඩෝල්ටන් අල්විස් හා සිරිලාල් කොඩිකාර දෙ මිතුරන්ගේ හමුවීමකින් පසුවය. හමුව වූයේ 'ඇත්ත' කාර්යාලයය, ඇත්ත පත්තරයට ම හැදූ ගොඩනැගිල්ලේ ඉහළ මාලයක තිබියදී ය.
|
|
|
|
උපුටනය- රංචාගොඩ ළමයා සහ ඇත්ත- සිරිලාල් කොඩිකාර [1995] |
|
|
|
සිරිලාල් කොඩිකාර |
|
Updated on : 2010-07-15 23:14:02 | [Tags] Sirilal Kodikara, Ranchagoda Lamaya saha Aththa, Ranasinghe Premadasa, Dolton Alwis, Ranchagoda Lamaya, Aththa Newspaper, Arisen Ahubudu |
|
|
|
|
|
|
| ඇන්ත්රොපොසෙන්ට්රික් | Anthropocentric |
| |
 |
|
අසීමිත මිනිස් මතකයේ බිඳක රැඳෙන්නාවූ තමාගේ හා අන් අයගේ අත්දැකීම් මඟින් සියල්ල මැන බැලීමට මිනිසා පෙළඹේ. 'Anthropocentric' කෙටි චිත්රපටය එම න්යායේ සරල ප්රතිබිම්භයකි. න්යායේ සරල බව රැක ගැනීම සඳහා මිනිස් සම්බන්ධතාවයන්ගේ සංකීර්ණ නොවූ- |
|
|
|
|
-තත්ත්වයක් වන ගැහැණිය හා පිරිමියා අතර ඇති වන්නාවූ සම්බන්ධතාවය මෙහිදී තෝරා ගැනුණි. කොමෝඩයක් මත අඩ නිරුවතින් හිඳගෙන සිටිනා සාමාන්ය තරුණයා සමාජයේ ප්රධාන පැතිකඩක් නිරූපණය කරන අතර ඔහු තමාගෙ ප්රේමය ජය ගැනීමට ක්රමයක් සොයමින් සිටියි. අසල ජනෙල් පඩියක තිබෙන චුම්භක යුගලය ඔහුගෙ නෙත ගැටෙන්නේ මේ අතරේදීයි. චුම්භකයන්ගේ ආකර්ශනය විකර්ශනය හා තම ප්රේමය අතර යම් කිසි සමාන කමක් දකින්නාවූ හෙතෙම, එක් චුම්භකයකට තමා ආදරය කරන යුවතියද අනෙකට තමාද ආරූඪ කරගනියි. ඉන් න්යායක් ගොඩ නගන ඔහු අවසානයේ තමාගේ පැණයට පිළිතුරක් සොයාගනියි.
|
|
|
|
Watch 'Anthropocentric' in Vimeo |
|
Watch 'Anthropocentric' in UTube |
|
Updated on : 2010-07-14 22:39:15 | [Tags] Anthropocentric Directed by Muvindu "Bo Sedkid" Binoy and Ramesh "Pixel Morph" Laktharu, Short Films |
|
|
|
|
|
|
| දින දෙකයි කාලේ දේසප්රේමියාට සෙනෙහසිනි. |
| |
|
මෙම හසුන තුංමුල්ලේ අහු මුල්ලක බිම වැටී තිබී සොයා ගෙන නම නොදන්නා පාඨකයෙක් විසින් බූන්දියට එවන ලද්දකි. |
|
|
 |
|
දයාබර විමල් මලයා වෙත,
අනේ විමල් මලයෝ, පහුගිය ඉලෙක්සොන් එකෙන් පස්සෙ උඹව අමතක වෙලාම ගිහින් තියෙද්දී තමයි හදිසියේම උඹ නටපු ටිටර් එක ටී. වී. එකේ දැක්කේ. ඒකනම් පංකාදු පහයි. උතුරට බෝම්බ වැටෙන කාලේ මල නාලිකාවලින් පෙන්නපු මලසිරුරු බල බලා නියම ද්වේශප්රේමී ආතල් එකක් ගත්ත දේශප්රේමී ජනතාවට ආපහු කාලෙකට පස්සෙ ආයෙත් ඒ වගේ ආතල් එකක් ගන්න අවස්තාවක් ලැබුනේ උඹ හින්දා. |
|
|
|
|
අනේ අහිතක් හිතන්න නම් එපා. අපි මේ සුමානෙ ගමේ අයත් එක්ක උඹව බලන්න එන්නයි හිටියේ. උඹ ගැන දන්න නිසා උඹ මැරෙන්න නම් යන්නෙ නැති බව දැනං හිටියත් පටන්ගනිද්දී දුන්න ටෝක්ස්වල හැටියට අපි හිතුවෙ අඩුගානෙ දවස් තුන හතරක්වත් අල්ලගෙන ඉඳියි කියලා. ඒකයි ගමන පමා කරේ. ඇත්ත කියපන්, ඔච්චර ඉක්මනට මාරාන්තික එකකටම ගියේ ඔය උඹට උපදෙස් දෙන පැන්ෂන් ගිය දේශප්රේමි බුද්දිමතෙක් උඹට ලනුවක් දුන්නද මූන් කාරයා ඔය කොමිටිය මේ සතියෙ අයින් කර ගන්න යනවා කියලා.
නැත්තම් නවත්තන්න ආවොත් ගිනිතියාගන්නවා කියලා පැස්ටෝල් බෝතල් ගිනිපෙට්ටි ලග තියාගෙන ත්රී ඉඩියට්ස් කියලා බෝඩ් එකකුත් පිටිපස්සෙන් එල්ලාගෙන උඹලගෙ තුන්දෙනෙක් පටන්ගත්ත උපවාසෙ සතියක් විතර ඇදලා ඉවරවෙලා ඕක පටන් ගන්න තිබුනනේ. මුසම්මිල් කෝළම වගේ බාල ගනයේ ටිටර් නටපු උඹලට මෙච්චර ඉක්මනට මේ වගේ මාරාන්තික කෝළමක් නටන්න වෙයි කියලා මම නම් හිතුවෙ නෑ.
|
|
|
|
කාටූනය- ජනරංජන. (රාවයෙන් උගුල්ලා ගන්නා ලදී) |
|
|
|
ලුණුගම්වෙහෙරේ තිලකසිරී |
|
Updated on : 2010-07-13 20:09:05 | [Tags] Wimal Weerawansha Hunger Strike 2010, Cartoon by Janaranjana |
|
|
|
|
| |
